#بحكم الحب
الجزءالواحد والعشرون
ل ورد العامري
كانت امي كاعده وبنتي بحضنها وواحد واكف فوك راسهم مبين الي سلاحه من بين حزامه كانو 5اشخاص واحد ع الكرسي وره امي وليان واثنين صارو بضهري حته مااكدر اطلع وواحد كاعد وواحد بالخارج اطاهم علم بدخولي للعماره مكان وياهم لااحمد ولاجعفر
الرجل: اهلاست ريم كانو راجعه قبل انتهاءعملج بس عفيه عليج تعرفين ان متاخرين ضيوفج وهمه ينتضروج
ريم: اترك امي وبنتي وشغلكم ويايه مالهم دخل
الرجل :تؤ تؤ ست ريم تتصورين نكدر انئذي بنت الباشا هاي بنت اخونه بعيونه انحطها بس امج تبقه حسب ذكائج انتي اذا كنتي متعاونه ويانه مراح ايصير اله الي يرضيج ومحد ايمس شعره منكم
ريم: لمطلوب شنو
الرجل: عجبني ذكائج واستعجالج لمعررفه المطلوب احسد ليان اني الام ذكيه وجريئه والاب قوي وذكي لمطلوب ست ريم بكل احترام تاخذين اوراقكم وتتفضلون ويانه بلا صوت
ريم: عندي اوراق بالشركه لازم اجيبهن
الرجل: ههههههههه ست ريم بره تنتضرج كل اوراقج الي بشركه مع طرد من العمل لحضرتج
ريم: مسوين احسابل شي
الرجل :اكيد صار اسبوع افترينه انقره ع حضرتج ياريت لوتستعجلين الباشا متلهف ع شوفتكم خصوصا بعدمشاف صورت بنته
ريم :اوك بس ادخل اخذ غراضي اشر لواحد يكون ورايه وين مااروح لميت غراض ليان طبعا بعدالتعليمات ان اشيل الاوراق والجوازات بس وكم شغله ل ليان للطريق اما باقي اغراضنه همه ايجيبوهن اخذت جنطتي وطلعت من طلعنه اخذو ليان من ايد امي
ممكن تنطيني بنتي اني اشيلها
الرجل :ست ريم اتوقعتج ذكيه الي مدوخه الباشا صار 7شهور بنتج عندي لتخافين عليها وهيه جميله مثل امها ممعقوله تحبين يتشوه جمالهاا بسجين واي حركه غلط منج اومن الحجيه الطفله تحت ايدي
ريم: اثنين ضلو بشقه و3ويانه وواحد اجه بسياره هوه سائق صعدنه وواحد ليكدام والسايق وثنين بسياره ورانه وليان ابئيده بالبيت مالها بحضنه ليكدام امي رادت تحجي كتلهه اسكتي ماريداسمع صوتج كل ماتبجي ليان ياخذ ممه ويشربها الطريق كله مخلاني الزمها
ام ريم: ماما سمعيني انتي صرتي ام تحسين بيه
ريم: امي اسكتي
ام ريم: موبيدي سمعت صايره مواجهات بين العشائر والمسلبجيه ع حدود خفت والله اني ام خابرته اشوفه عايش لوميت ضل يبجي انه متندم كلبي وجعني عليه رجعت للبيت وحاولت امنع نفسي مكدرت وره يومين اتصلت وضل يبجي ويتوسل واني ملجوم كلبي يايمه بواحد خفت ماعندي بعد بس انتو الاثنين كتله احنا باانقره كال شلون عايشين كتله اختك تشتغل بشركه ديكور والله مبارك برزقها ومستورين الحمدلله مااطيته عنوان بضبط ولااسم الشركه
ريم: كملتي امي ياريته ميت ياريت الله ماخذه ومماخذ محمد صدكيني يوم الي اسمع بيه ميت راح افرح من كل كلبي وان شااءالله عن قريب اسمع هل خبر
ام ريم: يمه مهمه كان اخوج اني اني ام يمه كلبي يلجمني عليكم
ريم: هيج اخ بلاه احسن وحته انتي مااريد اعرفج بعد لاانتي امي ولااعرفج خفتي عله واحد عار ومخفتي عليه اني اني موهم بنتج
ام ريم: يمه والله متندمه والله وروح ابوج ومحمد
ريم :بعديش بعد مسلمتيني بيد ابن العار ويقدمني لجلادي
الرجل :ست ريم الي عدها هيج ثنين اسباع مثلج لازم تضل تفتخر بيهم وتساندهم الباشا جعفر والباشا احمد اسود ابطال
ريم: الله ي/امي كرصتني حته اسكت اخ. ياربي ليش وينك بابا والله نذليت وتعبت وينك حمودي حبيبي انت موجنت اتكول حزامج اني الاوي الموت وابعده عنج ليش ملاويته وبقيت المن عفتوني
دموعي واهات الداخل صدري كانت هيه خارطه طريقي ممزوجه بشهكات امي بالبكاء وهدوء دامس بطريق الرجوع للموت المحتم
