حبيب اختي زوجي (باللهجة العراقية)

الجزء الثاني

(غسان).. اعرفكم بنفسي
اني اسمي غسان خريج معهد طبي عمري ٢١لما صارت الحرب مع ايران اخذوني بالجيش الشعبي وجنت انزل لاهلي دائما ..
اني الابن الاكبر وعدي ٤اخوه و٣بناات
والدتي اموت عليها لان صغيره تمرضت وظليت اني محتار بيها بالدكاتره ابويه ملتهي بتجارته واصدقائه وعزايمه وجانت امي هي ست البيت الكل بالكل وكلمتها ماشيه واني سندها وقوتها واني احب اخواني واخواتي حيل وعندي اختي الكبيره هي المقربه الي وكنا اصدقاء منتفارك ابد
واني احب القراءه والثقافه العامه فجانت عندي مكتبه خاصه بالبيت بكلشي يخص الادب والعلم والثقافه
احب اثقف نفسي من كل النواحي وجنت اكتب روايات وشعر وقصص واراسل مجلات وانشر ..
اني مواصفاتي اسمراني طولي ١٧٥ جسمي مرتب انيق جدا ابتسامه ساحره
وطبعا اغلب البنات بس يشوفوني يعجبون بيه لان شكلي واسلوبي يعجب اي بنت مو غرور حقيقه ..
من صفاتي احب اساعد الناس حيل سمعت صديقي والدته بالمستشفى ومحتاجين دم فرحت واتبرعت وطلعت مطابقه هذا صديقي ورده مال الله حباب ادمي وخوش ومحترم
طلعت والدته واني حجيت وي اهلي انو اريد اعزم بيت صديقي يمنا اهلي رحبو بالموضوع وگالو ميه هلا وليش يكعدون بالفندق البيت جبير خل يجون يمنا هذا حجي نبع الحنان ..
اني هم رحت للفندق وسلمت ع صديقي وطلبت اسلم على والدته ودخلني ..
غسان :شلونج يوم شلون صحتج يارب بخير
ام ياسر ؛بخير وليدي ربي يحفظك لشبابك
.. ظلينه نسولف وفجأه اجتي بنيه ناعمه هادئه حليوه جابتلي عصير وقدمت الي .. اني انحرجت لان منتبهت لوجودها
ايدها جانت ترجف فوكع العصير عليه ..
ام غسان ؛يمه نور ليش هيج جيبي كلينس خل يمسحه
نور؛اسفه منتبهت
غسان :ولايهمج خير والله مصار شي
غسان نظرات البنيه موطبيعيه الي كأنو تعرفني شايفتني مصدومه من تباوعلي
شوشبيها هذي ..
طبعا ردت بس انهزم
سلمت عليهم وعزمتهم وكتلهم ضروري تجون
اتفقنا ع يوم العزيمه ..
وصار اليوم الموعود ..
رحبو اهلي بيهم وسوت امي واخواتي اصناف الاكل والحلويات
(الكاتبه :ام جوليا)
واشوف الكل متونس ومرتاح وام ياسر تبتسم وتسولف وياهم والبنيه شفتها مره لخ هادئه حيل كاعده يم امها شنوتأمرها امها تنفذ كامت تشتغل وي اخواتي وامي وبدو يشيلون المواعين ويغسلون بيهن واني مستغرب شو هذيج المره جانت مصدومه بوجهي هسه ماخلت عينها بعيني
ظليت ادور عليها اريد اربكها بنظرتي بلكن افهم شي من عيونها .. هي متجنبتني حيل ..
رحت كمت شلت صينيه الحلويات وديتها للمطبخ تعمدت اخليها كدامها وهي واكفه ع السنگ تغسل مواعين وتبتسم شافتني جمدت مديت ايدي غسلت وطلعت من المطبخ اضحك ...هههه (الكاتبه:ام جوليا)
هاي شبيها هيج اني شكلي يصدم الااعرف شبيها ..
بقينا نتعلل للمغرب وابويه اصر الايجون يمنا ينتقلون
كالو ميصير وعددنه كبير ونضايقكم
ابويه مقبل وبالكوه اقتنعو كالو نلم غراضنا ونرتب وضعنا والله كريم
ابو غسان .. غسان ابني باجر تمر عليهم تجيبهم بالسياره كلهم وتجيب كل غراضهم ميصير هاي عيبه بحقنا
كتله تأمر يابه ..
وصلتهم واتفقنا اجيهم العصر اخذهم لبييت اهلي ..

يتبع....