أحببته فجننته بحبي

الحلقة الثالثة

محمد استسلم ومشي مع امه....

(( عند اسيل ))

اسيل ناضت من النوم فرحاااانه )لان محمد قاعد في بالها (دارت دوش ولبست توته بيضه عليها قلوب وقطاطيس ونزلت

كلهم كانوا نايضين قبلها...

اسيل فرحانه وتبتسم : صباااااح الخير للجمييع

سالمه: صباح النور..تعالي افطري

ايوب: شكلك حسيتي بيه

اسيل مستغربه : شن هواا

ايوب : امشي للصالون تلقيه

اسيل مشت تجري للصاله لقت هديه مغلفه..!

اسيل بصوت عالي : هذي ليااا انا

ايوب رد عليها من المطبخ : اييييييه

اسيل فتحتها ومصدقتش عيونهااا

* هداها لاب توب اصلي وارقي الانواع ف المحلات...اسيل كاينه تبيه من زمان*

اسيل: حييييييييييييييي ايوبي ثاانكيو ياعمري...ايهبل بكل نجك ليا ياارب

ايوب: مش تعرفي قدر خوك بس

اسيل: اللون عجبني بكل اييييهبل 😍 ( زهري هافت )

اسيل: اييييييييييييييييييييييييهبل اييييهبل

اسيل اللتفت لايوب: باهي تواا امتي تبيهاا اتجينا

ايوب انصدم: من هي

اسيل: تستعبطش عليا كشفاتك رااه مفيش حاجه اتجي بلاش

ايوب قاعد مصدوم : كيف عرفتي نبيها هي

*طبعاا كانوا يتكلمو ع اسراء اخت محمد.. هيا واسيل صحبات من زمان وطبعا تسائلتو كيف اسيل متعرفش محمد من قبل بما انه خو صحبتها..

محمد كاين امسافر ل امريكا كمل الجامعه غادي وروح مش يستقر ف ليبيا...

ف هذي الفتره تعرفت اسراء ع اسيل وكانت ديمه اتجي لاسيل في الحوش ايهدرزن, يدرسن, يقرن روايات....الخ

وايوب اول ماشفها انعجب بيها هلباااا وكان يبيها

اسيل: خليني سااكته خير.. ع الخاطر منشوفش في عيونك وتصرفاتك لما اتجينا

ايوب: هههههههههه طلعتي ختيييييييره

اسيل: هههههه..تذكر لما كنت تبي تمشي لصاحبك اللي يسكن ف طرابلس وتيت روحك وكل شئ تمام..لما جيت بتطلع تلاقيتو انت واسراء ف الفم..

بعدين مصارلكش بحجة مريض راه كنت زابطه كل شئ غير دايره الحوله

ايوب: هههههه عنشكلك وانا نخمم كيف بنكلمك عليها...خلاص تو حاس حولتي جبال من ع كتفي.

اسيل: هههههههه ولا يهمك خليها عليا

(( عند محمد ))

خديجه: كلمتهم العرب وعطيت ف حنان كلمه ( كاينه تكذب)

محمد: تيييي يامي انتي خيرك هاااا خيرك..تبيني انسافر تاني وانسيبكم ولا كيف...منبيهاااااااااش ومنبييييش نتزوج.. ان شاء هالمره انفهمت

وسيب امه وطلع من الحوش

*حنان هذي بنت حقيره ومش مؤدبه بكل وامها تنصب وتضحك ع الناس ف كل شئ*

حنان تبيش تتزوج محمد ع سواد عيونه.. عشان فلوسه بس

لان عائلة محمد غنيه بكل..عندهم شركات ف دبي ومصر و..الخ.

رقيه تعرفت ع خديجه من لما كاين محمد امساافر وطبعا كاينه مخططه لكل خطوه ..

خديجه صدقتهن وحستهم ناس كويسه قعدت تزور فيهم ديمه..

حنان كانت ف كل زياره تمثل انها حنونه وطيبه وحلوه وفالحه وكامله مكمله مناقصهاش شئ ( وهيا شكلها يرعب كوكب )

عموماا...

طلع محمد حااامق من الحوش ركب سيارته

قعد ايسوق وسرحان ف اسيل

شوي لقا روحه قدام حوش اسيل

محمد ف خاطره: ووووووك انا شن جابني هنا

وجا بيمشي لاكن شافه سراج كاين طالع هوا وبوه من الحوش

سراج: اووووووو البرو منورنا اليوم

محمد شافه: تي وقته توااا افففف

نزل محمد سلم علي خليفه وسراج

خليفه : شن الامور ياوليدي...كيف حالك وحال الاسره...جو ليبيا ولا امريكا.....الخ ( اسئله هلبا)

محمد ايجاوب فيه ومتضاايق

سراج حس بيه: بوي تاخرت ع العمل رااااه

خليفه شاف لساعته: اييييه صح..يالله انا ماشي في امان الله

سراج: هااا حموودي راه متغدي عندناا اليوم والله مدخلني فيك

محمد معرفش ايرد: لالا جااي بنشرب فنجان قهوه ومااشي

سراج : تفضل..

(( عند اسيل))

يتبع

متابعة+تاق  لصاحبتك + تصويت 

انزل الحلقة الرابعة