لحظات!

كُلنا حلوين💙

كُنت فـ رحلة تَبع المدرسة .. وبعدين واحنا واقفين فـ الاستراحة لقيت موقف من آقذر المواقف اللي شُفتها فـ حياتي جوا السوبر ماركت !🌚
كان فيه بنت من "ذوي الاحتياجات الخاصة" وكانت جملية جداً💜 وبعدين فـ شاب من "ذوي احتياجات ضمير وقلب وعقل نضيف"😒 واقف بيتريق عليها والبنت يعيني صُغيرة واقفة مش فاهمه هو عاوز اي ولا بيقول اي وهي ابتسامتها مفرقتش وشها💜
انا لاحظت كدة حبيت اسكته فَروحت للبنت ووقفت معاها وادتلها شيكولاته وخلاص خدتها ووقفنا بعيد عنه!
المشكلة انو مَسكتش جَه واتريق علي شَكلي انا كمان..!!
فبصتله من فوق وتحت ومشيت وفجآة لقيت واحد من زمايلي واقف معاه وبيتساير بآدب وفجآة ضربو وشتمه ومشي وجَه عندي قالي يلا هنمشي الناس المُعاقة دي مينفعش نعقد معاها فـ مكان واحد واستعجل المُشرف ع الرحلة عشان نمشي م المكان دهـ وبعدين واحنا بنصلي فـ الجامع لمحته واحنا طالعين ندهتله وسئلته.." لو سمحت يا يوسف انت اتخانقت مع الولد ده ليه ؟"
قالي "انا لما شُفته بيتريق ع البنت كنت عاوز اتخانق معاه اصلا وبعدين لما لاقيتك خدتيها ومشيتي ارتحت وبعدين لاقيته بيعاكسك فروحتله اتفاهم معاه لاقيته مكانش بيعاكسكم ده بيتريق عليكم وبعدين اتريق عليا فـ ضربته"
قولتله " بس انتَ مكانش ينفع تضربه برضو عشان متحطش نفسك فـ مشاكل كنت سبته ومشيت!"
قالي حاجه هزتني اووي " انا مضربتوش عشان اتريق عليا انا اتعصبت لما لاقيته رافع مناخيره فـ السما وبعدين فـ القرأن ولقمان بينصح ابنه قال " ولا تَمش فـ الأرض مَرحاً ولا تُصعر خَدك للناس ان الله لا يُحب كُل مختال فخور" فـ كان لازم يفوق ويعرف ان كدة ربنا ممكن يكون مبيحبوش فلما قولتله كدة قالي انت هتعمل فيها شيخ واتريق عليا وع البنت تاني فـ اتعصبت انو اتريق ع البنت تاني ولأن ربنا خلق الانسان فـ احسن تقويم فمقدرتش اسكت وهو بيتريق ع الرايح والجاي ودي خِلقه ربنا ضربته ومشيت!
انا طبعاً تنحت واعتذرت مِنه وشكرته فـ نفس الوقت ومشيت ..
الموقف كان بيحتمل الحلو والوحش والمُفيد لينا
ان ازاي فيه ناس كدة وان لسا الناس شايفة نفسها سيد ع الكُل وان جمالها مفيش منو اتنين ؟
ايوة صح يوسف قالها ربنا خلق الانسان فـ احسن تقويم عشان كدة انا اتعصبت ع البنت وروحت خدتها ومشيت لان ربنا مبيجبش لحد حاجه وحشة💙 وكلنا كاملين وفينا عيوب بس فينا حاجه حلوة مختلفة تميزنا عن الاخرين🌸 بس هو ازاي يفكر كدة ؟
عاجبني تصرف يوسف جداً حتي لو كان بيحتمل العنف بس هو كان غصب عنه🌸
ان هو خايف ع شخص ان ربنا ممكن يكون مبيحبوش حتي لو الشخص استفذه !
خافوا ع بعض يا جماعه وخافوا من غضب ربنا ومتغضبهوش اتعشموا فيه واسعوا للجنة💜
ومتتريقوش ع حد لاننا كلنا زي بعض ربنا خَلقنا طبقات بس مش عشان نذل بعض ولا نتريق ع عيشة وشكل ومستوي حد!!
ربنا خلقنا طبقات نعبُده ونعرف نَعمر الارض ويا عالم عند ربنا طَبقة مين الاعلي !! 💙
خافو ربنا ومتتريقوش عل خلقته ولا تتكبر علي حد اصغر ولا اضعف منك 🌸