#بنت_التونسية
#الحلقة_15
~~~~~~~~~~~~~~~~~~~~~~~~~~
لايكاتكم قبل ماتقروا ونبي توقعاتكم للحلقات الجاية..
***********
طلع صدام من المدرسه وركب سيارته ..ودماغه قاعد مع عيون البنت الي كانت معلقه فيه وهيا تتأسف براءه. وطفوله..شيء نقي كان واضح فيهم..جمالها الي غالبه عليه طفوليه في ملامحها..طول الطريق وهو يردد ف الأسم في باله امل..امل...
وصل للحوش
امه_ روحت..
صدام_لا قاعد ف الطريق..
امه_ ان شاء الله غير وقعت العقد معاهم
صدام_وقعته ومن غدوه بنخدم معاه خوك المبجل
امه_تكلم كويس علي خالك..
صدام_ خالي ههههههه بالله معاش اضحكيني.. الي سارق فلوسك ورثتك وبالغصب باش شغلني في مدرسته .
امه_ تنازلت عليها بروحي..
صدام_اييه لما زلبحك ولعب عليك خدي هو الارض كلها وتنازلك علي هالحوش الي قريب يطيح علينا..
امه_ لولا هالحوش رانا في الشارع بعد لزنا بوك خليها ف بالك هدي
صدام_ اصلا كله منك لاش تفتحي لخوه وهو مش قاعد كان مش هالعمله والعار راهوا مش كل الناس تشوفلنا بدونيه كان هدا راه مش خالي ذالك وسارق رزقك وانتي ساكته ..اصلا لولا هالغلطه راهو انا مع بوي تو زي زي خوتي بسيارتي بمكاني في الشركه..مش ملوحه مايدري عليا حي لا ميت...مش معترف بيا ولده اصلا...
امه_صكر فممك صكررره ملييييييييون مره قتلك انا امك وهو بوك وعمك كان واحد مريض مدمن وبوك عاااارفه بوك لقاها فرصه عشان يطلقني لانه مايبني متزوجني غصب...بوك مايبيكش مايبيش اي شيء يربطني بيه وكان عارف ان خوه مادار شيء معاش تفتحه هالموضوع انساااااه بوك انسااااه زي ماهو ناسيك..
وخشت لدارها تبكي
وصدام طلع من الحوش ومشي لصاحبه علاء
خش عليه في صالة الحلاقه امتعه
علاء_اوووو الإستاد جي
صدام_ كخ كخ كخ سامطه ياسامط
علاء_ولاش جايه السامط
صدام_تعاركت مع امي..
علاء_علاش مش حصلت خدمه
صدام_تو بالله هدي خدمه متخرج من الاوئل من كلية التجارة بنخدم مدرسه رياضه بشهاده من صالة تدريب مش حتى بشهادتي
علاء_تي احمد ربك ياراجل.. غيرك مش محصل خدمه بكل ..
صدام_فوتها الخدمه تو ..خليت امي تبكي..
علاء_لا ياراجل علاش
صدام_نفس الموضوع..
علاء_وحق ربي ماتحشم باهي ...تي مش دوينه فيه الموضوع تي هادي امك امك ياراجل تي كان تصيرلها حاجه والله مالاقي من يشبح فيك...تو ماتتحشمش تتكلم معاها علي موضوع كبير زي هادا وانت عارف انها مضلومه
صدام_ مقهوووور ياعلاء مقهوووور منها ومن بوي الي مسيبني انلقي في ايدي لهالي باش يخدمني وهو فلوسه وشركاته معبيات البلاد معقوله ياراجل في بوو ايخلي ولده ينهان ويندل هو وامه عشان يحصلوا ماكلتهم وهو حت ولاد خوته عاشين علي رزقه..
علاء_تي انساااه فوته الغيه من حياتك عده مااات ..برا لامك الي مخليها تبكي ماتكونش انت والوقت والناس عليها...
صدام_ والله عندك حق ..صحيت يابرو...
ورجع لامه لقاها قاعده في المطبخ
خش عليها وباس راسه ..ونزل لرجليها وعيونه مدمعات _سامحيني ياام بالله سامحيني ..
امه_نوضاته_مسامح وليدي ..مسامح ..غير معاش تغشش روحك والله مايستاهل تحرق دمك عليه .انساه سلم ولدي انساه.
صدام_ حاضر يام وعد من اليوم بوي مااات
امه_ربي ياولدي يرضى عليك ويرزقك من اوسع ابوابه بري ياصدام ان شاء الله كل دينار تصرفه يرجع عليك بعشر وكل ميه بألف ويعطيك لين يرضيك ياولد بطني...
صدام_بعد هالدعوه معاش نبي شيء..
.....
عندي انا ...
فاتوا اايومين واليوم يوم البيان
كنت متوتره لين خلاص بدت في ريما استشورت شعري ودارتلي تسريحه حلوه ومكياج سموكي مع رسمة اي لاينر عريضه وحلوه وروج احمر لبس قفطاني وكان ازرق ملكي في الأكحل تلات ارباع كم راقي مع الرقبه دانتيل من فوق لعند الخصر وتحته الستان الأزرق المنفوخ من تالي كان فيه فتحه سبعه من عند الرقبه لتحت الأكتاف بشوي..
طلعت زي الأميرات..مع كندره شامواه كحله بانت من القفطان الي كان طوله لنص الساق من قدام( حاير) ومن الخلف ديل بسيييط
بدي البيان من العصر ...
كل شيء كان كلو هما خدوا العشي واحني الصاله والحلو والتوترته درتها اني وكانت عشكل قبعه القبطان وفوق من القبعه كيكه بشكل روج ومسكره وضلال.. واول صورة خديناها مع بعض في تونس لما عرفت انه طيار
بعد خفت الزحمه خش هو وكان لابس لبسة الكابتن ...
انا نشبح وعيوني معبيات دمووع وهو نفس الشيء كنت فرحاااانه هلبا
ريما_ واطي عيونك بتاكليه
اميره_قريب تمشيله هيا..
انا_ مادخلكمش...ونشبح فيه ونبتسم ليين وصل وكانت معاه اخته هاله...
معتز_ اميره ...انتي اميره اليوم علي عرش الجمال ملكه علي عرش الانوثه الطاغيه ..الف مبروك حبيبتي.
هاله_احممم نحن هنا
معتز_وسن اديري هنا..اخطي غادي ..
نحى يده من اخته
وشد يدي اني ورفعه لفه وباسها
والبنات يعيطوا
وهاله قطعت شواربها ..
اما اني وهو فكنا في عالمنا الخاص بروحنا اناووهو بس
معتز قرب مني وقال_تو مش حراام عليه جدك مش مفروض تو مروحه بيك عروس ليا مش هكي انحقك وما انطقك.
انا_احمد ربي الي خلاك حتى اتحق ماكانش يبيك اتخش اصلا غير عميمه تجدت لين دهشت..
معتز_نجه ليا هي وبنت خوها...سمحه ياطشه اتهبلي اه انا مانقدرش هكي بنروح بيك بنخطفك..
انا_بدلع_ماتقدرش
معتز_ضحك_ياناعليااا قعد يمشي فؤ يده علي فمه ولحيته...
هاله_ سادك لبسها الدبله واطلع...
معتز_هي اميرتي هاتي يدك ..
مديته ولبسني دبله بحارسها مع خاتم دهب وحديده وتعليقة والخراصات متلبستهمش لاني لابسه.
لبسته اني دبلة الفضه الي خديتهاله مع ساعه من مايكل كور
...
شاف التورته وعجباته ماقصهاش لاين صورها وصور معاها..
قصينا التورته وكلته و وكلني والجو هداك كله وبعدها صورنا مع بعضنا ومع العيله وطلع وصورتي مع ريما واميره وامل وبنات عمي فرج وربى وروابي وهدايه ومع عميمع وجديده كان يوم يهبل...
...
روحنا ميتين تعب اميره وامل روحوا لحوشهم لان امل عندها مدرسه واميره بيجيها ايهم بيشوفها بالقفطان الجديد..
....
انا_الو
معتز_طشتي
انا_شن جوك تو
معتز_مش قادر نرقد بعدك منظرك بالقطان اايوم عذااااب
انا_تحشم عيب عليك..
معتز_معاش فيها حشم لنقني خلااااص ..صدق جدك مفروض ماخشيتش ..
اناانا_عجباتك التورته
معتز_التورته وصاحبة التورته يجننوا ...معاش تغيري الموضوع اليوم بنحكي فيه تبي ولا لا..
انا/معناها تصبح علي خير واحلام سعيده
معتز_طشتي وغلاتي عندك اليوم مافيها راه
انا_لا يامعتز لااااا خلينا زي قبل حلو كلامنا وبعدين هالدوه انا ما انحبها بكل بكل..
معتز_كيف تبي غلاي...احكي شن درتي بعد روحتي
انا_دوشت وجففت شعري هدرزت مع ريما شويه..لانها غدوه بتبدا في دوره مختبرات ..
معتز_سجلت خلاص
انا_اها..لما اتصلت بيهم عجبتها الفكره ..
معتز_وانتي سجلتي خلاص وكملتي اوراقك في الجامعه
انا_ايه سجلت انا واميره نفس التخصص..
معتز_تمام وامتا تبدوا
انا_يمكن الإسبوع الجاي..
معتز_حاواي تظغطي السمسترات لو فيها كيف بيش تتخرجي بدري ..
انا_ان شاء الله..سمح اليوم بالبدله خفت عليك من العين..
معتز_ طرف ولا..
انا_اتهبببلل ...يومها سمعت وحده تغني اتقول
الي بتاخد تاخد طيار ...عليه الزحمه في المطار..
معتز_هههههههه سمحه هادي..لامن ناحية الزحمه في مطار دلي لنفنا زحمممه ومزااط كبد
انا/وليت ثاني..شن امممم بكري كنت حافظاته..امممم ايه.
لاهو ظابط لاهو جندي..طيار وبالدنيا عندي..
معتز_راهوا ننتفخ هك انا
انا_تو ماتتحشمش من بكري وانا ندورلك في الأبيات ونشتيلك وانت ولا بيت ولا شعر لاشيء
معتز_انا مانحفظش..نسمع لكن مانحفظش
انا_مش رومنسي
معتز_لما كنت رومنسي ماعجبكش الجو
انا_هديكا مش رومانسيه هديكا سخافه ياسخيف عيب
معتز_ والله راضي بروحي حتى سخيف غير خليني انبرد النار الي شاعله فيا من بدري من لما شفتك وغلاتي عندك
انا_ لا بالله عليك لا
معتز_انت اسمعي بس يكفيني تسمعي
انا_ اووووف باه
معتز_اها واخيرا...اسمعي ياغلاي ..خدي نفس وهدا روحه وبدي يهمس_ اول شيء خليني نتغزل فيك برااااحتي ..لما قربت منك تعرفي شن خطرلي..انقطع فمك ب&$$ شن هالون الخطير والمغري الي حاطيه احمر مره وحده تي هو ع الطبيعه كيف مليان هكي يعدب فيا..والشيء الثاني ننزل علي رقبتك انقطعك ع قد العداب الي معدبتيهولي
انا_لا. لا معااش تحكي لاااا
معتز_ غير خليني ننزل شويه بس
انا_لا..وتصبح علي خييير ارقد احسن
معتز_قعد فيها نوم هيا..باه اصلا زعلان منك
انا_بااااااي..
.....
عند اميره
ايهم_اطلعي هيا بنشوفك
اميره_لا يا ايهم والله حرام..
ايهم_اطللللعي بنشوفك بس
اميره_اوووف معاش تعارك اتشوفني وانخش طوول
ايهم_باه
طلعت وهيا ترعش وخايفه قفطانها كان دهبي وقصير صح كم لكن قصير
ايهم_طرررررف يابنت
اميره_باه شفته خلاص باي
سدها من يدها وكرها
ايهم_غير استني شويه..
اميره_اطلقني..
ايهم_غير شويه بس...نحى توكتها وطلق شعرها
اميره_خلاص ايهم اطلقني
ايهم_اسسس قربها اكتر وبدت لمساته اجرأ وأجرا دفاته بقوة
اميره_ايهم
جبدها بالقوه وباسها..
دفاته بصعوبه
اميره_ انا طلعتلك وااااثقه فيك يا ايهم
ايهم_ ماصار شيء
اميره_ شن املا كنت تبي يصير
ايهم_ والله الي رضت تطلع في هالوقت ترضى بأي شيء
اميره_ مصدومه عيونها تعبوا دموع قلبها يوجع فيها النفس هرب عليها_شنوو انت شن اتقول ..انا طلعت لانك طلبت واصريت ولاني انحبك وماحبيتش نكسر بخاطرك ونزعلك لكن مش معناها اني موافقه علي تحرشك ولمساتك الغلط ليا
ايهم_ اصلا عاجبك الجو ..ما اديريش عليا الطروح..
اميره_ انت مش طبيعي ...هدا مش ايهم الي حبيته والي حلمت اني حنكون مرته وحلاله
ايهم_تحسابي بعد طلوعك ليا اليوم بنتزوجك ..اصلا كان اختبار ليك وفشلتي فيه.سلام وامسحي رقمي..
اميره_ اييييهم..تلفت ليها_استنى
خشت دارت فورمات للموبايل وخدت الهدايا كلها القفطان وعطره وكل شيء وهيا تبكي ..وطلعتلها
اميره_هاااك.. ورد بالك تحاول تتصل ثاني بيا ..ولو متت شوق ليك مش حنتنازل ونرجع لك ثاني ..اطلع من حياتي ومعاش نبي انشوفك..
ايهم_لوحيهم في الكناسه
اميره_لوحتهم عليه_انت والكناسه زي بعضكم ..وخشت لدارها
مش مصدقه مصدووومه ..انه كان يختبر فيها وهيا الي بالرغم خوفها وترددها كانت تبي يشبحها بالقفطان يعطي رايها فيها يتغزل فيها ..لكن ماتوقعتش منه هالشيء ...
بدلت حوايجها وهيا تبكي وترعش..صح ما وصلش لشيء كبير..لكن كان يخوووف احساسها في هديكا اللحظات كان مرعب لمساته كانت نااار ليها
...
عند ايهم
ايهم_غبي غبي غبي ....علاش تهورت بس يمسح في يده علي وجهه_استغفر الله ...استغفر الله...ياااارب كيف درت هكي بس ...كيف قلت هالكلام لاميرتي ..لدبدوبتي..كيف تحرشت بيها بس..وفي هالليله لا اميره المصدمومه في حبيبها رقدت
ولا ايهم المصدوم من روحه رقد
كملتها اميره بكي للصبح..
وكملها هو دخان للصبح
.......
ثاني يوم
ناضت امل متأخر ومشت للمدرسه علي رجليها وشبه جري لان الباص فاتها
وصلت في نص الحصه الأولى
خشت تجري تلاقت هيا والأستاد صدام
صدام_وين وين ياطالبه
امل_ تأخرت يا استاد وفاتتني الباص جيت علي رجليا
صدام_مادامك تأخرتي لاش جايه
امل_ماقدرتش انغيب عندي امتحان الحصه الثانيه
صدام_قدامي للإداره
امل_لا يا استاد بالله عليك
صدام_قدااامي
امل_اخر مره والله مانتأخر في العاده اخر اخر مره..
صدام_في خاطره( امنين طلعتي انتي بس)_اخر مره ورفع صبعه بتحدير _اخررر مره
امل_ايه اخر مره وعد..
صدام_لفصلك بسرعه..
مشت تجري_
صدام_استني..
امل_نعم يا استاد..
صدام_في اما فصل انتي
امل_سنه ثانيه ادبي
صدام_تمام بسرعه لفصلك..
وكملت امل جري للفصل..
.....
عند ريما طلعت وخلت ولدها معاي ومشت لاول يوم في الدوره
خشوا الكل للقاعه الي بياخدوا فيها الدروس
خش عليهم تلات زوز الباين هما الي بيعطوهم لانهم معاهم اوراق والثاني شاب يمكن في نص الثلاثينات طويل مع لحيه خفيفه ومحدده كان انيق لفت انتباه ريما زي ماهيا بالزبط لفتت انباهه
#يتبع
#najah_alhaj
