حققت حلمي لأجلها.

البارت 11

ثم إنك الشيء الوحيد الذي لم تقتله
العادة ولا التكرار، تأتي كل مرة فأبتهج كأول مرة💜✨

#حققت_حلمي_لأجلها

🌸🌸🌸رزان باسم 🌸🌸🌸🌸

كلتلها لا يربي...كل هذا بسببج
ولج شسوي يعني راح يجيني
طفل وتصير مسؤوليه جبيرة

احنا مو متفقين نتطلك بعد سنه
حتى ما اكدر اطلكج اله تولدين
اوووف يربي شسوي...راح اتخبل

بقيت اعيط واكسر بالغراض
ما اكدر استوعب الي يصير..
شنو هذا القهر...

الى ان صار انهيار عصبي...و وكعت ما
حسيت اله اني بغرفتي ما اعرف شلون
نقلوني للغرفه...اول ما حسيت تمنيت

هذا كله منام...بس ماكو مهرب من الواقع
يربي انقذني شسويت بحياتي حتى
تعاقبني...هيج ليليان وينج  وين رحتي

معقولة هيج ما اكدر انساج معقولة لهدرجه
احبج معقولة هيج اعشقج خليتيني...
انسى الاول والتالي بسبب حبج...وين

انتي باي مكان مشتاقلج كومه وينج
حبيبتي....نزلن دموعي اوف ياربي
معقولة الحب هيج يسوي بالشخص

اني على ابويه ما بجيت بكد ما بجيت
على فراق ليليان...يربي اذا من نصيبي
دليني على مكانها واذا لا خليني انساها...

بقيت افكر حسيت على الباب انفتح..
باوعت شفتها امي اجت تطمئن اجت
كعدت يم راسي وتمسح على شعري..

جان تكلي شلون صرت حبيبي ؟..
كلتلها بخير الحمد الله..جان تكلي شصاير
انت مو كلت زواجك من نورس على
الورق...؟ شنو الي صار!؟

كلتلها...والله غلطت...كلتلي احجيلي
كولشي صار...حجيتلها عن كولشي
صار بقت ساكته جان تكلي والله

ما اعرف شنو اتصرف ما اكول غير الله
يريح بالك حبيبي..كامت بقيت متمدد
بمكاني لازم اكرس حياتي للطفل الجاي

ماله ذنب ينعاف بدون اب...مرت الايام
واني نفس الروتين بس بقيت اعتني
بنورس لان اعرف مالها ذنب سوا

ان حبتني...هي هم كامت تبتعد عني.
صرنا مثل الاصدقاء من اضوج اروح
اشكيلها...وهي تنطيني الحل...

وهي هم نفس الشي..مرت الايام...ونورس
ولدت..ولد سميته براق...بيوم كاعدين
بالبيت جان تجيني نورس...كلتلي

نورس....اكلك هجرس!

هجرس...كولي!

نورس...اليوم اجت بنيه...علمود شغل
شتكول انت نوضفها لو لا...حلوة وشكلها
مرتب...

هجرس...منو هي..! ما عرفتي اسمها!؟

نورس....لا والله ما عرفتها مجرد ما
اجت سالت واني كلتلها نشوف المدير
كلتلي تجي باجر...