#بحكم الحب
الجزء السابع والعشرون
ل ورد العامري
كطع تجولي بين ذكرياتي صوت امي
ام ريم: ريومه وين وصلتي بصفنتج
ريم: ها حبيبتي لاماكو شي تردين شي مني /لاماما روحي ارتاحي حبيبتي /تصبحين على خير
دخلت انام جنب الملاك النايم الي احس براحه من اشوف فرحتها ذكرياتنه تاخذ ايام وسنين من عمرنه بس بوقت تذكرها تكون ساعات اذكرج بكل شي فات وكاانو البارحه دماغي خازن اصغرشي شذكرني بذيج الايام اوووووف يمكن لان قرب تاريخ ولاده ليان
رجعت بذاكرتي وين موكفت
عدن يومين وكمت اكدر اتحرك اكو الم باايدي بسيط بس صدري كلش يوجعني احسه ثكيل متنك من الحليب بس مااكدر اطيه ال ليونه بسبب حرك الاعصاب والادويه والحراره الي مازالت ترتفع يعني حته انتي يابنتي عمرج ايام واخذتي نصيبج من مشاكلنه جعفر ع نفس الحال وميفيد وياه شي امي بقت يمي10ايام وراحت صح مقهوره من الي صارلي وصرت هجوميه وياهه لفتره بس كلبي عاذرها جعفر مكابل البيت وكاعد الباب تنقفل بيده وتنفتح بيده مفاتيحها عده لان راح احمد الي جان اينام يم الباب حارس
عده عليه شهرين ع نفس وضعي شرب بنهار وبالليل وضرب وبعدين يبجي لان ضربني ليونه بدت اتناغي جسمي نحلان ودوخه عندي اذكرت شوكت اخر مره اني وره الابعين جتي بس قطعت سئلت امي كالت الستينيه يجوز تتاخر لان كطعتي رضاعه بس صار شهرين معقوله عزه بعينج ريم المن اسئل وين اروح
ريم: جعفر خل اروح لاامي مشتاقتلها
جعفر: ريم ولي طلعه ماكو خليني كاعد منسم ومرتاح
عفته ورجعت للغرفه شسوي تذكرت عندي ادويه وبراسيتول شربت 3شرايط براسيتول حته اذا كان موجود مايبقه اله اثر حته لواتسمم وكمت اشتغل بحركه سريعه اروح واجي دفعت. الكنتور درت الغرفه
جعفر: شكو شكو اليوم شنو هل صوت/ماكو ده احول الغرفه معاجبتني كعدتها /دفضيها يله تره جعت /اي اي كملت وصبيتله الغده اتغده ونام رادني كتله ثواني بس انيم ليون حته لضوجك تبجي /ديله فضيها
هوه اصلاطافي بس حط راسه نام نومت اهل الكهف طلعت ليونه بصاله بجربايتها تناغي ويه الالعاب مال جربايتها حطيت بحلكها الملهيه وصعدت ع قنفه واكمزبالكاع اكثر من مره بده عندي الم عرفت صح حامل كمت اشيل بروحي واشمرها واكمز كل قوتي همزين الشقه الجوايه فارغه البراسيتول حرك معدتي حرك واني مستمره بالتكمز خلص تعبت وجههي صار مي رغم بارده والم ابطني قوي صار ضليت متحمله ع روحي طبيت سبحت بمي حار اذب ع ضهري وبطني حسيت عليه كعد طلعت
جعفر: لج كرته مو كتلج تعالي يمي
ريم: جيت انت نايم مقبلت تكعد كملت شغلي وطبيت اسبح
جعفر :ديله راح اطلع تردين شي اجيب وياي /لا ممحتاجين شي/زين راح اروح اجيب مالاتي واجي لان خلصت
طلع وقفل الباب ركضت ع جربايه دوشكنه سبرنك عالي وبديت اكمز الالم زاد حسيت كاانو ده اولد كمزت كمزتين واجاني الم قوي خلاني ادفع كاانما ولاده عندي سمعت صوت القفل انفتح اريد ارفع روحي مااكدر
جعفر: وينج ريم هاشو كاعده بالكاع شبيج
ريم: مجلبه ببطانيه الجربايه بحلكي وهوه يصيح شبيج مادري الم الم قوي عندي /وين وين الالم شو كومي لج هاي شنو الدم /مادري اخخخ جعفر راح اموت صدك حسيت روحي تطلع كاني ده اجيب طفل كامل وداني للحمام كال غسلي وبدلي ده اخابر امج ايجيبها احمد يم ليان
امي بقت يم ليان ومن شافتني كالت هذا طرح مو تأخير رحنه اني وياه للمستشفى جان كلشي منتهي الطفل واكع مجرد سولي كورتاج شفت الطفل مثل الهلال ابيض نزلن دموعي سامحني ماما سامحني احنا عايشين بالحرام بمال العالم ناكل ونشرب كافي شايله ذنب اختك ماكدر اشيل ذنبك هم طلعت وهوه عرف طرح عندي عيونه نار اطلع اول مطلعت سئلني جنتي تعرفين مو/لا منين اعرف شولاطابه ولاطالعه/ليش اكو مره متعرف بنفسها حامل لولا/ ماعرف توقعت تغيير هرمون او لان تركت الرضاعه/متمني اصدقج ريم متمني/رجعنه للبيت وسولفت لاامي كالت لج هذا ولد/ولد ولابنيه شنوالفرق راح ايعيشون بفلوس حرام/بس حرام تره الاجهاض ماما/ههههه امي شبيج وعيشتنه موحرام اكلنه لبسنه شربنه موحرام /استغفرالله يله ماما نامي اني يمج /لالا تمام اكدر اتحرك ماكو شي ليضل بالج خليني كاعده
جعفر: عمه احمد ينتضرج/لايمه شلون اعوف ريم خلي ايروح/لالاعمه كومي اني يمها/عرفت حعفر مراح ايعديها عله خير كومي ماما روحي ليضل بالج بوستني وراحت وهوه طلع مرجع اله نص الليل حايط ايلزمه وحايط ايدفعه
وعذاب جديد بعنوان كتلتي ابني ملخني تملخ مخله لاايد ولاجرشعر ولاحزام كانو جسمي صار متعلم هذا نشاطه اليومي لحد ماتعب ونام وهوه بحذاءه ع قنفه رحت نمت يم ليان الضرب المه كام ميصير بجسمي ايصير بروحي يحركني من الداخل عدت خمس شهور وهوه ممسافر اليوم اجاه احمد اتعارك وياه يكوله لك فلوس خلصت الشباب كلها تصيح شوكت انسافر فضها عاد /جعفر :سافرو انتو مااكد. اني /احمد: يمعود جعفر مودزيتنه قبل شهرين والله ماتدبر بدونك حبيبي انت الباشا العقل المدبر مالنه/هههههه خوش تحضرو ايعدي هل شهر ونطلع/اي يمعود هيج احنا خفنه ريم خلتك اتبطل هههههههه/والله اختك ماكله راسي بس اكو واحد ايعوف رزقه هههههه
شكد خسيس الله ياخذكم رزقكم بالحرام وتسليب العالم فكرت ان لازم اغير كل شي بهل شهر هاي فرصه الي حته اكدر اطفر كام يكتلني واني اروح بحضنه وهوه هذا الي يريده يموتني كتل واروح اني اتوسل بي عله حضنه وابين اني استمتع بااذيته الي بالفراش بضرب والعض وتمليخ شعري ادوس ع نفسي حته ايأمن الي لحد ماكدرت اخذ مفتاح من المفاتيح من جتي ام بحجه اريدها بشغله نسائيه هوه فرح عباله حامل ميدري من جيت امي ونزولها بحجت اجيبلي عصير ايعوض جابت الحبوب المانع هيه تعرف من ادز عليها معناها خلصت تواصل ويه سناءماعندي بس تسمع اخباري واسمع اخبارها من امي جتي امي وجلبت بيها تبات بكت المفتاح واطيتهياه تستنسخه هوه جان شارب ويريداينام بيومها نيمت ليان وسمعته ان اريدها تنام يم امي واحمد اصلاطافي صارت ساعه٨بليل هوه كاعد يشرب اتفقت ويه امي تطلع من غير منحس واني الهي بس اتشوفني طبيت للغرفه تطلع رحت كعدت بحضنه مكملت /لابعد بس شنو هل رضا هذا ريم كلها بحضني /ليش ضجتت كعدت بحضنك/هههههه هيج زمال اني اضوج والكمر
