البارت الثامن
بقلم (فاطمة علي)
ضضجت كلش ليش تعاملني بهاي الطريقةكمت من الاكل روحي تريد تطلع سمعت الكل يلوموها شويه ولحكتني صاحت مرتضى....! ابو بنين اول مره تكول اسمي روحي طارت لا اراديا كلتلها عيون مرتضى +
-يمه شلون فشلني ادري باللي بكلبه بس خايفة لا تكون شفقه خصوصا بعد ما امي سولفتلي شسويت بي بالطريق.....اني اسفه هوايه ضوجتك واسفه لان حجيت عليك قبل وانتقدتك
- صافن عليها وقلبي يريد يطك .....لا ما صار شي بعدين اني ثبتتلج عكس اللي تشوفي بينا
-اي والله صحيح بس عفيه محتاجة موبايلك اخابر اقاربنا واحصل رقم خالد اخوية
-اي ماشي اجيبه مشيت لغرفتي وادعي ما تحصل احد وتضل يمي بس امنياتي ما تحققت وكدرت لليل تتصل باخوتها وكالتلهم على العنوان وخبرتهم عن ابوها وضلوا يبجون وخالد كال اول طياره هو جاي للعراق عليهم
صفا:
اتصلت على خالد ووصل بعد يومين يمنا وضلينا يومين وبعدها سافرنا لتركيا وهناك عشت ويه عائلته وامي ويه عائلة احمد وصار هو المسؤول عني وبقينا لحد ما تحررت سامراء ورجعنا للعراق بس اني كارهة الرجعة بالرغم كل شي رجعلنا البيوت والمحلات بس اللي مات شيرجعه طبعا البيوت منهوبة والمحلات محتركة بس اخوتي بسباعيتهم رجعوها احسن من اول ورجعت اني لجامعتي وللدوام وصرت مرحلة ثالثة .
يوم كاعدين اني وصديقاتي ومندمجة اسولف واسمع واحد يصيح باسمي التفتت لكيت عمار اخو زوجة اخوية احمد واكف بعيد اشرلي تعالي رحت طبعا عمار استاذ بنفس الجامعة وكلش شكله مرتب بس مشكلته مدلل حيل وامه تموت عليه
-السلام عليكم شلونج صفا
-وعليكم السلام هلو استاذ عمار شلونك انت اهلك شلونهم
-الحمد لله كلهم بخير ...صفا عندي موضوع وياج ممكن نتمشى شوية
-اي تفضل استاذ
-صفا اليوم اني دزيت امي لبيتكم تخطبج
-صفنت شويه واحس وجهي يريد يطك وايديه ثلجت جنت ما اتمنى هو اللي يكول هذا الكلام شرد فكري وراح ركض لحبي مرتضى اي الحبيب عرفت شكد احبه بهاي اللحظه واتمنى اسمعه يكول هالكلام
-صفا وين صرتي شبيج ليش ضليتي ساكتة اني ما تحملت لحد ما همه يسألوج اجيت اني اخذ رايج
-رجعني صوته من الاحلام ... ها استاذ عمار اني ما الكه احسن منك بس اريد اكمل دراستي
-اي عادي ماعندي اي مشكلة واني وياج نروح ونجي سويه واذا تريدين بس خطوبة هسه لحد ما تتخرجين وهم نتعرف على بعض
-ضحكت بيني وبين نفسي هذا شيحجي اني بعد مرتضى لا راح اشوف ولا راح اعرف .... استاذ عمار اني اسفة والله بس اني هسه ما افكر باي ارتباط شفته كلش انزعج
-شوفي صفا اني راح اعتبر نفسي ما سمعت هذا الكلام وراح انتظر رد اهلج
-يا ربي هذا شلون لزكه اووف ... ان شاء الله استاذ من رخصتك عندي محاضرة ممكن تعذرني هسه
-تفضلي صفا مع السلامة
رجعت للقسم واني مضروبة على راسي من وين طلعلي هالعمار يا ربي شلون شراح يكون عذري وشراح اكول لاهلي ما ينرفض وزوجة احمد هسه تلح ويايه واني كلبي وفكري كله مو عندي بس منو يكول هو يحبني وشلون اكيد هسه نساني
رجعت للبيت واشتغلوا الكل يلح والكل يقنع واني قفلت وحتى اخوتي ضاجوا لان من صدك ما ينرفض واني ما عندي اي حجة مقنعة شريد يقبل ويقول حاضر وموافق وبالموت يلا كدرت اتهزم منهم بس اجلوا الموضوع لكن ما نسوا .وراها بشهرين يلا كدرت اخلص من عمار بعد ما خطب محاضرة ويا جاية جديد ومتعرف عليها وصاير بينهم حب وتزوج وحتى عزمنا بالعرس وطبعا اهلي عبالهم انقهرت او ضجت وهمه ما يدرون هم ونزاح مني هههه واخيرا رجعت حره وماكو عندي قيود والتهيت بدوامي وكليتي وصرت اتجنب اي شي اسمه ذكر حتى لا ينعاد نفس السيناريو.
مرتضى : من يوم اللي سافرت واني حياتي احسها وكفت رجعت لشغلي وللجبهات وصدك كل معركة اخذ حيفي واطلع قهري بالحرب لحد ما يوم خابرني سجاد طبعا اني صار دوامي بغير محافظة وسجاد صار يداوم بسامراء وهو يدري بكل شي ويدري بكلبي هو جان مو بس اخ جان كاتم اسراري وصديقي خابرني
-الو
-هله باخوية
-هلو ابو علي شلونك اخبارك
-والله اني زين وعندي الك بشارة تشتريها بملايين
-ههههه شنو هالبشارة دبرتلي نقل للعمارة
-لا يمعود هاي كل قوتك اليوم لاكيت ناس تهمك
-منو سجاد ما الي خلك تونا راجعين من معركة
-اني ادري بيك ما تتحمل الزم كلبك لا يطيح شفت خالد واحمد اخوتها
-لا الله عليك سجاد لا تتشاقه الله عليك صدك شجابهم
-اليوم هم اجوا حتى يسوون معاملة مال محلاتهم وشفتهم بالصدفة
-وشلون هي وياهم لو ما اجتي ؟ ويا منو ضلت ؟ وما كدرت تسألهم
-على كيفك علي كيفك يمعود شبيك اكلتني لا تطمن سألت وهي هم راجعة وبيت خالد وراجعة للكليه وهسه صايره مرحلة ثالثة راح وعزمني خالد هالاسبوع عدهم
-الحمد لله يا ربي واخيرا جان تخبلت صارلنا شكد ندور همزين
-اي والله شكد سألت ناس عليهم ابد ما ندليتهم الحمد لله
فات اسبوعين واني ما اعرف شلون فات راح سجاد الهم ومرحبين بي وبالاخص الحجية امهم وهوايه سائلته عليه ودازتلي سلام وطبعا صايرة صداقته قوية بخالد ومسهللهم هوايه امور جانت واكفة عدهم بحكم مركزة ولما نزلنا للعمارة اثنينه اتقفت وياه يرد العزيمة ويجيبهم هو وعائلته لبيته بحجة الصداقة وطبعا سفرة للهور خالد كلش موافق ومرحب بالفكرة واجونا وره اسبوعين وطبعا هالاسبوعين مرت مثل النار عليه ما اعرف شلون خلصن طبعا اهلي مخبوصين وخطية ام علي زوجة سجاد ما قصرت كلش حنينة وكلبها ابيض ما مخليه اكلة لو شغلة ما مسويتها وفرحانة عبالك عدهم عرس وصلوا وطبعا جانت الدنيا قبل الغروب بشوية.
💖🌷🌹🌻
