#الحلقة_السابعه
############################# لااااااااااايك قبل ماتقروا مش مسامحه الي يقرا بدون لايك وتعليق اليوم وتعبي في رقبتكم
هههههههههه تعلقوا تعلقوا لازم ههههههههه
***************** ************ ********
مريومه وصلت للحوش وكانت فيلا متوسطه مش كبيره ولا صغيره وبابها كبير لوح وجنب الباب قرااج كبير حديد ومنظره حلو انفتح القاراج ودخل عمي السياره وكانت حديقه حلوه فيها نافوره علي شكل جره كبيره حلللوه وجنبها طاوله وكراسي و والورد الأحمر معبي الحديقه حاجه حلللوه
ع عبدالرحمان_هدا حوش بوك الفيلا الي كاتبها بإسمك
رمضانه_انستي حوشك
مريومه_عيونها معبيات دموع الله يأنسك
نزلنا من السياره جت بنت
ريما_بابا تعال اوقف اهني...عمتي رمضانه اوقفي اهني
رمضانه_خيرك يابنت اتكري فيا البنت قعدت واقفه بروحه
ريما_ماهو كله علي خاطر البنت
ومشت ريما وقفت جنب عمي عبدالرحمان
مريومه استغربت الوضع هيا واقفه وهما مقابلينها كل مجموعه واقفه بروحها
ريما_ماتنخلعيش ....كل عيله واقفه بروحها طبعا اليوم بتقابلينا احني الجيل الاول عماتك وعمامك وصغارهم
انا ريما واشرت علي ع عبد الرحمان وهدا بوي عبد الرحمان وماما سالمه واختي نهى وخوي سليمان و مجد
وهادوا عيله ع عبد الرحيم ومرته صفيه وعنده قيس وعلاء ومحمد واحمد وبنتين سلوى وسلمى تؤم زي ماتشوفي
وهادي_عمتي رمضانه محبوبة الجماهير ههههههه وعمي فرج وصغارهم سيف سعد سرور ساره
وهادي عمتي حليمه الكبيده عاد ...عندها
ابتهال وانتصار واسماء وابرار وانوار
واخيره اسعيييده خالتي سعاد زوجها متوفي واسمه ناصر وعنده ولد وبنت الولد وجدي متزوج ومسافر والبنت قدامك اسمه نور
وطبعا ختامها ميك حنينه خديجه وعمتي فاطمه....
مريومه_بالجوده انا مريم وتقدروا اتنادوني مريومه
وبدي الكل يسلموا ويرحبوا ودخلوها للحوش
وبدت الاسئله ومريومه اتجاوب و مره تنسجم ومره تخاف
بعد ساعه
ح خديجه_هيا نوضوا الغدي واتي
فاطمه_التريس حطينالكم في المربوعه
وهيا النساوين تفظلوا لغرفة الأكل
خشينا لغرفة الأكل وكانت كبيره ومقسومه بالجبس واللوح علي جزءين جزء امفرش بمنادير وجزء فيه طااوله كبيييره لوح ورخام ومعاها 12 كرسي
ريما_والله يامريومه اليوم حنينه وفاطمه من فجر ربي وهما طوارئ واتصلوا امس بأمك سؤلها شن تحبي وشن تاكلي وداروه كلها
مريومه_ههه بارك الله فيهم والله عادي ناكل اي شيء مانعدلش هلبا
ريما_كييف عاد اليوم جايه بنت عمي محمود والعيله كلها متشوقه لكن طلعتي طرررف مش منك امك اوكرانيه
مريومه_ ابتسمت ابتسامه مجامله
ح خديجه قعمزت جنب مريومه
كولي سلم بنتي درنا الرشده علي خاطرك يابنيتي
مريومه متحشمه ومش قادره تاكل كويس
فاطمه_كولي خيرك العفو ولا مش طيبه الرشده
مريومه_لا والله زي العسل ناكل اني
وكملوا غدااهم
وقعمزوا النساوين ايهدرزوا
وكل شوي جدتها اتبوسها
ح خديجه_والله ماني مصدقه بنت محمود صبيه هكي والله وحد عليها امقعمزه احداي الحمد لله هدا النهار المبروك الي يقولوا عليه
رمضانه_ايه والله اتخافي عليها من النفس
سعاد_بالله يابنتي نحي هالوشاح من امس خاطري انشوفك من غيره
ريما_اييه نحي الولاد مايخشوش راه لين اينادوا
نحت الوشاح
البنااات مااااااا شااااااااء الللللله تبببااارك الله
مريومه_هههههه ياسركم والله خجلتوني
سعاد_خساااره والله هو ولد واحد ومتزوج وكان هدا ما تفوتيني
ح خديجه_ياااسركم راكم اتعينوها ردي يابنتي وشاحك دسي هالدهب تبارك الله عليك معاش توريهم شعرك بكل هادو
انوار بنت حليمه_وخيرنا ياحنينه حتى احني شعرنا طويل عمرك مادرتي هكي
ح خديجه_اش اش اشي البنت تو من يرقي فيكم ديما مش اني ولا لا وبعدين هادي مش كيفكم هادي بنت الغالي وشعرها مش كيفكم اتقول دهب سايل لاقوة الا بالله
ريما_خلاص ياحنينه شكلها ايامنا تمت
انوار_ مش تمت بس شكلها مااااتت
مريومه_ تبتسم علي البنات كيف يهدرزوا مع جدتها
ريماا_اييييييه نسيت ماعرفتكش ع المتزوجين
انتصار وابتهال سلوى وسلمى ساره متزوجات واسماء مخطوبه واالبااقي عواانس
والشباب مجد ومحمد وعلاء ون
مجدي هادو متزوجين والباقي عزاب
مريومه_ربي يهني المتزوجين والفال للعزابه ياارب والله ماشاء اللله. العيله الكبيره
حليمه_سلمها ياوخيتي لسانك ايقطر عسل
ريما تعالي مريومه معانا بنهدرزوا في الدار الثانيه احني البنات بس تسمعوا انتم بنات بس العوااانس بس
ابتهال وسلمى _ خزييييي
سالمه_انتي لسانك يبي القص يافانص
طلعنا وخشينا لدار فيها جلسه مغربيه حلوه فيها لوح ولونها عنابي في الدهبي
ريما اول اهلا وسهلا بيك في شلة العوااانز
مريومه_ههههه شكرا
طبعا خلي انعاودا الاسماء
انوار وسرور ابرار ونور وانا ريما كنا خمسه وتو بدينا سته المفروض ننقصوا مش انزيدوا
سرور_يلا بالك هيا اتخش ادف وحده منا تطلع من الشله
ابرار_اميين يارب اسمعي دفيني انا باهي
نور_لا هادي خليها ضامنه عريسها دفيني اني
مريومه_هههههه لا ياوخيتي علاش اندفكم نطلع برااسي خير
ريما_اشبح اشبح طلعت مش هوينه
مريومه_لا ياوخيتي اتحصلنوي انا انعنز وانتم تطلعوا
ريما_لا عندك الحق عموما لازم تعرفي قوانين الشله
اول حاجه قيس هادا يخص ابرار ماتحبش حتى من يشبح فيه يعني حتى لو سئلك تجاهليه ماترديش هيا هكي تغار من ظلها مع انه يحبها لكن طبعا مايكلموش في بعض
باهي ثاني شي
احمد هادا شور سرور يحبوا غي بعض علاقه ساامطه ورومانسيه لين ادره الكبد
سرووور _مووووووتي يحبني وانحبه خيرك انتي
طبعا قعد سليمان خوي ونور وانوار حاولوا معاه وماعطاهم وجه كان عجبك حلال عليك
انا_مرتبطه مع واحد من سنتين واليا تو ماخطب كل ما ايجي بيخطب يصير شيء عنده او عندي اخر مره مات عمي محمود الله يرحمه
انوار_صحه والله عليك بقيت الشكاره كلها في خمس دقايق
مريومه_ماتخافوش والله مايطلع كلامك من هالدار
ريمت_اصلا انا ارتحتلك هكي من ربي
وهدرزت مع البنات وضحك وجو وتعشينا وروحوا كلهم قعدت جتي وعمتي فاطمه بس هدرزت عليهم بعدين خديت تليفوني ورنيت علي ماما
مريومه_الوا ماما
عايشه_مريومه بنتي كيف حالك من بكري انرجي في اتصالك
مريومه_والله العيله كلها التمت تو بس فضيت كيف حالكم
عايشه_الحمد لله انتي شن صار معاك
مريومه_الحمد لله العيله ما شاء الله عليهم الحق عمامي وعماتي وصغارهم جوهم حلوو هلبا كيف حال بابا وعزام
عابشه_بوك يسلم عليك وعزام من الصبح طلع بعدك لتو مارجع وبكري اتصل قال بنتأخر
مريومه_اها من جاك اليوم
عايشه_جو خالاتك وبناتهم وخشت سندس لدارك بكت داراته عزيي بعيد السو عليك ماسكتناها الا بالسيف
مريومه_بدت تبكي والله حتى اني من بكري شاده دموعي بالسيف انفكر فيك وكيف ببنات بعيد علي داري وسريري
عايشه_ حتى اني مالقيت مانديير تسكتي خلااص راهوا انصكر ومعاش انكلمك
مريومه _لااااا خلاص سكتت
عايشه_باهي شن قالوا عليك عماتك
مريومه_والله الا يشكروا لين تحشمت حنينه خديجه خافت علي شعري ماخلتنيش انحي الوشاح وبعد روحوا قالت عين الودود اقوى من عين الحسود
عايشه_وباهي بكل حق يابنتي العين حق شعرك ظميها معاش تطلقيه سلم بنتي
خش عزام علي اخر كلام
عزام_هاتيها
مريومه_وتعرفي ياماما فاطمه مرت بوي
عزام_خيرها
مريومه_خزيي خلعتني تنحنح مره تانيه مش تقعظ ساكت
عزام_باه خيرها مرت بوك تو ماتتحشميش اتقرمي فيهم وانتي لتو ماطقيتي حتى يوم معاهم
مريومه_كنت نشكر فيهم اصلا انا مانقرمش
عزام_واااضح ....والبسي وشاحك معاش تنحيه قدام حد وتو كيف حالك
مريومه_باهي الي تفكرت مش قتلك اتصل بيا
عزام_ قبل غدوه بنتصل بيك
مريومه_علاااش مش قلت تو انكلمك كل يوم
عزام_اليوم شفتك مش طلعتي منا الصبح علاش بنكلمك
مريومه_ بلااش معاش نبيك تتصل بكل عطيني امي
عزام_احسن فكيتيني من دوتك هاك امك
وفات اليوم ومريومه مارقدت للفجر متغير عليها المكان
مريومه_ ناضت الصبح علي تليفونها
مريومه بصوعت ناعس
_الووو
عزام_قاعده راقده ياخميرة النوم نوضي ماتحشميناش تو ايقولوا بنتهم قطوس نوم
مريومه_الناس تقول صباح الخير قبل وبعدين للفجر مارقدت
عزام_صباح النور علاش قاعده للفجر
مريومه_تغير علي المكان وفقدت مخدتي
عزام_كان ع المخده تو انجيبها لك غير ارقدي بكري ونوضي بكري
مريومه_عزام تعال اليوم صحه وجيب ماما وبابا
عزام_لا شن بنجو من اول يوم تو انجوك بعد شهر
مريومه/لا عزوووم بالله عليك مستاحشتكم
عزام_في خاطره ياروح وقلب عزوم انتي _باهي يستر الله تو انشوفوا
مريومه_اصلا نعرفك حنين ومانهون عليك نزعل
عزام_باهي صكري صكري وصلت لصاحبي
مريومه_باهي سلام
.....
صكرت مريومه وفي شيء في داخلها مايبيها اتصكر وفسرت هالشعور بأنه استاحشتهم وماتبيش اتحس ببعدهم
خشت للحمام_(حشاااكم) غسلت وجها ونزلت صبحت علي جدتها وفاطمه
ح خديجه_صباح السكر ومزاج رايق موش امعكر ويفنتح قدامك يامريومه كل باب امصكر
_مريومه_احلا دعوه ياحنينه
فاطمه_شن بنيتي نقوللهم يحطولك فطور
مريومه_لا تو انخش بروحي كان مافيهاش مشكله
ح خديجه_مافيش مشكله لكن خلي الشغالة اتجيبلك فطورك
مريومه_نبي الحق حنينه انا انظم في سفرة فطوري بترتيب معين ومانحبش حد الا ماما بس اتوتيه ليا
فاطمه_لا عادي بنيتي تعالي معاي
فطرت مريومه وقعدت اتهدرز مع جدتها ومرت بوها الي كانت الفرحه مش سايعتها انها اتشوف في بعض من اطباع محمود في مريومه وبالدات الاصراروالعناد وشدة الملاحظه...
.....###$$
عند عزام
وليد_او المحترم شنجو
عزام_ياسر من جو المفرخ راك بصغارك
وليد_اهللين خوي عزام كيف حالك م
كويس هكي
عزام_ماهو من الاول
وليد_ماهو كلب انت ديما اموقفها في رقبتي
عزام_باهي عندي دوه تنزل للقهوه ولا نمشوا للكورنيش
وليد_فكنا من الكورنيش تو تسمع المرا تحسابني داير موعد اتنكد عليا
عزام_خزيي اتخاف منها ..... هيا خش للقهوه
خشوا قعمزوا
وليد_خيرك شن صاير
عزام_مريومه مشت مع عيالها
وليد_كويس بكل وشن ناوي
عزام_ شن بننوا مادرت حاجه وهيا قدامي بندير تو وهيا عند عيالها
وليد_ماك غبي تو هو الي تقدر تتقرب منها
عزام_كييف ان شاء الله
وليد_اسمع تو انعلمك..........
...........
وفات اسبوع ومريومه مع اهلها وامورها تمام
ح خديجه_امتا بتمشي للجامعه
مريومه_والله من غدوه انشاء الله تبدا اليوم بتجي بنت خالتي مع امها واختها والبنت هادي تقرا معاي بنتفاهم معاها ع المشي
ح خدجه_باهي كويس بكل كلمني ع الوقت الي بنمش فيه باش انكلم واحد من عمامك يرفعك معاه
مريومه_مافيش داعي بابا حمد بيرفعني غدوه
ح خديجه_ بكيفك امتا ماتبي تمشي للي مكان كلمني ولا كلمي عمامك
مريومه_حاضر جديده ابنمش انوتي روحي بيجو العصر
والعصر
فاطمه_الووو سليمان
سليمان_نعم عمتي
فاطمه_اسمع سلم ولدي تقدر اتجيبلي شكلاطه غير خالت مريومه جايه والشكلاطه تمت
سليمان_خلاص تمام انا مش بعيد عليكم ربع ساعه وانجي
عصام_تي مش بنمشوا للفروسيه خيرك
سليمان_ باهي ابنخطم ناخد شكلاطه وانخطمها علي حوش عمي في طريقنا هما
شري سليمان الشكلاطه ووصله لعمته وهو طالع وكيف بيركب درست سياره ونزلت منها مرا مع زوز بنات طبعا هو ماشافش الا وجه بنت برييييء بنت خدت عقله
قعد واقف ومتنح ...في خاطره_تي من هادي ملاك ولا نحلم ولا شن تبارك الله شن هالطرف الي جاي لحوش عمي.... و
البنت ولا شبحت ولاعبرت وخشت للحوش
بعد شويه
عصام_تي اركببب
سليمان _باهي وركب
عصام/الي تو نزلت من السياره ولابسه قونه من هادي
سليمان_وين نندري عليهم اني لكن مافيش وحده لابسه قونه
عصام_لا فيه وحده لابسه سروال والثانيه قونه
سليمان_تبي الحق ماشفت الا الي لابسه سروال بس
عصام_ههههههه وانا الي لابسه قونه هنت علي خوك مره وحده اسمع بلاش منها الفروسيه وانزل اسأل عليهم وانا انراجيك عادي اليا غدوه
سليمان_تي تحشم شن ننزل خلي نمشوا للجماعه ايراجوا
و
#يتبع
أرآكم وتعليقاتكم تهمني
