#مريومه_وعزام .....
#الحلقة_الأولى
***********_***********
في سنة 1995.
عايشه_ عزاااام عزااام افتح الباب
.......
عزاااااااااام ياولد افتح الباب
عزام_باهي شويه بس
عايشه_ طفي الأتاري واطلع تو فيسع
عزام_باه
طلعةعزام وفتح الباب مهناك حد صكر الباب وبيخش سمع صوت بيبي يبكي والدنيا ليل خاف مسكين صغير عمره عشر سنين خش يجري
عايشه_من ؟؟؟
عزام _ مهناك حد
عايشه_ كيف ؟؟ تو كان الباب يطق كله منك ساعة لين مشي الي يطق اف منكً....
.
بعد دقايق وصل عمي حمدوكيف فتح الباب بيخش عتر في حاجه ولما طبس بيشوف انصدم.......
عمي حمد_ عااااايشه ياعاااااايشه تعالي بسرعه
طلعت عايشه تجري وانصدمت
عايشه_ شن الي بين ايديك ياحمد ؟؟؟
حمد_ لقيته قدام الباب
عايشه_ هالصندوق لي شن
حمد_ تعالي وشوفي بروحك
عايشه جت طبست علي الصندوق
عايشه_ اييييييييه هدا شن وين لقيته
حمد_ تو لما روحت من الجامع لقيته قدام الباب
عايشه_ وهدا ولد ولا بنت وشن جابه قدام الباب
حمد_ غير خشي وتو نشوفوا
خش عمي حمد وعايشه بالعيل الي راقد في الصندوق
وحط الصندوق وجي عزاام
عزام_ من هدا علاش حطوه اهني يا امي
عايشه_ برا العب سلم ولدي
مشت ولعت الأتاري وجت لعمي حمد لقاته شاد ورقه
حمد_ تعالي لقيت معاه ورقه
عايشه_ اقرا ترا شن مكتوب
حمد_مكتوب ......(السلام عليكم هدي المولده اسمها ماري مواليد ٢٠/١٢/١٩٩٥ اتمنى من عائلتكم الكريمه رعايتها وتربيتها او وضعها في دار للأيتام ولكم جزيل ااشكر .......والدها)
عايشه_ ياااروحي صغيره عمرها تلت أيام ماعندهم قلب كيف يرموها
حمد_لاحول ولاقوة الا بالله حرام عليهم ملائكه مفروض تحملوا غلطتهم وربوها مش يرموها ناس متمنيه وناس تلوح
عايشه_حسبي الله ونعم الوكيل شن بدير تو
حمد_ والله ماني عارف لكن اكيد بنربوها هدية وجتنا من ربي بيعوضنا نرميها
عايشه_ ايه والله هديه جتني بنيه الي خاطري فيها بعد فقدت الأمل......
شوف ياحمد كيف راقده
حمد_شكلها مش ليبيه شوفي كيف شقرا وبيضه حتى نقشها مش ليبي
عايشه_ ايه والله مرات واحد غالط مع اجنبيه ولا ليبيه لاعب عليها اجنبي .......
ايه حقا شن كاتبين اسمها
حمد_ مكتووووب ....ماري
عايشه_شن ماري لا بنغيروه لكن قبل بنقولوا للناس ولا لا ؟؟؟؟؟.......
العيله كلها بتعرف هدي حاجه ماتندس
حمد_شن انقولوا تعالوا لقينا بنت قدام حوشنا وبناخدوها ويقعدوا طول عمرها مسكينه يشوفولها بنت حرااام لالا
عايشه_شن بنقولوا امالا بنتي وجبتها عارف بعد عزام نحيت الرحم امنين بنجيبها
حمد_ ومن عنده علم بالعمليه غيري انا
عايشه_ انت واختي عزيزه بس
حمد_خلاص انكلموا عزيزه ونتفاهموا معاها ما تقول لحد وتم ونمشوا للشرق اربع خمس سنين ونرجعوا وقدام الناس بنتنا وخلاص
عايشه_ باهي يصير خير تو نزيدوا نتفاهمو لكن ياحمد....والله فرحانه ربي بعتلي بنيه لعندي
خطرها _ الناس مش بتسأل منين جتهم بنتهم شقرا شن لنقولوا
حمد_انا جدتى كانت شقرا وخلاص شن جت الا علي هدي اهو حليناها نوضي حطي كان فيه عشي
عايشه_ حاضر تو انوض
وحطوا العشي وجي عزام وقعمز جنب الصندوق ويتفرج
عزام_ من هدا يما ؟؟؟
حمد_هدي اختك
عزام_ حقا يما هدي اختي
عايشه_ ايه اختك
عزام_شن اسمها؟؟
عايشه_ اسمها وشبحت في حمد ......اسمها مار......
حمد_ اسمها مريم .......وبنادوها مريومه
عزام_ مريومه حلوه يما
عايشه_باهي ابعد عليها راك تنووضها وتعال جنبي تعشا
وهما يتعشوا ناضت وبدت تبكي
نهضتها عايشه _هيا خلاص بنيتي هيا اسكتي
حمد_هدي اكيد جعانه خلي انوض انجيب حليب
عايشه_ لا ماتجيبش حليب عندي حلب بقر طابخاته برا جيب مرضعه بسرعه وخلاص
حمد_ باهي ان شاء الله نحصل
وبعد ربع ساعه ومريومه الا تبكي بس جي عمي حمد وصبوا الحليب وعطوها ترضع مسكينه البنيه جعانه
عايشه_ ياروحي شوف كيف جعانه مسكينه
حمد_ايه والله
عايشه_ شوووف ما شاء الله عيونها ملونات
حمد_ تبارك الله لونها أزرق
........
مشت عايشه لحوش اختها وتفاهمت معاها انه سر بيناتهم الطير الطاير ما لازم يعرف بيه وحولوا بعد اسبوع للشرق وعاشوا فرحانين بالبنت وطاير عقلهم بيها وهي تنادي فيهم ماما وبابا وعزوم
كانت عايشه تعامل فيها بنتها تضرب وتعارك وتحضن وتبوس زي أي بنت وحمد نفس الشيء
وعزام كان يخاف عليها من الطير الطاير مايحب من يزعلها او يضايقها وهيا عندها عزام وبس ملترقد الا جنبها ولما وصل عزام لعمر ل18 سنه بدي يبعد عليها ويعارك فيها وديما يلز فيها من جنبه
......بعد خمس طاش السنه
عزام تغير هلبا مع مريومه معاش يقعمز معاها معاش يهدرز عليها وسجل في كليه هندسه عسكريه وتخرج ضابط وكان ليه سمعته كان متميز وناجح لدرجة حطوه مسؤول علي البعتات الي تقرا برا وبدي ديما مسافر.....
مريومه_ ماما استحشنا عزام ليه ست شهور مش مروح
عايشه_ لا قال هاليومين جاي والله حق استاحشناه لكن شن بديري هدا عمله.....
مريومه_ ما قلنا شيء لكن سمطها بجد استحشته هلبا......
.
وبعد يومين طق الباب فتحت عايشه
عايشه_مرحبتين بالغالي هلا ياوليدي وبدت تظبط فيه وتبكي
عزام_ خلاااص يما معاش تبكي انا قدامك
وخشوا للحوش وجت مريومه تجري
عزووووووم استاحشتك موووت واظبطاتها
في الأول حظنها بشوووق ....
وبعدين دفها شوي
عزام_ شن اتقول غايب عليكم سنين ياسركم عاد
وقعمزوا يهدرزوا وعزام يتجنب انه يشوف لي مريومه
عايشه_طيب فيك الي روحت خيرك ياولدي عطلت
عزام_ والله قعدنا لين داروا الخرجين حفلة واصروا نحضرها معاهم وبعدين بنرجع بعتوا دفعة ثانيه معاش قدرت انروح امالا وين بوي
عايشه_ قريب ايجي مش يصلي في العصر
مريومه_ والله استحشناك معاش تعطل بالله عليك الحوش اخييي بلاك
عزام_ رفع عيونه .وشبحها بالجنب .....ان شاء الله..... يما مهناش شن ناكل جعان من أمس مش واكل
عايشه_ تو انوض انديرلك حاجه تاكلها لبين ماطيبت العشي وتعشينا
مريومه_ خليك ماما تو انوض انا
عزام_ يما قولي لمريومه اتحط حجابها علي راسها معاش تقعمز هكي قدامي
عايشه_ العفو كيف اختك وتلبس حاجة علي راسها
عزام_ اسمعي يما انتي عارفه انها مش اختي تلبس حاجه علي راسه والا انا انخبرها انها لقيطه ايوه......
وتلبس لبس محترم التوت المشحطه بلاش منهم
عايشه_اس اس راهي تسمعك شن لقيطه اهيا عيب عليك اختك راهي لكن انت اسكت وتو نشوف
جت مريومه وجايبه سفره معبيه فيه انصاف وفواكه وشاهي وعصير وفروبي مليااانه
عايشه_شن هدا كله
مريومه_ وقداش عندنا عزوم احني
عزام_صحيتي وللمره الألف معاش تقولي عزووم ما نحبهاش
مريومه_ والله حلو علاش تكرهه
عزام_ بعصبيه ....معاش تقوليه وتو بري من قدامي نبي ناكل
مريومه اضايقت وعيونها دمعوا طلعت وخشت لدارها تبكي
مريومه_ خزي عليه انا مستحشاته وهو يلز فيا الي ما يتحشم حرام عليه من عندي انا في الدنيا بعد ربي وماما وبابا غيره...
خشت عليها عايشه
عايشه_ مريومه بنتي ماتعدليش عليه
مريومه_ حرام عليه انا فرحانه بيه وهو كل ما يشوفني يهزب من عندي في الدنيا غيره هو خو واحد ويكرهني
عايشه_ لا شن يكرهك عزام انتي عنده بالدنيا غير تعبان
مريومه_ ديما هكي هو
عايشه_ خلاص بنتي امسحي دموعك ونوضي
مريومه حاضر
خش حمد وسلم علي عزام وهدرز معاه وقعدت العيله ملتمه لين تعشوا وبعدها
خش عزام رقد ومريومه اظم في المطبخ وحاطه السماعات
عايشه_ ياحمد بكري عزام قال لازم مريومه تلبس حاجه علي راسها قدامي وانا مش خوها باش تقعمز جنبي هكي وكان ماكلمتيها وقلتيلها تستر روحها قدامي انا انكلمها وانقوللها كل شيء
حمد_شن يخرف هدا غدوه نتفاهم معاه
عايشه_ ياريت والله
.........
تو أكيد عرفتوا الشخصيات الرئسية
عزام ظابط في الجيش تخصص هندسة عسكريه طويل وأسمر جسمه رياضي حلو يشبه لشاهد كابور هلبا وكل الي يعرفوه يقولوله فيها .......كتوووووم وغامض عصبي وحنوون ..مواليد 1985. _
مريومه_ بنت حلوه تشبه للأجانب هلبا وفيه شك انها عندها عرق فيهم شعرها متوسط لاطويل ولا قصير ناااعم بيضا ومواصفاتها نفس الصوره مواليد_1995
عايشه مرا طيبه وحنونه واعره مع الغلط جابت ولدها عزاام وبعد فترة خسرت الرحم
حمد_ راجل مع الناس يبان واعر هلبا لكن في الحوش العكس طيب وحنون واول ما يطلع ينقلب شخصيته قويه مومن بأن كل شيء ايجي من ربي فيه خيرته مهندس ميداني وعنده شركة صغيره للمقولات طلع من طرابلس فتره خمس سنين ورجع بعد كبرت مريومه.
حمد عنده تلات خوت واخت وحده نعرفوهم خلال الروايه
و عايشه عندها اختين وسبع خوت نعرفهم خلال الروايه
#يتبع
أرآكم تعليقاتكم وتوقعاتكم
