*PATAWAD*
PATAWAD katagang paulit ulit na sinasabi ng mga taong nagkasala na dapat ay di na sayo ulit ginagawa
Ngunit nauulit dahil sa mga bagay na paulit ulit niyang inuulit
Salitang nakakawala ng galit ngunit hindi ng sakit
Sakit na nakuha at paulit ulit niyang ginagawa
Hihingi ng tawad pero hindi kapatawad tawad dahil sa paulit paulit na sakit na kanyang pinapadanas, mas mabuti pa sigurong humingi ka ng tawad sa mga nagtitinda ng ubas
Ubas na tumatagal ang tamis, eh ikaw sa una lang naging matamis dahil tinapos mo ang lahat gamit ang mga katagang "Patawad ngunit ako ay lalakad na sa babaeng aking totoong hinahangad"
Ano ang ibig sabihin nun?
Ako ba'y niloko mo lamang dahil sa aking matalik na kaibigan na iyong hinangad?
Ngunit patawad ginoo, isaksak mo sa baga mo yang patawad na hinihingi mo
Oo mahal kita
Ngunit hindi na ako magpapakatanga pa sa gagong tulad mo
Nasaktan mo ako at aabot ng dekada ang pagkamuhi ko sayo
Ngunit sarili ko lang niloloko ko, kasi mahal na mahal kita at di kita kayang kamuhian ng ganun katagal
Ako ay naging matapat at ngayon ay mas magiging matapat dahil akala ko ay ikaw na ang nararapat sa akin ngunit hindi pa pala sapat ang pagmamahal na itinapat sa pagmamahal mong akala ko ay sakin nararapat
Pinapalaya na kita at ika'y papatawarin na, dahil hindi ka naman perpektong tao na parang santo, kasi wala kang sinasanto pati puso ko winasak mo, sinaksak mo ng milyon milyong kutsilo, at pinudpod mo ng pinong pino
Pero
Pinapatawad na kita at yan ay bukal sa puso kong dinurog mo
~JaQue3ny23
