#وجع_ناي(الناي الحزين)
#البارت_الثاني
#علي_البدر
...
كانت الرايات السوداء تلوح بالافق وقد بدأت اقدام الذل والعار تطأ الارض الكريمه وكان لابد من كلمة للشرفاء من سكان هذه الارض الطاهرة ليردوا كيد الغازيين...
...
...
...
بابا بعد مالنه عيشه بهالمدينة هالتشوف شلون يحشدون بالناس ويتظاهرون بيهم خلينه نروح للعاصمه...
بنتي عذراء مافكرت يوم اترك تكريت او انهزم منها ذولة اليهوسون يطبهم مرض شيسوون خل يسوون...
ردت عليه بنته......
بس بابا انت اكيد ماسمعت الاخبار وحجي الناس ...
كلشي سمعت بنتي وداخلين ذوله باسم الدولة الاسلاميه وبدوا ياخذون بيعه لخليفتهم...
بابا اني خايفه تتطور الامور ومانكدر وراها نطلع والله الوضع بده يخوف بابا...
رد عليها ابوها وعينه مدمعه...
بابا عذراء لاتخافين اكيد راح يحفظنا الرب وهو اعلم بحال العباد....
عائلة ابو عذراء من العوائل المسيحية في تكريت تتكون من عذراء وامها وابيها وهم من العوائل التي تحب الخير للجميع...
.....
....
الو ها بوية شلونك....
هلا هلا بوية جابر شلونك شخبارك ...
والله الحمد لله شلونكم امي شلونها كلكم بخير....
بوية كلنه زينين انته بشرنه شسويت ماسويت...
بوية احنه قبلونه وماخلونه ننزل وكالوا كبل تروحون للتدريب وراح يودونه لقاعده مال طيران اسمها سبايكر هناك راح يصير تدريبنه ...
رد عليه ابوه الله كريم بويه ...
جا امي وينها خل احجي وياها....
كاله ابوه...
امك راحت لجيرانه ام قاسم ابنها صارله ايام مامخابرهم وبالها يمه...
يالله بويه بعدين اخابرك من نوصل الله وياك وسلملي...
يوصل بوية يوصل....
...
....
مو من عوايده اربع تيام مايخابرني قاسم..خاف صار عليك شي يمه قاسم ياهو اليوديني الك يمه.....خايبه سليمه وينج تعاي ...
ها عمه اجيتج...
خايبه جيبي ماي جاي لام جابر ....
ردت ام جابر..لا لا ابدا كلشي لاتجيبين انه جيت انشد بلكت خبر عن قاسم ...
اجت سليمه تركض عمه عمه هذا قاسم عالتلفون..
...
.
يمه قاسم شلونك يبعد اهلي...
هلا يبعد روحي هله بيج يمه..
يمه وينك ليش صار اربع تيام لاحس ولاخبر..
رد عليها قاسم...
يمه الدواعش طبوا للعراق وانه محصور بتكريت لا اعرف احد ولا اثق بحد وكلها تهوسلهم وتصفكلهم ....
وانه مالي غير الله ودعوتج ادعيلي الله يخلصني من شدتي هاي ...وانسد الخط ...
...
...
وصلوا رحمن وجابر للقاعدة وفتحوا الزهاب (الزاد الذي يجهز للمسافر) وبدوا ياكلون ولانهم جوعانين مابقوا منه شي وشاف جابر العلكه والتربه وضحك وحطهن بجيبه ....شوية واجاهم الامر اطلعوا اطلعوا...
ها ليش شكو...
كالولهم اجتكم نقله لغير مكان ...حاولوا يلمون غراضهم فماخلوهم وطلعوهم ركض ...
من طلع جابر سمع واحد من الجنود الوياهم يكل لصاحبه انه شفت السيارات مكتوب عليهن...تنظيم الدولة الاسلامية.....
صعدوا بالبيكمات وجان رحمن بسيارة وجابر بسيارة ثانية وعرفوا انو همه انباعوا ووضعيتهم صارت بيد هذولة الاشخاص وبالفعل ساعات وصلوا لمكان وبدت عمليات الذبح الدموية...
...
...جانوا يسمعون لهجات وكلام غير مفهوم وجانو ينضربون وجان الجو حار وماكو ماي وحته من يطلبون محد ينطيهم....
وكف داعشي وجهه يغطيه الشعر يم جابر وحجه وياه....
انت شسمك
...ماجان جابر يكدر يرد من العطش ...
رجع كاله انت ماتسمع ياغبي شنو اسمك وضربه باخمس السلاح عله ضهره...
اسمي جابر.... رد عليه بعد ماحس بالاهانه لان اول مره ينضرب جابر ويتعرض لهيج موقف...
..
..
اسمك جابر وجاي تقاتل هنا المجاهدين وتصير بطل قومي...
دنك عليه وكمشه من شعره وكاله اذا تريد ارحمك بموتتك كول....دولة الخلافه باقية وتتمدد..
..
ماجان جابر يعرف شنو الخلافه ويادولة وشنو ذولة ....كاله باقيه وتتمدد......
...
...
مع ارتفاع درجة حرارة الشمس الحارقة كانت الارض قد عطشت ويبس ريقها فكان لابد ان ترتوي بدماء ابنائها فلبوا لها النداء وتبرعوا لها ب١٧٠٠ نحر ويزيدون وكانت تلك مجزرة العصر وجريمة بحق الانسانية.....
..
...
باللحظة اللي اطلقوا النار عل رحمن تطشر راسه بالكامل وشمروه بالنهر اللي تحول بلون الدم وجان قريب منه جابر وجان الكل معصوب العيون بس رحمن من ضربوه طلقه صرخ صرخه قوية سمعها جابر وناداه بصوت ....
رحماااااااان رحمااااااااااااان....
الداعش اليمه ضربه بالسلاح وشمره بالنهر وهو مجتوف ورماه طلقه اجت بايده وبقه ينزف بالماي....
...
...
..
جانت ام جابر ماتنام الليل وشلون تنام وهي ماتدري شصار ببنها...ماكلت زاد ولاشربت شي وتبجي بس ليل ونهار ....
ااخ يمه ياسباح كلبي ياجابر ياونتي الما تنتهي....
وجان ابو جابر يصبر عليها....
يامره استهدي بالرحمن كولي يالله...
ترد عليه..
شلون استهدي وابني ماهو وليش استهدي وشنو العيشه من غير ابني ...اخ يايمه ذبحوك الدواعش يمه شكلت ششربت ...
يمه شلون ذبحوك يمه شبعان يو جوعان يايمه...
يتبع لطفا اترك تعليق ولايك ليصلك اول باول
