#وجع_ناي(الناي الحزين)
#علي_البدر...
#البارت_الثالث...
#noran
وج سليمه كومي ذبيه هذا الاحمر اللابسته وج شتكول علينه العالم رجلج قاسم مفقود لاحس ولاخبر عنه وانتي لابسه احمر...
بجت سليمه مرت قاسم وشكت زيجها ودكت عله صدرها وكالت لعمتها....
عمه حزن قاسم بكلبي ياكلني يوم وره يوم واللبس مايعني شي يعمه ....
..صاحت ام قاسم الله يلعن الدواعش الله يلعن كلمن جان السبب يمه قاسم وينك ...
الهي بجاه كلمن عنده جاه رجعلي قاسم ...يامن رجعت يوسف ليعكوب رجعلي وليدي...
الهي هذا الوحيد هذا العزيز بجاه حبيبك محمد رجعلياه سالم....
من كثر شوكها وحنينها لابنها ضلت ام قاسم تبجي ليل ونهار وحته عيونها انعمت من البجي وضلت ماتشوف وجانت سليمه تداريها لان تدري محد الها ....وجانت بليل ماتنام ابدا ماتنام وحته من تنام تكعد تصرخ وين قاسم توه اجاني ....مرت عليها شهور وهيه فاكده ابنها....
...
....
الساعه ب١ بليل ابو عذراء مانايم وجان يتابع الاخبار وان يتحسر عله الوضع وشاف شلون ذبحوا الشباب بسبايكر وشلون سقطت اغلب مناطق العراق وجانت يمه عذراء ...
بابا اصبلك جاي .
اي بنتي والله راسي حينفجر...
اوك خل احميه بابا ...
وقبل لاتكوم عذراء ...اندك الباب بقوة ...
انصرعت العائله باكملها منو ممكن يجي بهيج وقت..وتجرأ ابو عذراء وسأل من وره الباب منو...
اجاه الرد من صوت ضعيف ...
انه ادور عالغيرة بكصة شرف..
فتح الباب وشافه جثه مال شاب وينزف دم شالوه وجان مرهق وتعبان ويتنفس كوه...
ابو عذراء كاله سلامات سلامات ان شاء الله مابيك شي وصلت للامان...
رد عليه الشاب..
اذا تشوف وجودي خطر عليك وعله عايلتك اكتلني ولاتنطيني لهذولة الجلاب يذبحوني...
رد عليه ابو عذراء ....
انت اخر واحد ببيتي يمسك اذى وانته امانه عندي ...
..
..
خل اشوف صوابك ...
طلع ايده وشافها ابو عذراء..
الحمد لله ابني الرصاصه شاخطتك شخط وماريد منك تحجيلي شي ارتاح وهذا بيتك وراح اامنلك المكان وهاي ام عذراء واختك عذراء واحنه اهلك انت شنو اسمك وليدي..
عمي انه اسمي جابر ومو منا اني التحقت بالجيش بس ذبحونه بسبايكر هناك....
...
...
...
هسه نتعشه وكلشي سهل ونتصل باهلك وانته يمي وعيونك مايصيبك شي. .
كاله جابر ماعندي رقم لهلي تلفوني طاح بالنهر من شمروني بيه وجنت مجتف وهسه اهلي اكيد محترك دمهم عليه....
ساله ابو عذراء شلون كدرت توصلنه وتطلع من النهر ...
رد عليه وكاله...
اني اعرف اسبح بس ماكدرت لان مجتوف بس بقدرة الهية كدرت اطلع من النهر والجتاف انحل وضليت امشي وانزف وشفت سيارات الدواعش جايه وانه جنت خايف انكتل بس ضيعت روحي بالكصبه العاليه الي يم النهر واجوا ودوروا خاف اكو شرطه او جيش بهذا المكان حته يذبحونهم ...بس اني حته النفس كطعته وكلت ابقه هنا لليل واروح عالضوء مال البيوت ونخيت الله والامام علي يسهلون امري لان ابوي جان يكلي شكو شدة تطيح بيها بس نادي ياعلي...
واني طول الدرب جنت انخه ياعلي ياعلي ياعلي....
انتبه جابر لكلامه وكال بينه وبين نفسه خاف ذوله هم دواعش ليش انه حجيت كلشي وبسرعه ...
بس طمنه رد ابو عذراء وكاله الامام علي شخصية عظيمه وحاضر بالشدات ومذكور عدنه بكتبنه احنه المسيحين واحنه نتمنه يجي يوم نروح للنجف انا وعايلتي....
عرف جابر ان عائلة ابو عذراء من الطائفه المسيحيه ...
عمي ابو عذراء ممكن طلب...
رد عليه تفظل بابا كول....
كاله جابر اترجاك واقسم عليك بمقدساتك باليوم اللي تشوفني اسبب خطر عليك وعله عائلتك كلي حته اتصرف...
رد عليه ابو عذراء ..
ابني جابر عائلتي همه عذراء وامها وجابر ولازم احافظ عليهم ...
ممكن تترك تم او اي تعليق وتنطي لايك بلاامر عليكم
