تسمعج ماما هسه افهمج
ايه- احجي شكوو
رحت كعدت يمهه.
لميس- باعي اني احب اكرم
ايه- 🙀🙀عزه بعينج نوب اكرم
لميس- بس سكتي خلي احجي,
باعي اول شي هوه اعترفلي انه يحبني وماطيته مجال كتله بابا يشك بيه ويموتني.ضل يوميه يجيني للمدرسه يشوفني من اطلع وانتي متنتبهيله يسوي نفسه يمر من يمنه
. واني اتجاهله .بس الصراحه من داخلي اعجبت بي وحبيته.اخر مره جرني وصعدني بالسياره تذكرين من رجعت للبيت وانتي كلبتي الدنيا عليه كتيلي ملكيتج وتاخرت.اي هذا هوه اخذني لمكان فارغ وكلي مااتحمل بعد اريج الي وراح اجي اخطبج اني كتله بابا ميقبل ويدرنه نكمل دراسه ومن هذا الحجي.هوه انطاني تليفون وكال لعد اذا متقبلين هسه اخطبج عالاقل كل يوم خلي اسمع صوتج.
انب مقبلت وكتله ماعدنه مره تكمش تليفون ..اصر اصر عليه لحد مقبلت واخذته واستمرت علاقتنه 3 اشهر ومحد يدري بيه . بس الله يخليج لتحجين الاحد ولله بابا يذبحني.
ايه- يبووو مسويه مصايب.باعي ماكتلج لا تحبين لان هذا الشي مو من الحقي والحب مو حرام بس المشكله شلون قبلتي تاخذين التليفون ولج مافكرتي شراح يصير بيج من يدري بابا انه عندج تليفون . لا والمشكله الاكبر تتخابرين ويه اكرم وبابا يحبه ويمدح بي اله ابن عمج.
لميس- يعني شسوووي غير احبه
ايه- زين اك..
اريد اكمل ومااحس اله الباب ندفر ودخلت ماما , اني ولميس جفلنه بمكانه ضلت تباوع عليه
امي- شنو هذا الي سمعته
ايه- ماما لتتسرعين فدوه البنيه تحبه
امي- مو وياج الحجي انتي اسكتي .انتي الثانيه شنو الي سمعته احجي بسرعه
لميس ضلت تبجي وماما تعيط عليهه.
لميس- ااي احبه يعني حرااام
هنا امي ضربتهه راشدي .
ايه- لااا ماماااا
كمشت ماما هبط ضغطهه كعدتهه عالكرسي ولميس تبجي .
رشيت عليهه مي وكامت ,
امي- جيبي التليفون ولج ادبسز مافكرتي شراح يصير بينه وانتي ضاله ويه الولد لا ونوب ويه ابن عمج ولله العظيم اعتبرته ابني الثاني هيج يسوي بينه مع الاسف بس بسيطه اني اله ..جيبي تليفوووون
جرته منهه بالكوه ولميس تبجي.
امي- تعاب ولج وينه طلعيلي رقمه بسرعه
ايه- ماما استهدي بالرحمن لا تسوين شي تتندمين علي اوكفي
دفعتني .
امي- انتي معليج افتهمتي تعاي لج طلعيلي الرقم
لميس جانت واكفه ومنهاره بالبجي اخذت التليفون وطلعتلهه الرقم.
امي- ايييي عيني هله 8 مكالمات من حبيب الرووح.
💕..
جان دكت علي وهيه عصبيه ولميس جانت واكفه وتبجي اني رحت يمهه كمشتهه.
امي- الووو ..لاا استاذ اكرم اني امهه..هسه ماريد اسمع اي تبرير تعال للبيت بسررررعه
وسدته بوجهه .جان طلعت السيمكارت وكسرته وقفلت التليفون جان باوعت الميس.
امي- هسه يجي واريد اشوف بعد اكو تليفون
عافتنه وطلعت طبكت الباب مال غرفه حيل لميس ضلت تبجي بحررركه واني اهدي بيهه.
لميس- ولله العظيم حبيت ماغلطت مو حرام الحب
ايه- اي صح ماغلطتي انج حبيتي بس غلطتي انج اخذتي التليفون وانتي تعرفين بابا اذا دره شراح يصير
ضلت ساكته وتبجي ربع ساعه وندك الجرس هيه كمزت وباوعتلي بخوف
ايه- تعاي خلي نشوف لتخافين
جريتهه ونزلنه جوه لكينه ماما واكرم بالاستقبال يحجون وهمه واكفين هوه اول مدخلنه باوع اللميس راد يتقربلهه امي وكفت كدامه.
امي- ديرر بالك تتقرب على بنتي مع الاسف عليك انته ابن عمهه وهيه عرضك هيج تسوي بعرضك ولا فديوم مامدحتك واحجي بيك بالخير واكول بس هوه خوش ولد وعلى راسي هيج تسوي تاليتك لا ومنطيهه تليفون ولك تدري ابوهه ميقبل شلون هيج تسوووي
اكرم- عمه بس افهميني ولله حبيتهه بالحلال وماجبرتهه على شي بس حبيت اسمع صوتهه كل يوم ليش تحرموني منهه اصلا وعدتهه انو اجي اخطبهه وره متخلص دراسه و..
امي- لو منتظر تخلص الاعداديه وتجي تخطبهه لو ما تحملت..رووح رووح ماالك شي عدنه اطلع بره
اكرم- خااله بس.
امي- اطلع بره
هوه باوع على لميس ضل واكف شوي انوب عافنه وطلع جان امي راحت سدت الباب وراه ودخلت باعت الميس .عافتنه ودخلت جوه .
لميس بسرعه ركضت صعدت الغرفتهه تبجي صعدت وراهه قافله الباب
ايه- لميس افتحي البااب لميس..لميس افتحييي لميس راح يجي بابا ويسأل عليج شأكله افتحي فدوه ..لميسس
هنا هيه فتحت الباب دخلت وراهه وسديته كعدت يمهه وضليت اواسيهه
ايه- يله تعاي نتغده اني وياج
لميس- ماريد انتي اكلي
ايه- خوش بكيفج اني جوعانه بس ماراح اكل
لميس- معليج بيه نزلي اكلي
ايه- مااريد اله انتي تاكلين
بالكوه جريتهه جررر يله نزلت ويايه راحت غسلت وكعدت عالميز واني صبيت الغده بالكوه وكلتهه هنا طلعت ماما من الغرفه راحت صبت الهه غده وكعدت تاكل لميس كامت .
ايه- وين
لميس- شبعت
امي- اكعدي اكلي لتتلوكين فتهمتي لميس عافتنه وصعدت باوعت الامي.
ايه- ماما ليش هيج تسوين بيهه خطيه ولله تره هيه ماغلطت الحب مو غلطه
امي- ولج يمه اادري ادري مو غلطه بس شلون تاخذ التليفون وتأمن انو محد راح يعرف بيهه هسه فرضا وصل الخبر الابوج شراح يصير.يصعد عنده السكر وتعرفين ابوج ميتحمل الصدمات فراح اضل ساكته
ضليت ساكته محجيت شي كمت لميت الماعين وغسلتهن ونضفت المطبخ صعدت الغرفة لميس لكيتهه مطفيه الضوه ونايمه ماحبيت اضغط عليهه عفتهه ورحت الغرفتي تعبت ونمت. كعدت ب 5 نزلت لكيت البيت هادئ اكيد اجه بابا ونايم .
رحت لغرفة لميس لكيتهه متمدده وفاتحه عيونهه كعدت يمهه
ايه- تعاي ننزل جوه بالحديقه ترتاح نفسيتج
هزت راسهه وكامت ويايه طلعنه بالحديقه اخذت من الشجره برتقاله وكشرتهه انطيتهه شوي حبيتهه تنسه الي صار وياهه لان فعلا اني حاسه بالمهه مامجربه الحب بس حاسه بيهه اريد انسيهه واغيرلهه جوو.
ضليت احجي وياهه واضحكهه بالحديقه جان طلع بابا
بابا- ها الحلوات كاعدات هنا شتسون خاف بارده
ايه- لا مو بارده بالعكس الربيع حلوو
اجه كعد يمنه ويسولفنه عن الدراساع وينصحنه وصارت كعده حلوه وسوالف امي طلعت ويانه بس متحجي ويه لميس بس كدام بابا على كد السؤال و الكلام .جبنه حلويات وكعدنه نسولف من اذن دخلنه بابا وماما راحو يصلون واني ولميس رحنه نحظر العشه ونسولف
ايه- لميس
لميس- هاا
ايه- انسي الي صاار وماما مالهه شغل هيه كل ام بدالها لازم هيج تسوي المهم انسي كلشي هوه انشاءلله من تخلصين هاي المرحله يجي يخطبج وماكو سبب يمنعه لان بابا يحبه واكيد راح يوافق وماما متكدر تكل البابا عن الي صار فنشاءلله يجي يخطبج وره متخلصين
ضلت ساكته محجت شي خلصنه العشه ونقلناه للميز اجوي بابا وماما وكعدنه نتعشه بلا صوت..
يتبع #وتمضي_لايام 💕
