ندى وزين(باللهجة الجزائرية)

البارت10

فطنت مع الصباح ملقيتوش ، رحت غسلت و جهي و خرجت للصالون لقيتو موجدلي الطابلة عصير كرواسون بيض زبدة مادلين ..الخ . انا : صباح الخير زين : صباح النور و الياسمين ارواحي تفطري . انا : اوكي رحت كليت حتى شبعت .. زين: رقدتي مليح . انا: وي و نتا .. زين :والله لبارح قتلتيني بالدبازي و الكوتبيات يرحم باباك واش كنت تنومي بروسلي و لا جاكيشان ..انا: خخخخ صح باغدون?? . زين :???? هدرت مع يما و قاتلي تفاهمو مع باباك و قاللهم لازم نعاودو العرس .. انا : هكاك خير . زين : اوكي يمال روحي وجدي روحك نديك لداركم و نروح للخدمة . رحت للدار قابلتني يما . يما : واش صرا لبارح . انا: والو واش صرا متلا .. يما:كي داك كان زعفان قلت كشما دارلك ولا. . انا: لالا مدالي والو جابلي بيتزا و خرجني حوست و صباح و جدلي لفطور .. يما: امم مليح . انا: بابا راه مليح. .. يما : بالاكي دوري قدامو والله يقتلك ديجا بسيف باش وافق ع الزواج كان حابكم تتطلقو مي انا قنعتو انا: مي علاش .. يما :انا لي فهمتو بلي باباك كان يخدم الشوفور تاع زين ،، و زين كان تاع بنات و شراب و بباك كان ديما ينصح فيه و مرة ركب معاه طفلة و قعدو يتكيفو ووو .. باباك عيط عليهم و قالهم متحشموش .. زين زعف ضرب باباك و حاوزو من الخدمة تشفاي نهار جا مجروح و ظهرو يوجع فيه قاللنا ضربني واحد سكران ... انا : صار هكا .. رحت نجري لعند بابا عنقتو .. بابا: بعدي عليا ... انا :مكاش علابالي بلي هو لي دار فيك هكاك . كون عرفت والله منزوجو مي متخافش دوك نجيبهولك يعتذرلك و يبوسلك يديك و رحت عيطتلو مريبونداش قعدت غير نعيطلو حتى ريبوندا ... زين : هادو قاع لي زابيل واش تمتم توحشتيني .. انا : دوك عرفت وعلاش بابا محبنيش نتزوج بيك .. زين : كنت سكران ف هداك الوقت مكنتش واعي على روحي ...انا : شوف ي تجي تطلب السماح من بابا و تبوسلو يديه يا .. زين : و يا؟؟ انا: يا طلقني . زين : يتسما ديري ف الشونتاج مي معليش باش نبينلو بلي انا مربي نجي و نطلب السماح .. المهم ف العشية جا زين و طلب السماح من بابا ز باسلو يديه و بداو يهدرو وحدهم ف البيت و انا ف الصالون كنت حابة نروح نقرعج مي يماه و رزان كانو معايا ،، و اخيرا خرج بابا مع زين يضحكو و انا تشوكيت سبحان الله مقلب الاحوال . المهم هداك نهار جابو الخواتم لبسناهم ... بعد ايام جازو روتين غير تلفونات مع زين خخخ مهبلني و شغل و تحضيرات درنا عرس قلبناها بالشطيح

تلامو علينا لغاشي . زين: اهربي و قلعنا نجرو و هوما يجرو لحقنا عند واحد يبيع لاكريم شرينا و قعدنا ناكلو حتى شفناهم جايين باينين بلي مافيا . زين رما لاكريم و قلع يجري و انا قلتلو استناني و كملت نجري و نلحس ف لاكريم لحقنا للاوتيل . عنقت زين و قعدنا نضحكو امبعد خبطتو بكوتبي و رحت دخلت دوشت تعشينا و رقدنا غدوا منداك رحنا للساحل كلينا سمك مشوي و شربنا لاتاي . و درنا شوية انا شفت هداك السيد لي عندو فوانيس تاع الامنيات لي طيريها فوق البحر فالسما قتلو لزين قالي لالا منشريلكش .. خطيك من الخزعبلات انا زعفت و رحت رفدت و حدا بلا منخلصها تمنيت امنية و طيرتها ، جا عندي مولاها قالي خلصيني قتلو هداك يخلصك بعتو لواحد الجون راح هدر معاه خزر فيا غمزتلو و روشتلو .. خلصو و جا لعندي .. زين : قالو خير واشن .. الجون : انت جزايري . زين : علاش .. الجون: هاي مرتك بس ليش تركتني ادفع بدالها ... انا : شفت البورطفاي ديالك معمر قلت وش فيها ادا خرجت شوية دراهم . الجون: شو م فهمت .. زين : مش لازم تفهم باي . و رحنا . زين: مليح بغمزة خليتي السيد يخلصلك .. انا : لانني زكية .. زين : لالا خاطرش هو حابس .. رحنا قعدنا باغسكو عيينا من المشيا كانو مقابلينا واحد لي جون في تركيات لابسين قصير و قعدو يخزرو ف زين و يتبسمو يكحلو عليه الفايحات .. انا تقلقت رفدت يدي و يدو لي فيهم الخاتم وبديت نوريهالهوم و نغزل فيهم هما تقلقو و راحو وزين ميت بالضحك . زين: شبيك عمري هادي قاع غيرة . انا: واش عجبك الحال نتا واقيل . هو : واه عجبني سوغتو كي رفدتي يدي و بديتي توريلهم ف الخاتم . انا: اوموان يعرفو بلي نتا مزوج و يخطوك خفت لا تخطفك كاش وحدا منهم . زين : نخلي الزلوشة تاعي و نروح لهدوك لموسطاشات .. انا : عييت ني حبا نرقد منيش قادرة نمشي ارفدني . زين: بديتي تتدللي . انا : هكا يمال اقعد هنا و انا نروح وحدي . هو : متعرفيش الطريق . انا: نعرفو. هو : باين عليك بلي تعرفي الطريق علابيها راكي رايحة من لتم . منا الفندق ي الحابسة .. انا ارتبكت : و وشكون قالك بلي راني رايحة للفندق .. هو هبط روحو و قالي اطلعي .. رفدني على كتافو و انا قاعدا نتمهبل و نغني الناس قاع مخلوعين فينا .. هو : غمي بهدلتينا .. انا: غمة تغمك منغمش .. لحقنا للاوتيل . زين: ااااي كتفي .. راه يسطر .. انا : ااه قول والله رحت جبت لابوماد و قعدت نديرلو فوق كتفو .. انا : راحلك

هو : اه يمال مكلاه تزعفي اقعدي عاقلة هكا باش نحبك .. انا : علاه متحبنيش ???? .. هو : لالا نموت عليك .علابالك واش راني حاب .. انا: واش ???? هو : بيبي يشبهلك ???? انا : احم احم وش جاب هاد الحكاية دوكا معندناش برك تلت يام ملي تزوجنا راك تخمم ف دراري .. هو : ???????? بففففف . انا : خلاص كي ليوم يكون عندنا طفلة صغيرونة نمشطلها شعرها و ندوها تحوس . هو لالا نجيبو طفل باش نديرلو الجال و نلعب معاه ماتش و البلاي .. انا : لالا نجيبو طفلة . هو: طفل . انا: يمال منجيبلكش دراري وخلاص.... انا : معليش مام و يلا كانت طفلة نوغمال المهم يكون عندنا دراري ???? ... انا : كي اليوم ان شاء الله .. هو : ان شاء الله المهم جاز شهر العسل هاايل يعني غير هدات و مشاكل مع الناس و التمهبيل ، عجبني الحال بزااااف و فرحت بزااااف كي ربي رزقني براجل كي زين .. المهم بعدما كملنا من شهر العسل .. خالتي امينة كانت حابة دير عمرة و لازمها تروح مع زين خاطر راجلها مريض ، الوغ قاتلي مام نتي تجي معانا روحنا درنا عمرة و دعيت ربي يرزقني ب ذرية صالحة و يخليلي زين معايا ويحسن خاتمتنا ..الخ و بعد موليت من العمرة درت الحجاب ، كنت منصليش وليت نصلي ، حتى زين ولا يروح الجامع يحفظ القران بعدما كان تاع شراب و ملاهي و بنات الحمدالله تاب .....

يتبع............