#مريومه_وعزام
#الحلقة_الخامسة
###############
لايك قبل ماتقروا.......
*********************************
فتحت مريومه الرساله وهيا ترعش
""""السلام عليكم
بنيتي ماري الي حرمت روحي منها وحرمتها من امها بسبب طيشي وقلت عقلي
ماري أكيد لما تقري هالرساله بيكون ربي خدي امانته
سامحيني يابنتي ماقدرتش انكون قد المسؤوليه .......ماقدرتش نتحمل نتيجة افعالي.....
في هالرساله حتلقي قصتك كامله
وبدت هالقصة نهاية سنة 1992 كنت كيف تعينت في الطوارئ في مستشفى &$٪& وكنت شاب صغير وفي بداية عمري جدك كان واعر وعنده الرزق لكن مايحبش يعطي لولاده عودنا انا لازم نشتغلوا باش انعيشوا المهم بديت نخدم وتعودت اني انشوف امك يوميا وكانت عاجبتني كشكل بس .....
حاولت معاها بكل الطرق يعني زي الشباب الي في عمري علاقات وهكي .... سنه كامله نتبع فيها وهيا رافضه الفكره نهائيا ..........
كانت صغيره وحلوه لكن عاقله ومن عائله كبيره اوكرانيه .....
وبعد محاولات أقنعتها اني نبيها ونحبها...طبعا كدبت ماكنت انحبه اعجاب شكلي بس اصلا كانت مسيحيه يعني كنت نبي علاقه غير شرعيه لكن رفضت نقربها الا بالزواج .....
كنت نبي انفوت معاها وقت بس لكن كانت تعرف عادات الليبين ونظرتهم للعلاقات قنعتها اني نقرا فاتحتنا لكن بدون علم حد لاكن شرطت انه اهلها يعرفوا قريت فاتحتي عليها وشهد عليها زوز مصرين عطيتهم فلوس باش شهدوا على الفاتحه ......
تزوجتها..لكن كنت انجيها مره بعد وين وشرطت عليها اتأجل الحمل قعدت سنه ماحملت كانت مصدقه اني انحبها تفرح بجيتي كنت انحس لما انجيها اني أمير لكن عمري ماحبيتها ....
قررت هيا انه لازم انسافر انقابل اهلها لان اهلها بعتولي دعوه مشيت قلت سياحه ومنها انسكت زنينها هيا وعائلتها ....
صح كانوا أجانب لكن كان بوها حازم وماسك كل العيله كيف يبي عنده خو واحد واخت وحده...
قعدنا شهرين وطبعا كدبت علي عيالي قلت لهم عندي دوره كملنا الزياره ....
وكنت ناوي انطلقها خلاص مليت لكن صدمتني لما جتني في يوم وقالت انها حامل وليها اربع شهور ......
طبعا ضربتها وماخليت مادرت فيها قالت ان امها قنعتها بالحمل لان شعور الأمومه حلو ولازم تعيشه .....
كنت كل يوم ندير نوع من الأعشاب باش ايطيح الجنين ومافيش فايده تعبت في الحمل من الأعشاب وكانت كل ما تسأل شن هدا الي نعطيها فيه انقول اعشاب كويسه للحامل لين جي اليوم الي انولدتي فيه طبعا كانت ولاده في الحوش لاني رفضت المستشفى خوفا من اي حد من عيالي يعرف جابت بمساعدت صديقه ليها....
وفرحت هيا بيك هليا لكن تعبت هلبا في ولادتك قريب ماتت...
وانا كنت امخطط في دماغي حاجه خليتك معاها يومين وتالت يوم جيتها قلتلها لازم نرفعها للمستشفى انديرلها كشف وانطعمها ووو كدبت عليها لين تريحت وعطتني البنت
...... رفعتك وكنت امقرر نقتلك ..
لأنه اهلي مستحيل يقبلوا بيك او بي امك وانا اصلا ماكنت نبيك
طلعت اليبره تسبب في زيادة نبظات القلب وعبيتها جرعه كبيره وكيف ابنضربها .....
فتحتي عيونك وبديتي تشبحي فيا شفت وجه امك فيك وكأنها تترجى فيا انخليك ومانقتلك لوحت اليبره....
وطلعت البيرو وكتبت مواليدك واسمك علي الورقه و وقعت بوالدها بس....
واستنيت الليل لين جي ودرت في البلاد لأبعد مكان علي منطقتنا....
حطيتك قدام باب وطيقت اكثر من مره وركبت سيارتي وهربت......
وروحت لأمك وقلتلها انه عندك عيب خلقي في القلب وانك تعبتي في المستشفى ومتي مسكينه امك قريب جنت وبكت لين داخت نوضتها وثاني يوم جبتلها ورقة طلاقها وهدتتها لو تكلمت اني نقتلها ومانخلي حد يعرف وين دفنتها
وفاتت اسنين وتعرفت علي فاطمه وحبيتها حب يعلم الله بيه استقرت حياتي وعقلت وقررت نتزوجها وفي يوم عرسي طق ااباب وفتحت كانت امك ترجتني لو انك حيه ومامتي انقوللها وحلفت انها بتاخدك وتسافر خفت انقوللها عليك تسمع فاطمه ومايصيرش من العرس قلتلها انك متي وشبعتي موت ولزيتها
قالت انها مسافره ومعاش بترجع لي ليبيا
تزوجت فاطمه واستنينا سنه واتنين و ماصرش حمل مشينا انعاينوا وطلعت فاطمه عقيمه ومستحيل اتجيب
ظلمت الدنيا عندي وطول تفكرتك كيف لوحتك كيف لوحت نعمة ربي بيديا تفكرت عيونك الزرق بكيت في هداك اليوم بكي لحد هالوقت مابكيت زيه....
طلبت فاطمه الطلاق اكتر من مره ورفضت ماكنت نقدر انعيش بلاها وطلبت اني نتزوج باش انجيب صغار ورفضت لأني عرفت اني نستاهل هالعقاب من ربي نستاهل لاني لوحت بنتي بإيدي طبعا ماقلتش للعائلة انه فاطمه عقيمه قلت انه العيب فيا باش ماحد يتكلم مع فاطمه
لما كنت اندافع علي فاطمه لأني مانبي نخسرها تفكرت امك وكيف كانت اتحبني وتحملت كل شيء مني بس لأنها حبتني
المهم وفات الوقت .....
و وصلت لهالوقت عندي سرطان وفي مراحله المتقدمه وفاطمه قاعده جنبي اتعاني فيا وماتعرف شيء مسكينه ماتعرفش اني مجرم كنت ناوي نقتل بنتي....
تمنيت انشوفك قبل ماانموت لكن عارف اني مانستاهلش انك تشوفي حتى فيا ...
انا متنستاهل انكون اب انا خفت انك..تقعدي من غير زواج او ينادوك ببنت الحرام انتي بنتي وبنت حلال ميه في الميه وفي هالورقه شهادة ميلادك وعقد زواج ليا انا وامك وكتبتلك الفيلا والمحلات امتع المواد الغدائيه بإسمك
امك اسمها
أرينا كارول دكتورة باطنيه
و عنوان اهلها تلقيه في ورقة مع الاوراق وطبعا تأكدت من العنوان وهيا تو ساكنه فيه
عند طلب مع اني مانستاهل لكن نتمنى تقابلي خوتي وامي وخواتي ...
تتعرفي عليهم ....
ونتمنا تسكني مع فاطمه في الفيلا....
كلهم ماعندهم علم بأي شيء ماتحسبيهمش علي اخطائي اني ...
متأكده انه امي بتفرح بيك هيا واعره لكن حنينه اسمها خديجه وجدك اسمه سعد لكن توفى من سنتين ربي يرحمه
وعمامك
الكبير اسمه عبدالرحيم
والي بعده عمك عبدالرحمان
والي بعده انا محمود بوك
وعماتك ثلاثه
الكبيره_رمضانه
المتوسطه_حليمه
_والصغيره_سعاد
متأكد انهم بيحبوك ماتخافيش منهم.......
سامحيني يابنت
عندك الصور فيهم صور العائله وكل واحد مكتوب وراه اسمه ومواليده وصغاره
وفيه صوره لأمك
.....
سامحيني يابنتي
والسلام خير ختام
الموقع ادناه محمود سعد)
مريومه حظنت الورقه وبدت تبكي
ناض عزام حظنها ويهدي فيها
عزام_خلاص مريومه ...
اسكتي سادك بكي اهو الحمد لله عرفتي بوك وشوي وتعرفي امك
مريومه_حرام عليه علاش حرمني منه ياريت بس جاني ولو في اخر يوم ليه ....علاش ياعزام بس
عزام_الحمد لله اهم شيء عرفتي انتي من...هيا نوضي انروحوا
سليمان_وين تروح خليها اهني خلاص لقت عيالها
عزام_تي شن تقول انت تحسابها ساهله اتروح معاي وتشوف روحها تبي تجيكم ولا لا مش غصب الحكايه
مريومه_هيا عزام تأخرنا علي ماما وبابا
.....
وصلوا للحوش
وخشت مريومه تجري اظبط امها وبدت تبكي
مريومه_اه ياماما موجووووعه قلبي يوجع فيا مش قادره ياماما مش قادره نستوعب
عايشه_استهدي بالله سلم بنتي وفهميني
عزام_غير قعمزوا وتو نتكلموا
قعمزوا وبدت مريومه ابتقرا لكن ماقدرت خدي عزام الورقه وقراها وشاد دموعه بالسيف وعايشه تبكي
عايشه_شن تعيش عندهم حلوه هادي مريومه بنتي مش طالعه هدا حوش اهلها
حمد_استهدي بالله يا عايشه القرار عند مريومه تطلع ولا لا
عزام_ ايه مريومه هيا يلي تقرر
مريومه_والله ماعارفه خلوني انفكر قاعده مش مستوعبه شيء
خشت للدار وصكرت علي روحها وتسمع في امها
عايشه_ تبكي بالعبره...كييييف كييف مريومه تطلع وتخليني هدي بنتي بنتي انا انا الي سهرت وربيت وعلمت وكبرت ايجو ياخدوها ويقولها هدي مش امك وحمد مش بوك كيف ترضاها ياحاج كيف ياخدوا بنيتي كيف بنعيش بلاها كله من عزيزه ياريتها تبكشت يومها ولا تكلمت. بياخدوا بنتي مني انا كان ماشفتها كل صبح وعلي كل سفره انحطها مانتهنا كيف بتعيش بعيد عليا كيف بس...
عزام_خش لداره وغلبوه دموعه تمنا يقول لاا ب اعلى صوت مريومه ماتطلعش تمنا انه يتزوجها ويصكر عليها ومايخلي حد ياخدها منه
تمنى يخطفها ويهرب لكن ماقدرش يكون اناني من حقها تتعرف عل اعيالها والأصح تعيش عندهم في حوش بوها
حمد_يامرا استهدي بالله وياسرك بكي ماعندنا ما انديروا عيالها واكيد بياخدوها شن تحسابي هاين عليا ياخدوا بنتي انا غير كلمت بوها لما نسمعها علي حد غيري موس يشق صدري انا في قلبي مريومه بنتي انا انا الي رفعتها لتطعيماتها وانا الي سجلتها في المدرسه وقعدت الأسبوع الأول كله نحضر معاها في الحصص وانا الي شريت حوايج عيدها وانا الي علمتها كيف تسوق الدراجه و نوضتها في الفجر باش تراجع امتحانتها انا الي شجعتها علي الطب علمتها السواقه وكنت ناوي نهديها السني سياره ولميت فلوسها تو بياخدوها ويمنعوها علينا مريومه هدي بنتي بنتي زي ماهيا بنتك بنتي الي يبوا ياخدوها لكن مانقدر نرفض بنتهم في الأخير ومانقدر لانحرمها ولا نحرمهم من بعضهم هدا نصيبنا يامرا استهدي بالله واسكتي وياسرنا دموع
مريومه_تبكي مش متخيله كل هالموضوع قصة امها و ظلم بوها ليها ولأمها ندم بوها عيالها الي طلعوا فجأه طلب بوها تفكرت الصور بدت تلقلب لين لقت صورة امها كانت صوره قديمه ليها وكانت فعلا....حللوه هلبا
وفاتويومين.......
####$
وفي يوم طق الباب العصر ...
فتح عزام الباب وكانت عزوز ومعاها ثلاث نسون كبار في العمر
دخلهم ونادا امه
رحبت بيهم عايشه ودخلتهم لدار الاستقبال
عايشه_مرحبتين بيكم
العزوز_رحب بيك بنيتي وين مريومه
عايشه انصدمت _اه بنتي خيرها ياحاجه
العزوز_انا جدتها واسمي خديجه ..وهادو عماتها رمضانه وحليمه وسعاد
عايشه قريب قلبها وقف اللحظه الي من لما لقو مريومه وهيا خايفه منها وقاعده مصدومه لين خشت مريومه بالعصير
مريومه_السلام عليكم وحطت السفره وسلمت وبعدين قدمت العصير وكيف ابتطلع
ح خديجه_ مريومه بنتي تعالي
تلفتت مريومه_نعم ياحاجه
ح خديجه_تعالي سلم بنتي انا جتك
و.....#يتبع
أرآكم وتعليقاتكم تهني لو التفاعل ضعيف مش حنزل خلقه غدوه...
**********"*****"
