بنت_التونسية
#الحلقة_6
~~~~~~~~~~~~~~~~~~~~~~~~~~
لايكاتكم ...قبل ماتقرووا...
انا_مدام..انا كملت للزبونه..
المدام_درتيلها بيلاج( هاير لايت)...
انا_لا قالت تبي ميش وصبغه مش بيلاج..
المدام_بعد انشوف خدمتك...
انا وخرت ..وقفت المدام.وشبحة الصبغه والميش ..اتكلم في الزبونه في المرايه .._ حلووو. بالصحه عليك.
انا_ مبتسمه ...اول مره اندير ميش علي زبونه بروحي ...
الزبونه_عطيك الصحيحه ...يقتتل
انا_تسلمي يارب ...
وخلصت عند الكاصه وطلعت ..
جتني رغد هادي وحده تخدم في قسم البدي كيري والموني كير...
رغد_ابديت خدمه خلاص اوو
انا_ايه ..اول يوم..
رغد_ المدام ميسا مهتم بيك برشا ..
انا_اها انا بنت صاحبتها زمان وكانوا انتيمات برشا..
رغد_اوكي ربي يعاونك وكان تبي حاجه عيطيلي..
انا_حاضر مشكوره..
مافيش زباين قعمزت في الإستقبال مع موضفة الأستقبال واسمها رجاء..
......
عند معتز..
وصلت طاايب للفندق ركبت للحجره واول ما انفتح قابلني بوفا( مصطفى) صاحبي ومعاي في الدوره..
معتز_سلام
بوفا_ وينك لتو وين كنت..
معتز_طحت ع ااصالون جنب الباب _حكيت شعري بإيدي_ وتنهدت_آه يابوفا كنت في الجنه..
بوفا_فنص ورفع حواجبه_الجنه ..وين هادي..و كنك مارفعتني معاك...
معتز_مانقدرش ... هدا الجنه ليا انا وبس...
بوفا_ تكلم انع ٪$# وين كنت مش مشيت بترد العشره اجنيه للبنت علاش معاش رديت
معتز_لاني كنت مع البنت ..
بوفا_وقف ...كيف كنت معاها مش قلت ليبيه..
معتز_ايه ليبيه..
بوفا_قصدك ...حي ع الجو وداير روحك شيخ وين حكيت انا.. وتو كاين معاها من الصبح ... قلت ياحيوان وخدينا شويه زيك
معتز_شن فهمت انت
بوفا_شن ابنفهم مع بنت ومن الصبح...مافيها ماينفهم..باهي وين اهني في الفندق ولا شقه ..وبكم حسبتلك
معتز_هههههههه خيركم اليوم من الصبح شن تشوفوا فيا...لا يا امف&٪$ كنت.معاها في قارب مشينا للجزيره الي اهني
بوفا__، اها... صدقت اني
معتز_انعنك ماصدقت..
بوفا_قصدك تحكي جد مشيت للجزيره معاها وانا لما حكيت عشان نمشوا رفضت...وتو مشيت مع بنت امس متعرف عليها..
معتز_اس يابوفا ..ضحكت اليوم ضحك ..ليا اسنين ما ضحكته البنت...اطلع طول براءه علي شجاعه علي ثقه يااارجل عندها ثقه في روحها اتخليك بدون وعي اتكلمها بإحترام اتشوفلها بإحترام ..
اتصدق انه في الأخير بس انتبهت لجسمها من كتر ما حسيت اني لو شبحت في جسمها حتقتلني طول الوقت مركزه في عيوني وين نشبح..
بوفا_حال فمه شن هدا كله في بنت...
معتز_واكتر .. تعرف هيا الي قالت خلي نمشوا للجزيره
بوفا_باااع ... هدي شكلها كبدت فيك يالعطيب وقالت خلي انطيحه...
معتز_لاااا مش قصة تكبيد ...كانت تعامل فيا زي مانتعامل مع اختي زي منتعامل معاك ..حسيت كأني نعرفها من زمان يعني كيف بنشرحه.....ماكانش فيه الخنس امتع هيا بنت وانا ولد ومايدري علينا حد لا هيا حاولت متلا تلفت انتباهي لشي زي متلا تعرض روحها ليا او تتمايل او تدلع لاا.. ولا انا حاولت يعني لاشديت يديها ولا تغزلت ولا شيء من هدا ..مستحيل نقدر نشرح لك شن صار..بإختصار كنت ف الجنه مشاعر اخويه بمجملها لكن فيها بداية نقدر انقول علاقه حلوة..
بوفا_ شكلك انت الي كبدت...
معتز_ما حلنا كلها يومين بس..وامس ماينحسبش
بوفا_حلوووه..
معتز_ ايه ...
بوفا_غدوه نمشي معاك انشوفه
معتز_وشن دخلك انت. انا بنخش اندوش ...
حط تليفونه وكرت الحجره..وخدي حوايجه وفوطته وخش للدوش ..
بوفا_من ورا الباب_وين نقالك ..
معتز_عليش شن تبي فيه
بوفا_ ماعنديش رصيد وبنكلم العويله..
معتز_في الدولاب..مع كرت الدار...
خدي بوفا التليفون ولقي معاه زرف مافتحاش..كلم امه .وبدي يقلب في النقال ..خش للصور وشاف صورتي معاه اليوم
بوفا_بصوت عالي ..هدي هيا الي في الصوره..!!؟؟
معتز_صكر الزرف يااا حيوان يانعن٦$$٪ راه نطلع ،،..
بوفا_كيف بيقوله زرف شن....وبعدها تفكر..فتح الدولا وطلع الزرف وفتحه..
بوفا_ياناعلايا..هدي هيا ...
وطلع معتز بالشورت والتشيرت في يده
معتز_حيوان اصلك لاش فاتحه
بوفا_شن هدا صااااااروخ
معتز سحب الزرف والصورة من يده._
بوفا_اخطبها طول هادي ..ولا صافنياز شن هادا وين لقيته..هادي وهيا لابسه هكي تخايلها ف
ضربه معتز بوني _صككككككر فمممممك البوني الثاني علي سنونك
بوفا_أااااه ياكلب..سامحني ماقدرتش انشد روحي ياهكي يابلاش...عندك الحق تقول في الجنه... كان اني اما مشاعر اخويه وحق ربي مشاعر زوجيه طول ...هههههه
معتز_ضم فسختك يارا
بوفا_كيف عاد وصلنا ف المدام حقاتك
حط معتز الزرف في الدولاب ولبس تيشرته_وين النقال...
مدهوله بوفا خداها ورن عليا...
.....
انا كنت جنب رجاء وتحكيلي علي خطيبها...
لين رن تليفوني ولقيت الإسم معتز
انا_الوو
معتز_هلا ..شن الجو
انا_تمام شن حالك انت..
معتز_تمام..وين انتي في الحوش...
انا_لا في العمل..
معتز_وين قلتي تخدمي
انا_بيوتي سنتر...مزين
معتز_اها...كويس حبيت نطمن وصلتي للحوش ولا لا...
انا_اوكي تو سلام جتني زبونه...
معتز_امتا نتلاقوا ثاني
انا_علاش
معتز_انا طلبتي مني طلب ونفدته تو انا بنطاب طلب ...ونبيك تطلعي معاي ثاني لمكان سمح زي اليوم...انتي تعرفي البلاد كويس..
انا_اوكي تو انشوف ونكلمك انا لازم انصكر..سلام
معتز_سلام...
بوفا_المدام؟!
معتز_هبل انت...
بوفا_ منه منه منه اه منه
معتز_ ضم فسختك ..شن ناض عليك اليوم..
بوفا_قلبي ...قلبي ..يانا يانا قلبي...اه من قلبي...
ههههههههههههه
معتز_اتفي...شفت السفاره اليوم ولا لا.
بوفا_ايه قالوا بعد يومين يوصلوا
في ليبيا
جدي محمد_وين بناتك ياجليله
ع جليله_خليتهم ف الحوش هديكا اميره من حين طلعت رنيم وهيا سادا دارها وكان طلعت للمدرسه ولا الحمام...
جدي_كلمي ياسر ولد خوك يجيبها اهني بعد المدرسه نبيها
ع جليله_خير يابوي ..شن فيه ..
جدي محمد_كل الخير كلميه
عميمه اتصلت بياسر
ياسر_الو جلوو
ع جليله_مرحبتين بالغالي...
ياسر_كيف حالك
جليله_الحمد لله كيف حالك انت امتا جيت من الشركه
ياسر_ ليا يومين بس
جليله_وين انت،،؟؟
ياسر_قريب نوصل لحوشك...
جليله_انا في حوش جدك
ياسر_اوووه تمام جايك غادي نبيك..
جليله _باه غير خطم ع اميره في مدرستها... وجيبها معاك ..
ياسر_تقرا في المدرسه الي بجنبكم هادي..
جليله ايه وتو انقوللها تطلع..
ياسر_تم تو تلقاني نستنى فيها..
كلمت عميمه اميره..
وطلعت ركبت مع ياسر
اميره_السلام عليكم
ياسر_وعليكم السلام ..كيف حالك ميروا..
اميره_و واضح عليها الحزن..الحمد لله كيف حالك انت.
ياسر_الحمد لله ماشيه خدمه وخلاص
اميرة_ربي يعاون..
ياسر_خيرك مضايقه فيه حاجه ..
اميره_لا..
وصلوا لحوش جدي وسلموا ع جدي وياسر سلم سلام خار علي جليله لانها يحبها هلبا
ياسر_والله ليك وحشه يا جلوو.
جدي_ تحشم شن جلوو هادي
ياسر_ هادي لكبيده ياجدي...مانقدرش اناديها الا هكي ..
جدي_عاد حاسبك عاقل انا...
ياسر_في كل شيء الا عمتي مانقدرش
ناض جدي _تعالي يا أميره نبيك....
ناضت اميره مستغربه....
ومشت لجدي ف الدار
....
ياسر_وين جدتي
جليله_طلعت للجيران كنتهم زايد عليها بنت..
ياسر_كويس بكل...عمتي..
جليله_شن فيه خيره عيونك يلمعوا..
ياسر/فيه بنت عاجبتني ونبي نخطب طول مانبيش سريب العلاقات..
جليله_احلى خبر سمعته شن اسمها وين عرفتها كم عمرها..
ياسر_اخت واحد يخدم معاي وشفتها مره روحت بيها مع خوها من الجامعه وهما من اهني من طرابلس لكن انتقلوا للكفره عشان خدمة خوها وهيا ماعندها غيره وقاعده معاه مع مرته وصغاره..
جليله_اها..واسمها..
ياسر_ عفراء
جليله_باه وشن ناوي اتكلم امك ولا شن
ياسر_ايه ..لكن امي تحبك وديما تشاور فيك ع الكبيره والصغيرة...لهادا نبيك لما تسألك تقنعيها...
جليله _ان شاء الله لكن اسأل علي عيلتها كويس قبل اسأل عليها في جامعتها..وبعدها ساهل
ياسر_سألت عليها ...وامورها كويسه وميه ميه ..
جليله_ايوه واتي شكلك...
ياسر_تحشم..
جليله_من امتا تعرفها..
ياسر_ من ثلاث شهور..
جليله_ايو ايو قول هكي هيا مش عاجباتك انت تحبها وفات فيك خلاص...
ياسر_ عمتتي ...تعرفني ماعنديش فيه هالجو البنت حلوه وعجبتني بس سألت عليها وامورها تمام...
جليله_خلاص تم عندي كلم امك وساهل بعدين...
.....
عند جدي واميره
جدي_خيرها امورتنا قالوا مهبيه ومضايقه طول الوقت ..
أميرة_استاحشتها ياجدي رنيم كانت توم ليا كنا كان مش مع بعضنا اهني نتكلموا في التليفون....استاحشتها هلبا ..كيف تمشي وما اتقولي ..وينها بس كان نعرف نمشيلها والله وبدت تبكي
جدي_حالها باهي..وانا عارف هيا وين وبنقولك لكن كان قلتي لأي حد ولا عرف اي حد هيا حتختفي ثاني ومش حنعرفوا مكانها
اميره_والله تعرف مكانها.. وحالها كويس ..
هيا ارفعني ليها...ما انقول لحد والله ياجدي مانحكي لواحد انشوفها بس ....
جدي_مانقدروش نمشولها لكن تو نتصل بيها..
جدي اتصل ..
انا _الو.
اميره_نومااا..وبدت تبكي
اتا_ميرو....وبديت نبكي استاحشتها مووووت .
اميره_خزي خزي عليك ..كيف تطلعي هكي وما تحكيلي...علاش بس ...كيف قدرتي تنسيني وانا الي كل يوم نبمي انقول تو تتصل بيا تو اتجيني...
انا_والله غصبا عليا كل شيء صار بسرعه كيف حالك
اميره_كيف حالي والله فاتو عليا اربع شهور سود ومل ليله الشيطان يرسملي حاجه..
انا_استاحشتك برشااااا
اميره_خزيه ياتونسيه ياعافنه شن دايره
انا_الحمد لله نقرا ونخدم في مركز تجميل يهبل...
اميره_والله صحه ليك كيف حال خالتك وخالك..
انا_تمام...وقعدنا انهدرزوا لين فصل الرصيد...
........
عندي انا ..
روحت من العمل للحوش لقيت خالتي عيونها معبيات دموع...ومنفخات من البكي ..تستنى فيا ...وخالي سافر
انا_خيرك سوسو..كلها ثلاث شهور وبيرجع ثاني
خ سهير_ بنتوحشه...سمير.هدا صديقي وخووي والحيطه الي نسد عليها...
انا_ربي يحفظه ويرجع ثاني بسلامه...
خشيت دوشت وصليت وجففت شعري وطلعت للمطبخ لقيت خالتي حاطه شوربه حوت ع النار ريحتها تهبللل.
طلعت قعمزت جنبها...
انا_سوسو بنقولك حاجه وماتزعليش
خ سهير_ تفضل هي ..اتحفنا .
انا_ انا اليوم مامشيتش للمدرسه
خ سهير_كيفااااااااااااش وين كنت من الصباح للظهر..
انا_مشيت للجزيرة..الي حكيتلي عليها..
خ سهير_وقفت ..اشنووووووووووو هبلتي انت...انت وعدتن نوما وقلت مانمشيش وحدي
انا_ايه ما مشيتش بروحي..
خ سهير_ احطي بسرعه مانقعد نسحب منك ف الكلام
انا_الصبح وانا ماشيه للمدرسه ( وحكيتلها كل شيء وهيا قارنه حواجبها وضلمه يديها )
خ سهير/هبلللتي انت ...نسيت نسيت الحكايه الي صارت اقبل كيفاش تمشي وحدك مع راجل تعرفه من يوم بس ... ما فكرتش لو استغل المكان وانك بغبائك عرضتي روحك عليها.
انا_ شن يستغل المكان اهيا اصلا القارب معبي.والجزيره معبيه ناس..
خ سهير_ولو...يكفي انك عرضتي روحك ليه
انا_ماعرضتش روحي عليه..وبعدين قتلك ..حسيت لو مادرتش هكي حنخسر فرصه حلوه مع شاب زيه حلووه وجنتل ...وامين..
خ سهير_كل كلامك اعذاااار .اتبرر فيها بغلطتك ..انت بروحك مش مقتنع بيها..
انا_باه خلاص اسفه..معاش نطلع معاه الا لما نحكيلك
خشت خالتي سهير للمطبخ وسيبتني وهيا معصبه...
وفاتوا يومين وتالت يوم كان الأحد ..
وطلعت من الصبح وقلت لخالتي بنمشي للملاهي وكلمت معتز عشان نتلاقو..وطبعا خالتي رفضت ...وبعدي دموع ودموع ..اقتنعت وقالت في الملاهي بس ....
انا_كنت لابسه كبوط شامواه احمر لنص الفخده..مع سروال جينز ابيض واسبيدوا احمر من نايك وعلامة النايك بالأبيض والخيوط لونهم ابيض وشاح ابيض مع طبعات لونها احمر ..و بخيت من عطر خالتي خنبته منها هههههه عطر كان اسمه ..ريتشي ريتشي ع شكل تفاحه حمره...
وشنطه بيضه
اتصل بيا معتز
معتز_صباح النور
انا_صباح الخير
معتز_وين انتي
انا _فم المدخل امتع الملاهي...انت وين
معتز_انا كيف وصلت شن لابسه انتي
انا _كبوط احمر و سروال ابيض...
معتز_اوكي ..شفتك...
انا تلفتت اندور فيه ..
انا_قريب صخت صراحه شن هالولد هاد ..كان يجري جاي جيهتي ..وشعره يتحرك ولابس نضارته...
سروال بيج وفانليه حنية وكندره شامواه حنيه..وحاط جاكه بيج جلد علي كتفه وشادها بصبع واحد ويجري ..
حاجه تشبه ..للأفلام الهنديه...
وصل فيه
انا_ هلا
معتز_ بيك..شن الجو
انا_صقع يطقطق العظام ...هيا خش
معتز_تعالي هي
خشيت جنبه وهو يشبح من تحت لتحت انتبهتله...لكن فوتت..
معتز_باش نوصفها ياناس ...كانت ورده حمره احلى وردة جوري شفتها... كنت نسرق في شبحات ليها لو كان بإيدي كنت وقفتها و وقفت قدامها وقعدت نتفرج عليها مانبي شيء بس نتفرج عليها...._ هيا شن بتركبي ..
انا_تعالي نمشوا غادي..وأشرت ع الجيه امتع اللعبه الي تقنص فيها علي اهداف ولو ضربتهم تفوز بدبدوب...
معتز_هي..
وصلنا وخدي هو ايقنص في الأول وكانو خمس اهداف ضرب زوز بس
انا_هات هات...الي يعبا عليك
معتز_ها تو انشوف هاك ها..
انا_شبحتله وابتسمت بخبث...
وخديتهم وقنصت الأولى...وهو هازي
معتز_حظ بس راه...
قنصت الثانيه
معتز_ خاسره راه
قنصت الثالثه وشبحتله ..هو مصدوم وقنصت الرابعه والخامسه...
معتز_من وين تعلمتي القناصه..
انا_بابا علمني الله يرحمه
واشرت علي دب أبيض ..
خداها منه معتز
معتز_مش قلتي بوك مات من لما عمرك عشر سنين..
انا_علمني من لما عمري سبع سنين وجدي لما كنت عندها زاد دربني شوي ..
و#يتبع....
#najah_alhaj
تعليقاتكم وارائكم تهمني
