حققت حلمي لأجلها.

البارت 9

أشــيــلـك مـــن #خــيـــالــي 💥

              #وتــــرد مــثـــل #ألــشــيـــب 🙊
                          #كــــلـمــا يـنــشـلــع #يـكــثــر

#حققت_حلمي_لأجلها

🌸🌸🌸رزان باسم🌸🌸🌸

دخلت لغرفتي جانت بالطابق
الثاني...كعدت ارتب بالاغراض..
واني بالي يم ليليان...من خلصت

كبل نمت....من التعب...
ما كعدت اله لثاني يوم...ما اعرف
احس نفسي كسلان وخمول بجسمي

لذا بسرعه نمت...ما حسيت اله لثاني
يوم  كعدت الصبح غيرت ملابسي
ونزلت جوه لكيت ابويه وامي كاعدين

يتريكون...كعدت يمهم تريكت..
ومن خلصت طلعت...افتر بالشوارع
واشوف الناس واتعرف عليهم

بوقتها...حسيت بالغربه كولش..
يمكن لان ما متعود...بقيت افتر
تعرف على كم واحد عراقي..

عايشين هناك...اخذتلي فرة ورجعت
للبيت..اول ما دخلت جان يتلكاني
ابويه جان يكلي اليوم معزومين..

يم صديقي وبنفس الوقت شريكي
بالشغل...لازم نروح يردون يتعرفون
عليك..جهز نفسك وكول لامك..

خلي تجهز نفسها...كلتله انشالله..
رحت كلت لامي و صعدت غيرت
ملابسي...صار العصر جهزنا اني وامي

خابرني ابوي كلي كول للسايق
خلي ياخذكم لبيت خالد...هو يعرفه
رحت كلت للسايق...صعدنا..

بالسيارة...بقينا نمشي تقريبا...
نص ساعه او اكثر... اول ما وصلنا
جان البيت كولش جبير...

وحرس...حتى البيت اكبر من...
بيتنا..يمكن اغنى من عدنا اول..
ما دخلنا استقبلونا..صديق بابا..
وزوجته وابنه يمكن يطلع بعمري..

دخلنا...كعدنا لشويه اجه بابا..
سلم عليهم..كعدنا كامو يسألوني..
واني اجاوبهم عبالك تحقيق...

لشويه...حطو الاكل...سفرة شكبرها
اشكال الطبخ...كعدنا احنا العائلتين..
كعدنا دناكل جان تنزل بنيه...

من الطابق الثاني...تنزل وتفرك..
بوجهها يمكن جانت نايمه لان..
شعرها ممرتب وملابس بيت..

حتى اصلا ممنتبه علينا انو اكو
ضيوف...اول مدخلت جان تكول
ليش محد كعدني...احنا ضحكنا

عليها...لان ممنتبه ابدا وتصير
هاي الحالات..بالبشر...امها ندستها
لشويه بقت صافنه علينا بالوجوه

كبل شردت لغرفتها...واصلا ما
طلعت..بعد اني ما اهتميت
الها..اكلنا وبعدها طلعنا..

نسهر برا البيت...جان اليوم..
حلو كولش...رجعت للبيت ميت
تعب كبل نمت حتى ما غيرت
ملابسي..

اتذكر بوقتها من نمت شفت..
ليليان بالمنام...وتصيح لا تعوفني..
اني كبل فزيت...من الحلم