البارت السابع للكاتبه #نور_الهدى
💕..
نزلت جوه تريكت دخلت لميس علبه وكعدت تريكت وياي نزل كرم شرب مي وسلم على لميس وطلع .
كمت نضفت المطبخ ولميس طلعت تغسل الطرمه واني رحت غسلتلهم ملابسهم واريد اطلع يم لميس سمعتهه هيه واكرم تحجي .
لميس- خلي اكمل شغلي
باوعت جان متقرب عليهه
اكرم- بعد مااتحمل بعدج عليه لميس اعشقج تعرفين شنووو اعشقج بجنوون مااتحمل انج تبعدين عني دقيقه
لميس- دتشوف هسه احنه بيا حال و وين وصلنه وبعدين اني اجيت هنا علمود شغله ضروريه مااجيت علمودج
كمشهه من وجهه حيل وقربهه لصدره جنت اباوع ومصدومه وارجف اول مره اشوف هيج مشهد من يمي وخايفه 😂 .
اكرم- حتى لو اهم شي اشبع منج شووف
دفعته .
لميس- وخر اريد اشتغل لتشوفنه ايه
هلاااا متدري بيه طلعت المخرج مال مشهد 😂.
عافته ودارت وجهه جان جرهه وباسهه بوسه قوويه .
😱😱😱😱يلهوووووي لميس صارت مستعمله عزه بعينج ضليت واكفه وجفلت بمكاني جان وخر منهه ويريد يجي اني بسرعه طفرت للمطبخ وصورة المنظرر ولا فاركت عيووني يمه عززه بعينك هذا شلون هيج يسوي ويبووسهه .
جان اجه دخل للمطبخ .
اكرم- هلا بالحلوه هنا
ايه- هلااا بيك اي ولله .ااا اسويلك ريوك
اكرم- اي ولله جعت
ايه- ااا تدلل
رحت اسويله ريوك جان دخلت لميس غسلت ايدهه وصعدت فوك اني خليت الريوك كدامه وصعدت وراهه لكيتهه كاعده . باوعتلي
لميس- ها سويتيله ريوك
ايه- اي
كعدت يمهه وباوعتلهه
ايه- تره شفت كلشي
لميس- شنوو
ايه- قبل شوي بينج وبين اكرم شفت كلشي
هيه هنا ارتبكت وحته عركت هههه.
ايه- ليش انطيتي مجال ميصير بسرعه تستسلمين
لميس- مشفتي هوه شلون جرني بسرعه يعني اني منطيته مجال حته ملحكت
ايه- اذا هوه هيج يحبج ويريدج خل يصبر منا لما تخلصين امتحانات يجي يخطبج ويسد حلكه
لميس- هههه انشاءلله هسه بس خلي تعدي على خير
ايه- انشاءلله يفتحلج نصيب حلو وياه ويسعدج
هنا دخل اكرم
اكرم- منو اليفتحله نصيب وياهه
ايه- متستحي تتنسط علينه
اكرم- احجي منو هذااا
كمنه وكفنه .
ايه- شبيك هيج غوار لتغار من نفسك على كيفك
اكرم- شنوو
ايه- اي اي قصدي عليك لتفرح هواي
باوعلهه وابتسم
اكرم- اساسا مااخلي احد يتجرأ يكمشهه هيه مالتي
ايه- رومانسي ولله
اكرم- ههههه ولسانج شلون بي
ايه- لساني مبي شي متربي
اكرم- امممممم امبين
..
للعصر رجع كرم دخل سبح وصبينه غده وكعدنه نتغده كمت لميت الماعين وصبيت جاي .
اجه اخويه شويه شافنه اطمن علينه وراح
كرم راح نام واكرم كال راح يروح يشوفهم للفاتحه
لميس- اكلج اروح وياه شوي
ايه- شتسووين وين عايفتني وحدي
لميس- اريد اسلم على امه عيب
ايه- خوش مو تتأخرون و وصليلي سلاام
لميس- مااشي
بدلت وطلعوو اني قفلت الباب ونضفت وكعدت اباوع عالتلفزيون سمعت صوت طكطكه بالمطبخ ركضت شفت كرم اهووو شكد يبحووش .
ايه- شتررريد
كرم- يمه ربي سترك شنو فاره انتي
ايه- احترم نفسك
كرم- امم. وينهم اكرم ولميس
ايه- راحو للفاتحه باليل يرجعون
كرم- زيين
ايه- وانته شدتبحوش متكلي
كرم- شبيج طافره روحج شعليج بيه ولي من خلقتي
ايه- خوش طبك..
هنا سكتت ونداريت دااطلع
كرم- شكلتي
ايه- هيج
كرم- الضاهر ماكو احترام ماااشي والي ميحترمني مااحترمه واتعامل وياه بالطريقه التعجبني والطريقه الخاصه الي
اجه كمشني من ايدي حيل وجرني صعدني فوك لغرفتنه ذبني وسد الباب قفله . كمت ادك بالباب
ايه- اافتحه ولله انته مجنووون افتح البااااب اااافتححح ..افتح الباب راح يجوون لميس واكرم افتتح البااااااب
فلشت الباب من الدك وهوه ولا عبالك شكدد خبيث .
ضليت كاعده هيج تعبت من الكعده تمددت ونمت لا غطه ولا مخده .
كعدت لكيت نفسي عالجربايه مال عشر نفرات 😂 قصدي مال كرم 😳 هاي شجابني هنا . شلت راسي لكيته كاعد عالمكتب مالته يباوعلي.
باوعتله بنرفزه وكمت اريد اطلع افتح الباب مينفتح مقفوول كمت اافتح بي قووي ميفتح نداريت علي جان يباوعلي بخبث .
ايه- فعلا انك واحد بلا عقل
كرم- هذاا اسلوبي الخاص ويه هيج عالم يله اعتذري
ايه- شنو شتريد هههه بالحلم اعتذرلك
كرم- تعتذرين لو تضلين بلا اكل وشرب
ايه- لوو تموت مااعتذر
كرم- لج ضمي لساااانج فتهمتي
كام من مكانه واجه يمي
كرم- اعتذري
درت وجهي عنه كمشني حيل ااني جسمي كزبرر متت ..
كرم- اعتذري تره أذيج
كافي كبرياء يا ايه اعتذريله خطيه 😒 مو كامت توجعني ايدي .
ايه- ااا اااااا اااا
كرم- اي كوليهه هيه اربع احرف
ايه- اا ااا سسسفه
جان وخرت جسمي منه بسرعه هوه ابتسم بخبث
كرم- عفيه صيري عااقله
جان راح يم الباب وفتحه اني بسرعه جربت اليده فتحته وكمزت بسرعه للغرفه كعدت بالكاع وارجف من الي صاار بمجررد مااتقرب عليه جسمي صار حااار احس حراره تطلع مني وو شعوور غرريب اللحظه ولا راحت من باالي تمدتت بالكااع وكامشه بطني من الوجع..
