#مريومه_وعزام
#الحلقةالتاسعة_والعاشرة حلقتين مع بعض
#######:::::::::::::########
لاااااايك قبل لاتقروااا
والتعليق بعد تكملوا
#######:::::::::::::########
حسن_يااام _يااام
عزيزه_تعال انا اهني
حسن خش لامه سلم عليها وباس راسها
عزيزه_شن هالغلا الي نزل عليك اكيد تبي حاجه
حسن_اصلا نعرفك تعرفيني كويس
عزيزه_باه تكلم...
حسن_يام نبي نخطب
عزيزه_النهار السعيد تو اندورلك بنيه تبي من العيله ولا اندور برا منها
حسن_لا مادوريش هيا موجوده انا نبي مريومه بنت خالتي عايشه
عزيزه_قاعد مصكر راسك عليها
حسن_ايه يام والله مانبي غيرها وهيا تو خلاص لقت اهلها وتسجلت تحت اسمهم وهيا ما شاء الله عليها ادب وجمال وفوق من هدا دكتوره شن تبي اكتر من هكي
عزيزه_خلاص بكيفك تو انكلم خالتك وهيا اتكلم هل مريومه
حسن باس راس امها_ربي يحفظك يام وما يحرمني منك يااارب
عزيزه_ويحفظك ياوليدي وايكمل فرحتك
سندس_شن الدعوات الحلوه هادي
حسن_خلاص ابنخطب
سندس_لا لاه كويس لوووولوووولي
عزيزه_اسس بلا هبال مازال التزغريت
سندس_ومن ابتخطب ولا امي بدورلك
عزيزه_يبي مريومه بنت خالتك
سندس_اه مريووومه
حسن_ايه مريومه وخيرها مريومه ولا في حد هيا تبيه عاد صاحبتها انتي
سندس_لاااا شن هالكلام مريومه معندهاش في الجو هدا
حسن_امالا خيرك بلمتي
سندس_لا بلمت لاشيء غير ماتوقعتكش تبيها عمرك مالمحت حتى بالكدب عليها
حسن _من يوم يومي نبيها لكن نبي انخش الحوش من بابه سريب العلاقات مانحباش وبعد بنت خالتي وعيب اندير معاها علاقه ودوا فاظيه
سندس_ربي يتم علي خير ان شاء الله مش مصدقه مريومه ابتبدا مرت خوي
عزيزه_تتصلي بيها ولا تقوليلها انقص لسانك لين انكلم امها وامها اتكلمها
سندس_خساره كيف ابنتصل بيها
عزيزه_جرررربي حظك وكلميها
.......
نفس اليوم العصر
تليفون الأرضي يشرين في حوش عايشه
عزام_يما ....يما وينك الارضي يشرين
عزام_الووووو
عزيزه_الوو اهلين عزام
عزام_اهلين خالتي كيف حالك
عزيزه_الحمد لله في نعمه كيف حالل امك وبوك
عزام_والله الحمد للله بخير كيف حال حسن وخالد والبنات
عزيزه_الحمد لله وين امك
عزام_مش عارف.... اهي جت هاك ها
عايشه_الو السلام عليكم
عزيزه_وعليكم السلام كيف حالكم
عايشه_الحمد لله كيف حالكم انتم
عزيزه_بخير في نعمه اسمعي بنقولك
عايشه_خير شن فيه
عزيزه_هدا حسن ولدي عارفتيه حوشه وكمله والحمد لله وعمله كويس ويبي يخطب
عايشه_باهي بكل النهار السعيد ومن ابتخطبوله
عزيزه_والله مانلقوا خير من مريومه
عايشه_مريوومه باهي ربي يسهل كان عليا من تو اموافقه لكن تو انكلم هلها وانكلمها وانرد عليكم تتفظلوا ولا لا
عزيزه_باهي شوفيهم وردي عليا سلامتك تو
عايشه_تمام سلامتك
طلع عزام من الحمام (حشاكم) _ شن تبي خالتي سمعتك اتقولي مريومه
عايشه_بفرحه حسن يبي مريومه
عزام_وجهه انصفر وعيونه امفنصااات_نعععععم شن قلتي
عايشه_حسن يبي يخطب مريومه النهار السعيد
عزام_شن يخطبها يحلم هدا قوليلهم لا
عايشه_وعلاش انقول لا العفو وين نلقوا خير من حسن مهندس بحوشها واخلاقه الشارع كله يحكي بيها
عزام_تي لا لا قولي لا
عايشه_برا سلم ولدي من قدامي هدا بدل ما اتقولي حتى انا بنخطب جاي توقف بنصيب البنت وبعدين مش احني الي نقبلوا ولا نرفضوا هلها هما الي عندهم الكلام
عزام_ لا يما عاد شن يخطبها وللله نمشي فيها راه
عايشه_خيرك ياولد تفترش في الكلام شن دخلك انت
عزام_مريومه اني نبيها مريومه ليا اني
عايشه_طيح سعدك شن تقول ياولد هادي اختك تحشم علي وجهك
عزام_مش اختتتتي مش اختي ديما انقوللكم مش اختي عمري ماشفتها كأخت ليا
وايجيه كف من امه
عايشه_الكلام هدا تنحيه من دماغك مره وحده فااهم ولا لا
عزام ينحي مراية المدخل ويخبطها علي الارض وخش لداره خدي مفاتيحه وخلى موبايله وطلع
