غسان ..رحت ثاني يوم العصر لكيت صديقي منتظرني سلمت عليه نزلت الجنط وياه واخذتهم وديتهم لاهلي طبعا وكنت طول الطريق اسولف واضحك وي صديقي احاول اونس اهله لان شكلهم حيل حزين علمود امهم كانت نور كاعده وراي وعيني كل شويه عليها اريد اشوف شدسوي هي طول الطريق تباوع ع الناس وبغير عالم ومن تصير عيني بعينها ترتبك ..
وصلنا لبيت اهلي وكانوا مجهزين الطابق الثاني لاهل صديقي حتى ياخذون راحتهم بيه والطابق الثاني كامل كأنه بيت ثاني كلشي متوفر بيه خدمات وصحيات واثاث ..
استقبلتهم والدتي واخواتي اجمل استقبال لان حبوهم على حبي الهم ..
نرجع لنوور...
...نور..
اني جنت اساعد ماما لان هستوها رجعت من تبديل الدم واخويه وصديقه الي بدله الدم جاي وياه استأذن ماما ودخلو ...وهنا الصدمه ..😐🙈
اويلي ..صارت عيوني بعيونه شلون عيون تسحر تذوب والابتسامه والوجه والطول وهو انيق واخيرا شفته ..
اي 😒 اعرفه شعبالكم ... 😍😍😍
اني جنت اتابع مجلات وقصص تنزل واروح وي صديقاتي لما نخلص مدرسه لمكتبة يمنا ونشتري كل اسبوع مجلات وقصص وشد انتباهي كاتب جديد ينزلون صورته بنهايه القصيدة او الخاطره ..
قصائده جانت خياليه كلها رومانسيه وعذوبه واحساس واني لاني ممجربه الحب جنت عايشه بعالمي الخيالي وياه واقرا كلشي يكتبه
من شفته كدامي مصدكت ارتبكت بين فرحانه وبين ممصدكه وداجيب اله العصير جان يوكع عليه حيل انقهرت وزاد ارتباكي وهو خلا وطلع ومن اخذنا ثاني يوم جنت خايفه اشوفه وهم انثول ويصير شي قررت ماباوع عليه وابعد من المكان الي هوا بيه بس ماكو فايده اجه واحنه دنغسل المواعين واني اختلت موازيني كلها
وراها طلبو انو نجي نكعد يمهم واصرو وبابا وافق اخيرا ورحنا واستقبلونا احسن استقبال ..
طبعا اني رحت وي اخويه ياسر واحمد وماما وبابا وباقي اخوتي جانو باقين بيتنا بالسماوه علمود امتحاناتهم واختي يسرى كانت موظفه ومقدمه على اجازه على ماتطلع الها تجينا
ظلينه كم يوم الاان استقرت حاله ماما شويه ياسر كال لبابا ح اروح اجيب اخوتي لان خلصو الامتحانات وديصير قصف فخايف عليهم
بهل وقت جان غسان يجي دائما واني احاول اتجنبه يكعد وي اهلي يسولف ويضحك وهو سوالفه تجنن يجيب لبابا الجريده واني اجهز الهم الكهوه لبابا وهو عرفت ميحب يشرب كهوه فأسويله عصير ونسوي اني واخواته حلويات وكليجه وكلش متونسين اخواته من يكول الهم عاشت ايديكم يكول اله نور سوته يكلي عاشت ايدج ويسلم شويه بشويه صارت بينا سوالف عرف بيه احب القراءه بمره من المرات جابلي قصه وهداها اليه كلي اتونسي بيها خلصي وقتج
انتبهت عليه حيل يهتم بالتفاصيل والنظافه والترتيب وعنده اخته ندى ميتفاركون
ندى صح حبابه بس جانت غيوره حيل من تشوف امها تمدح بيه وبأكلي وشغلي تضوج
ومن بدا غسان يهتم بيه حسيتها كلش ضاجت بمره كاعدين ودنسولف كلنا شو هذي اجتي اخويه حبيبي وباسته من خده اريد طلب كال الها كولي كالت اله عاجبني فستان واريد اجيبه وماما متقبل الا انته ويايه تطلع
طبعا اني مشفت انو حجت وي امها ولاصار هالحجي واني موجوده من الصبح وياهم بس ماعرفت غايتها
كال الها تدللي يلا ي بنات كلنه نروح وباوع عليه يلا نور تعالي وياهم
اني خجلت حيل كتله خاف ماما تتعب محد يمها ولازم بابا يوافق كال معليج بالموافقه اني اجيبها ويضحك وضحكته تجنن فدوه اني اصفن عليه من يضحك
وخالتي لاتخافين عليها اني مضبط الها علاجها وامي يمها
تدير بالها عليها ..
هو طمني واني ارتحت كلت عادي اروح وياهم
اهلي وافقو وبابا انطاني فلوس داشتري وياهم ملابس
واشوف ندى صارت نار
مطايقتني كلش
ولازمه ايد اخوها وتجر بيه يمنه يسره وهو وياها براحتهم وكلما يعجبني شي تجيبه قبلي واستحي اجيب مثلها
اخر شي انتبه عليه كال ليش مشتريتي شي
كتله مو معجبني شي كلي معليج هسه أوديج محل يجيب احسن شغلات طبعا بقاهم بالسياره ونزلني وياه
كلي اختاري الي يعجبج والمحل شغلاته صدك روعه اشتريت الي اريده ودانطي الفلوس طلع دافعهم ورجعلي فلوسي بأيدي ومن ديرجعهمً طخت ايدي بأيده
اني عبالك تكهربت تبسمرت بمكاني وهو ضحك عليه .. كال نور يلا نور.. دنرجع 😅
انتبهت ع نفسي 🙈 شكد فشلت ياربي
رجعنا للبيت والكل يقيس بملابسه
واني كاعده وابتسم گلي نور قيسي ملابسج خل نشوفهم اني استحيت منه اذكرت الموقف ومتت بدمي خدودي صارت طماطه وهو خبيث يضحك عليه 😅😅😅
رحت بدلت وهو يفتخر بأختياراته ويكول لخواته والله كسرت عليكم نور 😂😂😂
وهنه يموتن قهر ..
وجنت اني متونسه لان حسيت براحه والفه وياهم
وراها تعشينا ولمينا المطبخ ورحنا نمنا كلنه لان باجر اخويه ح يجي ويجيب باقي. اخوتي ...☺️
كعدنا الصبح كالعاده حضرنا السفره وتريكنا وخاله ام غسان كامت تعتمد عليه لان اني ماتركها بالمطبخ جنت اوكف وياها واتعلم منها كلشي لان ماعرف اطبخ ماما مجانت تقبل تخلينا نسوي شي ...
ياسر وصل هو واخوتي ورنده ويسرى
ودخلو هلكانين تعب غسان جان مموجود بالدوام دخلو يسبحون ويرتاحون مكفت الحمامات ورنده عدنا صغيره ودلوعه وعنوديه حيل كالت الا هسه اسبح دخلت بالحمام الجوه ...
وبهل الاثناء اجه غسان ومتعود يدخل يسبح ع طول كالوله الحمام بيه اختهم فهوا ظل وهوا واكف يسولف وي غسان واني عيني عليه شو هذا صفن اباوع عليه صافن ...
يتبع
!!!!!!
