** لينا **
كنت قاعدة في الأوضة بسرح شعري ، لقيت محمد بيكلمني على الموبايل !! روحت قفلت الباب عليا بالمفتاح ورديت عليه ..
"الو !!"
محمد "ايه يا لينا"
"محمد !! انت ازاي تكلمني وأنا في البيت !! انت مش عارف يعني ؟!"
محمد "معلش يا لينا بس في حاجة مهمة ، قابليني النهاردة في طنطا الساعة ٨ بليل .."
بصيت ورايا يتأكد ان مفيش حد شايفني اوي سامعني ..
"طيب طيب ، سلام !!"
قفلت بسرعة وخرجت لقيت بابا مش في الصالة ، كلمت هبة ؛ كلمتها حوالي ٥ مرات ومش بترد !! اتنرفزت رميت الموبايل على الارض واتنهدت بضيق ..
"يارب !!"
مشيت عند مكتب بابا وخبط عليه وفتحت ..
"حضرتك فاضي يا بابا؟"
بابا "تعالي يا حبيبتي .."
دخلت وقعدت قدامه ، بس هو مكنش بيبصلي ؛ كان بيقلب في الملفات اللي قدامه ..
"انا عايزة اخرج لوحدي .."
بابا بصلي "فين؟"
"عايزة انزل طنطا اشتري شوية حاجات ؛ انت عارف العيد داخل يا بابا وكل سنة وحضرتك طيب .."
بابا كل اهتمامه بقى موجه ليا ..
بابا "وعايزة تشتري ايه من طنطا؟"
"عايزة اشتري كام طقم وجزمتين ؛ وشوية اكسسورات كدة .."
بابا "خلاص ماشي ؛ اطلعي البسي وأنا هاجي معاكي .."
"لا !!"
صرخت وهو بصلي ورفع حاجبه ؛ انا عكيت ..
"قصدي بلاش ؛ مش عايزة اعطلك عن شغلك .."
بابا "لا .. يا تيجي معايا يا مفيش نزول خالص !!"
"يا بابا دة انا هروح مع هبة !!"
بابا زعق "قولت لا يعني لا !! يلا اطلعي اوضتك"
اتعصبت وطلعت اوضتي كلمت هبة وكنت بعيط ..
"هبة ، محمد عايز يشوفني ضروري وبابا مش راضي ينزلني انا مش عارفة اعمل ايه- هبة انا كل ما اكلمك الاقيكي نايمة انتِ حيوانة ليه يا هبة ؟!"
هبة "هششش هششش .. لازم يعني؟"
"اة لازم !! عندي فكرة .. !"
هبة بملل "ايه؟"
"تيجي تنامي مكاني النهاردة؟"
هبة "ايه؟"
"يا بنتي انتِ هتقولي لمامتك هبات مع لينا وبعدين انا هنط من الشباك وانتِ تنامي مكاني عشان بابا شكله مش خارج"
