البارت الواحد وعشرون للكاتبه #نور_الهدى
💕..
كعدت بليل نزلت لكيت بس اكرم ولميس.
ايه- هلوو وينهم شو ولا بشر
اكرم- هلا ايو
لميس- راحو لبيت عمتي مريضه
ايه- ياا خطيه ليش ماكعدتيني وليش مارحتو
لميس- همه ماقبلو كالو ابقو نتعشه اهنا
كعدت يمهم جان دخل كرم اعتقد جان فوك لان نزل بالبجامه. ماباوعتله لان زعلانه شووي دلال 😁😁.. كعد يمهم كمنه نسوي عشه سوينه معلبات همبركر ولحم الشرائح وستيك وووهيج فتحت علبة اللحم ونكصت ايدي صرخت حيل لان حيل اذتني. كلهم طفرو عليه اجاني كرم كمش ايدي يشوفهه احسه تأذه اكثر مني حته لميس واكرم صفنو عليه كعدني عالكرسي وجاب ضمادات سوالي ياه واني ابجي متت من الوجع انوب كمل منهه
لميس- هسه انتي عميه ولج ايدج نكصت
اكرم- مو وكت هالحجي انتي الثانيه
لميس- لا وكته يعني متشوووف
ضلت ترزلني واني مهدود حيلي
كرم- كاااافي عوفيهه ترتاح كومي ايه اوصلج لغرفتج
صفنو علي لميس باوعتلي واكرم يباوعلهه صارت لقطه هنديه رهيبه 😂😂😂..
صعدني كرم لغرفتي ولميس واكرم بقو جوه يحظرون العشه .
كعدني عالجربايه كمش ايدي باسهه اني توجعني. كعد يمي وضل كامشهه باوعلي.
كرم- غير تنتبهين يا خبله شوفي ايدج شصار بيهه
ايه- ماادري
كرم- منو مدوخج
ايه- صدوك وخر مني
ودفعته
كرم- ها خير
ايه- زعلانه منك
كرم- ليش
ايه- عالاساس متدري اصلن انته اكبر لوكي
كرم- ههههههههه لا احجي شكو
كمت من يمه درت وجهي جان اجاني من وره كمشني وباسني من ركبتي. اني ذبت وارتبكت كولش باسني من ركبتي ضل يمشي بشفته على ركبتي دارني عليي كمشني من وجهي باوعلي كمشني من خصري وقربني اله
كرم- شبيج ضايجه حبيبتي
كمت ماعرف احجي متت من الارتبااك والتوتر
ايه- هاا اال قبل ششووي ررزلتني
كرم- غير اغار عليج ولمصلحتج ماريد احد يشوفج غيري
ايه- بس موهيج تصرخ عليه ونوب تخزرني وخزرتك تخبل ااقصدي تخوف
خرب يومي سكرانه انوب غلطت هسه يتلوك عليه.
كرم- خزرتي تخبل صدوك ههههههههه
ايه- غلطتت قصدي تخوف
كرم- اي مبين بس ولله علمودج علمود مطلعين مره ثانيه
ايه- ومنو ينضف انته
هنا دخلت لميس جفت هوه جان كامشني وقريب عليه وشافتنه اني دفعته حيل هيه ضلت مصدومه اني جفلت باوعتلهه وباوعتلنه بجفله..
لميس- ااا ت تتعاالوو تعشووو
ايه- هاا ااييي جاايه جاايه
طلعت ركض قبلهم نزلت للمطبخ وهمه نزلو ورايه كعدت تعشيت بالكوه من الخوف لان اعرف لميس راح تسألني 100 سؤال..
صبيت جاي وصعدت فوك اجتني لميس درت وجهي.
لميس- ايه
ايه- ه هااا
لميس- بيناتكم شي انتي وكرم
ايه- هااا شنو شش..
لميس- اوكفي لجذبين دخلت وشفته حاضنج
ايه- لميس شكلج هووه
لميس- عادي احجي حاسه بيج
ايه- وحجيتلهه كولشي
لميس- لعد شكو بيهه وإذا تحبينه متحجين اني اختج وبعدين اني هم حبيت وحاسه بيج
حظنتهه
ايه- انشاءلله من نخلص دراسه تنخطبين واحنه وراج ههههه
لميس- انشاءلله هههه
تكلمه البارت 21
نزلنه يمهم للاستقبال اجوي عمي وماما ومرت عمو .. ضلينه كاعدين شوي وترخصنه باجر عدنه مدرسه .
كمنه نمنه . كعدت الصبح كعدت لميس ودخلت غسلت وبدلت نزلت جوه سويت ريوك ودخلو الولد ولميس وتريكنه لميت الماعين وغسلت وصعدت لبست حجابي واخذت جنطتي وطلعنه اني ولميس. اكرم راح للشغل وكرم يوصلنه
صعدنه ويه كرم اني ليكدام ولميس ليوره .. مشينه وحنه ساكتين .
لميس- احم اححم
كرم باوعلهه بالمرايه
كرم- ها خير
لميس- لاا ولله ماكو شي بس شو طيور الحب ساكتين
كرم باعلي وكلهه
كرم- شنو ولج
لميس- شبيك واضحه
ايه- هههههههه
كرم- ليش تضحكين شكو
لميس- عالاساس ميدري
كرم- هااا ههههههههه
وصلنه للمدرسه .
لميس- حاجي حبيبتك شوي اني نازله
كرم- خفتا وراحه
لميس- خووش باقيه
وكعدت تجتفت ضحكت عليهه
كرم- لالا عيني نزلي الله وياج
لميس- بااي وانتي ولج بسرعه تعاي
نزلت من عدنه .
كرم- ديري بالج زين ومن اطلعين اوكفيلي على صفحه مو توكفين بنص الشارع كدام الولد
ايه- اي بابا ليش لا
كرم- وانتبهي على نفسج
ايه- اي بابا
كرم- هههههه شبيج
ايه- اي بابا
كرم- الوووو
ايه- ثولتن متكلي شنو اني طفله
كرم- طفلتي بس... يله نزلي راح آكلج
ايه- ههههههه باااي حبي
كرم- باي حبيبي
نزلت للمدرسه دخلت وبدينه الدرس امتحان وصديقتي موتتني تريد تغش 😂😂😂 واني مااخليهه.
ب12 وربع طلعنه وسمعت كلام كروووم حبيبي كال لا توكفين بنص الشارع
وكفنه عالرصيف واجانه. صعدنه بالسياره
- السلام عليكم
كرم- هلا ولله شلونجن
- الحمد لله
وصلنه للبيت دخلت سبحت وتغديت وخليت راسي على المخده ونمت ميته من التعب .
مر علينه اسبوع جانت ايام كوولش حلوه ويه كرم طبعا ماما وعمتي واكرم عرفو بعلاقتنه وعلاقه لميس بس عمي ميدري عيب نكله . كرم اشترالي تليفون وكال بليل نتخابر وكمت اغفه على صوته وهوه يكعدني للمدرسه هههه عشت احلى واجمل ايام ويه كرم حبيبي والي اكثر انسان عشقته . ماحبيت انسان بحياتي كد ماحبيته. ضليت كل يوم نتخابر وننام سويه .. اجتي امتحانات نص السنه وحظرت زين.
كعدت اول يوم من الصبح بدلنه اني ولميس ونزلنه لكرم تريكنه وطلعنه.
دخلت للامتحان جان شووووي صعب خلصت قبل لميس طلعت انتظرهه بره وكفت عالرصيف. فاتو شباب كامو يذبون كلام ماهتميت وانتظرت كرم . شفت سيارته اجتي ردت اروحله كمشني واحد من هذولي الشباب
- وين رايح الحلو
- تعاي ويانه لا تخجلين
كمت اضرب بي وادفع بي نزل كرم من سياره وجرني
- اصعدي بالسياره
رحت ركض للسياره واباوع علي لتمو عليهم الناس يفارغونهم اخير شي بالكوه فرغوو اني ميته من البجي اجه صعد يمي وطالع من حلكه دم باوعلي وعيونه نار .
كرم- حسابج بعدين
راد يحرك السياره طلعت لميس اجتي ركض وصعدت
لميس- هاي شصاير كرم
سكت ومشه بالسياره سرعه فوول واني طول الطريق ابجي وولميس تسالني ساكته.
دخلت للبيت جانو نايمين صعدت ركض للغرفه ابجي دخلت لميس تهديني مع انه متعرف شصار حجيتلهه كلشي كامت تواسيني وسكتتني هنا دخل كرم دفر الباب اجه وكف كدامي اشر اللميس تطلع هيه عافتنه وطلعت ..
#وتمضي_الايام.....يتبع
البارت الاثنان وعشرون
🔞
للكاتبه #نور_الهدى
💕..
باوعلي وجرني من زندي. .
كرم- شنو صار سوولج شي هذوليج الحقرااء
حظنته ابجي هوه دفعني .
كرم- اني شكتلج ولج موو كتلج ديربالج على نفسج ليش توكفين كدام الولد
ايه- همه اجوي يتحارشون
حظني حيل وضل يبوس بيه من راسي ..
كرم- بعد اسمعي الكلمه و اوكفي بالباب مال مدرسه ماشي يعني اله اعلمج عمرج 19 سنه ومتعرفين
ايه- هههه حاظر بابا
باسني من راسي حيل وباسني من ايدي وجرني حظني قوي .
كرم- يله راح اخلي لميس تحظرلج اكل علمود تاكلين وتنامين تعبتي
هزيت راسي وبتسمت طلع من يمي وره شوي اجتي لميس اكلت شوي وشربت مي وكمت غسلت ونمت كعدت الضهر قريت ونزلت تغديت .
كرم- شلونج حبيبي
ايه- احسن
راد يطلع الغرفته ينام كمشني
كرم- امممم ارريد شي
ايه- اهووو وخر
كرم- لا بس هالمره
ايه- كرم وخر عيب ليشوفنه احد
كرم- عادي راح تصيرين مرتي
ايه- اي يعني بعدني ماصايره من اصير شتسوي سوي
كرم- هاا متأكده يعني شسوي اسوي وعد
ايه- اي وعد
...
ثاني يوم بدلت ونزلت طلعنه للمدرسه وصلنه ونزلنه امتحنه ورجعت تريكت ونمت ..
خلصت امتحانات نص السنه بصعوووبه لان حيل صعب خاصتا اعداديه مرحله صعبه وحسااسه ..
كعدنه عطله وقررو اكرم ولميس ينخطبون وفعلا عقدنالهم
لميس لبست فستان اسود سيلفي ابو تول و ويا كعب وبرمت شعرها ومكياج خفيف نازك طلعت تخبش واني لبست فستان تفاحي طووويل يسحل 😂😂 ورداناته وحده طويله و وحده قصره ولبست وياه كعب لان قزومه وكفشتي برمتهه وسويتهه عاليه وسويت بف .. طلعت اموت عين البارده عليه 😁 .
نزلت ومن شافني ماما وعمتي ضلن يصلن عالنبي .
امي- يمه لبسلج خرزه زركه من الحسد
كعدت عالدرج من الضحك فرطت عليهه
ايه- هههههههه ماما صدوك تحجين هوه منو شايفني
امي- شلون ولج راح يجن نسوان كرايبنه
...
اهو راح تصير هوسه شيخلصهه.
اجتي عمتي وبيت خالي وكرايبنه اهوو البنات كتلن نفسهن عليه شكد يغارن 😏😏 .. صعدت اصيح لميس يعقدون شفت كرم دينزل يبوووو خرب يومك طالع يخبل الكفشه رافعهه ليفوك وشعره اسود فحم واللحيه خفيفه و لابس قاط اووو هسه يكتلن نفسهن عليي . باوعلي راد يتزحلك
ايه- ههههههههههههه ههههههههه
كعدت بالكاع من الضحك كمشت بطني .
كرم- هاي شنووو خرب
ايه- ها شفت جنيه
كرم- الجنيه احلى ااا قصدي شطالعه تموتين
ايه- هااا شنوووو. يله نفوتهه عليك تعال ليش هالكد طالع انيق لا يشوفنك هذني الزاحفات ويضلن يتلوكن عليك وانته متصدك
كرم- هاا اجني البنات خوش اروح اشوفهن
وراد ينزل كمشته من ايده
ايه- هوووب هوب اوكف وين نازل اذا تخلي وحده تشوفك احركهه وولله
كرم- تدللين يا احلى قرده
ايه- كرررم
عافني ونهزم خرب يومك راح تخربط من عطره.
دخلت للغرفه .
ايه- لموسه حبي يله اجه الشيخ
لميس- ها صدوك
اجني البنات سلمن عليهه ونزلناهه ووكفت وره الباب وعقدولهم وشتغلت الهلاهل . راح الشيخ وهجن البنات للاستقبال ودك وركص اخذنالهم صوور طالعين يخبلون داادخل جون واحس احد كمشني من جتفي نداريت شفت ابن خالي صاير حلوو.
ايه- هلا ولله شلونك مشتاقين
- هلا بيج عيني شو ماكو
ايه- ولله شسوي امتحانات ودوام وتعرف اي شخبارك
- ولله الحمد لله ولج شصايره تخبلين
- هههههه شكرا انته الاحلى
ضل يسولف وياي عالشغل وعلى حياته باوعت شفت كرم يباوعلنه باوعلي وخزرني ادخل جوه عزه هسه شيخلصني . ترخصت منه وفلتت جوه وزعنه كيك وعصير ووووو خلصت الهوسه بيت عمتي ضلو يمنه وبيت خالي راحو وكرايبنه كلهم راحو شلع قلع بقو بس بيت عمتي. بنت عمتي راح تنام يمنه .. حظرت الفراش فرشت اليه بالكاع .
- هاي وين ايه...يتبع
