Apat na taon na pala
Nang unang lumabas ng bansa
Mula sa isang isla tingi sa iba
Madaling araw ang byahe
Mula sa paliparang ninoy Aquino
Papunta sa soekarno airport
Wala pang direktang byahe
Kinakailangan dumaan sa kabisera
Ng Indonesia bago makapunta sa
Isa pang grupo ng mga isla sa Sumatra.
Mula sa maynila papunta sa java
Gabi at madilim sa Jakarta
Pero makapal an usok mula
Sa gudang garam, malalim ang gabi
At nag-aagaw liwanag mula sa poster ng kuryente
Kumain muna, nagpainit ng sikmura
Tumikim ng rending
Kailangan habulin ang sunod na byahe
Para hindi maiwanan, di pa
Nakakarating, nag-iisip na umuwi
Mula sa Sumatra patungo sa kuala lumpur
Bagong bansa, bagong byahe
Bagong karanasan
Kontradiksyon at talaban.
Paglapag ng air asia sa medan
Hilagang bahagi ng Sumatra
Sinalubong ng mainit at maanghang
Na salabat mula sa luya, halamang ugat
At gatas. Pangtanggal puyat
Hudyat ng mas mahabang paglalakbay
Patungo sa sibolangit.
May 2-3 oras pa mula sa medan
Ang iba ay galling sa ibang lupalop
Kanto ng daigdig. Mula sa Europa, amerika
Asya at Australia.
Maraming naka-itim, may aritis
At palamuti sa balat.
Kahit tumawid ng dagat o himpaapwid
Pareho lang ang amoy ng burak at pawis.
Nanggigitata sa init mula sa syudad.
Hindi umabot ang dilim,
Ngunit wala pa man sa eksaktong pook
Bumuhos ang gabatong ulan.
Unos. Nabasa ang marami, ang ilan ay
Sumilong at nag-ipon ng tubig-ulan.
Naglabas ng kaopte, paying at trapal.
Iba-iba man ang dila at lengua
Pareho-pareho ang sadya
Tag-ulan na pala sa Indonesia,
Andito na ang mga anarkista.
