لحظات!

تَغير للـ خِير🌸

كُنا فـ الدراسة وكدة فـ ليا واحدة زميلتي مُلتزمة شوية وعلاقتها بالناس سَطحيه شويتين !
المهم زميلتي دي كانت ليها واحدة زميلتنا تانية زي ما تقولو كدة شايلة منها ع الاخر .. فـ للاسف الكلام دهـ كان بيوصل لـ مِنة صاحبتي فـ مِنة كان اي حد بيوصلها الكلام ده كانت بتوقفه عند حَده لان "من قال لك قال عليك" مِنة كانت ماشية بالمبدأ ده !💙
بس من كُتر ما كان بيجيلها الكلام وكانت بتتعب من اللي بيوصل جت تشتكيلي ونشوف حل للبنت دي!
فـ اقترحت عليها ان هي تواجهه البنت دي بـ اللـِ بيوصلها علي لسانها وتشوف بتقول كدة ليه ؟ وبالفعل مِنه عملت كدة وجت حكتلي اللي حصل بالتفصيل مِنة لما واجهت البنت دي قالت ان هي بتقول عليها كدة فعلاً وهي عارفه ان ده مبيحصلش بس هي مبتحبش مِنة لسبب هيّ نفسها متعرفوش ..!!
مِنة اتناقشت معاها وفتحلتها الستار ع الاخر علي شخصيتها وبعدين قالتلها جمله وقفتني جداً وكان لـ مِنة الفضل فـ حجات كتير بعد كدة "قالتلها انا لما جيت لك عشان اواجهك كنت جاية ليك عشان اوقف اللي كان بيجي يقولي انك بتقولي عَني كذا وكذا واخليهم مياخدوش ذنب نقل كَلام وتوقيع بين الاخرين وعشان برضو انا ميتأثرش فـ نفسيتي واخد ذنبك ان انا شايلة منك والاهم من كدة عشان انا عارفه انك غصب عنك ودي حاجه خارج ارادتك انك تكرهيني عشان كدة جت افهمك انك بتغتبيني وبتنمي عليا وفـ حديث بيقول " لا يدخل الجنة نمام" فـ انا ميرضنيش انك تخرجي م الجنة بسببي !
انا مُش شيخه ولا بفرد نفسي عليك بس انا بجد خايفة عليك منك ومن نفسي💔
انا بحبك لاننا كلنا آخوة ومسمحاك عن كل اللي حصل منك ليا.. بس بطلي تسويء فـ سُمعتي عشان مكانتك عند ربنا ع الاقل"
مِنة بتقولي ان البنت كانت مصدومة من طريقة كلامها وابتسامتها وهدوئها وخصوصاً ان مِنة خلصت كلامها ومشيت ..
انا شخصياً استغربت من قوتها وقدراتها وخوفها علي غيرها ان لسا مفيش حد قوي كدة💙
اللي فَكرني بالموضوع النهارده اي ؟ ان البنت دي جَتلي علي غير العادة بتضحك وتبتسم واحنا ملناش علاقة ببعض لاقيتها بتقولي انا آسفة ليك ولـ مِنة واي حد اغتابتهُ وكان باين عليها الاسف ولقيتها بتقولي انا هروح لكل واحد اعتذرله ! بس انا كُنت عاوزة رقم مِنة اعتذرلها !
اديتها رقم مِنة وقولتلها كلميها بس قولتلها " ان اللي يسترهُ ربهُ ميفضحوش عبده" وان ربنا اسمه "ستار" و"غفار" و"حليم"
وقلتلها توبي عن اي ذنب اقترفتيه فـ حق نفسك قبلها💙 وربنا هيغفرلك🌸
الموقف كان علي قد ما اهو مُتعب ومُهلك بس مُفرح!
انك اكتر واحد آذيك نَفسياً تكون انتَ سبب فـ صَلاحهُ وبعدها تكون اصحاب !💙
لأجل بس انك خايف عليه من ان يتحرم م الجنة بسببك!!🌸
الهدوء والصبر والرضا والايمان حلوين اووي وبيساعدو فـ البُنا مش الهدم💙
_____
رئيكو يهمني💙