#بدايه _خاطئه
البارت الثالث عشر
بقلم غدير وسام
الناشربارق العراقي
فرات ..فديت الفداني بست راسها .
عقيل .. جابوها ..طلعت هاي القزومه الشفتها بلزفه ..ضحكت هي هم ضحكت هاي انتي
ساجدين 😶
عقيل ..شلونج ..
ساجدين ..الحمد لله .. شوفي ..اني .اريد ابين كلشي من الاول عندي شروط .توافقين اولا براحتج
بكلبي اله اطفرج👿لان اني محد تتحمل طبعي
ساجدين .. تفضل .
عقيل ..اولا مدرسه ماكو تبطلين .وملابس غير العبايه ماريد .. طلعه بدون علمي ماكو حتى لو بره الغرفه بخطوه . عرس فلانه عيد ميلاد علانه ماكو ماحب هاي السوالف تلفون ماكو . اريد اطلع ..اريد اشتري ماكو اي شي اني لو امي نجيبه حتى جهازج امي تشتري . الي بيني وبينج يطلع .. متلومين اله نفسج
ساجدين ..يومه هذا شبي .. 😲 ولامبين عليه اكيد يغار .عليه ميخالف اني ممصدكه يخطبني .
عقيل ..شنو رائيج
ساجدين ..موافقه
عقيل 🤤😓شنو .موافقه
ساجدين ..نعم موافقه .
عقيل ...مو بعدين تكو لين ماحذرني .
ساجدين ..لا ان شاء الله
فرات ..ها بشرو.. اخذت ساجدين .
تالين .. احجي
ساجدين ..شبيج .. موافقه ..
تالين .كللووووووش عيني اني هسا من اهل العريس
ساجدين ..ههخخ عااا تبريتي مني تعالي ماما ..
اتفقو الجمعه مشيتهم .. وانخبصت يم عيالي . جتي اختهم .. وعبير العله بس سمعت لزكت فرات .. مدام الكل هنا روحي يم اهلج خطيه
تالين . كول والله ..ركضت عليه .. وحضنته وكعته .على الجربايه .
فرات ...ولج ضهري احتركو لو ادري ماحاجي
تالين ..ههههه شوكت توديني .
فرات .. موهسا ..العصر
تالين ..لا هسا حباب .
فرات . لا هسا عدنا شغل وغمزلي .. 🙈💑 العصر .. طلعنا خاله شافتني خير ان شاء الله
فرات ..موديها يم اهلها .
ام فرات ..ماكو روحه محسوبه علينا مو عليهم
فرات ..ليش هي شبقت ..بلبيت .اشو مخلت شي .
ام فرات .. عدنا شغل كومه شعدهم اهلها ..
تالين ..فرات ..ارجع عادي ..
فرات .لا .. امشي . ماعدنا شي يله
ام فرات ..هزت ايدها طلعنا ..
تالين ...فرات ..خلي نرجع .عفيه
فرات ..مو بعينج اني ..شنو .اكلج امشي . عدج شي تلبسي
تالين ..اي عندي .
فرات .. صعدي ..اخذتها لاهلها . خطيه هم اختها وتريد تفرح وياها واباوعلها مخلت شي بلبيت و واعرف امي تسمعها كلام وهي تسكت .. وصلنا ..نزلت سلمت على عمي . نطيتها مصرف وطلعت بس كلبي يمها اول مرة تنام بعيد عن حضني .شفتها باوعتلي بنفس النظره رحت .للبيت عبالك مو بيتنا .رغم الكل موجود بس احسه فارغ .
تالين ..وصلت .لكيت نادين جايه وماما .. مخبوصه بلبيت . ساجدين ..شوفو طلبت هذا الفستان والحلاقه تجي للبيت حجزنا يمها . فستانها .. ذهبي قصير جوة الركبه كوميل .منفوش .. حجزت اكسسوار ويا ..والذهب اشترته خاله . على ذوقها . هي واخته كملنا البيت ..وكلشي .فرات حجز كيك وجابه لاهلي . اجتمعو خالاتي .وعماتي جتي عمتي ام سجاد وياها زوجته حامل مبينه . انقهرت عليها .. الي ترتبط بهيج انسان الله يعينها الحلاقه تشتغل بساجدين
خابرني فرات ..خلصتو .
تالين ..اي حبي كملو .
فرات ..طالعين احنا .
تالين كملت ساجدين . تجنن رفعت شعرها كله .والفستان مكشوف صدرة وضهرة .. خالاتي وعماتي كلهم رادوها وبابا رفض كال ماكرر الغلطه فجانت نظرات الحسد محاوطه الطرفين وصلو . وعقدو الهم .. فرات جاب .. عقيل
فوته ويركص . فدوة لطوله احلى من العريس لابس قاط اسود . وعقيل لابس قاط . جوزي .. وهو اشكر ابيض يجنن طالع فرات .فوتت عقيل .ويومين مشايفها عيوني دورها لكيتها كلبي راد واكف تضحك . لابسه فستان شذري يكطع وين اضمها ..خرب . سويتلها 👌👌👌وعضيت شفتي
تالين .. ههه يركص .. وياشري .. ويعض بشفتن .اشرتله ليش . رحت يمه حضني ويركصني بس اني اخجل ..متت ضليت بس واكفه واضحك ..
عقيل .. حطيتلها شروط تعجيزيه وقبلت ..هاي شبيها مستقتله على الزواج خلي بلكي بلخطوبه اهجحها .بس من عقدو سيد كلت بعد ماكدر .. جرني فرات يمهم وشفتها هاي شنوو..😲 رجليه مشالتني .صدقه لهلحسن .. حوريه مو بنيه .. بس ..اكو غصه بكلبي . من تذكرت رجعت قفلت .امي ..كالت لبسها الحلقه والذهب .لبستها وبست راسها . كطعنا الكيك .. وكمنا ركصنا .بس هي ثكيله . مقبلت . تركص . كعدنا ..كتلها ..ملكيتي بعد استر من هذا الفستان .لو ملابسه اشرفلج واني شحجيت على الطلعه اشو مكلتي رايحهه مشتريه فستان ورايحه صالون هاي اولها بدينا بعناد
ساجدين ... ها .. شبي . فستاني وبعدين ماكو احد بس نسوان
عقيل .. مو اخويه هنا لو فرات مو رجال
ساجدين احنا متعودين على فرات .. منحسبه غريب والفستان طلبته من النت .والحلاقه جتي للبيت
عقيل ... باوعتلها .طكت الدمعه بعيينها بس ترمش توكع ..ضجت من نفسي هسا البنيه شعليها . خلص عقدت عليها .درت .وجي . اهلي طلعو بقينا بس اني وفرات .وتالين . طلعو بقينا وحدنا .. كتلها ..اسف .لاتضوجين
ساجدين .. مصار شي . بس بيني وبين نفسي ضجت هذا مينجرع بس احبه ميخالف اتحمل
غدير وسام
ساجدين ..عادي مصار شي .
عقيل .. بعدنا بلبدايه ومتحملتي ترا طبعي متعب .ليش حذرتج من الاول حتى متتفاجئين . ماردتج تزعلين .
ساجدين .. ممبين عليك .
عقيل ..ههه شمبين عليه لعد
ساجدين .بلعرس .شفتك تضحك .واهتميت بينا الى ان وصلنا .
عقيل .. اي اني تصرفت بدافع غيرة عليكم لان انتو باعتبار اخواتي متكركتكم الى طمنت عليكم
ساجدين .. عقيل ..انت هم انطيني مجال . يعني فهمني طبعك وافهم طبعي .
عقيل ...ضحكت خطيه ..طفله واني راسا بديت وياها باوامر وخوف .. بس اعلمها افضل لان من الي شفته من البنات مامن باحد بعد . صح عندي علاقات هواي حتى اخت صديقي هي زحفتلي اني ممنتبه وضلت تتصل ماعرف هي منو .ضلينا اشهر نحجي بس بدون ماعرف ولاشايفها قبل . طلعنا كم مرة مكلتلي مزوجه بديت اميل الها وعجبتني حيل . فكرت جديا ارتبط بيها بس .جانت تتهرب .الى ان عرفت هي اخت خليل .. من صديقي شايفنا سوة .و عباله ادري .ونصحني اعوفها بس اني ردت افهم منها .هو جاي وحاجي لفرات من وصارت مشكله جبيرة . واهلها عرفو . وكوه ابويه وفرات فضوها بدون مشاكل . بس قررو يزوجوني ونشيل من بيتنا . اني صرت بموقف ماكدر اححي ولااجادل بس مجان بالي زواج والشغله غصب صارت .. بس لازم اتقبل . باوعت ساجدين ماكو واني وحدي هاي وين راحو .اجتي مبدله لابسه فستان وردي .. طويل .وردن .. كعدت ..هاي وين رحتي
ساجدين ..بدلت .كتلك بس انت جنت صافن
عقيل ..اها ..جوي فرات .وابوها .كعدو .. سولفنا .عند دوامي . ساجدين ..اباوعله يحجي هيبه ..اكول الحمد لله هذا قسمتي .شكد تمنيته وحلمت بي . انتبه اباوعله دنكت وطلعت اجهز عشا لان اذا بقيت افضح نفسي .
تالين .. حبي سوي زلاطه كملنا .
ساجدين ..ترحين اليوم لو تبقين
تالين ..ماعتقد فرات يخليني وخاله هم . اذا ابقى تسويلي عرس . اكلج سوسو .ترا خاله طبعها صعب .. اتحملي .
ساجدين ..كلشي اتحمل لخاطر حبي امه وابو واخو ومرته المكروهه.
ماما ..ولج استحي ستوه خطبج صار حبي
ساجدين ..شنو خطبني رجلي . عيني رجلي ركعتها ماما ..ولج انتي شنو .
دنت عليه اني جنتهم عيني لاتحجين ويايه مو من حقج تضربيني لااروح اكل لزوجي اتعرض للعنف والاضطهاد بهاي العائله (((غديروسام))
ماما ..هههه يومه منج امشي اخذي السفرة
جفينا شرج .
اخذت السفرة اخذها فرات مني اروح وارجع اسمعهم يتفقون على العقد لان دوامه يطلب . كيفت ..
تالين ..وين تلحك عقيل مو كلت يو مين والتحق
عقيل ..ها ..لا اتصلت بجماعتي مددو اجازتي
فرات ..حضري نفسج ورا العشا نطلع
تالين ..صار .ماعندي .شي
فرات ...نمتي البارحه
تالين ..لا ضلينا نسولف اني وماما ونادين للصبح
فرات ..خرب ..عبالي مشتاقتلي طلعت دك سوالف .واني ماغمضت مشتاقلها واحض بلمخدة اخير شي طلعت ثوبج ونمت على ريحته .
تالين ..سودة عليه حبيبي
فرات ..اسم الله عليج .بس ماكو بعد بيته حتى بعرس اختج افتهمتي
تالين ...ههههه ان شاء الله
عقيل ..ارتاحيت بينهم ابوها حباب . والام حنينه صح امي .حنينه بس جانت دوم مشغوله ومن ترجع للبيت اعصاب متتحجه خصوصا ورا زواج الولد .بس تصيح على البنات .اني ماحب ادخل .بس الله يستر اذا هيج راح تعاملني من اتزوج .
ابو تالين .. ابني .عقيل شوكت ناوين تعقدون .
عقيل .. باوعت لفرات .. كتله بعد باجر اخذها نحلل وراها نعقد .
ابو تالين ..خير ان شاء الله .
فرات ..نترخص احنا .عمي ..
ابو تالين بعد وكت كاعدين
فرات .احنا وانتو تعبانين .
ابو .تالين ..ترحين بابا تونه
تالين ..بلي بابا اروح طلعنا للبيت . وصلت البيت مكلوب كلشي ممنظف .ردت ابجي .. المواعين .. خرب ضامتهن اليه . رحت لغرفني .صاح فرات تعالي
تالين ..يمعود شجي .شوف البيت . طلعت من يمه ادردم .
بلشت انكسر ضهري .لنص الليل واني ممكمله . فرات وعقيل ويايه شالو الفراشات . خاله .وسراب دك سوالف يكول اليوم شايفتها كملت . رحت غسلت .وتمددت .فرات .تعبتي حبي
تالين ..اوي ..تعبت فرات ..ضهري انكسر. ادري ضاميهن اليه
فرات ..اي منو يشتغل لعد امي لو اختي .تعتبر خطار . غير بيتج .
تالين .. اي يساعدوني شويه . موهيج .😢
فرات .. هههه شبيج راح تبجين ..مو اني وياج يله انتي سباعيه .هسا تجي ساجدين تساعدج
تالين .والله يمكن جنيت على اختي بهاي الزواجه امك متتعاشر
فرات ..شجاج ..تالين اوكفي اوكفي .شو تنترين و شنو امك ممتعاشر
تالين ..اي ضمتلي مال روحتي اوبعد باجر طلعها بيه كتلك ماروح
فرات ..شلون بله فسري
تالين ... ماكو شي عوفني فرات
فرات .. لا احجي اكو شي ماعرفه .امي مسمعتج كلام .صاير شي .
تالين ..لا مصاير شي ..كافي اني تعبانه وحجيت كلام بلى معنى
فرات ..اعرف تعبانه وله جان حاسبتج غير حساب على كلامج ونترتج نمت واني ضايج منها .. اول مره تعلي صوتها .كعدت قبل وكتي بنص ساعه هي نايمه بدلت وطلعت . لشغلي .
تالين .كعدت لكيته رايح
((((((غدير وسام)))
أنت تقرأ
بدايه خاطئه
Ficción Generalبدايه خاطئه بقلم غدير وسام الناشربارق العراقي الاختيارات الخاطئه قد تكون درس لنا لنعدل مسارات حياتنا ونصحح الاخطاء التي وقعنا بها في البدايه وهذا ماسيحكيه لنا ابطال قصة بداية خاطئه
