#بحكم الحب
الجزءالرابع عشر
ل ورد العامري
طارق :جيد بعد شنو المشكله
مهند :جايك بالحجي رادو يجون طياره تعرف الوضع جان كلش تعبان وينتضر مده طويله كالك مثل مجينه ع بر نرجع ع بر شعدنه وهم مناضر وكذا يابه ماشي شوكت تجون كالو الاثنين يمكم خابرو الفجر كال راح نطلع جلبت ريم اله تروح تستقبلهم بابا همه يجون لا مشتاقه لبابا ولمحمد اني اروح احمد مقبل وتعارك وياها هيه ام دميعه كامت تبجي كسرت خاطنه احنا نحبها ونعرفها مدلله كتلهه كومي انتي وام ايهم زوجتي اخذكم ننتضرهم خابرنه ع مكتب كالو ب3يوصلون رحنه ننتضر خابرت ع اخوها كلتله انتضركم اسمعه يكولها عفيه عليج مشتاقلج كد رحمه الله صار ١٨يوم محاضنج اريد حضن جبير وربك عشاق جنت اكولهم ماكو هيج شي شفت عدهم بس يجي فاتح ايده ويحضنهه لااخته يكولهاا اخخخ ريحت الجنه اضحك عليه جنت المهم رحنه دكت ال٣ وماكو ضلينه ع هسه يجوز الامريكان سدو الطريق انخابر ماكو مغلق كامت تفرفرح واني وام ايهم انطمنها عله طفه شحن والوكفه وكفه لل ٩ بليل طبت المنشأه بس الوجوه مخطفه مطمن نزلو كم واحد ع عد الايد من منشأه شكبرها شكدها يابه فلان الفلاني وين هوه وابنه رجال جبير خير كال بويه البكه براسكم يمعود شتكول عدل بدل كال هذا الصار
طارق :زين شلون يعني حادث حته اذا حادث لمنشأه شلون وصلت
مهند: دطي صبر كعد ايسولفنه تعرف بنهايه ٢٠٠٥ طبو اشكال الوان للعراق افغان ومدري منو لازميهم بدرب انزل انززل ومفترين ع واحد واحد جنسيتك عازلين ناس عن ناس جاين لاابو ريم الرجال سني هوه وام ريم شيعيه يعني ميفرق الله لاايوفقك الي دخلو النه هل سالفه اي سائليه انت سني كايللهم بويه لاسني ولاشيعي من عباد الله انت كايليله لا هذا لقبك يثبت سب الاثنى عشر المعصومين كايللهم شلون يعني هسه انت تقبل اسب حفيدك لوحفيدتك ذوله احفاد. رسول الله شلون اسبهم يابويه واحنا ولدعم وخال صاير مفتي ده يحجي ويه طلابه عباله كايلله اوكف ع صفحه رايحين ع محمد سب مقابل سائليه راضي عن كلام ابوك كايللهم كل الرضا اكو واحد ايسب جنه الله نزلو ع كاع ممكمل كلامه حاطيلك طلقه براسه راكض ابوه قبل ميشيله مكوميه فوكاه ايكول الرجال ياروح مابعدج روح والله كالولنه سبينه السب صعد الماسب اتكوم يمهم اما الي من الطرف الثاني اخذوهم بس شنو ولامره مبقين الي اخته والي مرته والي بنته شكولك العالم تبجي عليهم يكول جبنه الطريق حديث شكد محترم واحد كال والله ده يسولف وجاب طاري بنيه عنده كال خايف عليها والزمن موخوش زمن كلبي واجعني عليها يكول ضحك ابنه كاله شحده الزمن الي يندك بيه غير بعده امه مجابته والله ياطارق الناس تبجي عليهم انوب تعال قنع ريم تعوف السياره الي مجلبه بيها وتصيح كذب هسه اينزلون محمد كال مشتاقلج ميعوفني العالم تبجي وياها والله اني فرفحت عليها وهيه كل اسمهه بت خالت مرتي
#بحكم الحب
الجزءالخامس عشر
ل ورد العامري
طارق :والله مصيبه خطيه بس هم ليش تشتغل عندك وليش تتهزم من اخوها مو حوللهم فلوس
مهند: اي رجعنه وكلنه الصار وطبعا لااكو جثث ندفنها ولااكو شي سوينه فاتحه ابيناتنه والمره امهم من المصايب مره مابيها شي شكل سكر وجلطه وانوب ياريم البلوه بلوتين امها الي لارجل ولاايد وابوها واخوها تركض باامها من دكتور لدكتور دكاتره غاليه هنا رجعت للعينتين احمد اسحب من لفلوس امي يرادلها علاجات ايكولها يافلوس منين اجيب فلوس شنو منين تجيب موابويه حول لفلوس النذل نكر كالها لااستلمت فلوس ولااعرف فلوس جتي عليه خطيه كتلها شنو ميعرف فلوس اني وياه استلمنه التحويل رحتله يكولي صرفتهن ع فاتحه لك يافاتحه هوه منو سوه فاتحه شوبشقه قرينه الفاتحه وهذا هوه 250مليون شتحجي انت طب بعيني انه ممستلم وهوه ابو الراهي شال مليون اطاه لااخته يكولها هاي من حلال طيب
طارق: ايا نذل اكو هيج اخ
مهند :حبيبي اكو احمد وهاي بسيطه دكته اصلا سهله
طارق: ليش شكو بعد
مهند: عيوني طلع راجع للشله مالته قبل فتره ومطورين صايرين ايسلبون ع حدود السوريه ويطلعون تهريب والاعوج اعوج مينعدل كايللهم انه بتركيا وناطي عنوانه وجايين يتونسون بفلوس ولد الخايبه واحد منهم من جانو بالعراق منمر ع ريم محاجي ابوها الله يرحمه كايلله صغيره ماازوجها والرجال من خوفه ع بته ناقص كلشي ايسوي بس اتخرجت اخذهم وطفر العينتين دلاه ع مكانهم وهوه مسطور ع ريم داخله بدماغ كايله اطيك 10ملايين واريداختك الساقط متعامل وياه ع اخته وواصل لل١٥ مليون
طارق: ايا ساقط
مهند :بس ساقط دسمع حبيبي اسمع ابوهم اله اربعين يوم ميت هل حجي جاي ع ريم حضري روحج راح تزوجين وك شتحجي شتكول هذا لموجود متعاليه اصواتهم حاطها وكاتلها جتي علينه حجينه وياه واجه اعتذر وكالهه الي ترديه يمشي وشبقه عندي غيرج بس اني ردت اطمن عليج ومادام مرايده هذا هوه واخذ اخته ورجع
طارق :اي حلو
مهند :هههه كلش حلو طلع متفق ويه ذاك عليها عازمه ع عشه اقفل الباب ع امك وطبب الكلب ع اختك
طارق: لاياالله
مهند: لحضه بس اشوف الزبون
طارق :خرب…… يازبون كمل اشرت للحمايه طلعوه
مهند: وك حتطع رزقي
طارق: وك كمل اني اطيك مال المحل كله رحمه لاالله سدو الباب عمي محجوز المحل بس كمل
