ّكلعادة قبل م نروح لليسي نضت نطيب القهوة لجداتي ع الستة تاع الصباح .. هيا متخدمش و تنوض بكري باش تقعد تدور و تفيرفي لادوان .
جداتي : حطيتيلها حبة سكر .
انا : وي .
جداتي : احكي عربية واش هادي وي ديالك.
انا : ايه حطيتلها سكر .
جداتي : و باباك وين راه.
انا : راح للخدمة ..
جداتي : علاه ديك يسموها خدمة ??
انا : ليسمع يقول قرا ??
جداتي : شفنا يماك كي قرات واش دارت .
انا : واش دارت .
ملاك : صباح الخير تيتا .
جداتي : صباح النور ي الزينة تاعي ، ندى روحي اهبطي للحانوت جيبي ل ملاك قاطو باه تشرب حليبها .
انا : تروح تشري هي ، انا مشي خدامة ديالها .
و نضت روحت لبيتي لبست سروال و ليكات و رفدت كورطابي و رحت نقرا . ك العادة الشيخ يشرح و انا نخزر ف ياسين . ياسين جاي روجي عينيه خضورا جاي طويل و يهبل البنات قاع دايرين عليه هو صح صغير عليا بعام مي انا نحبو ياك يقولو الحب ميعرفش العمر ، المهم قاعدة نخزر حتى تجيني طلاسة ..لي يمسحو بيها الطابلو.. من حيث لا ادري .
الشيخ : الدرس راه هنا مشي ف وجه ياسين ..
انا وليت حمرااا و الكلاسة قاع يضحكو و يستهزاو و بداو يقولو ،، اهاه يا ياسين راك داير السوكسي نطق واحد وقال: حتى الدببة ولاو يعشقو فيك و بداو يضحكو . انا تنرفزت و درت ليه ،، انا : شتقصد بالدببة ؟
هو : راني عليك يا خالتي ????
انا : دوك نجي نكرفسك .
هو : علاه تشوفي فيا ورقة ????
الشيخ : ندىىى براااااا .
انا : علاه ??
الشيخ : قتلك برا
. المهم خرجت للساحة كانت 9 ونصف باسكو كان عندنا زوج سوايع مع هاد الشيخ ، ايه ستنيت حتى صونات تاع الساحة شفت ياسين مع وحدا تقرا معانا جايا رقيقة كي الحطبة منعرف واش عجبو فيها ، المهم انا تغزلت ، شافني صاحب ياسين راح قالو جا عندي ياسين و موراه مدامتو انا قلت كشما ح يعترفلي بحبو سوغ مي مشكيتش باغسكو راه جاي مع الحية ، المهم درت روحي مشفتوش ،، ياسين:ندى ،، انا قلبي بدا يخبط ،، انا :ن—نعم ،، ياسين : شوفي متزيديش تخزري فيا و ديريلي سمير ف كلاسة راكي كبيرة عليا يا وسمك+ شوفي روحك و شوفي مدامتي ،، اكيد محاش نخلي الزلة ديالي و نجي لوحدا قد البقرة .. انا: اي اي اعرف واش راك تهدر ، ديجا شكون قالك بلي كنت نخزر فيك ، كنت غايسة برك بففف جاي تهدر عليا شغول نتا مهند ، خي دري يخي ..ياسين : دوك كشما نقولك ..انا: دوك نخبطك تشوف النجوم يدورو بيك ... مدامتو : ياسين خطيك منها ناقصة في عقلها مسكينة ... انا ناقصة في عقلي و رحت ليها و جبدتها من شعرها و قتلتها خاباطوس حتى جا المدير و المراقبين و الاساتذة تجمعو و بداو يسلكوا ،، مسكينة شعرها قاع جا في يدي بلا ما ننساو الختم لي درتهولها في وجها نحيتلها قوجا مورسو من خدها و خبشتها خرجت فيها قاع زعافي .. و هي تبكي و تعيط ،، و تغاشات داوها لسبيطار و انا ف المقابل عيطو لبابا و حكاولو و قالولو بنتك نديرولها كونساي ديسبلين على تعاملاتها الشرسة مع التلاميذ بابا تبهدل داني لدار وقال ليما يما تبعتني لبيتيو عطاتلي كف خماسي ماما : بعتناك تقراي مش تخبشي البنات ،، انا:اووف يما هي قلقتني . ماما : ولي يقلقك تخبشيه وليتي قطة هنا ،، انا : اففف خلاص جعت واش طيبتي ؟؟ ماما : طيبت فارة محشية ،، الكرش لي عندك و تزيدي تحوسي على الماكلة.. انا : و مناكلش نموت للشر ???? .. يما : كاين عدس تاع لبارح سخنيه .. انا : شبعتونا عدس شغول مكانش ماكلة........
يتبع.......
فوت+كومونت باش نكمل هيا شوي تفاعل وين راكم كشروداتي......
أنت تقرأ
ندى وزين(باللهجة الجزائرية)
Romanceالملخص :الحكايه باللهجة الجزائرية تحكي عن ندى فتاة جزائرية سمينه لا تهتم بشكلها ولا دراستها و مكروهة نوعا ما من عائلتها تقرر ان تتغير ثم تلتقي بزين في احد الاعراس زواجهما لن يكون مثل أي زواج تابعو لتعرفو
