كان صباحا معتم لم تشرق له شمس،،،،،
منذ اول لحظاته احسست بقلبي يختنق يبكي يصرخ ،،،، بالم غريب
لا اعرف ماذا سيحدث رحماك يا رب لا تؤلمني بمن احب
رحماك رحماك هون علي كل ما تخبئه لي اجعلني ممن يرضون بقضائك،،،،
عند الساعه التاسعه صباحا وعادتي كل صباح اخرج في هذه الوقت من بيتي لاذهب الي بيت اهلي حتي اري والدي الحبيب كل ما يهمني ويفرح قلبي في ذلك المنزل
نعم والدي فقط ♡♡♡♡ابويه جان الوحيد الي يحس بيه ويهون عليه ويحس بندم جبير لانه وافق امي عله هذه الزواج وتندم اكثر لانه في يوم من الايام ضربني علمود علي ،،،،،
طلع ابويه لشغله كعادته سلم علينه وسئل شنو محتاجين وكل فد ساعه وارجع لا تروحين بابا هسه ما اتاخر مو حبيبتي كتله اي بابا مبتسمه بس كلبي معتصر ،،،،،،،،
رحت لبيتي كملت شغل وغده وكلت خلي اروح اشوف بابا بلكت اجه ،،،، سمعت وحده تصيح ودك بابي وج صبا اطلعي واج ابوج مات وتصيح يبووو
لا لا هاي شتكول لا جذب مستحيل هاي جذابه
طلعت مثل المجنونه حتي عباتي ما لحكت البسه عدل لكيت وحده من اقاربنه تلطم عله خده كمشتني وتهز بيه ولج عزه بعينج ابوج مات
انفصلت روحي عن جسدي وحسيت كانما اني بغير عالم حلم اي حلم وراح اكعد منه لا لا ابويه ما يموت كال هسه شويه وارجع شنو مات شلون مات
جذب لا بابا لا لا تموت عفيه لا اصرخ ما حسيت الا والناس ملتمه عليه وتبجي الكل بذاك اليوم الاسود بجه لان ابويه مو شخص عادي طيب وسبورت ويحبه الجبير والصغير،،،،،،يوم جنت اتمنه احذفه من التقويم من حياتي كله،،،،وجابوا ابويه متكهرب بعمود الكهرباء ،،سبحان الله جان دائما خايف عله اخويه علي لا يتكهرب يخاف عليه من كلشي وتالي هو يموت بيه
لايابه بعده مو يومك لا ياريت لوا اكدر ابدل روحي بروحك يا به يا ريت ،،
جنت اتوقع انه علي وهو يعرف شكد متعلقه بابويه راح يشفق ويحن عليه وبصراحه هو هم كلش انقهر
بس كالوا ابو طبع انشد عله سلامته لان الحقير يبقه حقير جنت منهاره وابجي وحظنته بكل الالم الي بيه بس صدمني لمن حسيت بيه يبحث عن ارضاء شهواته واني بمحنه شديده
من يومه بده كرهي اله يصير حقيقه ما اكدر اغيره،
