بدايه خاطئه

الجزءالاول

#بدايه_خاطئه
البارت الاول
بقلم غدير وسام
الناشر بارق العراقي
اختيارتنا بعلاقاتنا في الحياة ليست دائما صحيحه . سواء الصداقه او الحب لانهما العلاقتان الوحيدتان التي نختارهما بأنفسنا باقي العلاقات نخلق فنجدها  واقع حال  لانستطيع تغيرها .
اسمي.. فرات ..عمري27سنه شكلي مقبول  بشرتي خمريه  طولي ..186 طبعا .خريج لغات .وماكو تعين .امي .وابويه وموجدين عندي اخت وحدة اكبر مني بسنه مزوجه ابن عمي .و3اخوة اصغر مني .. علي .ومحمد وعقيل .. ابويه موظف وامي  بلنهار تقطع باصات بعيادة  شعبيه  والعصر سكرتيرة  دكتورة نسائيه .  صايمه مصليه وربتنا على هذا الشي . عندي 3اصدقاء .اخوة مو اصدقاء  خليل ..وسجاد .. سجاد اقرب اليه .بس جان يحب يدور بنات وشرب وهاي السوالف واني علطول انصحه بس ميفيد ..امه  مثل امي تحبني .واخواته اعتبرهن خواتي وعرضي .. ابو متوفي .. وهو  طبعا المسؤل عنهم بس ..يوم يشتغل وعشرة لا  وجانت امه تخيط .وتشتغل  بلبيت ...احنا جنا نطلع عمال .ويا خلفه ابو عبد الله ملتزمنا  نبيض . وسقوف ثانويه .صرت اسطه بهذا المجال وكمت انطلب بلاسم . لان شغلي نظيف وماتاخر . بيوم مجتمعين .
سجاد ..ياولد .راح اخطب
فرات ...بيها الخير خويي   موفق
خليل .. مبروك .ابو علي
سجاد ....والله الوالدة تلح على بنت اخوها .وكلت يله .
فرات ..لك اذا ممقتنع لاتكسر ركبة بنت الناس .
سجاد ..لا شفتها واقتنعت
فرات ...عاد بطل هاي سوالفك ..وجوز من البنات والشرب  واعقل
سجاد ....هههه ان شاء الله  شبيكم حتزوج لو ادخل سجن .حضرو نفسكم الجمعه خطوبتي .وبينا عائليه 
ظلينا ..نتفرج قوط  بلفيس بعدين عجبنا اثنين طلبناهم .. وطلعنا جبنا بقيه  الاشياء
ام سجاد ...يمه فرات اريدك تعيني تحجزلي كيك .وتتسوك ويايه هذا كتله نتر بيه وطلع
فرات ...تامرين خاله . هسا احجزه
ام ..سجاد .. الله يرضا عليك ..
بقيت يم سجاد جهزنا كلشي رحت للبيت غسلت وبدلت .ام .فرات ..يمه فدوة لوليدي انته العريس .لو تقبل اخطبلك وافرح بيك
فرات ..هههه القرد بعين امه غزال🙈
ام فرات ... احلى قرد حبيبي  يله اروح وياك .
طلعنا ورحنا نخطبله وعلكناها دك وركص   خطب ..وعقد رجعنا يم بيتهم سوينا حفله بينا  رجعت للبيت
ام فرات ..ماغرت من صديقك
ابو فرات ..دير بالك ترا متحلفيلك .
فرات ..شكو ياستار
ابو فرات ...اذا ماخطبتلك  نهايه هذا الشهر ..عليه
فرات ..يوم على بختج اذا ماتوظف مااخطب
ام فرات ...اخطبلك بت خالك .واحجزها منا لمن  تتوظف
فرات ..لا يوم لا تورطيني
ام ...فرات ...ياأبني ..البنيه جاي عليها ولد و خالك كال فرات يريدها لو انطيها
فرات ...خلي ينطيها يوم ليش تعطلين قسمتها اححي يابه الاب ...لاتضغطين عليه كلشي بلتفاهم كلج ماريد يروح  يخطب ويفسخ لو يزوجها ويطلكها
ام فرات ..انتو الزين مو قسمتكم ..بكيفكم
فرات ..زعلت امي وراحت بس اهم شي سدت الموضوع بعدين اصالحها ..
طلعت لشعلي ب6الصبح .اتصلت بسجاد..
كعدت لك اني بابكم
سجاد ..لك بعدني نايم  خرب غيرتك ديج انته
فرات ..غير  ختمه اليوم والخلفه  كال من وكت  يله شكد تلغي كتلني البرد . طلع ..يرجف رحنا كملنا شغلنا
ابو عبد الله ..بشرو ..كملتو من يمكم
فرات ..اي ستاذي .بس منا ..شويه بلاربعه العصر ختمنا وسلمنا المفاتيح ابو عبد الله نطانى اسبوعياتنه .ورجعنا .
سجاد ..اليوم اشتري بيهن ملابس للحب
فرات ..لك موخطبت .جوز ولم ايدك
سجاد ..شعليه .هما خطبوها يحيرون بيها وفقيرة كلشي متعرف شكلها مثل الثوله ها😵
فرات ..لعد شتريدها مثل ذني التعرفهن يقطن بيك طاح حظك يازوج
سجاد ..لك شوكت تشتري سيارة متنا من التكسيات .
فرات ..هذا الاسم اليه  كالت امي .
امي جانت مسويه سلفه ويا الموظفات .وخليت اسم اجمع يمها وتدفعلي اريد اشتري سيارة  رجعت خلتلي امي اكل ..كلت ونمت .بلليل دكو الولد طلعنا ..كوفي و  سجاد ماخذ صفحه كلعادة ..اني ماحب سوالف العلاقات ومشايف الي تخليني اتعلق بيها . رجعت .
امي ...يوم فرات باجر حنة ابن خالتك عهود ..
فرات ..موسى ..ذاك الاسبوع خطب شبسرعه
امي ...اي هما مكملين كلشي ليش التاجيل تروح
فرات ..اي شلون لعد بس ليش متصل الناقص
امي ..تعرفه هلواحد وكلشي براسه غير انتو تشوفو شيحتاج ترحوله.
فرات ..يوم مادري هيج مستعجل  عبالي شهر بعد
اتصلت  بابن. خالتي ..خلدون
مبروك يابه لوما امي تكول مادري
خلدون ..هسا ردت اتصل وانت دكيت
فرات ..محتاج شي كول .اني حاضر
خلدون ..الله يخليك والله اريدك يمي انته والولد تعرف ماعدي حتى اصدقاء
فرات ..من الفجر يمك
خلدون ..واعرفك كشاخ اريد كم لبسه وياك ..
فرات صار ..بعد تامر شي
خلدون  ...سالم اريدك ماتقصر
نمت ..ورحت من الصبح اني والوالده جانو يتريكون .كعدنا وياهم .خالتي ..اكعد الاكل ماعلي سلام
خلدون ..هلا بفرات اكعد  خالتي خلفتها جانت بس بنات . وبعدين صار خلدونعدها قبله 3وبعدة وحدة .عبير الصغيرة  من شفتها صفنت هاي شوكت كبرت ..صايرة عروس الطول .يجنن وبيضه وعيونها كبار  والرموش سيوف ..والشفه دمار ..
انتبهت صافن بوجه البنيه
عبير شلونك فرات
فرات ..هلا عبورة شلونج لج انتي شوكت كبرتي .
عبير بخجل  دنكت ..
خالتي ..انته صار فترة كاطع متجي لاتكول خالتي اشوفها حتى من نجي انته ماكو
فرات ..اسئليها لامي دوم اسئل عليكم بس خاله شغل مالحك واريد اكمل فلوس السيارة
خالتي ...الله يساعدك .وان شاء الله تاخذ السيارة الي بالك وتتزوج .
فرات الله يسلمج خاله .يله لك كوم هي مال كعده ورانا كومه شغل .
خلدون ....يله .اخذته للحلاق ورتبته واختاريتله لبس قاط ماروني .وقميص اسود وحذاء .. ماروني اخذتهم  جديد ممدشنهم . رجعنا  سويناله احلى حفله وجماعتي كلهم جوي .كلساع افوت للبيت اجيب شنحتاج وادور على عبير .طلعت لابسه فستان احمر قصير  .وفاتحه الشعر كلش طويل يابه تجنن  خرب غيرتج الولد منا
عبير ..محد يفوت منهم
فرات ..شنو محد مو اني واخواني كلساع واحد جاي ..مشي ولي لوتبدلين لو تلبسين شي عليهنن
شفتها ..راحت دخلت ورا ساعه لابسه جبه وابتسمت من شافتني . خلصت الحنه  جلب خلدون ابات يمه ..وبتت عدهم بليل طلعت اشرب مي لكيت  عبير تنضف .
فرات ..شتسوين.
عبير..مالحك باجر .اريد اروح للصالون وماما كالت كملي وروحي
فرات ..انتي شعندج رايحه حلوة ماحتاجين
عبير ..شكرا..بس هم اريد اروح حالي حالهم
فرات ..يعني مكياج .وكذا .وفستان مثل مال اليوم
عبير . لا البس فستان مستور .بس مكياج لازم غير عرس اخويه
فرات ...لازم يعني ..مكياج واذا عرس اخوج  تصبغين وجج والشباب تباوعلج ويكولون حلوة
عبير ..شعليه بلشباب اني .
فرات .لعد المن تعدلن بنفسجن انتو البنات غير تعجبون الشباب
عبير ..موشرط .اني لنفسي ..
فرات ..ها ..يله خلي اروح انام ..ظلي انتي مخبله اشتغلي .
نمت واني افكر بيها  كعدنا من وكت .وركظه رحنا للحمام .ورجعنا رتبته وطلعنا زفه  واني اباوع لعبير تضحك وتصفك ..خزرتها .رفعت جتفها ممهتمه اني الج .
رجعنا للبيت ..تعبان ذبيت نفسي . خابرني الخلفه على شغل وطلعنا ..استلمت اسمي ورحنا نشوف سيارة اني ورجل اختي  مسلم  لان يعرف بلسيارات  اخذتلي وحدة على كد فلوسي حلوة وراقيه لونها رصاصي ..اخذت اهلي بيها وطلعنا للامام الكاظم عشيتهم هناك  ورجعنا .للبيت فرحان بلسيارة ..مريت للولد وطلعناة
سجاد.. هالك طكينا
خليل ...بلعافيه فرات .الله يكفيك شرها ويلكيك خيرها
فرات ..امين يارب .. بقيت بنفس شغلتي .ومرات اخذ كراوي بسيارتي
امي...فرات .خالتك تكول يلزم خط لعبير هي وصديقاتها
فرات .ليش هي بدون خط
امي ...لا بس مبطل منهم وتكول شوفي اذا مقبل خال صديقتهن يلزمهن بس متامن ذاك من زمان وياها وهسا ترك متامن بغيرة
فرات ..لا شنو غريب اني اوديهن هي ياصف .
امي....خامس ادبي  موافق يعني
فرات ..ميخالف .شوكت
امي ..اشوفهم ..
رحتلها ورا يومين  بلسبعه .
عبير صباح الخير .شلونك فرات ذض
فرات ..صباح النور ..الحمد لله وانتي شلونج
عبير..الحمد لله ..همزين قبلت متدري  شكد فرحت
فرات ..ليش فرحتي
عبير ..ها ..غير ابن خالتي .واحسن من الغريب .
فرات ..اها..ااا بس هيج .
عبير ..ادخل بهذا الشارع .وبدت توصفلي بيوت صديقاته جانن اربعه حبابات  يوميه اوديهن مرات اطلع من الشغل اوديهن وارجع بدت نظرتي لعبير ومشاعري  احب تصرفاتها واعشق ابتسامتها .وجرائتها بيوم قررت احجي وياها عن مشاعري قبل ماافاتح اهلي
عبير قبل منروح لصديقاتج اريد احجي وياج
عبير ...كول فرات
فرات ...اني معجب بيج واريد اتقدم انتي شنو رائيج اذا اكو احد او ممفكرة حتى مااكل لاهلي ونبقى ولد خاله
عبير ...بخجل وفرحه ..موافقه .
فرات ..ولج فكري تتعززي مثل البنات كولي فاجئتني
عبير ..مافاجئتني  وماافكر وموافقه وصار سنين منتظرتك
فرات ..شنو ..منتظرتني شوكت  ولج انتي ذاك اليوم بلبيضه
عبير هو من جنت بلبيضه احبك
فرات ...ههه اوك بيها الخير .راح اكل لامي تتصل بخاله اليوم
وصلتها ورجعت لامي فرحت .وخابرت خالتي ..
عهود ...يوم المنى  اني اتمنى فرات لوحدة من بناتي
امي ..شوفي ابوها ورجعيلي خبر
عهود ..من هسا موافق  عيني فرات ابنا  كبعو واخذو
امي...ميخالف ..شوفي ورجعيلي خبر .للعصر اتصلت خالتي موافقين ..اتفقنا بس حلقه هسا واجمع للزواج  امي سوتلي سلفه ثانيه حددنا موعد للخطبه وتلبيسة الحلقات .وعقد السيد  بيومها الولد من الصبح يمي
سجاد .وخليل . لبست قاط .جوزي وقميص بيجي ..ةالحذاء جوزي .وطلعت عريس . رحنا لبيت خالتي عقدنا ودخلت البسها الحلقه جانت ملاكي تجنن .لابسه فستان احمر وهي بيضه طالعه كمر .لبستها الحلقه   وبقينا بينا لان ماكو غريب بس الولد برة طلعت يمهم  رجعنا سولي حفله وكعده وتونسنا . بعدها بدينا اني وعبير نتواصل تلفونات للصبح  مانام اذا موعلى نفسها .والصبح اخذها للمدرسه اول متصعد تبوسني من خدي . صباحوو
فرات .صباح الخير . شنو امتحان اليوم
عبير .اي ..ومحافظه من وراك .مقريت
فرات ..لج موكتلج سدي وروحي اقري وانتي مجلبه
عبير ..غير احبك .ماكدر اعوفك .
عشنا احلى ايام