لحظات!

الصاحب ساحب..!🌸

كُنت قاعدة فـ اوضتي كالعادة حواليا اصحابي الاقرب والأمن تليفوني وكتابي والنوت بتاعتي💙
وبعدين لقيت واحدة قريبتي دَخلت عليا المهم سلمت وقالتلي فـ موضوع مُهم عاوزاك فيه قعدت تحكي عن واحدة صاحبتها بعيده عن ربها وعن نفسها وكُل حاجه وقالتلي انها حاولت كذا مرة معاها انها تفوقها ولكن البنت مبتستجابش ليها والاسوء ان بقي فيه بنات بتعمل زيها وتبعد وتمشي وراها فـ اندهشت جداً من اللي بيتحكيه وبيحصل فقولتلها ان هي لازم تحاول كمان مرة او تبعد عنها عشان متئذيهاش وتاخدها وراها لان الرسول قال "المرء علي دين خليله فليري احدكم من يُخالل" مفهمتش الحديث ده غير لما سمعت حديث آريج دي وفهمت معني "الصاحب ساحب" اللي قالها مَغلطش وكان مُتيقن منها ان الصاحب ساحب فـ اي حاجه وانت بالتالي دايس معاه حِلو او وحش !
اختار صاحبك اللي هتجاريه واللي هيسحبك !
الدُنيا شهاوات فـ لما صاحبك يمشي وراها هياخدك وراه ..
المثل بيقولك "اختار الصديق قبل الطريق" يعني قبل ما تشوف هتمشي فين اعرف هتمشي مع مين وبعدين دوس ! عارف لو هتروح فـ داهية بس مع الصح اللي هيثبتلك ان الداهية ممكن تكون ابتلاء وتعدي مِنه هتحس بالداهية معاه انها جنة!💙
اختار صاحبك واسحبه ! ولو ملقتش اسحب كتاب هيسحبك للي يشبهك🌸