ندى وزين(باللهجة الجزائرية)

البارت3

نضت روطار ،، رحت نجري لبست و رحت للمسيد ، دخلت للكلاسة ،، الشيخة تاع المات كانت تقري ،، خزرت فيا و انا مقيمتهاش دخلت قعدت مع اللخر قدام التاقة جبدت لاتغوس فتحت لكراس و جبدت تشيواوا من جيبي و بديت ناكول ،، و نرمي من التاقة . الشيخا : واش ندى واقيل خلاصلك الباكي ..نجيبلك وحداخور .. انا : لالا مزال فيه .. الشيخا : نوضي ارمي عليا هاد الزبل و اغلقي التاقة ،، انا : وعلاش شريتهوم بدراهمك ؟ و ديجا منغلقش التاقة حبيتيني نموت بالسخانة .. الشيخا : قليلة ادب ،، لعشيا نسحق باباك ف الادارة راكي تسمعي .. انا : بابا ماشي خدام عندك باش يجي مقتاش تحبي .. الشيخا : اواه ياسين روح عيط للمراقب العام .. انا : عيطو للامن احسن .. المهم جا المراقب العام و عيط لبابا ف تلفون و هدر معاه .. و بعد المناقشات الي داروها يما و بابا و تراستها جدتي الشريرة قررو بفصلي عن الدراسة طبعا انا دورتها بكا و متقبلتش الفكرة خصوصا كي جداتي تغزلني بمنال الي تعرف تقرا و شاطرة و الخطابة عليها كي الدود .. المهم قالي بابا نخلوك تكملي العام ادا باسيتي تكملي قرايتك و ادا رودبليتي تخرجي من المسيد .. انا : يتسما خارجة خارجة من لمسيد خاطرش ف الفصول جبت 8.00 و 7.40 و انا منيش قارية باش نجيب 16 ،، الوغ خلاص قررت نحبس قرايتي و نقعد ف الدار نستنى مكتوبي . كنت قاعدة حتى تجي جداتي .. جداتي : روحي سيقي الدار غدوا راهم جايين خطابة .. انا فرحت و قلتلها راهم جايين يخطبوني ???? جداتي: علا كاش حاجة تعجب فيك باش يجو يخطبوك ، راهم جايين يخطبو منال . انا : ايه يمال تنوض تسيق هيا .. جداتي : منال مكاشها راحت تشري حوايج لغدوا .. انا : قوليلها متفرحش بزااف و بلاك متعجبهمش و هكا .. جداتي : تعجبيهم نتي بهاد الدوارة لي عندك .ايا روحي اخدمي شغول ما تفيدي لوالو .... انا في قلبي ان شاء الله ياربي متعجبهومش و متتخطبش حتى نتزوج انا
روحت سيقت و دخلت لبيتي درت فيها تدويشة . جات منال و يماها من السوق ..شراو بزاااف حوايج تقول شراو لمارشي قاع ... انا : ايه كاين الدراهم ياه .. فاطيمة : سلامت راس خويا لي عطالي دراهم باش نشري روبا لمنال .. انا : قالك اشري روبا ماشي لمارشي .. يما : احم احم .. انا : شبيك تسعلي يما .. يما ???????? انا ?????? .. نضت لبيتي نجري باغسكو علابالي كون نزيد كلمة تجيني لبليغة للراس . ايه انا غير دخلت للبيت لقيت ملاك تهدر ف التليفون . ملاك: ايه مام انا توحشتك عمري .. انا شديت البليغة و هي غير شافتني قاتلو باي باي و كوبات .. انا روحت نحيتلها التليفون و قريت مكتوب زوجي و سحبتها من شعرها .. انا : ايه شكون هدا زوجك .. كبرتي ووليتي تهدري ف التليفونات . ملاك : اه سمحيلي سمحيلي بلاكي تقولي لبابا .. انا : دوك تعطيني لابيس و تيليفونك وواش نقولك تقوليلي حاضر .. و هاد السيد نزيد نشوفك تدوري بيه نقطعك طراف طراف و نبيع لبابا . ملاك : حاضر و عطاتلي تيليفونها بديت نقلب لي ميساج غير الحب و الغرام ..استغفر الله من هاد الجيل

يتبع...........