اسسسسفه عالتأخيير
#مريومه_وعزام
#الحلقة_السادسة
**********************
لايك قبل ماتقروا.
****
اسمع (ي) الكلام واضغط لااااااايك
.....
.
.
ايوه تو اقر(ي)الحلقة وحط (ي) رايك في تعليق
...................********..............
ح خديجة_ تعال سلم بنيتي انا جتك وهادوا عماتك...
مريومه مصدوووومه وتشبح في جدتها
وبعدها
حظنت جدتها وجدتها تبكي وتمسح علي راسها
ح خديجه_ الحمد لله الي شفت بنتك يامحمود الحمد لله وتبكي
وعماتها يبكوا كان موقف صعب علي الكل بالذات عايشه وعزام الي كان في الجنان ويسمع في الكلام
مريومه_ سلمت علي عماتها وكل وحده تحضن وتبوس فيها
رمضانه_مشاء الله عليك زي الريمه
حليمه_ايه غزاله مصوره
مريومه_صحيتوا
سعاد_خيرك لابسه الوشاح في هالنو
مريومه_ماهو عزام قاعد في الحوش
ح خديجه_انتي ديما تلبسي فيه قدامه
عايشه_ايه والله من لما عمرها 15 سنه وقبل حتى لاتعرف انها مش بنتنا لبسهوله خوها
سعاد_وعلاش العفو هو زي خوها متربيه معاه
عايشه/والله كنت انقول زيك زي خوها لكن بوها وعزام قالوا الدين مافيشي حاجه اسمها زي خوها
ح خديجه_ايه حق صدق الحاج
وتو يابنتي مريومه شن مازلتي مش مروحه معانا والله داداك فاطمه بتجي لكن صارتلها حالة وفاة خاطرها بتشوفك و وتتلك دار معاها في الفيلا
رمضانه_والله يابنتي العيله كلها تراجي فيك انتي من ريحة المرحوم
حليمه_والله بناتي خاطرهم يشوفك من هبالهم قالو صوروها
مريومه_ههههههه شوقتني انشوفهم
كانت عايشه تتفرج ومره مره اترد عليهم وقلبهابيوقف....
اتشوف في مريومه قدامها بين جدتها وعماته وكيف فرحانه وتضحك بالرغم من صعوبة الموقف علي عايشه لكن ماحبتش اتكون انانيه وقررت في داخلها انها ماتضغط علي مريومه بكل واتخليها تاخد قرارها بروحها
ح خديجه_يا بنتي عايشه بارك الله فيك..
والله شكلك ربيتها نعم التربيه وهادي بنتك ....
وديما بتجيك وامتا ماتبيها اتجيها هادي بنتك الام الي تربي مش الي تجيب
عايشه_صحيتي ياحاجه والله من لما خشت لحوشي وهيا بنتي وتقعد بنتي طول عمري
سعاد_انتي ماعندك الا ولد بس
عايشه _ايه حملت بعده ورميت وخسرت الرحم وبعدها جتنا مريومه
حليمه/باهي الي سميتها مريم منها فيها من اسمها ومنها اسم عربي
عايشه/بوها حمد سماها
رمضانه_باهي شن قررتي مريومه بتروحي معانا ولا لا
مريومه تشبح لأمها ومش قادره تقرر
ح خديجه_يابنتي مريومه هداكا حوشك وحوش اهلك صح عايشه وبوك حمد ربوك لكن هادوا ماهم اهلك احني اهلك ولازم تروحي معانا وكان ضايقك حد ولا وصل فيك اي شخص لمي دبشك وهما قاعدين ومرحبين بيك في اي وقت ولا يا عايشه
عايشه_أكيد هادا حوشها امتا ماتبي اتجي ودارها قاعده ....طبعا عايشه تتكلم عكس الي في قلبها ودموعها الي متحجرات في عيونها فضحوها
سعاد_بالله عليك ماتبكي ياعايشه هدا الصح ومريومه من اول ماجاتك وانتي متوقعه ايجي هاليوم
عايشه_لكنةمانحسابه واعر هكي واللله بنتي غير انتم مش حاسين بيا تو بتمشي معاكم وبتقول ماما لغيري وبابا لحد تاني مش حمد بتمشي معاكم وبتلها في عيلتكم وتنسانا لكن ماعندي ما انقول هدا الي ربي كاتبه وانا راضيه بالمكتوب نوضي مريومه ظمي دبشك سلم بنتي وروحي مع جتك
مريومه_لا مش اليوم يا حنينه بعد غدوه انوتي دبشي وانسلم علي بوي وعزام وانوتي روحي
ح خديجه_خلاص كيف تبي تو ايجيك واحد من عمامك وعماتك ايجيبوك باهي
مريومه_حاضر
سعاد_سلمها ياربي ايحظرلك الخير
وطلعوا رحوا
......
وخشت مريومه للمطبخ وتغسل في طواسي العصير والقهوه وتبكي تشوف في المطبخ الي قداش كلت فيه ومرمدت فيها من اكلات مع عزام وامها
خشت عليها عايشه تتفرج عليها وكانها تودع فيها وعزام خش وصكر علي روحه داره
خش عمي حمد بعد صلاة المغرب
عاااايشه ياااااعاااايشه مريوووووومه يامريوووومه
عايشه_هيا هي
مريومه_نععععم بابا
طلعوا من المطبخ
حمد_تعال جاي يامريومه
جت واظبطها _ابتمشي يابنتي وبتخلي مكانك كان نلقى انحطك انتي وعزام وامك في قلبي وانصكر عليكم باش ما تفارقينا كلنا
مريومه_والله يابابا مانبي نمشي وانخليكم لكن نفس الشيء مانقدر نقعد بعد رسالة بوي محمود
عايشه_هدا نصيبنا الله غالب مش تنسينا
مريومه_كيف ننساكم ياماما
حمد_غدوه تطلعي وتشري حوايج جدد تقابلي بيهم عيالك
عايشه_ايه بنمشي معاك
مريومه_والله عندي مانبي تو شريت في نهاية الجامعه
طلع عزام_لا ابتمشي وتشري حوايج جدد
مريومه بعدت علي بوها وجت حظنت عزاام
مريومه_ابنستاحشك هلللبااا بالله عليك ماتنساني واتصل بيا طل يوم وتعال شوفني بالله عليك
عزام_ياسرك ماتمليش من البكي وبعدين علاش بنجيك ماصدقت افتكيت منك تبيني انجيك ونتصل بيك اصلا بنغير رقمي وبنفتح داري علي دارك وبناخدهمانديرهم جنااح
مريوم بعدت عليه
مريومه وهيا ترشف_تتكلم بجديااات...وبدت تبكي بالعبره خزييييييييييييي
عايشه_خيييرك معاها
حمد_واالله ماتحشم باهي
عزاام_تي اسكتي ياهبله انبصر عليك اسكتي ياسرك عااد....
مرييبوووومه و الله بنستاحشك تي من عندي انا في الدنيا بعد ربي وامي وبوي انتي بس راه والله ماني عارفه كيف بنخش للحوش وانتي مش فيه ياهبله
مريومه_مسحت دموعها_علاش ماتقولش هكي من الأول
عزاام_نحسابك بتظحكي لكن شي نكككد علي اصوله نوضي لمي قشييشك
مريومه _عزاااااااااااااااااااام بلا براده.
عايشه_نوضي حق يابنتي خلي انشوفوا دبشك عزام انت ديما تسافر جيب شناطي من عندك اتحط فيهم مريومه حوايجها
عزام_باهي
خشت مريومه وامها للدار
واول شيء بدوا في شيتاتها وكتبها حطوهم في صنظوق كبير
والأحديه في صندوق ثاني وبعدها بدوا في الحوايج امتع الحوش والتوت في شنطه بروحهم وحوايج الطلعه في شنطه بروحهم والاكسسوارات والعطور والمكياج في شنطه بروحهم مريومه تعلمت النظام هدا من امها ماتحبش الفوضى بكل لين امولي عندها وسواس
عايشه اوووف باهي الي كملنا الساعه 12 وتو ارقدي....
مريومه_باهي تصبحي علي خير
عايشه_قدامك كل الخير
.......
ورقدت ثاني يوم ناضوا الصبح وفطوروا بدلوا وطلعوا كلهم مع بعض ومشوا للسوق العيله كلها وشرت مريومه حوايج جدد
تلات لبسات طلعه زوز بالسروال وحده سروال واسع اخضر داكن مع بلوزه بيج بورد أخطر عليها جاكيت اصفر صيفي طويل من غير كمام مع وشاح بيج
ولبسه سروال جينز مع بلوزه طويله دم غزال ووشاح ازرق
وبدله قونه كحله مع بلوزه ورديه هااديه ووشاح اكحل في الوردي
........
ومشوا تغدوا في المطعم ....
وروحوا وكاان يوم حلو للعائله كلها كأنهم يبوا يخلو اليوم الأخير حلومن غير دموع...
وفي الليل التمت العيله وبدوا توصيات لمريومه
عايشه_بنتي اهم شيء قرايتك عارفاتك ماتتوصيش لكن ماتلهيش عليها ماتكتريش الكلام جاوبي علي قد السؤال وماتعطي سرك لحد لين تعاشريهم زين واتصلي بيا كل ليله وقولي شن صار معاك
عزام_و ولاد عمي ولاد عمتي والخلطه الزايده لااااا ماتوقفيش علي اي ولد بروحك قعمزي معاهم مع العيله بس وماتضحكيش معاهم وماتشوفيش فيهم بكككل فااهمه
حمد_كيف ماتشوفش فيهم شن بتغمض عيونها
عزام_ايه عاادي تغمضمهم
حمد_ماتعدليش عليه انا واثق في تربايتي واهم شيء صلاتك والفجر حااضر زي اهني انا تو نتصل بيك كل فجر
مريومه_تشبح فيهم ولما كملوا كلامهم
حااااضر ........وبدت تبكي بنستاحشكم غدوه كيف بنرقد بعيده عليكم كيف بنوض الصبح من غير مانشوفك ياماما
عايشه/بدت تبكي والله ماني عارفه كيف بنعيش بلاك يابنتي
عزام_ياااااسركم خلاص قلبتوها نكد
وناض من جنبهم
وسكتت مريومه وامهاوبدي عمي حمد يهدرز علي ايامتها زمان وعمايلها ورجع الضحك
....
عند عزام
خش مضاااايق والف فكره في دماغه
عزام يتكلم مع روحه
تو كان عجبها واحد من ولاد عمها واالله ياخدها ومانقدر اندير حاجه ماني حمار قاعد لتو ساكت ووووااااااك اوووف ولا يمشي حسن ويخطبها تي نقتله
ماهو حمار اني كان قلتها من قبل اني انحبك شن صار راهي تو عارفه ولا مرتي مره وحده
.....ناضت عايشه وحمد رقدوا وجت مريومه بتخش لدارها ماصارش مشت طفت علي عزاام
عزاام_خشي
مريومه_ فتحت الباب ودخلت راسها بس...كيف عرفتني
عزام_مهناش غيرك ايطق قبل لايفتح
مريومه_باش تعرف مؤدبه
عزام_شن تبي
مريومه_انخش عادي نبي انهدرز عليك شوي
عزام_خشي خشت مريومه وكرت الكرسي وقعمزت قابلته
خاااايفه ياعزاام هلبا
عزام_من شن خايفه مش حياكلوك اكيد
مريومه_نعرف مش حيكلوني برااده....لكن الوضع جديد العيله كبيره والجو جديد وخايفه يكرهوني ولا يتهزوا علي لانه امي مش ليبيه وكنت لقيطه فتره طويله
عزام_مهناش حد يقدر يكرهك مريومه انتي طييبه هلبا وحنينه ومحترمه لسانك مش طوييل زي بنات جيلك لانك تربيت امي
مريومه_زعما
عزام_ماتخافيش
ناضت مريومه وحظناته
عزام_تي ابعدي مش خوك اني راه طول الوقت وانتي تحضني فيا .....بعدين فاق لروحها
مريومه_نعممممممم شن قصدك
عزام_لااااا شيء نبيك تتعودي بس
مريومه_مش اول مره ديما تقول مش خوك اني
عزام_وهدا الحق
مريومه_ايه لكن زي خويا
عزام طارتله_مش خووووووك ولا زييي خووووك انا عزام حمد وانتي مريم محمود
مريومه_خيرك عصبت شن قلت اني
عزام_ما انحبهاش كلمت انت خوي ولا زي خوي منك
مريومه_علاااااش خاطري نعرف
عزام_تبي تعرفي...
(عزام فتح دولابه وطلع صندوق صغيير ومده لمريومه الصندوق هدا معاي من لما عمري عشرين سنه وكل سفره معاي
خدت مريومه الصندوق وفتحاته
لقت فيه حديده ليها زمان رايحه منها وصور ليها من لما عمرها عشر سنين لتو
مريومه_شن هدا عزام؟؟؟
عزام_تي هدا كله مافهمتيش انتي تي انحبك انحبببك خيرك) طبعا هدا كله عزاام تخايله في راسه...ماتفرحوووش مزاال ههههه
مريومه_وييين رحت ايه نبي نعرف علاش معاش تبي انقولك زي خوي
عزام_تو تعرف ايجي يوم وتعرفي....
وجت بتطلع
مريومه_زي ماتفهمنا اتجي كل يوم وتتصل بيا مش تنساني
ناض عزام وحظنها بقوه وبعدين بعدها مريومه خافت وحست بإحساس غرييب ...باسها علي خدها مستحيل ننساك مستحيييل تصبحي علي خير
مريومه امفنصه فيها زومط ريقها وانت ممممننن اههله وطلعت تجري
وخشت لدارها وصكرت الباب
مريوم تكلم في روحها ....خيره قلبي بينقطع وحراراتي ارتفعت شن هدا
بدلت حوايجها لبست توته ....
وناصت رقدت وعزام بعد تفكير رقد
وناضوا الصبح بكري ومريومه دوشت واستشورت شعرها ولبست بدلة القونه الي شرتها امس وقاعده تعدل في وشاحها طق الباب طقتين وانفتح مريومه تحسابها امها
مريومه _خشيش خشي ماما
خش عزام _هدا اني وكانت مريومه فاتحه شعرها وامنحية الوشاح باش اظم شعرها زيين
عزام سرح في شكلها وشعرها الأشقر مع اللبسه طاله تهبببللل
مريومه_شبحت عزام وتفكرت الليل الي فاتت...شويه عزام انحط وشاحي بس
طلع عزام وقلبي بيشق صدره وبيطلع من كتر الدق وتكر ليلة امس ضحك ومشي لامه
وطلعت مريومه....
ومع الساعة 12 الظهر جت عمتها عمها ورفعوها بعد وداع واحضان ومش لحوش بوها
#يتبع
تعليقاتكم تهمني
