مش غلط انك تعترف بتقصيرك .. مش قدام الناس تقصريك مع ربنا مُجرد بس لما تحس بكدة فـ انت خدت الطريق الصح💜
انا كـ واحدة مش هقول ان كُنت عيشاها بالقلم والمسطرة ولا ان من صُغري شيخه عَصري ولا الكلام ده لان كنت مقصرة فعلاً ولسا مقصرة ..
*قبل م اكمل كُلنا جوانا حُب الدين والاسلام والرسول والجنة بالفطرة وقلوبنا مليانة حُب💜* نرجع لكلامنا بس نحط كذا نُقطة نتكلم فيها "الصاحب ساحب" اتكلمت فـ الموضوع ده قبل كدة .. انا فعلاً بآكد كلامي ان الصاحب ساحب بصو انا كُنت بعيدة عن الصلاة وعن القرآن بس كنت بحب الصيام جداً جداً معرفش ازاي يعني كنت اصلي كدة مثلاً الفجر لو انا صاحية وباقي اليوم محسش بيه اصلا والقرآن كان ممكن لو جه قدامي آية ع الفون او التلفزيون اقرئها وخلاص..
مكونتش مبسوطة خالص ع فكرة وكنت كارهه حياتي بس عايشة وسط اصحابي وخلاص .. بس كان جوايا حُب لربنا واشتياق للجنة وكنت بخاف .. وكنت ساعات بخاف وبقلق برضو من غير سبب فـ مرة كنت بكلم صاحبتي اقولكو ان بَعد كلامها حصل تغير جَذري؟!
صاحبتي دي من اصحابي المُفضلين المهم قالتلي ان دهـ عشان بعيدة عن ربنا ولازم تصلي الصلاه مفيدة وقالتلي عن ثوابنا منها وكانت شوية بترخي وشوية تشد فـ الكلام وبعدين كانت كُل يوم تكلمني تقولي"صَليتي الضهر .. طب العصر.. يستي قبل الدرس اتآخري شوية وقوليله كنت بصلي المغرب بس متفوتهاش هتتقل عليك لو جمعتيها .. طب قومي صلي العشا وتعالي نتكلم .."
كان كُل يوم لغاية م الصلاة بقت حياتي اللي هو مقدرش انام ولا اقعد وانا ناقصني فرض ببقي متعفرته كدة👻🌸
وفعلاً اعصابي هِديت وبقت كويسة ونادر لما بضايق او اتشاكل فـ البيت .. بعدها بفترة جاتلي واحدة من الصحبة الحلوة دي وكلمتي قالتلي " آية بُصي انا فيه ختمة للقرآن نعملها مثلاً كل شهر اللي هو اقرء كل يوم جزء واخر الشهر نخلصها بس عاوزة حد يقرء معايا من سِني عشان يبقي فيه روح وكدة ولو عاوزة تقرئى نص براحتك بس عشان نتافس" قولتلها اشطا يعني انا موافقة وفعلاً فضلت كل يوم قبل م انام اقرء نص جُزء م القرأن ولو عَدي يوم بحس ان عاملة عَملة والله😂 ونسيت موضوع الروح والمنافسة ده خالص بس الورد بتاعي ثابت💙
وبرضو كان ليا واحدة صاحبتي قررت تحفظني القرآن وواحدة تانية كانت بتنزل صوره الملك كل يوم قبل م ننام عشان نقرءها كنت كل يوم بستناها عشان ناخد الاجر سوا لحد ما اتعودت وبقيت اقرءها واستناها تنزلها ولو منزلتهاش كنت ببعتلها واتعودت كل يوم قبل م انام اقرئها 🌸
يعني الصاحب ساحب اهو🌸 فـ شكراً ❤
أنت تقرأ
لحظات!
Overigهنا ممكن تلاقي ردة فِعلك اللي كانت لازم تحصل او هتحصل لو اتحطيت مكان الشخص اللي موجود فـ الموقف ده !🌸
