على ضفاف دجلة 💖⛲<br>
<br>
<br>
للكاتبه فاطمه علي 👧<br>
<br>
البارت الاول<br>
<br>
<br>
نهر دجلة ماي اطيب من العسل ريحته اطيب من المسك ينطينا احسن رزق والخير بي ما يخلص بس حاله مثل كل نهر مثل ما ينطي ياخذ ومرات اللي ياخذه اغلى واعز من عطايا لسنين وسنين.<br>
<br>
نبدي قصتنا اثنين اخوة صغار يسبحون بالشط هي تسبح واخوها لسه يتعلم ما يرحون بعيد عالحافة يم الجرف وابوهم عالجرف يشتغل بالماطور حتى يسقي بستانه وهناك يسمع الاب صراخ جاي من الماي يلتفت يلكه ابنه ماكو واخته تصرخ بعلو حسها وتكول يابا الحك راح مصطفى ينزل مفجوع يصيح بعلو حسه وماكو فايدة يسبح ويسبح لما يتملكه تعب ما بعده تعب راح ابنه وصار الغروب وصارو الناس هوايه وكلها تدور وماكو راح ابنه طلع عالجرف يدك على راسه ويلطم وقلبه ينزف قهر ومرته كاعده شوية عنه ملخت الوجه وشكت الثوب والنسوان يصبرون بيها ونارها ما تطفه ولا تخف .<br>
<br>
دارت الايام مضطرين يرجعون لهذا المكان بعد ما اقسم الاب ما يرجع وما يشوفه هنا راح اصغرهم واعزهم بزر الكعدة وبزر الشيب على كولة اهلنا.<br>
<br>
(وهسه صفا هي تكمل القصة)<br>
<br>
اسمي صفا عمري 19 طالبة كلية تربية من صلاح الدين قبل داعش كنا عايشين بسامراء وعدنا محلات وعايشين ابا عن جد هناك والدي ما عنده اخوان بس هو واملاك جدي كلها صارت النا وجان عنده بساتين على دجلة وبيوت باكثر من منطقه .عندي 3 اخوان خالد واحمد كبار اكبر مني بهواي وبعد سنين طويله صرنا اني ومصطفى كان والدي يدللنا ويحبنا واللي نريده يصير<br>
<br>
بيوم رحنا للبستان واخواني الكبار ضلو بالمحلات ما اجو ويانا والدي يصلح بالماطور واني ومصطفى نسبح اني جنت وكحة وما عندي خوف من شي تعلمت اسبح بالشط كل اللي يشوفني يكولون شبوط وحتى اخوتي الكبار ما تعلمو مثلي عمري خمس سنين وبديت اسبح كل ما نروح اسبح واطول ساعات بس مصطفى جان يخاف من الماي وما يعبر الا ابوي موجود عمري بذاك اليوم 13 سنة ومصطفى 11سبحت ومصطفى يباوع علي من بعيد غطست بالماي ولما طلعت مصطفى ماكو اتلفت ماكو صرخت على ابوية ونزل ودورنا وهو ماكو راح غط وما طلع اجت الناس التمت والكل يدور بس هو راح اخذه النهر بجيت واول مره ابجي هيج ما شايفين مثل هالقهر ومن ذاك اليوم ابوي ضمن(اجرها) البساتين وما رحنه الهن بعد ولا وصلنا. 1<br>
<br>
فاتت ست سنوات واجو داعش والعالم اللي كدر ينهزم واللي ما لحك انحصر وهنا ابوية سفر اخواني وعوائلهم قبل الاحداث بأسبوعين واحنا ضلينا نصفي كل شي ونطلع وراهم بس تخربطت الاوضاع وتدهورت اكثر وتقطعت الطرق وهنا ما ضل غير نطلع من بيتنا بسامراء ونروح لغير منطقة أمن من المركز وطلعنا للبستان ووصلنا لبستانه المغرب دخلنا وجان اقاربنا الفلاح ومرته وجهاله منتظرينا نزلنا مر ست سنوات على غرق مصطفى امي وابوية توجهوا للنهر وضلو يشهكون ويبجون مثل اول يوم واني اباوع واتذكر ياما سبحت وياما لعبت بهاي الكاع بس هسه كارهتها وما اطيق ابقى بيها تخنك مو نفس المكان اللي عشقته بطفولتي انداريت شفت بنوتة صغيرة وولد اصغر منها يلعبون رجعوني بذاكرتي بالضبط نفس اللعب ونفس ونستنا بجيت واني اباوعلهم رحت عليهم<br>
<br>
صفا:هلو يا حلوين شنو اسماءكم<br>
<br>
-هلو اني نور وهذا اخوية عبود انت عمة صفا ؟<br>
<br>
-اي صحيح منين تعرفيني؟<br>
<br>
-بابا كال راح تجين وتبقين عدنا وتصيرين صديقتي هو انت تقبلين تصيرين صديقتي؟<br>
<br>
-اي طبعا بس راح تقبلون العب وياكم<br>
<br>
-اي اني اقبل<br>
<br>
-وعبودي دنكت بوسته<br>
<br>
-اي يقبل<br>
<br>
-شكد عمركم<br>
<br>
-اني 9 وعبود7 وانت؟<br>
<br>
-هههههه عمري19 بس عادي العب تره<br>
<br>
-شبيهم امج وابوج من نزلوا لحد هسه يم الشط يبجون<br>
<br>
-ما بيهم تذكروا شغلات تقهر يلا اني رايحة للبيت اشوف امكم توصلوني<br>
<br>
مشيناللبيت ورحبت امهم بيه وشوفتني غرفتي وغرفة اهلي ونزلنا الجنط وكل شي من السيارةوكعدت اساعدها بالعشا وهيج بدت حياتنا مرة ثانية وية الشط<br>
<br>
<br>
المشارك بلقصه _MR_Alloush<br>
<br>
ارجو التصويت<br>
