#وجع_ناي(الناي الحزين)
#علي_البدر
#البارت_الثامن والاخير....
...
...
ابو جابر تلفونك يدك ماتجاوب....
المن مجاوب يامره وياهو الاله خلك يسولف ذوله ماعرفتيهم اكيد الطب العدلي باليوم يتصلون الف مره لان كلما اروحلهم ياخذولهم عشر تالاف وهمه مستفادين من جيتي ومايخابرون لسواد عيوني....
...عوفهم يابو جابر خلهم يولون حته واحنه بهذا الضرف واحد مايرحم الثاني...
اتصل التلفون مرة ثانية وكال والله اذا همه الا احرك ابهاتهم ولكاه رقم غريب وكال انعل ابهاتكم كلساع متصلين من رقم وقفل الجهاز وظل يشتم ويصيح ...
وره شوية اجتهم ام قاسم تهلهل وتصيج جابر وقاسم عدلين جابر وقاسم مابيهم شي عدلين ...
ام جابر من سمعت الهلاهل والحجي طاحت وفقدت الوعي وابو جابر ركض وانسمط وانطك راسه بالباب ومن شدة فرحته وصدمته حضن ام قاسم وشالها وانتبه لروحه شسوه ...
يابو جابر صار ساعتين اخابركم من رقم سليمه ليش ماتردون...
رد عليها هو هذا رقمج حسبالي رقم الطب العدلي...
خابروني يابو جابر وسمعت اصواتهم وعد عايلة مسيحيه وبخير وكالوا لا تخافون علينه.....
...
...
انتبه ابو جابر لراسه ينزف دم من طكة الباب ودمر هدوم ام قاسم وام جابر بعدهي مغمي عليها رشو وجها ماي وكعدت تكول اريده وينه اريد اسمع صوته خل اشم ريحته من صوته...
...
...
اتصلوا بجابر وسمعوا صوته وواعدهم يجي قريبا وكالهم تاجرون بيت ثاني يمنه وتحضرون الذبايح وانا عدنه ايام بس ينفتح الطريق ونجي...
..
...
اسمع صلاح محد يكدر يوصلنه للوالي ابو رقاقه غير هذا راشد القذر...
واليوم انطينه وعد لبو عذراء ان زوجته ترجع واتصلنه باهلنا وطمناهم وكله بفضل الله وهذا الرجال ...
لذلك مانوافي شي لبو عذراء اذا ماترجع مريم اله...
....سمعتوني شباب احنه اهل نخوه ومريم المسيحيه البيد داعش هاي شرفنه واختنه وماتغمضنه عين الا وشرفنه راجع ....
جان ابو عذراء يمنعهم كل مايريدون يطلعون بس بالاخير جبروه وكالوله تقبل عله رجولتنه نخلي شرفنه بيد داعش....
حط جابر ايده عله متن ابو عذراء وكاله وعدنه مانخلفه وياك راح نجيك وويانه ام عذراء....
....
....طلعوا ثلاثتهم وجان قاسم يندل المكان بالضبط بس صلاح متيه لان مايعرف بتكريت هواي....
وصلوا يم البيت والجو جان اظلم ...
جابر روح دك الباب وكللهم اريد راشد ....وفهمه بالخطه...
...
...
دك الباب جابر ....
طلعله رجال جبير منو انته...
كال اريد راشد ..
رد عليه ...
انه راشد كول شنو تريد.....
كاله دزوني الجماعه يكولون نخابره ماكو ليش جهازة مغلق ...
لا مفتوح ومحد اتصل منو الجماعه...
كاله مارضوا يكولون منو بس كالوا عدنه اله بضاعه خل ينتظرنه....
ها عرفتهم كلي جماعة الخلافه اي خل يجون محد بلبيت بس اني ....
رجع جابر وفهمهم بكل شي...
كال قاسم ..اوك هسه عرفنه انو هوه موجود ومحد بلبيت يالله نتوكل عليه الله...
راحو ملثمين ودكو الباب وطلع راشد شايل نص اخمس وحطه بصدر جابر وكاله منو انتم .....
رد جابر كاله قبل شويه اجيتك وذوله من الجماعه...
نزل السلاح من صدر جابر وكالهم طبوا جوه ولحظات وطفر عليه قاسم وضربه بوكسات ودفرات ودخلوا للدوانية مالت البيت وحط قاسم السلاح براسه ونزع اللثام وكاله عرفتني هسه...
كاله اي عرفتك لاتكتلني فدوة ابوس رجلك...
كاله الي طلب تنفذه ماكتلك ...
كاله انه بخدمتك...
رد عليه قاسم ...تعرف الوالي ابو رقاقه ....
كاله لا ماعرفه فضربه قاسم ضربه قوية وصاح راشد اعرفه اعرفه وتواصلي قوي وياه ومايردلي طلب...
...
...كاله قاسم حياتك مرهونه باتصال لبو رقاقه وتطلب منه يترك مريم ام عذراء المسيحيه وتكله هسه يدزها لاهلها وباسرع وقت....
رد عليه راشد واذا كالي ليش ...شكله...
صاح قاسم بعصبيه ...لك كل هذي عمامها سمعوا وراح يحركون تكريت علينه وانتم لازم تثبتون رجليكم بالاول واوعده انك تجيبله بنات غيرها...
رد عليه راشد وريكه ناشف...
كاله اوك بس توعدني ماتموتني...ووعد شرف
كاله وشرف امي ماكتلك بس خابر...
....
...
طلع تلفونه وره ماخلوه يرتاح حته مايبين خايف بالاتصال...
الو حضرة الوالي ابو رقاقه شلونك .(جان فاتح سبيكر حته يسمعون الحجي)
هله راشد هالايام ماكو ماتجيب لا جنود لا روافض لا خارجين صاير عميل الهم ....
رد عليه راشد تدلل بس الي طلب يمك...
كاله اطلب...
كاله اكو جارية عدكم اسمها مريم ام عذراء هاي عمامها متسلحين وجايين يحركون تكريت وانت اي شي يصير بولايتك يمكن الخليفه يعزلك او يقتلك اذا صارت ضجه....
رد عليه ابو رقاقه وهو مرتعد شنو عمامها احنه الدوله الاسلاميه والجواري بخدمة الوالي....
رد عليه راشد ...
الك يمي ٦ جواري باجر بس اتركها تروح لبيتها هسه لان همه انطوا فرصه لباجر....
رد ابو رقاقه ...
جارية وحده ماتاثر راح اطلق سراحها حالا....
انسد التلفون...
اتصل قاسم بابو عذراء وكاله من تجي ام عذراء اتصل بينه...
وره ساعه اتصل ابو عذراء ويصيح اجت اجت ياقاسم مريم رجعت ..
رد عليه قاسم الحمد لله والشكر يارب...
...
...
كالهم راشد انه وفيت بوعدي هسه انته توفي بوعدك...
كاله قاسم انه اوفي بوعدي وماكتلك بس جابر لازم يرميك عله كل جندي ذبحته طلقه ...
سحب جابر السلاح ورماه سبع طلقات وحده ثار لرحمن وستة للجنود الذبحهم وكتلوا راشد الخسيس وطلعوا لبيت ابو عذراء ....وقرروا الصبح يتوكلون عله الله واهل البيت ويطلعون...
....
...الصبح طلعوا ومن وصلوا لبغداد اتصل جابر بابوه وطمناه وكاله احنه جايين اني وقاسم وولد ويانه ننزله عله اهله وجبنه ويانه عائلة ابو عذراء...
ابو عذراء جان رافض يطلع من تكريت بس اجبروه انو يطلع ويحافظ عله شرفه من هذوله الاوباش وكاله جابر هناك اجرنالك بيت وتسكن لحد مايسهل الله الامور وترجع بسلامه لديرتك.....
...
...
بعد ان غاب عن حضن والدته شهور وتسبب في حرق قلبها وفقدها اذ انها كانت تهيم كالمجنونة لفقده وكانت تكتوي بنيران الاشتياق كل لحظة له....لايستطيع اي كاتب ان يصف الشعور عند اللقاء والوصال...لذلك تركت لكم انتم ان تتصوروا لقاء الام بولدها ...
انتهت
