❤❤❤❤❤❤❤❤❤❤
فتاة ضاقت بها الحياة....
وقعت ضحية للحرب.....
انصدمت من واقعها المؤلم....
فارقت عائلتها.....
فهل سوف تتجاوز هذا الالم ام تبقى حبيسة له....
للكاتبة الجديدة : كبرياء الصمت
قصة باللهجة العراقية
اني بطلة القصة اسمي بغداد استغربتوا صحيح؟؟؟؟ بابا كللللش يحب بغداد ولذلك سماني بغداد اني حاليا ساكنة بيت جدي صارلي سنتين شلون وصلت؟؟ راح احجيلكم القصة من بدايتها ونكمل بعدين سوة شراح يصير
مثل ماكلت اسمي بغداد عمري21 سنه اني حلوة الكل هيج يكلي اني عيوني سود كبار مجرورات وخشمي طويل ونحيف وشفايفي مليانة بشرتي حنطاوية هذه اني 👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(بالمناسبة حبايبي الي يحب يعرف هذه البنت اسمها شهناز سليم بس اكتبوا اسمها بالجوجل حتطلعلكم صورها وحسابها على الانستجرام موجود اذا حبيتوها)
عائلتي متكونة من بابا وماما واخوي اكبر مني واني چنه عايشين بالموصل لان ماما من الموصل وبابا يحبها كلش فعاف بغداد وعاش بالموصل لخاطر امي مع ذلك اهله ما زعلوا منه قدروا هذا الشي واحترموا بابا من عائلة غنية هو واهله يشتغلون بشركات ومخازن وصناعة وهاي الشغلات الي ما افتهمه ابد...بابا عنده اربع اخوه زلم غيره وثلاث خوات بابا هو الوسطاني بيهم عنده ثنين اخوان واخت وحدة اكبرة منه وثنين اخوان وثنين خوات اصغر منه وكلهم مزوجين وعدهم اولاد وبنات وهم اولادهم وبناتهم قسم منهم مزوجين وعدهم اطفال هماتين جدي عايش الله يخليه ومكعد اولاده كلهم بمنطقة وحدة وكل اسبوع يلتمون بيت عمي الاكبر ...عائلة كبيرة جدااا ومتعاونين بيناتهم شكد حلوة لماتهم .. احنة چنة ساكنيين بالموصل مو يمهم بس اهلي جانوا كل شهر او شهرين يرحون البغداد اني ابد ما رايحة وياهم جنت دائما اظل يم بيت اهل امي او صديقاتي امي اسمها بسمه جانت تشتغل مدرسة رغم احنه ما محتاجين والحمدالله بس امي جانت تحب تشتغل واخوي اسمه رياض وعمره 25 مكمل هندسة ويشتغل وي ابوي وعمامي واولادهم جان ابوي هو المسؤول عن شغلهم الي بالموصل كله ...اني ادرس صيدلة وهذا حلمي بس من دخلوا داعش للموصل انسجنه بعد مانگدر نطلع چنت بوقتها المفروض اداوم المرحلة الثانية بس اخوي رياض وبابا خافوا علينة اني وامي فبطلوا امي واني هم ماداومت بعد عشنة سنة كاملة برعب ابوي ورياض سوو شكم شغلة بالبيت حتى اذا هجموا علينة بسرعة نهرب اني وامي جانت سنة صعبة انحرمت من دراستي واتاخرت سنة بسبب هذا الشي جان ابوي واسمه موسى واخوي رياض يطلعون الصبح للشغل نظل اني وامي نرجف من الخوف عليهم خلال هاي السنة ابد ما طلعنة من البيت اني وامي چنة عايشين برعب لحد مااجت هاي الليلة الي تغيرت حياتي بيها كليا ما اكدر اكللكم 180 درجة او 360 درجة لا مو هيج اكبر صدمة عانيت منه موت اهلي ذبحوا اخوي وابوي واني مااكدر اسوي شي خلي نرجع نذكر ذاك اليوم سوة وراح تعرفون شصار
