أحببته فجننته بحبي

الحلقة الثانية

وخشت تجري للحوش

مشت لدارها وغيرت ملابسها ودارت دوش وتسطحت ع السرير وقعدت تفكر في محمد.

((محمد في السياره))

محمد في خاطره: شن هالشعور هذا غريب بكل معمري حسيت هكي ف حياتي كلها...

محمد :لاكن البنت طرف اتهبببل بكل اززح 😍...لالا يامحمد تحشم هذي اخت صاحبك زي اختك

محمد وصل للفيله

(( فيلة محمد ))

خديجه: تي وين كااين نتصل بيك متردش بكل اتميز وين ماتبي بعدين اتجينا متاخر..شنو عندكش اهل.

محمد: والنبي اتفوتيني الليله

ومشي لداره وتسطح ع السرير وقعد ايفكر ف اسيل 😍

خديجه : والله هالولد بيجلطني طايش وخلاص...لازم يستقر ويكون روحه.

لحقت عليه وخشت لداره

خديجه: محمد...

(( عند اسيل ))

كاينه متسطحه ع السرير وتفكر ف محمد...بعدين جاعت ونزلت للمطبخ

سالمه كاينه تغسل ف الماعين

اسيل : جعااااانه...

سالمه : هذا اللي فالحه فيه يابايره بطنك بس 😡

اسيل : حراام عليك انا مكليتش ف العرس

اسيل خشت ودارت سندوتش بروحها وخدت بيبسي من التلاجه وبيتزا وطلعت

سالمه: فالحه كان في روحهاا اتقوليييييييييش...

اسيل سمعتها بس تجاهلتها ومشت لخوتها وبوها ف المربوعه.

سراج : وووووووك المطرشقه جتنا

ايوب : 😂 😂 😂 😂 😂

خليفه: صكرفمك يافرخ 😠

خليفه هوا بوي اسيل

اسيل مدت لسانها ع سراج وضحكت

سراج :....

كانو يتفرجو ع مباره جت قعمزت بحداهم وقعدت تاكل..

ايوب : سم ان شاء الله عطيني

اسيل: تحلم

ايوب : خزي.. الحق علياا نسئل فيك انوض اندير بروحي

اسيل: ايوااااه شغل هالدماغ من الاول 👏 💃

ايوب : 😒

خديجه: محمد...

محمد كاين راقد بدبشه وكندرته

جت خديجه واساته وغطاته طفت الضي وطلعت.

(( ف الصبح ))

محمد ناض واسيل قاعده ف ذاكرته دار حمام ولبس سروال جينز ومعاه جاكيت جينز ودار رائحه ولبس سبادروه ابيض وجا بيطلع

خديجه: محمد اسمعني

محمد : نعم

خديجه: بنكلمك ف موضوع

محمد : كان نفس هذاك الموضوع نبيش نتكلم فيه

خديجه: ايه نفس الموضوع...وبنتكلمو فيه بالسيف عليك تبي ولا متبيش... 😠

محمد :ماما الله يخليك شنو اللي مفهمتيش من كلامي...عليش النكد من الصبح

وجا بيطلع من الباب

خديجه: والله كان متجيش لاغضب عليك ليوم الدين

محمد ايحب امه هلبا لانها بنسبه ليه الام والاب وكل شئ

محمد متحملش اللي قلاته....

محمد: باهي انتكلمو لاكن قراري مش حيتغير

خديجه فرحت :باااه تعال

خديجه سبقت محمد لداره وهوا وراها يمشي

شوي طلعت اسراء من دارها

اسراء هي اخت محمد المقربه منه ديمه يحكيلها ويفضفضلها هي وهي اللي ديمه اتساعد فيه وتدعم فيه

محمد شبح ف اسراء وقعد ايكلم فيها بالاشاره (( يبيها اتلهي امه مش يهرب ويطلع ))

اسراء مفهمتش : 😰 😰

محمد استسلم ومشي مع امه..

خديجه:...

محمد: 😱

يتبع

شن توقعاتكم

وديرو تاق لاصدقاء