#بحكم الحب
الجزءالتاسع والثلاثون
ل وردالعامري
لااعرف لماذا لكني اشم رائحه الموت قريبه مني احتضن ابنتي بقوه وكأني اودعها لااعرف لماذا تمتم فمي بكلمات اوصي بها على ابنتي هل خوف زائد ام احساس مؤمن ضلم ولم يضلم
طارق: ركضنه ع وكعتها شفت دم قوي بااتجاه خاصرتها من وره وكعت ع وجهه بالحشيش الدنيا انكلبت علينه صريخ الكل وفقدانها للوعي كان كحلم مرعب مااعرف اصرف بيه شلون خلال دقائق جان الشرطه فوكانه شلناها اني ومهند صعدناها بسياره وويانه سناءوالحمايه اخذت البقيه حركت وصلت للشارع الرئيسي صارت بوجهي الاسعاف ده تتجهه ع موقعنا وكفت كدامهم وسلمناهم الحاله وسناءوياها واني مهندوراهم
سناء: اصعب موقف ع الانسان يشوف احدعزيز عليه بيدالموت ويتذكر كلماته لحضه تفصل بين الحقيقه والخيال الي يرسملك ان هل شخص مات خلص كلمه وحده تترد بدماغي من اشوف وجهه ريم من الصبر للكبر معقوله هيج ينتهي كلشي لحضه وحده تفصلك عن الموت والحياه شكد رخيصه حياتنه نركض ونتسابق ويه الكل وتالي بلحضه وحده خلص كلشي يتوقف
وصلنه للمستشفى وركضو بيها لصاله العمليات واحنا لحدالان بحاله ذهول حمايه موجوده واحنا كلنه حواليها شلون مسمعنه صوت للاطلاق ولاحسينه بوجودهم زين شعرفهم احنا هنا معقوله الصدفه لعبت دورها صدفه شافوها قاطع تفكيري صوت
ام سناء: كتلج كذاب ابنج مينعدل ابنج الاجرام بدمه ارتاحي هسه راحت لبنيه ليش كاعده تلطمين هست يله اذكرتي
مهند: عمه شنوقصدج
سناء: يمه شمسوياات انتي وخالتي
ام سناء: لج يمه خالتج البارحه كعدت تنعي ع محمد وذكرت احمد وصار كم يوم تكول كلبي ممرتاح رادت تخابر احمد واطيتها تلفوني حجت وياه كاللها مريض وطالع عنده تشمع بالكبد بسبب السم الي يسممه وع اساس مقهور باجر سنه ابوهواوخوه كالهه اريداشوف ريم حته لومن بعيدحاس روحي ده اموت وقنع امه تاخذها لهل حديقه ع اساس بس ايشوفها بس والله كتلهه ابنج ميكعد راحه راخ ايسويله كارثه
مهند: انتو شنو متخافون من الله انتو لعبه بيدكم هاي لبنيه انتي ام انتي الله واكبر عليج كل يوميه طاردج وضاربج وانتي بعدج وراه وراه
دكتور: من مع الحاله /تفضل دكتور /نحتاج توقيع احد اقارب المريضه لااستئصال الكلى
#بحكم الحب
الجزءالاخير
ل ورد العامري
ريم: استقضت من نومي وانا اتذكر ماحدث لي في مثل هذا اليوم من السنه الماضيه
كل الي اذكره عيون بنتي الي تضحك بفرح وتركض بحريه بعدها حسيت نار اخترقت صفحتي اليمنى ودوران الدنيه حولي واصوات مختلفه تصرخ
ماعرف شكد فات من الوقت لكن اعرف ومتاكده ان لثاني مره اشوف ابويه ببيتنه القديم نايم بالكاع كعادته وحاط ايده جوه راسه ومحمد متمدد يمه من طبيت صاح محمد اهووو هم جيتي احنا منرتاح فديوم من وراج وابويه ايأشرالي ع الكاع لبصفه جيت ونمت
بنص ابويه يمسد عله شعري ومحمد يكولي يله كومي روحي شجلبتي بينه وابويه يكوله عوفها خليهه يمي محد ايئذيها هنا يمي محمد ضاج وجرني من ايدي حيل ويمشي سريع بيه ابويه صار كلش بعيد ومحمد يصيح عوفها شجلبت نفسك بيها دعوفها ويركض ويسحلني وراه لحد موصلنه مكان حطني كدامه وكال بعد لتجين ماريدج تجين بعدوكت روحي لتجين واني اتوسل بيه الله يخليك محمد خليني افتح ايدي حط بيها ورقه بيضه ودفني حيل(الله يعلم اني صادقه بهذي الرؤيا) من قوه الدفعه صحيت اني بين اجهزه واضويه فوك راسي واحس صفحتي توجعني كلش ممرضه حاجتني وطلعت وره شوي فاتت سناء
سناء: يروحي موتيني خوف الحمدلله انج صحيتي كومي عله حيلج حبيبتي كولنه بحاجتج
ريم: ليان/بخير لتخافين عليها بس تريد امها كوميلها بسرعه وشدي حيلج
بعد9ايام طلعت من المستشفى وعرفت ان احمد كان عنده العلم بمكاني واني خسرت كليتي اليمنى بسبب الصار مكدرت اخلي عيني بعين امي بعد وقررت الانفصال عنها خلص صارلازم ابتعد عن كل الناس احساس يذبح من تحس طعم الموت اتضوكه بسبب ناس انت تحبهم وهمه اقرب الناس الك ضليت ببيت طارق فتره اسبوعين وصارلازم اعرف طريقي منين يبدي
عرض عليه طارق شغل بشركه الفرع الثاني باازمير وسكن ع الشركه اخذت بنتي ورحت اشتغلت 4شهور واجه طارق زياره للشركه وبعدها راد ان نحجي بموضوع
طارق: قوه ريم وحفاضهه ع نفسهه كبرها جدا بعيني واني طبيت بعمر ال30واني لاكانت الي عائله بصغري ولاكدرت اكون الي عائله ومراح الكه احسن من ريم لتكون عائلتي
طارق: حجيت كلشي ل ريم الي جانت. مصدومه بكل شي تسمعه محاولت اكذب بشي ولاحته احرف شي
ريم: عذرا استاذ طارق بس اني شنو دخلني بهل قصه
طارق :ريم مثل مكتلج اني رجل عندي اخطاءكثير لكن حاب ابدي حياه جديده وابني عائله ومتمني تكونين انتي اساس عائلتي
ريم: شلون يعني
طارق :ريم اني طالبج ع سنه الله ورسوله
ريم: هههههههه اسفه استاذ طارق لكن ممفكره بالزواج
طارق: ممكن اعرف سبب الضحكه لوسمحتي بكل صراحه
ريم: اني ماانسه وكفتك وياي استاذ طارق بس اني تخلص بصعوبه من مجرم مومستعده ابدي حياتي ويه مج…
طارق: وصلت الفكره اعتذر جدا
ريم: اه لا اني الي اعتذر وراح اترك الشغل بااقرب وقت
طارق: ست ريم اني رجل عملي ماادخل حياتي الشخصيه بالعمليه اتمنه تغكرين مثلي ومتكون عندج ازدواجيه بين الموضوعين لبست نضارتي وسلمت عليهه بكل ادب اشوفج بخير ست ريم
ريم: مع الف سلامه استاذ
