كافي ارجوك يعني ما مليت ما تعبت
يوميه نصبح ونمسي بنفس الموضوع
لا تسوين ولا طلعين ولا تحجين ولا ولا
يعني شنو اصير تمثال الك ،،،،،،
اني صبا عمري 24 سنه متزوجه صار 10 سنوات
زوجي اسمه علي انسان اناني ما يحب بس نفسه
اكيد اكو هواي ناس تكول كلمن يسوي نفسه مظلوم
ويظلم الاخرين
بس لا يا ما بلحبس مظاليم مو دائما مجرمين،،،،
اهلي زوجوني اله لان جان معتمد عله نفسه وبلحقيقه ابويه يهتم دائما برائي امي لان امي عصبيه وكلمته هي الماشيه
جانت عندي احلام وصور مختلفه وكل بنيه مثلي عن زوج المستقبل وجنت اتمنه اتزوج الانسان الي احبه
المهم لا تجري الرياح بما لا تشتهي السفن ورضيت بنصيبي مجبره
ما اعرف من البدايه ما صار انسجام افكارنه مختلفه
هو يحب يحجي عله الناس ويكول شي ما شايفه بعينه يعني يحب لا والله يعشق .....
شي اسمه الغيبه يعني ياكل لحم اخو والعشيره نس ستاوا وما يفيد,,,, حاولت بكل الطرق انه اغيره واغير نفسي علموده وخصوصا من صار بيناتنه جهال صرت مجبره انه احول اتغير اكول همه ما الهم ذنب بس جن كله عله اعصابي.ــ....المصيبه مو بلعصبيه مالته المصيبه انه هو انسان جشع بخيل وفوك كل هذه ابو نسوان ما تشبع رغباته امراءه وحده يتمنه لو يكون بزمن الجواري وعنده حسب القصص الف جاريه وهم ما يشبع ولا يتعب ولا يمل
وكلما اكول راح يتغير اتفاجئ بمصيبه من مصايبه قبل يومين اجتي جارتنه ام حسن تشكي لامي من عده تكله يدك بابنه كل شوية بسالفه حتي يشوف وحده من جناينه ...امي ما اتحملت
وراحت سوته مصيبه عليه لان مو اول مره .....من بعده امي حست بلندم لان جبرتني عليه وعرفت انه اني كلش تعبانه منه لان جنت قبل من احجي يسكتوني .ابويه لاول مره يضربني علموده .....
