#بنت_التونسية
#الحلقة_5
~~~~~~~~~~~~~~~~~~~~~~~~~~
لايكاتكم يا احلى فانز .....
...
نضت الصبح بكري دوشت وجففت شعري لانه طويل ولو طلعت بيه مبلول حنمرض وانامرضي عافن نرقد بالإسبوع...
طلعت بعد لبست وكان باللون الوردي والرصاصي ومعاه وشاح وردي وسروال رصاصي انا مخيطاته خياطه عشان انطول الطرف الفوقي لتحت الركبه لانه قصير...
المهم طلعت لقيت خالي فايق وامدايرلنا الفطور..زي عوايده من لما جيت اهني..
انا _صباح الخير
خ سمير_اصباح النور ..والسرور ..
انا جيت اضبطته_بنتوحشك برشااااا ...😭😭
خ سمير_اششش يزك عاد... كان بتقعد تبكي هاكا انا بنكنصلها السفرا
انا_لا لا خلاص هااا...وقعدت نمسح في عيوني... انت لازم تمشي وتكمل كل الكورسات والدورات.واتكون من اشهر الشيفات في العالم..
خ سمير_ان شاء الله ..خلاص افطر وقت عليك..
انا_اهييي كم الساعه ..
خ سمير_6:40 دقيقه اشبيك..
انا ._امتا طيارتك انت..
خ سمير_الساعه 7:00 في المغرب..
انا _اوكي انشوفك ..فطرت وانا واقفه وبست خ سهير الي كيف نايضه وطلعت جري للمدرسه ...
ولما قريب نوصل للمدرسه تفكرت
انا_حييي معتز😨 ... لا اصلا..مش حيجي ...
اوكي نمشي انشوف بس اصلا مش حيجي نمشي بسرعه ونرجع مزال ع الطابور اكتر من نص ساعه
ورجعت ومشيت للمكان الي تلاقيت فيه معاه
انا_هاا اصلا عرفته مش حيجي....
لفيت ورجعت ماشيه للمدرسه نسمع
في حد يقول مش مهم بصوت عالي ..وبعدين صوت واحد يجري انا خفت وبديت نجري والي واري يجري اكتر
خلااص متت رعب شن هدا خلاص قريب نبكي من الخوف....
في الاخير فشلت ..و وقفت وتلفتت بكل قوة... ع اساس مش خايف ..
و ننصدم نلقا قدامي معتز وصل عندي ..وبعدها طبس راسه داهش ....
وانا معاش قدرت انشد روحي ونتفكر كيف نجري .انفلقت ضحك ...._هههههههههههههههههههههههههههه وووووه عليا هههههههه
معتز_هههههه اضحكي ايه الله يلعن هالعشره اجنيه الي خلتني نجري هكي .
انا_هههه من قالك اجري كنت ناديت بس..
معتز_ناديت انتي الي طرشه
انا_ابدا ماسمعتك ..اها قصدك" مش مهم ههههههههههههههه عليك جو.... مانحسابك علي
معتز_سارح فيا كيف نضحك _في خاطره..من وين طلعتي بس انتي_ههههه باه هاك قروشك وبارك الله فيك....
انا_تمام وتو سلام ..
ولفيت بنمشي ...لكن حسيت بإني حنخسر شيء مهم
رجعت لفيت جيهته هو ولقيته متلفت وحاط يديه في جيوبه وماشي ...
معتز_تلفتت ومشت...حسيت انها خدت شيء مني ومشت بيه كنت نبي اناديها لكن مالقيت شيء انقولها برمت وقلت ف خاطري لو فيه نصيب حنتلاقوا ثاني
انا_معتز..معتتتتز
معتز_سمعتها تنادي اتصدقوا احلى مره نسمع فيها اسمي حسيتها حلوووو..تلفتت طول ولقيتها واقفه وشاده شنطتها علي كتافها بإيديها الزوز
رجعتلها _شنوو
انا_امممم.نطلب منك طلب
معتز_من تو سلف مش مسلف مش مستعد نجري ثاني غدوه ولا حد يجري وراي ..
انا_ههههههههه لا مش سلف
معتز_شنو كنك...قبل ماتحكي شن اسمك
انا_رنيم..
معتز_بالجوده وتو شن تبي.
انا_في جزيرة اهني يمشولها بقوارب الصيد الكبيره يطلعوا مع الساعه8:00 ويرجعوا حوالي الساعه 2:30 والجزيره حلوه وايديروا في جو في السفينه وهك
معتز_باه والمطلوب..
انا_طبعا حكتلي عليها خالتي وخاطري فيها وماحد فاضي باش يرفعني ووعدت خالتي مانمشيش بروحي تمشي معاي ..
معتز_اممم
انا_اوكي خلاص بلاش سلاام
ولفيت بنمشي
معتز_ استني ...ومدرستك
انا_عادي انغيب اليوم بس ..
معتز_كيف توثقي فيا تو..من وين تعرفيني...
انا_اولا انا مش واثقه فيك صح مطمنتلك لكن مش لدرجة ثقة وبعدين ابنركبوا في سفينه معبيه ناس والجزيره حتكون مليانه انا مش فلتانه ...انا حسبتها في دماغي قبل مانطلبها منك وعموما..خلاص بلاش معاش نبي نمشي ولفيت بنمشي
حسيت يد شدتني ..
معتز_هي تعالي كنك تحمقي بسرعه..وابتسم...
انا فكيت يدي_معاش اتمسني ...فنص فيا...
هيا خلي ناخدوا تاكسي
خدينا تاكسي ومشينا للمينا ورحجزنا تدكرتين في وحده من القوارب..
انا_واخيرا من لما حكتلي خالتي وانا خاطري انجي ..
معتز_يستر الله منك.ومن افكرك ...من وين طلعتيلي انتي بس
انا_من بطن امي..
معتز_لالاه دمك ولا زيت كراهب
انا_زيت قلي كخ كخ كخ
معتز_ابتسم وضحك...هههه اما انتي
انا_خيرني !!؟؟؟
معتز_ما شاء الله عليك لسانك اطول منك..
وجي واحد من الي يخدموا في القارب وطلب منا نركبوا القارب...
ركبنا ومشيت جري لمقدمت القارب...المكان الي وثف فيه جاك و روز في فيلم تايتنك
معتز_ماتليش نوقف وراك وانغني اغنية سلنديون..
انا_هههههههه لا ...وقفت شوي نشوف في الميه بعدها لفيت ليه وكان واقف جنبي
انا_ماقلتش علاش جاي اهني ..لتونس قصدي ..علاج..عمليه.جاي مع حد مريض ولا انت مريض
معتز_كنك كنك شويه شوي شن عرم هالأسئله عموما لا ماجيتش لغرض علاج
انا_علاش امالا..سكتت شويه وبعدين تفكرت كلام خ سهير لما قالت الشباب يجوا عشان الزنا.._فنصت فيه وشهقت _ايههه حييي حييي وحطيت يدي علي فمي وقعده مفنصه ..وخرت شويه..
معتز_نشبح فيها ومش فاهم خيرها...ولما وخرت فهمت_هههههههههههههههههههههههههههههه هههههههههههههههه نضحك بدموعي لين اتكيت علي حديد القارب امتع الحمايه وسخت بالضحك.. ههههههههههههههههههههههههه
انا_علاش تضحك...
معتز_بالله اس ..هههههه انتي تفكريك مسوس وخامر ...ماجيتش عشان الي في بالك ...
انا_تحشمت ...وسكتت
معتز_انا تو متخرج من معهد طيران وجايتني دوره في الإردن وبعدها عام في دبي....وتو جاي نستنى في بطاقة الطياره والفلوس من الدوله باش نمشي...
انا_انت طياااااااار
معتز/اها...طيار
انا_سعدوووودك يغ اسعيدك قصدك طيار طيار انا واقفه مع كابتن طياره
معتز_لا مش كابتن مزال شوي
انا_مش مهم المهم طيار ....اه كان عندي تليفون راني صورت معاك...
معتز_طلع تليفونه...تعالي ..ومد التليفون لواحد من طاقم القارب وطلب يصورنا
وصورنا مع بعض
انا_تو قعدت الصوره عندك. كيف بتوصلني
معتز_عندك ايميل ع الياهو
انا_ايه فتحلي خالي...
معتز_خلاص تو ناخده منك ونبعتلك عليه.
انا_باه...
وشويه وتعبا القارب وتحرطنا كان الجو يهبل
وشويه وبدي عرض الشباب علي اساس قراصنه وخاطفين السفينه والموسيقى امتع القراصنه و واحد يدور بسيف مقلد ويصور مع الركاب في السفينه....والجو حلووو وصل فينا وصور مع معتز الي يضحك وصور معاي اني وحاول يقرب مني خلبا لكن دفه معتز وبعده شوي...
معتز_خليك هكي احسن...
