بقلم فاطمة علي 😍💖
البارت10
صفا:
رجعنا من السفرة للبيت وطبعا السمج المسكوف ماكو منه ولمتنا الحلوة مرتضى ضل يضحك ويذب حجي واني اغيص بهدومي من فشلتي وخالد وابو سجاد كلش مندمجين وطبعا اهله كلهم يدرون بيه يحبني ما كالها بس مبين من تصرفاته وكلامه وبعيونه رجعنا لسامراء واني كلبي طاير من فرحتي بس شلون خايفة من ردة اخواني واعرف بيهم ما ينطوني اله ....
يوم اني كاعدة بباب قسمنا شفت البنات كلهم يباوعون ويتهامسون على عسكريين اثنين صار عندي فضول اباوع التفتت وجان اشوف ...... مرتضى اووووف شكد لايكتله ملابس العسكرية وطبعا مترقي لان هواي نجمات على كتافه هو جان يسأل وتالي الولد اشروله عليه اني كلبي راد يوكف وهو ابتسم واجا باتجاهي
-السلام عليكم شلونج صفا
-وعليكم السلام جنت مرتبكة وحايرة وكل الطلاب عيونهم علينا
-ها شلونهم اهلك وام حسين وبنتك
-زينين ودائما يسألوني عليج
ذ-الله يسلمهم اني هم ضليت اتذكرهم زاد خجلي ردت اطفر .....يلا اني اروح عندي محاضرة نداريت امشي حسيت بايدة لزمتني اني كلش ارتبكت صديت اله نعم
-صفا يصير تجين بالكافتريا او نطلع شويه
-ها ليش
-ههههه يعني ليش مثلا اريد اعزمج
- لا عفية احد يشوفنا ويوصلها لخالد الله يخليك ما اكدر
-ليش هلكد خوافة ما ادري... بطلنا عمي بس اريد احجي وياج شلون انطيني رقمج
-عفيه الله يخليك مرتضى ما اكدر والله خالد يبطلني من الكلية اذا درا بيك
-بعصبية رديت انت ليش جبانة ليش شمسوين وبعدين عليش هالخوف من اخوتج تره اني قبل فترة ردت اتقدملج وابو علي اخوي فاتح اخوج بس خالد كال لازم تخلصين كلية واني ما عندي مانع تكملين هناك
-ها هاي شوكت والله ولا كالو ولا نطوني خبر
-ليكون ما يردون ينطوج الي والله اكلبها للدنيا صفا من يوم اللي طلعتيني من النهر رديتيلي النفس بس روحي راحت وياج وهسه رايد ترجعيها الي
-عفيه الله يخليك كافي الكلية كلها تباوع علينا انطيك رقمي ونتفاهم
-ما يهمني احد عليت صوتي ويلا انطيني الرقم واليوم بالليل اخابرج
اخذت الرقم منها بعد ما طلعت روحي وبس طلعت من الكلية دكيت عليها اول مرتين رفضت بعدين جاوبت
-الو
-الو ها صفا اني اسف عليت صوتي بس والله مو بيدي من يوم اللي رجعتي واني حياتي جحيم كل شي تخربط والله مرتين طلبت اتقدم لأهلج وما رضوا بحجة الكلية صدك انت مو راضية
مرتضى شوف اني من اول ادري بيك واعرف بس جنت خايفة مشاعرنا مو صحيحة يجوز عطف او رد جميل واحد للثاني واني احلفلك ما دريت بس ابو بنين ما ادري شلون اكولها بس انت اكبر مني بهوايه وعندك بنية واني اهلي يجوز ما يقبلون ابد
