.. رفدت تلفون لقيت 40 ابيل من عند ماما . و ميساج قاتلي فيه بلي راحو كورتاج مع العروسة و بابات العريس عرضهم للاوتيل يقعدو نهار ... انا تشوكيت مقاتليش مينبا وين جاي و كيفاش نروح و انا معنديش د اهم وجهي صفار و بديت نبكي سافت فيا لمرا عطاتلي تلفونها هدرت مع يما . و قاتلي روحي باتي ف الدار قتلها معنديش المفاتح .. قاتلي اووووف مصيبة نتي دبري راسك و كوبات حكيتلها للمرا قاتلي معليش ارواحي معانا للدار
جا وليدها كانت عندو اودي كحلة .. وهو شنقوللكم سمر و عينيه مارون عندو لحية خفيفة كان لابس تريكو قغي و شوغت جين و باسكيت و داير سلسلة . واااااع يهببببل ?????? طول الطريق كان مشنف و يضارب مع يماه .. باين عليه واااعر مي معليش نديه واعر و منديهش انوش . ???? المهم لحقنا للدار .. رحت مع رزان عطاتلي بيت بدلت دوشت بدلت حوايجي .. عطشت ملقيتش لما . جيت خارجة حتى نسمع ف زين الدين الزلوش ديالي يقول ليماه: وهادي لاه جبتيها معاك ؟؟.. يماه: اسس بلعقل دوك تسمع . طفلة عاقلة انا شديتها بالهدرة حتى راحو عليها دارهم .. زين: امم مليح لي تلقايه برا دخليه للدار .. و لات دارنا دار لرعاية المتشردين . انا سمعت هديك الكلمة طاحتلي الدمعة روحت بدلت حوايجي . و قلت نبات برا و منباتش عند هاد لي حاسب روحو المهم ستنيت حتى راحت ترقد يماه و خرجت جيت نفتح الباب حتى يشدني واحد من يدي درت لقيتو مون زل .. هو : وين رايحة فهاد الوقت .. انا: راني رايحة منيش حابة نحوللكم داركم لدار رعاية المتشردين .. هو قعد يخزر ف عينيا منبعد جبدني لعندو انا دنيت . لصقت ف الحيط و بديت نترعد .هو : شبيك تترعدي مدغيييي .. المهم يتسما كنتي تتنصتي لهدرتي مع يما .. انا : كنت تعيط علابيها سمعت و لا لافوت فيا نورمالمون نبوشي ودني و منسمعش . هو : ايه . انا : بعد خليني نروح . هو : كاين كلاب برا تدور بالاكي يهجمو عليك و جا طالع .. انا : اه قول والله صح عندهم داء الكلب صح ؟؟ هو : قصدي كاين ليجان سكرانين .. انا : و اومبعد نعطيهم بكوتبي نقتلهم .. هو : بركاي متجياحي و اطلعي ترقدي نعلي بليس ا طفلة .. انا : واش شايفني نرضع صبعي باش تقولي طفلة . هو : لاحول ولا قوة الا بالله روحي ترقدي مش خير.. بعد جدال مع زينو ,طلعت بدلت و رقدت كنت عيانة.......
يتبع......
أنت تقرأ
ندى وزين(باللهجة الجزائرية)
Romanceالملخص :الحكايه باللهجة الجزائرية تحكي عن ندى فتاة جزائرية سمينه لا تهتم بشكلها ولا دراستها و مكروهة نوعا ما من عائلتها تقرر ان تتغير ثم تلتقي بزين في احد الاعراس زواجهما لن يكون مثل أي زواج تابعو لتعرفو
