حققت حلمي لأجلها.

البارت 5

غريبه هذة الحياة☘ قد تملك كل شيء 🙀الا الشيء الذي تريدة💔

#حققت_حلمي_لأجلها

🌸🌸🌸رزان باسم🌸🌸🌸

بقيت...حايرة بين ارجع وبين لا
لان الصراحه ما اريد بيت
هجرس يتأذون مني...

مر تقريبا اسبوع...واني عايشه
بخوف وقلق وحايرة...ما اعرف
بين اروح لاهلي...او لا...

بيوم من الايام...جنا طالعين...
اني وخاله ام هجرس وهجرس
لفت انتباهي امي...باوعت علينا

كلتلها خاله...بصوت خافت...هذيج
امي..جايه لهنا...

ام هجرس...معليج لا تخافين ما
اخليج ترحين وياها...

ليليان...لشويه اجت امي جان تكلي
يمه بنتي حبيبتي...الصراحه
تفاجات..من كلامها...

ام ليليان....ما اعرف شلون
اشكرج على الي سويتي...

ام هجرس...ولو..من واجبنا

ليليان...اخذتني شبكتني وكامت
تبجي...جان تهمس يم اذني..
اليوم موتج على ايدي...

وسوت نفسها تبجي وتكلي
حبيبتي مشتاقتلج يمه بنتي...

ام هجرس...يلا ليليان خلي نروح

ام ليليان...وين؟

ام هجرس...للبيت غير..!

ام ليليان....وبنتي ؟

ام هجرس...والله ما تسمى بنتج
لان انتي لو صدوك تحبيها ماجان
وافقتي على انو تنباع...

ام ليليان...وانتي شدخلج هاااا..

ليليان...بقيت واكفه واسمع الحوار
الي بينهم..

ام هجرس...دخلني ونص لان
ما شفتيها من اجت هربانه من
هذاك المجرم..

ام ليليان...اهااا يعني كل هالمدة
بمنطقتنا...وما نعرف عنج اي شي.

ام هجرس...امشي ليليان..

ليليان...جرتني من ايدي وكلتلي
امشي...ما احس اله امي جرتني من
ايدي الثانيه وتكلي ما اخليج تمشين

بقت وحده تجر منا ووحده منا..
وبقن يتصايحن بينهن اخر شي
وخرت ايد خالتي ام هجرس..

وكلتلها اريد اروح للبيت...والدموع
بعيني...لان اعرف مصيري شنو
واحتمال اخر يوم بحياتي..

ام هجرس...ليش بنتي...

ام ليليان...كلتلج لا تتدخلين مرة
ثانيه افتهمتي ومسويه روحها حنينه

ام هجرس...امشي هجرس امشي
حبيبي..

ليليان...عرفتها ضاجت لان رحت
ويه امي بس والله. علمودها.
وما اريد اصير ثقل على احد..