حققت حلمي لأجلها.

البارت 6

_في كُل مرة ظننتُ بها بأنني أنتهيت يُعيد الله بنائي من حيثُ ضعفي.🔮

#حققت_حلمي_لأجلها

🌸🌸🌸رزان باسم🌸🌸🌸🌸

بقيت ثلاثه ايام. محبوسه بالغرفه
ثالث يوم اجه ابوي...فتح الغرفه
اني هنا جنت مكرفصه نفسي
بالزويه....

حتى ما كمت ولا سويت اي شي
لان كلت لو يضربني...لو يكلي
اطلعي لمي فلوس ..

ابو ليليان...تعالي..

ليليان....كمت عادي عبالك جثه
وتمشي.. تقربت يمه..كلتله هاا

ابو ليليان...تردين تدرسين مو..؟

ليليان...من كال هيج فرحت..
كلتله اي..اريد ادرس..

ابو ليليان...طيب راح اخليج
تدرسين. بس بشرط..

ليليان...اي شنو هذا الشرط

ابو ليليان...كل يوم تجمعين
فلوس.. هواي ما اعرف شلون

ليليان...كل همكم الفلوس..حجيت
بداخلي كلتله انشالله..

ابو ليليان...من باجر روحي للمدرسه
استلمي كتب دوامي..

ليليان...هزيت راسي بمعنى اي..

ابو ليليان...ترة اكو شغله خليها
بالج..

ليليان...شنو هي!

ابو ليليان...اذا ما جبتي فلوس
هواي كل يوم تبطلين من المدرسه
وتنضربين ترة..

ليليان...خفت من كلامه كولش
كلتله انشالله.. مشه هو واني
بقيت بالغرفه...اول ما اجت ابالي
خالتي ام هجرس...

اووف ياربي شسوي اروح اطلب
منها...لو شنو اسوي ومنين اجيب
فلوس هواي...

يلا باجر من اروح للمدرسه امر
عليها واشوفها واحجي وياها
بلكي تلكالي حل...

ثاني..يوم كعدت غيرت ملابسي
طبعا رغم ما اهلي عدهم بس
ما يشترولي ملابس..قديمات

حتى جنت استحي البسهم بس
ماكو حل اخر...لازم اقبل بالامر
الواقع انو هذوله. اهلي.

غيرت ملابسي...وطلعت..جنت
دامشي..جان يصادفني هجرس
بالطريق...سلم عليه وكملنا طريقنا

سوه...بهذاك الوقت جان اي طالب
فقير او ما مرتب يبقون الطلاب
يضحكون عليه ويفشلونه..

حتى محد يصادقه او يمشي وياه
سوا بنت او ولد...فلاحظت هجرس
انو لابس مثل ملابسي..اقصد

مو مال ناس اغنياء...جانوا حتى
الطلاب يستغربون من افعاله
لان يعرفونه هو شكد غني..

وصلنا المدرسه...رجعنا بالصف
السادس نفس اماكنا...مال العام

مر اليوم حلو.  رغم مضايقات الطلاب
الي و لكم  طالب ويانه لان..هم نفس
لبسي..او هيج شي..