أحببته فجننته بحبي

الحلقة الرابعة

(( عند اسيل ))

ايوب طلع بكري..اسيل كملت فطورها وغسلت الماعين وخدت الاب توب ومشت لدارها

.............................................................

خشو محمد وسراج للمربوعه

ولع سراج التلفزيون لمحمد وطلع لامه ف المطبخ..

سراج: امي صاحبي جا ديرلنا قهوة

سالمه: ان شااء الله 5 دقائق وتكون واتيه

سراج:بااه 5 د وجايك

)) بعد 5 دقائق ((

سراج: وتيت القهوه

سالمه : ايه.. غير بنحطلكم شكلاته بس

عطاته سفرة القهوة,,,, خداها سراج ومشي للمربوعه.

محمد كاين مقعمز يتفرج ع التلفزيون

خش سراج وقدمله القهوه

( القهوه كااينه حاااميه )

محمد جا بياخد القهوه تبزعت ع قميصه وصدره

محمد: وووووووووووووووك شن درت احححححححححح😭

سراج ف خاطره: حعلياا حرقت الولد 😰

سراج: سااامحني

محمد: تي تحرق بشكل..احححححححه😭...

سراج تضاايق : والله بالغلط.. نا نعرفش انشد صفره قهوة ازززح

محمد: عااادي عادي تو نغسلها بميه مصقعه غير وين حمامكم )كانت تحرق فيه هلبا غير ميبيش سراج يضايق(

سراج: ف الدور التاني..اول باب ع اليمين

((........عند اسيل..........))

اسيل فتحت الاب توب..

اسيل: اللللللللله والله ممصدقه عيوني😍

اسيل نزلت فيه هلباااا اغاني ليبيه,مصريه,خليجه...الخ

واسيل اتموووت ف حااجه اسمها اغاني ورقص وعرس

فتحت اغنية مصريه اتهبل

طلقت شعرها ولفت وشاح ع خصرهااا وقعدت ترقص

) طبعاا نحكيلكمش ع شطارتها ف الرقص (

هي تحساب الحوش فاضي خوتها وبوها طلعو وامها اتدير ف الغدا

) تحسابش محمد وسراج ف المربوعه (

)........عند محمد.........(

سراج قعد ف المربوعه ينشف ف الفرشه من القهوه

ومحمد ركب فوق..

محمد ملقاش الحمام

فجاه سمع صوت اغاني.. استغرب ومشي ايدور ف مصدر الصوت..

لقا دار مردوده ومصدر الموسيقي جااي منها..

مشي للدار وشاف من زاويه الباب...

محمد انصدم لما لقا اسيل ترقص وتلف بشعرها ووووووو

اسيل كاينه واخده راحتها ع لاخر

محمد قعد يشبحلها وقلبه يطق وقعد يبتسم بدون ميحس

) حتي حرقت القهوة نساها بكل😂😂(

محمد يهمس لروحه: الله البنت اتهببببل 😍

عنشكلهاااا غير شوف شوف كيف اتحرك ف جسمهاا😍

محمد وعي ع روحه: استغفر لله

ونزل لسراج ف المربوعه

سراج لما شافه استغرب

سراج: شنوو ملقيتاش الحمام خيرك مغسلتش قميصك

محمد مسمعاش عقله مع رقص اسيل

سراج : ياهوووووووووو وين رحتو

محمد .:اسف ... اسمع انا توا لازم نمشي عندي موعد ضروري نتلاقو مره تانيه

سراج: ان شاء الله...وسامحنا مره تانيه

محمد: لالا عاادي ولايهمك

طلع محمد من الحوش وركب سيارته ومشي

يتبع