وبديت اعرف انه علي انسان مجرد من الانسانيه
ما يعرف انه اني كان ضعيف محتاج للحب للامان لكلمة بسيطه تفرح كلب موجع من صغره
وبيوم بيت اهلي قريب اروح بعد ما توفى والدي اشوف امي واطمئن عليه وعلى اخواني
جان صاحب محل فاتح استوه بمنطقتنه هو مو من اهل المنطقه غريب بس اكو جماعه من اهل المنطقه شاركوا وياهم بلشغل
المهم جنت من امشي بيه حاله امشي سريع لان ارتبك اذا شافني احد والف روحي بلعبايه حيل بحيث اخلي بس عيون وحده تباوع عله الطريق
تعثرت من شدة ارتباكي وردت اوكع شفت احد صاح الله الله واجه قريب مني .....كلت عزه بعيني وثول
هسه يشوفني عليه وتصير مصيبه
بس اتذكرت اليوم هو رايح للزياره اطمئن كلبي
اوف بس هذه شعليه واذا عثرت ليش يركض عليه
كمت رفعت راسي نظره خاطفه ولكن كانت بيه الدنيا كله تغيرت
شاب بلثلاثينات من عمره شكله حلو طويل ملامحه بسبطه بس بنظرته احساس غريب
ما اعرف شلون اوصفه جنت اثر البكاء بعيوني
والحزن على ابويه اخذ كلشي مني اخذ روحي وفرحتي وكل سعادتي صرت مجرد جسد يمشي
ها اختي بيج شي سلامات... سلامات
صوت بيه اح Jiساس بيه هواي دفوا وحنان
نزل دمع عيني وجاهلته بسرعه وركضت لبيت اهلي قبل لا يشوفني اي واحد
وصلت مرتبكه وعندي احساس غريب
لا هاي شبيه عيب شنو هذه التفكير السخيف
كمت احجي ويا نفسي .....
بس ما اعرف ليش نظرته جذبتني ليش كمت افكر بيه
المهم بعد هاي الحادثه كمت ما اطلع او اروح لبيت اهلي الا بليل لان المحل يقفل بهيج وقت
وحتى اقتل اي تفكير سيء بد اخلي ...... بعد فتره من وفاة والدي بده الاحساس بلوحده بلغربه يزيد بداخلي وصار الدمع والحزن طبع بيه راحة الضحكه الي بس ابويه جان يرسمه عله وجهي ،،،،،اوف شمد صعب فراك النحبه موت بطئ
طبعا علي بعالم اخر عني لا شبيج لا شعندج لا لاتبحين اني يمج ماكو،،،،،،،
