ﺭﻭﺍﻳﻪ
# ﺩﻗﺎﺕ _ ﻗﻠﺐ
# ﺍﻟﺤﻠﻘﻪ _ ﺍﻟﺮﺍﺑﻌﻪ
( ﻭﻛﺎﻧﺖ ﺻﺪﻓﻪ ﻧﺒﺬﺗﻬﺎ ﻭﻛﺮﻫﺘﻬﺎ ﺍﻭﻻﻥ ﻭﻟﻜﻦ ﺻﺮﺕ ﺍﺷﺘﻬﻲ ﺍﻥ ﺍﻋﻴﺪﻫﺎ ﻻﻧﻬﺎ ﺭﺑﻄﺖ ﻗﻠﺒﻲ ﺑﻚ )
ﺑﺪﺍ ﻳﻮﻡ ﺟﺪﻳﺪ ﻳﻮﻡ ﻣﻬﻢ ﻓﻲ ﺣﻴﺎﺀ ﻛﻞ ﻣﻦ ﺭﻧﻴﻢ ﻭﻫﻴﺜﻢ ﻭﻋﻤﺎﺩ
ﺍﻟﻴﻮﻡ ﺍﻟﻲ ﻫﻮﺍ ﻧﻘﻄﻪ ﺗﺤﻮﻟﻔﻲ ﺣﻴﺎﺀ ﻛﻞ ﻣﻨﻬﻢ ~~
~~~~
ﻋﻨﺪ ﺭﻧﻴﻢ
ﻧﺎﺿﺖ ﺑﺪﺭﻱ ﻃﻠﻌﺖ ﺍﺣﻼ ﻟﺒﺴﻪ ﺣﻠﻮﻩ ﺑﻨﻄﻠﻮﻥ ﺍﺳﻮﺩ ﻭﺑﻠﻮﺯﻩ ﺳﻮﺩﻩ ﻟﺒﺴﻪ ﻋﻠﻴﻬﻦ ﺍﺯﺩﻳﺮﻱ ﻓﺮﻭ ﻣﻠﻮﻥ ﺍﺣﻤﺮ ﻭﺍﺳﻮﺩ ﺍﻳﻬﺒﻞ ﻭﻟﺴﺖ ﻭﻟﺒﺴﺖ ﻭﺷﺎﺡ ﺍﺳﻮﺩ ﻟﻴﻜﺮﺍ ﻭﻛﻨﺪﺭﻩ ﻭﻧﻀﺎﺭﺍﺕ ﺩﻳﻮﺭ ﻭﺳﺎﻋﺘﻬﺎ ﺍﻟﺮﻭﻟﻜﺲ ﻭﺣﻄﺖ ﻣﻴﻜﺐ ﺧﻔﻴﻒ ﺑﺲ ﻛﺎﻥ ﻣﻨﻀﺮﻫﺎ ﻓﻲ ﻗﻤﻪ ﺍﻻﻧﺎﻗﻪ ﻭﺍﻻﻧﻮﺛﻪ ﻛﻤﻠﺘﺨﺬﺕ ﺍﻟﺘﻠﻔﻮﻥ ﻭﺍﻟﺸﺤﻦ ﺣﻄﺘﻬﻦ ﻓﻲ ﺍﻟﺸﻨﻄﻪ ﻭﻧﺰﻟﺖ ﻟﻘﺖ ﻟﻔﻄﻮﺭ ﻭﺍﺗﻲ ﻓﻄﺮﺕ ﻫﻴﺎ ﻭﺻﻬﻴﺐ ﻭﻋﺪﺕ ﺻﺒﺤﺖ ﻋﻠﻲ ﺍﻟﺠﺪﻩ ﻋﺰﻳﺰﻩ ﻭﺍﻣﻬﺎ ﻭﺑﺎﺗﻬﺎ ﻭﻫﻴﺎ ﺗﻬﺪﺭﺯ ﺭﻥ ﻋﻠﻴﻬﺎ ﺧﺎﻟﺪ ﻭﻗﺎﻟﻠﻬﺎ
ﺧﺎﻟﺪ : ﻫﺎ ﻭﺍﺗﻴﻪ ﺍﻧﺎ ﻗﺎﻋﺪ ﻟﻮﻃﻪ
ﺭﻧﻴﻢ : ﺍﻫﺎ ﻭﺍﺗﻴﻪ ﻫﻴﺎ ﺍﻧﻲ ﻧﺎﺯﻟﻪ
ﺳﻜﺮﺕ ﺭﻧﻴﻢ ﻭﻧﺰﻟﺖ ﻭﺭﻛﺒﺖ ﺍﻟﺴﻴﺎﺭﻩ ﻭﺍﻧﻄﻠﻘﻮ ﻭﻫﻤﺎ ﻓﻲ ﺍﻟﻄﺮﻳﻖ
ﺧﺎﻟﺪ : ﻫﺎ ﺍﻟﻴﻮﻡ ﺍﻛﻮﻳﺴﻪ ﺳﻨﻚ
ﺭﻧﻴﻢ : ﺑﺎﻫﻲ ﻣﺎﺷﻲ ﺣﺎﻟﻬﺎ ﺍﻥ ﺷﺎﺀ ﺍﻟﻠﻪ ﺗﻄﻠﻊ ﻗﺼﺘﻬﺎ ﻣﺶ ﺧﻠﻊ ﺑﺲ
ﺧﺎﻟﺪ : ﻻ ﺍﻥ ﺷﺎﺀ ﺍﻟﻠﻪ ﻻ ﺗﻮ ﺍﻧﺒﻪ
ﻛﻤﻠﻮ ﺍﻟﻄﺮﻳﻖ ﻭﻫﻤﺎ ﻳﺤﻜﻮ ﻭﺭﻧﻴﻢ ﻣﺮﻩ ﻣﺮﻩ ﺗﺤﺲ ﺭﻧﻴﻢ ﺳﻨﻬﺎ ﺗﻮﺟﻊ ﻓﻴﻬﺎ ﻭﻫﻤﺎ ﻣﺎﺷﻴﻴﻦ ﺗﻜﺎ ﺧﺎﺩ ﻋﻠﻲ ﺩﻛﺎﻥ ﺟﺎﺏ ﺩﺧﺎﻥ ﻭﻛﻤﻠﻮ ﺍﻟﻄﺮﻳﻖ ﻟﻌﻨﺪ ﻭﺻﻠﻮ ﻟﻠﻌﻴﺎﺩﻩ ﻭﻭﻭ
~~~~
ﻋﻨﺪ ﻋﻤﺎﺩ
ﻋﻤﺎﺩ ﻃﻠﻊ ﺑﻲ ﻫﻠﻪ ﻟﻲ ﺍﻟﺴﻮﻕ ﻋﺸﺎﻥ ﻳﺸﺮﻭ ﺣﺠﺎﺕ ﺑﻜﺮﺍ ﻭﻫﻤﺎ ﻓﻲ ﺍﻟﻄﺮﻳﻖ :
ﻋﻤﺎﺩ : ﺍﻓﺒﻮﺱ ﻭﻣﻌﺎﻛﻦ ﺍﻧﺰﻟﻦ ﺍﺷﺮﻥ ﻛﻞ ﺣﺠﺎ ﺗﺒﻨﻬﺎ ﻭﻟﻤﺎ ﺗﻜﻤﻠﻮ ﺭﻧﻮ ﻋﻠﻴﺎ ﻧﺠﻲ ﻧﺎﺧﺬﻛﻢ ﻣﺎﺷﻲ
ﺍﻡ ﻋﻤﺎﺩ : ﻛﻴﻒ ﺍﻧﺰﻝ ﻣﻌﺎﻧﺎ ﺑﻴﺶ ﺗﺸﻮﻑ ﺷﻦ ﺑﻨﺸﻴﻠﻮ
ﺍﺧﺖ ﻋﻤﺎﺩ : ﺭﺍﻫﻮ ﺿﺮﻭﺭﻱ ﺗﻨﺰﻝ ﻣﻌﺎﻧﺎ
ﻋﻤﺎﺩ : ﻣﺎ ﻧﺒﺶ ﻧﻨﺰﻝ ﺍﻧﺘﻦ ﺍﺩﺭﻱ ﺍﻧﺰﻟﻮ ﻫﻴﺎ
ﺍﻡ ﻋﻤﺎﺩ ﻣﺎ ﺣﺒﺘﺶ ﺗﻜﺜﺮ ﻋﻠﻴﻪ ﻭﻗﺎﻟﺖ : ﻫﻴﺎ ﻳﺎ ﺑﻨﺎﺕ ﺍﻧﺰﻟﻦ ﺗﻤﺎﻡ ﻳﺎ ﻋﻤﺎﺩ ﺑﺮﺍﺣﺘﻚ
ﻧﺰﻟﻦ ﻭﻫﻮﺍ ﻋﺪﺍ ﻗﻌﺪ ﻓﻲ ﻣﻔﻲ ﻗﺮﻳﺐ ﻣﻦ ﺍﻟﻤﺤﻼﺕ ﺍﻟﻲ ﻫﻨﺎ ﻓﻴﻬﻦ
~~~~
ﻋﻨﺪ ﻫﻴﺜﻢ
ﻫﻴﺜﻢ ﻧﺎﺽ ﻟﻘﺎ ﺍﺧﺘﻪ ﺩﺍﺭﻳﻦ ﻣﻮﺗﻴﺘﻠﻪ ﻟﺒﺴﻪ ﻭﻣﺤﺪﺩﻩ ﻟﺒﺴﻬﺎ ﻭﻃﻠﻊ ﺑﺪﺭﻱ ﺍﻟﻴﻮﻡ ﻏﻴﺮ ﺑﺎﻗﻲ ﺍﻻﻳﺎﻡ ﻋﺸﺎﻥ ﻳﺴﺒﻖ ﺍﻟﺪﻛﺎﺗﺮﻩ ﻻﻥ ﻋﺎﺭﻑ ﺍﻥ ﺍﺣﻤﺪ ﻭﺧﺎﻟﺪ
ﺣﺎ ﻳﺠﻮ ﺍﻟﻴﻮﻡ ﻳﻘﻌﺪﻭ ﻋﻨﺪﺍ ﺍﺷﻮﻳﺎ ﻭﺻﻞ ﻭﻓﺘﺢ ﺍﻟﻌﻴﺎﺩﻩ ﻭﻃﻠﺐ ﺍﻟﻘﻬﻮﻱ ﻭﻗﻤﻌﺰ ﻳﺮﺗﺐ ﻓﻲ ﺍﻟﻤﻜﺘﺐ ﻭﺑﻌﺪ ﺣﻮﺍﻟﻲ ﻧﺺ ﺳﺎﻋﻪ ﺑﺪﻭ ﺍﻟﺪﻛﺎﺗﺮﻩ ﻳﻮﺻﻠﻮ ﺍﻟﻌﻴﺎﺩﻩ
~ ﻛﺎﻧﺖ ﻣﺨﺼﺼﻪ ﺑﻲ ﻛﻞ ﺷﻲ ﻛﺸﻒ ﻭﺟﺮﺍﺣﻪ ﻣﻦ ﺟﻤﻴﻊ ﺍﻻﻗﺴﺎﻡ ﻭﻣﺠﻬﺰﻩ ﺑﻜﻞ ﺍﻻﺟﻬﺰﻩ ﺍﻟﺤﺪﻳﺜﻪ ﻭﻛﻞ ﻗﺴﻤﻴﻦ ﻓﻲ ﺩﻭﺭ ﻣﻌﻴﻦ ﻫﺎﺫﺍ ﻏﻴﺮ ﺍﻟﻜﻔﺘﻴﺮﻳﺎ ﺍﻟﻤﺠﻬﺰﻩ ﺑﻜﻞ ﺷﻲ ﻭﺻﻴﺪﻟﻴﻪ ﺻﻐﻴﺮﻩ ﻣﺠﻬﺰﻩ ﺑﻲ ﺍﺩﻭﻳﻪ ﺧﺎﺻﻪ ﺑﻜﻞ ﺍﻣﺮﺍﺽ ﺍﻟﺠﺮﺍﺣﻪ ~
ﻭﻣﺎﻥ ﻓﻲ ﻣﺼﻌﺪ ﻳﻌﻨﻲ ﺷﺒﻪ ﻣﺴﺘﺸﻔﻲ
ﻫﻴﺜﻢ ﻧﺰﻝ ﺩﺍﺭ ﺑﺮﻣﺎ ﻋﻠﻲ ﺍﻻﻃﺒﺎﺀ ﻭﺍﻟﻤﻤﺮﺿﻴﻦ ﻭﻣﻦ ﺟﺎ ﻭﻣﻦ ﻣﺎ ﺟﺶ ﻭﺗﻜﺎ ﺟﺎﺏ ﻋﺼﻴﺮ ﻭﻣﻴﻪ ﻭﺷﻜﻼﻃﻪ ﻣﻦ ﺍﻟﻜﻔﺘﻴﺮﻳﺎ ﻋﺸﺎﻥ ﺍﻟﻀﻴﺎﻓﻪ ﻭﺭﻛﺐ ﻟﻠﻤﻜﺘﺐ ﻭﻗﻌﺪ ﻳﺤﺖ ﻓﻲ ﺍﻟﺴﺎﻋﻪ ﻟﺤﺪ ﺍﻟﺒﺎﺏ ﺩﻕ
ﻫﻴﺜﻢ : ﺗﻔﻀﻞ
ﺧﺸﺖ ﺍﻟﺴﻜﺮﺗﻴﺮﻩ ﻭﻗﺎﻟﺖ : ﻫﺬﻳﻦ ﺍﻻﻭﺭﺍﻕ ﺍﻟﻲ ﻃﻠﺒﺖ ﺍﺗﻮﻗﻌﻬﻦ
ﻫﻴﺜﻢ : ﺷﻜﺮﺍ ﻭﺍﺳﻤﻌﻲ ﺧﻮﻳﺎ ﺍﺣﻤﺪ ﻭﻣﻌﺎﻩ ﻭﺍﺣﺪ ﺣﺎ ﻳﺠﻮﻧﻲ ﺍﻟﻴﻮﻡ ﺍﻭﻝ ﻣﺎ ﻳﻮﺻﻠﻮ ﻋﻄﻴﻨﻲ ﺍﻟﻌﻠﻢ ﺑﺲ
ﺍﻟﺴﻜﺮﺗﻴﺮﻩ : ﺣﺎﺿﺮ ﺩﻛﺘﻮﺭ ﻭﻃﻠﻌﺖ
~~~
ﺍﺣﻤﺪ ﻧﺎﺽ ﻣﺘﺎﺧﺮ ﺷﻮﻱ ﻟﺒﺲ ﺑﺴﺮﻋﻪ ﺩﺑﺸﺎ ﻭﻃﻠﻊ ﺭﻥ ﻋﻠﻲ ﺧﺎﻟﺪ
ﺍﺣﻤﺪ ﻳﺘﺼﻞ ﺣﻞ ﻋﻠﻴﻪ ﺧﺎﻟﺪ
ﺧﺎﻟﺪ : ﺍﻟﻮ ﻭﻳﻨﻚ ﻳﺎﺭﺟﻞ ﺍﻧﺎ ﻗﺪﺍﻡ ﺍﻟﻌﻴﺎﺩﻩ ﺭﺍﻫﻮ ﻧﺮﺟﺎ ﻓﻴﻚ ﻭﻋﻨﺪﻱ ﺍﺧﺘﻲ ﺑﻨﺤﺠﺰ ﻋﻨﺪ ﺩﻛﺘﻮﺭ ﺍﺳﻨﺎﻥ ﻋﻠﻤﺎ ﻫﺪﺭﺯﻧﺎ ﺗﻜﻮﻥ ﻛﻤﻠﺖ
ﺍﺣﻤﺪ : ﺍﻫﺎ ﺳﻼﻣﺘﻬﺎ ﺍﻥ ﺷﺎﺀ ﺍﻟﻠﻪ ﺍﻧﺰﻝ ﻭﻗﻮﻝ ﺍﻟﺪﻛﺘﻮﺭ ﻭﻟﻴﺪ ﻭﻳﻦ ﺭﺍﻫﻮ ﺷﺎﻃﺮ ﺑﻜﻞ ﻭﺗﻮ ﻧﻮﺻﻮ ﻫﻴﺜﻢ ﻋﻠﻴﻬﺎ
ﺧﺎﻟﺪ : ﺧﻼﺹ ﺗﻢ ﻳﺎ ﺍﺣﻤﺪ ﻫﻴﺎ ﺳﻼﻡ
ﺳﻜﺮ ﺍﺣﻤﺪ ﻣﻦ ﺧﺎﻟﺪ ﻭﻟﺤﻘﻪ ﻟﻠﻌﻴﺎﺩﻩ ﺑﺲ ﻛﺎﻧﺖ ﻗﺮﻳﺒﻪ ﻣﻨﻬﻢ ﻋﺸﺎﻥ ﻫﻜﻲ ﺣﺎ ﻳﻮﺻﻞ ﺑﺴﺮﻋﻪ
~~~
ﻋﻨﺪ ﻋﻤﺎﺩ
ﺭﻧﻮ ﻋﻠﻴﻪ ﻫﻠﻪ ﻭﺧﺬﺍﻫﻢ ﻟﻠﺤﻼﻭﺍﻧﻲ ﻭﻣﺘﺎﻉ ﺍﻟﺘﻐﻠﻴﻒ ﺣﻄﻮ ﻋﻨﺪﺍ ﺍﻟﻬﺪﻳﻪ ﺍﻟﻲ ﺗﺒﻲ ﺗﻐﻠﻴﻒ ﻭﺭﻭﺡ ﺑﻴﻬﻢ ﻟﻠﺤﻮﺵ ﺍﻣﺎ ﻫﻮﺍ ﻛﺎﻥ ﻋﺎﺩﻱ ﻻﻫﻮ ﻓﺮﺣﺎﻥ ﻭﻻﻫﻮ ﺯﻋﻼﻥ ﺣﺲ ﺍﻥ ﻫﻀﺎ ﻧﺼﻴﺒﺎ ﻭﺍﻥ ﺍﻟﻴﺎﺱ ﺗﻤﻠﻚ ﻗﻠﺒﻪ ﻭﺍﻥ ﻫﻀﺎ ﻫﻮﺍ ﻗﺪﺭﻩ ﻭﻟﺰﻡ ﻣﺎ ﻳﺮﺿﺎ ﺑﻴﻪ
~~~
ﻋﻨﺪ ﺭﻧﻴﻢ ﻭﺧﺎﻟﺪ
ﺧﺎﻟﺪ ﺳﻜﺮ ﺍﻟﻤﻜﺎﻟﻤﻪ ﻣﻦ ﻭﻗﺎﻝ ﻟﻲ ﺭﻧﻴﻢ
ﺧﺎﻟﺪ : ﻫﻴﺎﺍﻧﺰﻟﻲ ﺧﻠﻴﻨﺎ ﻧﺤﺠﺰﻭﻟﻚ
ﺭﻧﻴﻢ : ﻫﻴﺎ ﻫﻲ
ﻧﺰﻟﻮ ﻟﻼﺳﺘﻘﺒﺎﻝ ﻟﻘﻮ ﻣﻔﺶ ﺣﺪ ﻗﻌﺪﻭ ﻳﺮﺍﺟﻮ ﻧﻴﻦ ﺟﺖ ﺍﻟﺒﻨﺖ
ﻣﺘﺎﻉ ﺍﻻﺳﺘﻘﺒﺎﻝ : ﺗﻔﻀﻠﻮ ﺍﻧﺴﺘﻮ
~~~
ﺧﺎﻟﺪ : ﺍﻟﺪﻛﺘﻮﺭ ﻫﻴﺜﻢ ﻣﻮﺟﻮﺩ
ﻣﺘﺎﻉ ﺍﻻﺳﺘﻘﺒﺎﻝ : ﺍﻫﺎ ﻣﻮﺟﻮﺩ ﻗﺎﻋﺪ ﻓﻲ ﺍﻟﻤﻜﺘﺐ
ﺧﺎﻟﺪ : ﺗﻤﺎﻡ ﺍﺷﻮﻳﻪ ﻭﻧﺒﻲ ﻧﺨﺸﻠﻪ ﻭﺍﻟﺪﻛﺘﻮﺭ ﻭﻟﻴﺪ ﺣﺘﺎ ﻫﻮﺍ ﻣﻮﺟﻮﺩ
ﻣﺘﺎﻉ ﺍﻻﺳﺘﻘﺒﺎﻝ : ﺍﻫﺎ ﻣﻮﺟﻮﺩ ﺣﺘﺎ ﻫﻮﺍ
ﺧﺎﻟﺪ : ﻧﺒﻲ ﻧﺎﺧﺬ ﻣﻮﻋﺪ ﻟﻲ ﺍﺧﺘﻲ ﺗﺒﻲ ﺗﻜﺸﻒ ﻋﻠﻲ ﺳﻨﻮﻧﻬﺎ ﻭﻛﺎﻥ ﻣﻌﻨﺪﺍ ﺣﺪ ﻧﺒﻮﻩ ﺗﻮﺍ ﻣﻌﻠﺶ
ﻣﺘﺎﻉ ﺍﻻﺳﺘﻘﺒﺎﻝ : ﺷﻦ ﺍﺳﻤﻚ ﻭﻛﻢ ﻋﻤﺮﻙ
ﺭﻧﻴﻢ : ﺭﻧﻴﻢ ﺍﻝ ... ﻭﻋﻤﺮﻱ 24 ﺳﻨﻪ
ﻣﺘﺎﻉ ﺍﻻﺳﺘﻘﺒﺎﻝ : ﺗﻤﺎﻡ ﻣﻤﻜﻦ ﺗﺴﺘﻨﻮ ﻫﻨﺎ ﻭﺷﻴﺮﺕ ﻋﻠﻲ ﺍﻟﻤﻘﺎﻋﺪ ﻭﻛﻤﻠﺖ ﻛﻼﻣﻬﺎ ﻧﻴﻦ ﻧﻘﻮﻟﻚ ﺗﻔﻀﻠﻲ
ﺭﻧﻴﻢ ﻭﺧﺎﻟﺪ : ﺗﻤﺎﻡ ﺷﻜﺮﺍ
ﻋﺪﻭ ﻗﻤﻌﺰﻭ ﻭﻗﻌﺪﻭ ﻳﺮﺟﻮ ﻭﺭﻧﻴﻢ ﻗﻌﺪﺕ ﺍﺗﺒﺤﺖ ﻓﻲ ﺍﻟﻌﻴﺎﺩﻩ ﻭﻛﻴﻒ ﻛﺎﻧﺖ ﺍﻟﻨﻀﺎﻓﻪ ﻭﺍﻟﺮﻳﺤﻪ ﺍﻟﺤﻠﻮﻩ ﺗﺠﺬﺏ
~~~
( ﺍﻟﺪﻛﺘﻮﺭ ﻭﻟﻴﺪ ﺍﺣﻠﻴﻮﻩ ﻭﻃﻮﻳﻞ ﻧﻘﺸﻪ ﻋﻠﻲ ﺍﻻﻛﺤﻞ ﻭﺍﺳﻠﻮﺑﻪ ﻭﺍﻟﺴﺎﻧﻪ ﺣﻠﻮ ﻣﻌﺎ ﺍﻟﺒﻨﺎﺕ ﻭﺧﺎﺻﻪ ﻟﻤﺎ ﺗﻘﻌﺪ ﺍﻟﺒﻨﺖ ﺳﻤﺤﻪ ﻳﺘﻌﺐ ﻣﻌﺎﻫﻦ ﻣﺎ ﻋﻨﺪﺵ ﺭﻭﺡ ﺍﻳﺤﺐ ﺍﻟﺠﻤﺎﻝ )
ﺩﻗﺖ ﻣﺘﺎﻉ ﺍﻻﺳﺘﻘﺒﺎﻝ ﻋﻠﻲ ﺍﻟﺒﺎﺏ ﺩﻕ ﺩﻕ
ﺍﻟﺪﻛﺘﻮﺭ ﻭﻟﻴﺪ ﻣﻘﻤﻌﺰ ﻋﻠﻲ ﺍﻟﻤﻜﺘﺐ : ﺗﻔﻀﻞ
ﻣﺘﺎﻉ ﺍﻻﺳﺘﻘﺒﺎﻝ : ﺍﺳﻔﻪ ﻋﻠﻲ ﺍﻻﺯﻋﺎﺝ ﻳﺎ ﺩﻛﺘﻮﺭ ﺑﺲ ﻓﻲ ﺣﺎﻟﻪ ﺗﺮﺟﺎ ﺑﺮﺍ ﺍﻧﺪﺧﻠﻬﺎ ﻭﻫﻀﺎ ﺍﺳﻤﻬﺎ ﻭﻋﻤﺮﻫﺎ ﻭﺷﻜﻠﻬﺎ ﻣﺴﺘﻌﺠﻠﻪ
ﻭﻟﻴﺪ : ﺭﻧﻴﻢ ﻋﻤﺮﻫﺎ 24 ﺗﻤﺎﻡ ﺩﺧﻠﻴﻬﺎ
ﻭﻟﻴﺪ ﻓﻲ ﻋﻘﻠﻪ : ﺍﻥ ﺷﺎﺀ ﺍﻟﻠﻪ ﺗﻄﻠﻊ ﺳﻤﺤﻪ ﺑﺲ . ﺑﻌﺪﻫﺎ ﻗﺎﻟﻠﻬﺎ
ﺍﻟﺪﻛﺘﻮﺭ ﻭﻟﻴﺪ : ﺗﻤﺎﻡ ﺩﺧﻠﻴﻬﺎ
ﻣﺘﺎﻉ ﺍﻻﺳﺘﻘﺒﺎﻝ : ﺣﺎﺿﺮ ﻳﺎ ﺩﻛﺘﻮﺭ ﻭﻃﻠﻌﺖ ﻭﺻﻜﺮﺕ ﺍﻟﺒﺎﺏ
~~~
ﻋﻨﺪ ﺭﻧﻴﻢ ﻭﺧﺎﻟﺪ
ﺭﻧﻴﻢ ﻭﻫﻴﺎ ﺗﺮﺟﺎ ﻣﻌﺎ ﺧﺎﻟﺪ ﺟﺖ ﻣﺘﺎﻉ ﺍﻻﺳﺘﻘﺒﺎﻝ ﺻﺒﺖ ﻗﺪﺍﻣﻬﺎ
ﻣﺘﺎﻉ ﺍﻻﺳﺘﻘﺒﺎﻝ : ﺗﻔﻀﻠﻲ ﻳﺴﺘﻨﺎ ﻓﻴﻚ ﺍﻟﺪﻛﺘﻮﺭ
ﺧﺎﻟﺪ : ﺗﻤﺎﻡ ﺍﻧﺘﻲ ﺧﺸﻲ ﻭﺍﻧﺎ ﻧﺒﻲ ﻧﺮﺟﺎ ﺍﺣﻤﺪ ﺑﻴﺶ ﻧﺎﺧﺬ ﺍﻭﺭﺍﻕ ﻣﻦ ﻫﻴﺜﻢ ﻣﺎﺷﻲ
ﺭﻧﻴﻢ : ﺗﻤﺎﻡ ﺑﺲ ﺧﺎﻳﻔﻪ ﻭﻣﺘﻮﺗﺮﻩ ﻣﻨﺤﺒﺶ ﺍﻟﺠﻮ ﻫﻀﺎ
ﺧﺎﻟﺪ ﺣﻂ ﻳﺪﻩ ﻋﻠﻲ ﻛﺘﻔﻬﺎ ﻭﻗﺎﻝ : ﺧﻼﺹ ﻋﺎﺩ ﻣﻨﻄﺶ ﺻﻐﻴﺮﻩ ﻋﻠﻴﺶ ﺍﻟﺨﻮﻑ ﺧﺸﻲ ﻭﻣﺘﺨﺎﻓﺶ
***
ﻫﻨﺎ ﺍﺣﻤﺪ ﻭﺻﻞ
ﺍﺣﻤﺪ : ﺍﺀﺀ ﺍﻟﺴﻼﻡ ﻋﻠﻴﻜﻢ
ﺧﺎﻟﺪ : ﻭﻋﻠﻴﻜﻢ ﺍﻟﺴﻼﻡ ﻧﺴﻴﺖ ﺍﻣﺲ ﻧﺒﻲ ﻧﻘﻮﻟﻚ ﺟﺎﻳﺐ ﻫﻠﻲ ﻫﻨﺎ ﻟﻜﻦ ﻭﻟﻠﻪ ﻋﻠﻤﺖ ﺑﻴﻬﺎ ﻣﺘﺎﺧﺮ
ﺍﺣﻤﺪ : ﻋﺎﺩﻱ ﻣﻔﺶ ﻣﺸﻜﻠﻪ ﺷﻦ ﺻﺎﺭ ﻣﻌﺎﻙ ﺩﺭﺕ ﺯﻱ ﻣﺎ ﻗﻠﺘﻠﻚ
ﺧﺎﻟﺪ : ﺍﻫﺎ ﺗﻮﺍ ﺣﺠﺰﺕ ﻭﺑﺘﺨﺶ ﻋﻠﻲ ﺍﻟﺪﻛﺘﻮﺭ ﻭﻟﻴﺪ
ﺧﺎﻟﺪ ﺑﺮﻡ ﻋﻠﻲ ﺭﻧﻴﻢ ﻭﻗﺎﻝ : ﺧﻼﺹ ﺧﺸﻲ ﺍﻧﺘﻲ ﻋﻠﻲ ﺍﻟﺪﻛﺘﻮﺭ ﻭﻟﻴﺪ ﻭﻟﻤﺎ ﺍﺗﻜﻤﻠﻲ ﺭﻧﻲ ﻋﻠﻴﺎ ﺍﻧﺎ ﻗﺎﻋﺪ ﻓﻮﻕ
ﺭﻧﻴﻢ : ﺣﺎﺿﺮ ﺗﻤﺎﻡ ﻭﻣﺸﺖ ﻟﺪﻛﺘﻮﺭ
ﻭﻫﻴﺎ ﻣﺎﺷﻴﺎ ﻗﻌﺪﺕ ﺗﻘﻮﻝ ﻓﻲ ﻋﻘﻠﻬﺎ ﺍﺣﻤﺪ ﻫﻀﺎ ﻋﻠﻴﻚ ﺍﻟﺴﻤﺢ ﻃﺮﻑ ﻟﻜﻦ ﺍﻟﺪﺑﻠﻪ ﺗﺸﻜﻊ ﺷﻜﻼ ﺧﺎﻃﺐ ﺍﺯﻋﻤﺎ ﻫﻴﺜﻢ ﻫﻀﺎ ﺷﻦ ﺷﻜﻠﻪ ﺍﻟﻠﻪ ﺍﻋﻠﻢ ﻋﻨﺪﻱ ﻓﻀﻮﻝ ﻧﺸﻮﻓﻪ ﻭﺳﺎﺭﺣﺎ ﻭﻋﻘﻠﻬﺎ ﻳﻤﺸﻲ ﻭﻳﺠﻴﺐ ﻓﻲ ﺍﻓﻜﺎﺭ ﻋﻦ ﻫﻴﺜﻢ ﻭﺷﻜﻼ ﺑﺲ ﻓﻄﻨﺖ ﻟﻤﺎ ﻗﺎﻟﺖ
ﻣﺘﺎﻉ ﺍﻻﺳﺘﻘﺒﺎﻝ : ﺗﻔﻀﻠﻲ ﻳﺎ ﺍﻧﺴﻪ
ﺧﺸﺖ ﺭﻧﻴﻢ ﺑﻲ ﻟﺒﺴﺘﻬﺎ ﻭﻧﻀﺎﺭﺍﺕ ﺍﻟﻲ ﻳﻠﻤﻌﻦ ﻭﺑﺠﺎﺫﺑﻴﺘﻬﺎ ﺍﻟﻲ ﺗﺴﺤﺮ ﺍﻟﻘﻠﻮﺏ ﻭﺍﻟﻬﻴﺒﻪ
ﺭﻧﻴﻢ ﺣﻮﻟﺖ ﺍﻟﻨﻀﺎﺭﺍﺕ : ﺍﻟﺴﻼﻡ ﻋﻠﻴﻜﻢ
ﺍﻟﺪﻛﺘﻮﺭ ﻭﻟﻴﺪ ﻛﺎﻧﺖ ﻋﻴﻨﻪ ﻣﺸﻐﻮﻟﻪ ﻓﻲ ﻣﻠﻒ ﺑﺲ ﺳﻤﻊ ﻛﻠﻤﻪ ﺍﻟﺴﻼﻡ ﻋﻠﻴﻜﻢ ﺭﻓﻊ ﺭﺍﺳﻪ ﻭﻭﻭﻭ
~~~~
ﻋﻨﺪ ﻫﻴﺜﻢ
ﺍﻟﻜﺮﺗﻴﺮﻩ ﺍﻟﺨﺎﺻﻪ ﺑﻲ ﻫﻴﺜﻢ : ﺩﻛﺘﻮﺭ ﻫﻴﺜﻢ ﺍﻻﺳﺘﺎﺫ ﺍﺣﻤﺪ ﻭﺍﺣﺪ ﻣﻌﺎﻩ ﻭﺻﻠﻮ ﺗﻮﺍ
ﻫﻴﺜﻢ : ﺗﻤﺎﻡ ﻣﺎﺷﻲ
ﻫﻴﺜﻢ ﺧﺬﺍ ﺍﻟﻤﻠﻒ ﻭﻃﻠﻊ ﻭﻫﻮﺍ ﻣﺎﺷﻲ ﻳﺴﻤﻊ ﻓﻲ ﺻﻮﺕ ﺟﺎﻱ ﺗﻼﻗﻮ ﻗﺪﺍﻡ ﺑﺎﺏ ﺍﻟﻤﺼﻌﺪ
ﻫﻴﺜﻢ ﻋﺪﺍ ﺍﺿﺒﻂ ﺧﺎﻟﺪ : ﺍﻫﻠﻴﻦ ﺷﻦ ﺍﻟﺠﻮ ﻛﻴﻒ ﺣﺎﻟﻚ ﻋﺎﺵ ﻣﻦ ﺷﺎﻓﻚ ﻳﺎﺭﺍﺟﻞ ﻣﻌﻘﻮﻟﻪ ﻣﻌﺶ ﺷﻔﻨﺎﻙ
ﺧﺎﻟﺪ : ﻫﻬﻬﻬﻪ ﻭﻟﻠﻪ ﺷﻦ ﻧﻘﻮﻟﻚ ﺍﻟﻮﺍﺣﺪ ﺑﻌﺪ ﻳﺠﻮﺯ ﻣﻌﺶ ﻳﻔﻀﺎ ﻟﻲ ﺷﻲ ﺣﺘﺎ ﺍﻧﺘﺎ ﺳﺎﻓﺮﺕ ﻭﻗﺮﻳﺖ ﺑﺮﺍ ﻭﻟﻠﻪ ﻟﻚ ﻭﺣﺸﻪ ﺑﻜﻞ
ﻫﻴﺜﻢ : ﺗﻔﻀﻠﻮ ﺗﻔﻀﻠﻮ ﺍﻧﺴﺘﻮ
ﺧﺎﻟﺪ : ﺗﺴﻠﻢ
ﺧﺸﻮ ﺍﻟﺸﺒﺎﺏ ﺍﻟﺜﻼﺛﻪ ﻟﻠﻤﻜﺘﺐ
ﻫﻴﺜﻢ : ﺷﻦ ﺗﺸﺮﺑﻮ ﻳﺎ ﺷﺒﺎﺏ
ﺧﺎﻟﺪ : ﻻ ﻋﻠﻴﺶ ﻣﺘﻌﺐ ﺭﻭﺣﻚ ﻣﺎ ﻧﺒﻲ ﺷﻲ
ﺍﺣﻤﺪ : ﺍﻧﺎ ﻗﻬﻮﺗﻲ ﻧﻀﺖ ﻭﻣﺎ ﺷﺮﺑﺘﺶ ﺷﻲ
ﻫﻴﺜﻢ : ﻻ ﻛﻴﻒ ﻟﺰﻡ ﺗﺸﺮﺏ ﺗﻮ ﻧﻄﻠﺐ ﺛﻼﺛﻪ ﻗﻬﻮﻱ
ﻃﻠﺐ ﻫﻴﺜﻢ ﺛﻼﺛﻪ ﻗﻬﻮﻱ ﻭﺑﻌﺪ ﻭﺻﻠﺖ
ﺧﺎﻟﺪ : ﺍﻧﺎ ﺟﺒﺖ ﺣﺘﺎ ﺍﺧﺘﻲ ﻗﺎﻋﺪﻩ ﻟﻮﻃﻪ ﺍﺳﻨﻮﻥ ﻭﺟﻌﻨﻬﺎ ﻭﺧﻮﻙ ﺍﺣﻤﺪ ﺷﻜﺮﻟﻲ ﺍﻟﺪﻛﺘﻮ ﻭﻟﻴﺪ ﻭﺧﺸﺸﺘﻬﺎ ﻟﻪ ﺗﻮﺍ
ﻫﻴﺜﻢ : ﺍﺀ ﺍﻫﺎ ﺻﺎﺡ ﺍﻟﺪﻛﺘﻮﺭ ﻭﻟﻴﺪ ﻛﻮﻳﺲ ﻫﻮﺍ ﻭﺍﻟﺪﻛﺘﻮﻟﻪ ﺣﻠﻴﻤﻪ ﺍﺣﺴﻦ ﺩﻛﺎﺗﺮﻩ ﺍﺳﻨﺎﻥ ﺍﺀ ﺍﻧﺘﻢ ﺍﺷﺮﺑﻮ ﻗﻬﻮﺗﻜﻢ ﻭﻫﺬﻳﻦ ﺍﻻﻭﺭﺍﻕ ﺍﻧﺎ ﻳﺎ ﺧﺎﻟﺪ ﻧﺎﺯﻝ ﻋﻨﺪﻱ ﻣﺮﺿﻪ ﻧﺒﻲ ﻧﺸﻮﻓﻬﻢ ﻭﺗﻮ ﻧﺒﺮﻡ ﻋﻠﻲ ﺍﺧﺘﻚ ﻭﻧﺸﻮﻓﻬﺎ ﺍﺫﺍ ﻛﺎﻥ ﻓﻲ ﺷﻲ ﻋﺸﺎﻥ ﺍﻧﻄﻤﻨﻚ ﺗﻤﺎﻡ
ﺧﺎﻟﺪ : ﻳﺎﺭﻳﺖ ﺍﺻﻼ ﺍﻭﻝ ﻣﺮﻩ ﺗﻜﺸﻒ ﻭﺧﺎﻳﻔﻪ
ﻫﻴﺜﻢ : ﻻ ﻛﻮﻥ ﻫﺎﻧﻲ ﺳﺎﻫﻠﻪ ﺳﺎﻫﻠﻪ ﺍﻥ ﺷﺎﺀ ﺍﻟﻠﻪ
ﻫﻴﺜﻢ ﻃﻠﻊ ﻭﺳﻴﺐ ﺧﺎﻟﺪ ﻭﺍﺣﻤﺪ ﻳﺤﻜﻮ ﻭﻧﺰﻝ ﺑﻲ ﺍﻻﺻﻨﺼﻴﺮ ﻣﺘﻮﺟﻪ ﻟﻲ ﻗﺴﻢ ﺍﻻﺳﻨﺎﻥ ﻫﻴﺜﻢ ﺑﺤﻜﻢ ﺍﻟﺪﻻﻟﻪ ﺍﻟﻲ ﻳﻴﻨﺎ ﻭﺑﻴﻦ ﻭﻟﻴﺪ ﻣﺘﻌﻮﺩ ﺍﻥ ﻫﻴﺜﻢ ﻳﺨﺶ ﻋﺎﺩﻱ ﺍﻣﺘﺎ ﻣﺎ ﻳﺒﻲ ﻭﺑﺪﻭﻥ ﺩﻕ ﻭﺭﺳﻤﻴﺎﺕ
ﻭﻫﻨﺎ ﻫﻴﺜﻢ ﻭﺻﻞ ﻭﺟﺎ ﺑﻴﻔﺘﺢ ﺍﻟﺒﺎﺏ ﻟﻘﺎ ﺍﻟﺒﺎﺏ ﻣﻔﺘﻮﺡ ﻭﻫﻮﺍ ﻓﺎﺗﺢ ﺍﻟﺒﺎﺏ ﻭﻗﻌﺪ ﻳﺴﻤﻊ ﻓﻲ ... ﻛﻼﻣﻬﻢ
~~~
ﻋﻨﺪ ﻋﻤﺎﺩ
ﻫﻞ ﻋﻤﺎﺩ ﻛﻤﻠﻮ ﻛﻞ ﺣﺎﺟﻪ ﻭﺭﻭﺡ ﺑﻴﻬﻢ ﻟﻲ ﺍﻟﺤﻮﺵ ﻭﻗﻤﻌﺰﻭ ﻭﺭﻭﻩ ﺷﻦ ﺷﺮﻭ
ﻋﻤﺎﺩ : ﻓﻲ ﺷﻲ ﻧﺎﻗﺺ ﻭﺍﻻ ﺧﻼﺹ
ﺍﺧﺖ ﻋﻤﺎﺩ : ﻣﺎ ﻓﻲ ﺷﻲ ﺍﻻ ﺍﻧﻚ ﺗﺠﻴﺐ ﺍﻟﻨﻮﻉ ﻣﺘﺎﻉ ﺍﻟﺤﻠﻮ ﺍﻟﻲ ﺣﺠﺰﻧﺎ ﻓﻴﻬﺎ ﻭﺗﺠﻴﺐ ﺍﻟﻬﺪﻳﻪ ﻣﻦ ﺍﻣﺘﺎﻉ ﺍﻟﺘﻐﻠﻴﻒ
ﻋﻤﺎﺩ : ﺑﺎﻩ ﺗﻤﺎﻡ ﺑﻜﺮﺍ ﺫﻛﺮﻭﻧﻲ ﻧﺠﻴﺒﻬﻦ
ﻭﻋﺪﺍ ﻟﺪﺍﺭ ﻭﻗﻌﺪ ﻣﻀﺎﻳﻖ ﻭﻳﻘﻮﻝ
ﻟﻴﺶ ﺍﻧﺎ ﻣﻨﻘﺪﺭﺵ ﻧﺎﺧﺬ ﺍﻟﺒﻨﺖ ﺍﻟﻲ ﻋﻴﻨﻲ ﻣﻨﻬﺎ ﺍﺥ ﺑﺲ ﻟﻮ ﻣﺎﻯﻜﺎﻧﺶ ﻫﻀﻚ ﺍﻟﺴﺒﺐ ﺭﺍﻫﻮ ﺍﻧﺘﻲ ﺍﻟﻲ ﻣﺎﺷﻲ ﻧﺒﻲ ﻧﻄﻠﺒﻚ ﺗﻮﺍ ﻭﺍﻋﺮﻩ ﻭﻟﻠﻪ ﻭﺍﻋﺮﻩ ﻭﺧﺒﻂ ﺍﻟﻜﺮﺳﻲ ﺑﻜﺮﺍﻋﻪ ﻳﺎ ﺭﺑﻲ ﺻﺒﺮﻧﻲ
~~~
ﺑﻨﺴﺒﻪ ﻟﻲ ﺣﻨﻴﻦ ﻛﺎﻧﺖ ﻣﺪﺍﻳﺮﻩ ﺣﻤﻠﻪ ﻋﻠﻲ ﺍﻟﺤﻮﺵ ﻭﻓﺮﺣﺎﻧﻪ ﺑﻄﻴﺮ ﺧﻼﺹ ﺣﺎ ﺗﻘﻌﺪ ﺧﻄﻴﺒﻪ ﻋﻤﺎﺩ ﺍﻟﻲ ﺣﺒﺎﺗﻪ ﺳﻨﻴﻦ ﻭﺗﻜﻮﻥ ﺣﻼﻟﻪ ﻭﺗﺠﻬﺰ ﻟﻲ ﻳﻮﻡ ﺑﻜﺮﺍ ﻣﻦ ﺍﻟﺼﺒﺢ
~~~
ﻋﻨﺪ ﺭﻧﻴﻢ
ﺍﻟﺪﻛﺘﻮﺭ ﻭﻟﻴﺪ : ﺍﺍﺍﺀﺍﻫﻠﻴﻦ ﺗﻔﻔﻀﻠﻲ
ﺭﻧﻴﻢ ﺍﺳﺘﻐﺮﺑﺖ ﻛﻨﺎ ﺍﻧﺴﻄﻞ ﻫﻜﻲ ﺍﻟﺮﺍﺟﻞ ﻭﻗﻌﺪ ﻳﻮﻛﻮﻙ
ﺭﻧﻴﻢ : ﺷﻜﺮﺍ ﺍﻧﺎ ﺍﺳﻤﻲ ﺭﻧﻴﻢ
ﻭﻟﻴﺪ ﻗﺮﻳﺐ ﺍﻧﻬﺒﻞ ﻋﻠﻲ ﺭﻧﻴﻢ ﻣﻌﺶ ﻋﺮﻑ ﻛﻴﻒ ﻳﺤﻜﻲ ﻭﻻ ﺷﻦ ﻳﻘﻮﻝ ﺍﻟﺸﻜﻞ ﺍﻟﺼﻮﺕ ﺍﻟﺒﺴﻪ ﺩﺍﺥ ﻓﻴﻬﺎ ﻭﻗﻌﺪﺕ ﺭﻧﻴﻢ ﺗﺮﺟﺎ ﻭﺍﺟﺪ ﺑﻜﻞ
ﺭﻧﻴﻢ : ﺩﻛﺘﻮﺭ ﺍﻧﺘﺎ ﻣﻌﺎﻳﺎ
ﺩﻛﺘﻮﺭ ﻭﻟﻴﺪ : ﺍﻫﺎ ﻣﻌﺎﻙ ﺷﻦ ﺟﻮﻙ ﺍﻧﺘﻲ
ﺭﻧﻴﻢ : ﺍﻟﺤﻤﺪ ﻟﻠﻪ ﺑﺨﻴﺮ
ﺩﻛﺘﻮﺭ ﻭﻟﻴﺪ : ﺍﻟﺠﻮ ﺣﻠﻮ ﺍﻟﻴﻮﻡ ﻣﻪ
ﺭﻧﻴﻢ : ﺍﻫﺎ ﺣﻠﻮ ﺑﻜﻞ
ﺩﻛﺘﻮﺭ ﻭﻟﻴﺪ : ﺗﻌﺎﻟﻲ ﻗﻤﻌﺰﻱ ﻋﻠﻲ ﺍﻟﻜﺮﺳﻲ ﻭﻣﺪﻱ ﺭﺟﻠﻴﻚ . ﻭﺯﺍﺩ ﻋﻠﻲ ﻛﻼﻣﻪ
ﺩﻛﺘﻮﺭ ﻭﻟﻴﺪ : ﺯﻳﻚ ﻫﻚ ﻳﺠﻨﻦ ﻭﻳﺴﺤﺮ ﻭﻗﻌﺪ ﻳﺒﺤﺖ ﺯﻳﻦ ﻧﻀﺮﺍﺕ ﺍﻋﺠﺎﺏ ﻭﺍﺿﺤﻪ
ﺭﻧﻴﻢ ﺗﺤﺸﻤﺖ ﻣﻨﺎ ﺑﻜﻞ ﺟﺖ ﺗﺒﻲ ﺗﺤﻜﻲ ﻭﻫﻨﺎ ﺍﻧﻔﺘﺢ ﺍﻟﺒﺎﺏ ﻭﺑﺮﻡ ﺍﻟﺪﻛﺘﻮﺭ ﻭﻫﻨﺎ ﺳﻤﻌﻮ ﺻﻮﺕ ﻭﺑﺮﻣﻮ
~~~
ﻫﻴﺜﻢ
ﻛﺎﻥ ﻣﺼﺒﻲ ﻭﻫﻤﺎ ﻛﺎﻧﻮ ﻳﺤﻄﻮ ﻣﺶ ﻓﺎﻃﻨﻴﻦ ﻫﻴﺎ ﻛﺎﻧﺖ ﻋﻠﻲ ﺍﻟﻜﺮﺳﻲ ﻭﻫﻮﺍ ﻛﺎﻥ ﻣﺮﻛﺰ ﻣﻌﺎﻫﺎ ﻭﻣﺶ ﻣﺮﻛﺰ ﻓﻲ ﺷﻲ ﺛﺎﻧﻲ
ﻫﻴﺜﻢ ﺗﻨﺮﻓﺰ ﻛﻴﻒ ﻳﺤﻜﻲ ﻣﻌﺎﻫﺎ ﻫﻜﻲ ﻭﻛﺎﻥ ﻓﻲ ﻭﺿﻊ ﺍﻟﻐﻠﻴﺎﻥ
ﻫﻴﺜﻢ : ﻣﺴﻚ ﻳﺪﻩ ﺑﻐﻀﺐ ﻭﻗﻌﺪ ﻗﺎﻧﻂ ﻭﻋﻴﻮﻧﺎﺍ ﻋﻠﻤﻦ ﻭﺍﻟﻐﻀﺐ ﻳﺸﺮ ﻣﻦ ﻋﻴﻮﻧﺎ ﻭﻳﻘﻮﻝ ﻓﻲ ﺑﺎﻟﻪ : ﻛﻴﻒ ﺗﺠﺮﺍﺀ ﻭﺗﺤﻜﻲ ﻣﻤﻌﺎﻫﺎ ﻫﻜﻲ ﻛﻴﻴﻴﻒ
ﻫﻴﺜﻢ : ﺑﻌﺼﺒﻴﻪ . ﻭﻟﻴﻴﻴﻴﻴﻴﻴﺪ
ﻭﻟﻴﺪ ﺑﺮﻡ ﻭﺑﺤﺖ ﻟﻘﺎ ﻫﻴﺜﻢ ﻣﺼﺒﻲ ﻭﺷﻜﻼ ﺭﺍﻗﻴﻠﻪ
ﻭﻟﻴﺪ : ﺍﺀﺀ ﻫﻴﺜﻢ ﻣﻦ ﺍﻣﺘﺎ ﻭﺍﻧﺘﺎ ﻫﻨﺎ
ﺭﻧﻴﻢ ﺻﺒﺖ ﻭﻗﻌﺪﺕ ﻣﻘﻤﻌﺰﻩ ﻭﺍﻭﻝ ﻣﺮﻩ ﺗﺠﻲ ﻋﻴﻦ ﺭﻧﻴﻢ ﻓﻲ ﻋﻴﻦ ﻫﻴﺜﻢ ﻫﻴﺜﻢ ﺑﺤﺖ ﻓﻴﻬﺎ ﺗﺒﺤﻴﺘﻪ ﻏﻀﺐ ﻭﻟﻮﻡ ﻭﻫﻮﺍ ﻣﺎﺯﺍﻝ ﺿﺎﻏﻂ ﻋﻠﻲ ﻳﺪﻩ
ﻫﻴﺜﻢ : ﻟﻮ ﺳﻤﺤﺘﻲ ﻣﻤﻜﻦ ﺗﺴﺘﻨﻲ ﺑﺮﺍ
ﺭﻧﻴﻢ : ﻋﻠﻴﺶ ﺍﻥ ﺷﺎﺀ ﺍﻟﻠﻪ ﻧﺴﺘﻨﺎ ﺍﻧﺎ ﻣﺰﺍﻝ ﻣﺎ ﺩﺭﺗﺶ ﺷﻲ
ﻫﻴﺜﻢ : ﺍﺳﺘﻨﻲ ﺑﺮﺍ ﻟﻮﻭﻭﻭ ﺳﻤﺤﺤﺤﺘﻲ ﻭﺧﻼ ﻳﺪﺍ ﻣﻮﺟﻬﺎ ﻟﻲ ﺍﻟﺒﺎﺏ
ﺭﻧﻴﻢ : ﺑﺎﻫﻲ ﺭﺍ ﻳﻄﺮﺑﻘﻠﻚ ﻋﺮﻕ ﺭﺑﻲ ﻳﺸﻔﻲ
ﻫﻴﺜﻢ : ﻓﻨﺺ ﻓﻴﻬﺎ ﺧﺎﻓﺖ ﻭﻃﻠﻌﺖ ﻭﺳﻜﺮ ﺍﻟﺒﺎﺏ
ﻫﻴﺜﻢ : ﺍﻧﺘﺎ ﻛﻴﻒ ﺗﺤﻜﻲ ﻣﻌﺎ ﺍﻟﻤﺮﻳﻀﻪ ﻫﻜﻲ ﻧﺰﻝ ﻋﻴﻨﻚ ﻭﺍﻧﺘﺎ ﺗﺤﻜﻲ ﻣﻌﺎﻫﺎ ﻭﺍﻟﻜﻼﻡ ﺍﻟﺰﺍﻳﺪ ﻓﻜﻨﻲ ﻣﻤﻨﺎ ﺍﻟﺘﺰﻡ ﺑﻲ ﺷﻐﻠﻚ ﻭﺑﺲ ﻓﺎﻫﻢ
ﻭﻟﻴﺪ : ﺍﻧﺘﺎ ﻛﻨﻚ ﻣﺎ ﻟﻜﺶ ﺍﻟﺤﻖ ﺗﺤﺎﺳﺒﻨﻲ ﻋﻠﻲ ﺷﻲ
ﻫﻴﺜﻢ : ﺍﻟﺒﻨﺖ ﺗﺨﺼﻨﻲ ﻭﺷﻮﺭﻱ ﻓﺎﻫﻢ ﻳﻌﻨﻲ ﻧﺰﻝ ﻋﻴﻨﻚ ﻣﻦ ﻋﻠﻴﻬﺎ ﻭﺍﻧﺘﺎ ﻛﻴﻒ ﺗﻌﺎﻛﺴﻬﺎ ﻫﻜﻲ ﺍﻩ ﻣﻔﺶ ﺍﺣﺘﺮﺍﻡ ﻟﻠﻤﺮﻳﺾ ﺑﻜﻞ ﻫﻀﺬﻱ ﻋﻴﺎﺩﻩ ﺷﻐﻞ ﻓﺎﻫﻢ ﻣﺶ ﺷﻮﻛﻪ ﺗﻌﺎﻛﺲ ﻛﻞ ﺑﻨﺖ ﻣﺨﻄﻤﻪ ﻓﻴﻬﺎ
ﻭﻟﻴﺪ ﻣﺼﺪﻭﻡ ﻭﻣﻌﺶ ﻋﺮﻑ ﻳﺤﻜﻲ ﺍﺳﺘﻐﺮﺏ ﻫﺬﻱ ﺍﻭﻝ ﻣﺮﻩ ﻫﻴﺜﻢ ﻳﺘﻌﺼﺐ ﻫﻜﻲ ﻭﻳﻌﻠﻲ ﺻﻮﺗﻪ ﻋﻠﻴﻪ ﻭﺍﻟﺴﺒﺐ ﺑﻨﺖ ﻳﻌﻨﻲ ﻏﺮﻳﺒﻪ
ﻭﻟﻴﺪ : ﺻﺎﺡ ﺑﺎﻫﻲ ﻳﺎ ﺭﺍﺟﻞ ﺍﺳﻔﻴﻦ ﻣﻜﻨﺘﺶ ﻧﻌﺮﻑ ﻋﻠﻴﺶ ﺭﺍﻗﻴﺘﻠﻪ
ﻫﻴﺜﻢ : ﻫﻀﺎ ﺍﺧﺮ ﺗﺤﺬﻳﺮ ﺍﻧﺘﺎ ﺑﺘﺨﺮﺏ ﺳﻤﻌﻪ ﺍﻟﻌﻴﺎﺩﻩ ﻫﻜﻴﻲ ﺍﺣﺘﺮﻡ ﺑﻨﺎﺕ ﺍﻟﻨﺎﺱ ﺍﺩﻳﺮ ﺳﻤﻌﻪ ﺍﻛﻮﻳﺴﻪ ﻫﺬﻱ ﺍﺧﺮ ﻣﺮﻩ ﻧﺤﺬﺭﻙ ﻓﻴﻬﺎ ﻭﻃﻠﻊ ﺑﺮﺍ
ﻭﻟﻴﺪ : ﺍﻧﺎ ﺑﺲ ﻛﻨﺖ ﻧﻄﻤﻤﻦ ﻓﻴﻬﺎ ﻋﺸﺎﻥ ﻛﺎﻧﺖ ﺧﺎﻳﻔﻪ
ﻫﻴﺜﻢ ﻃﻠﻊ ﻭﻣﺎ ﺍﻧﺘﺒﻬﺶ ﻟﻲ ﺍﺧﺮ ﺷﻲ ﻗﺎﻟﻪ ﻭﻟﻴﺪ ﻭﻗﻌﺪ ﻳﺪﻭﺭ ﻋﻠﻴﻬﺎ
ﻭﻟﻴﺪ : ﺣﺴﺒﻲ ﺍﻟﻠﻪ ﻭﺧﻼﺹ ﺻﺎﺣﺒﻲ ﻭﻣﻨﺤﺒﺶ ﻧﺰﻋﻠﻪ
~~~
ﻋﻨﺪ ﺭﻧﻴﻢ
ﻫﻀﺎ ﻣﻦ ﻭﺷﻦ ﻳﺤﺴﺎﺏ ﺭﻭﺣﻪ ﺍﻫﺎ ﺷﻦ ﻳﺤﺴﺎﺏ ﺭﻭﺣﺎﺍ ﻣﺶ ﻛﺎﻥ ﺻﺎﺟﺐ ﺍﻟﻌﻴﺎﺩﻩ ﻣﻌﻨﺎﻫﺎ ﺧﻼﺹ ﺣﺴﺒﻲ ﺍﻟﻠﻪ ﻭﺧﻼﺹ
ﻗﻌﺪﺕ ﻣﺎﺷﻴﺎ ﺟﺎﻳﺎ ﻣﻌﺶ ﻓﻬﻤﺖ ﻧﻴﻦ ﺳﻤﻌﺖ ﺍﻟﺒﺎﺏ ﺍﻧﻔﺘﺢ
~~~~
ﻋﻨﺪ ﺭﻧﻴﻢ ﻭﻫﻴﺜﻢ
ﻫﻴﺜﻢ ﻃﻠﻊ ﻣﻦ ﺩﺍﺩ ﺍﻟﺪﻛﺘﻮﺭ ﻭﻟﻴﺪ ﻃﻮﻝ ﻋﻨﺪ ﺭﻧﻴﻢ ﻭﻗﺎﻝ
ﻫﻴﺜﻢ : ﺍﻟﺤﻘﻴﻨﻲ
ﺭﻧﻴﻢ : ﻧﻌﻢ ﻧﻠﺤﻘﻚ ﻭﻳﻦ ﺍﻥ ﺷﺎﺀ ﺍﻟﻠﻪ
ﻫﻴﺜﻢ : ﻭﻟﻴﺪ ﻋﻨﺪﺍ ﺿﺮﻑ ﺣﺎ ﺗﺘﻜﻤﻠﻲ ﻣﻌﺎ ﺩﻛﺘﻮﺭﻩ ﺛﺎﻧﻴﻪ ﻭﺍﺣﺴﻦ ﻣﻨﺎ ﺍﺧﺮﺍ ﻭﻻ ﺗﺒﻲ ﺗﺮﻭﺣﻲ ﺑﺴﻨﻮﻧﻚ ﻭﻫﻨﺎ ﻳﻮﺟﻌﻦ ﻓﻴﻚ ﻭﻋﺪﺍ ﻭﻗﺎﻝ ﺍﻟﺤﻘﻴﻨﻲ ﻫﻴﺎ
ﺭﻧﻴﻢ : ﻳﺎﺭﺑﻲ ﻣﻦ ﻭﻳﻦ ﻃﻠﻌﺘﻲ ﺍﻧﺘﺎ ﺑﺲ
ﻫﻴﺜﻢ : ﻣﻦ ﺑﺮﺍﺩ ﺍﻟﺸﺎﻫﻲ ﻃﻠﻌﺖ ﻫﻴﺎ ﺍﻟﺤﻘﻴﻨﻲ
ﺭﻧﻴﻢ : ﻫﻪ ﻫﻪ ﻣﻨﻜﺶ ﺣﺎﻧﻂ ﺭﺍ ﺍﻳﻴﻴﻲ ﻭﻣﺴﻜﺖ ﻓﻤﻬﺎ
ﻫﻴﺜﻢ : ﻛﻨﻚ ﻭﻗﺮﺏ ﺍﺷﻮﻱ
ﺭﻧﻴﻢ : ﺑﺼﺮﺍﺣﻪ ﺍﻻﻟﻢ ﻗﻮﻳﻴﻴﻲ ﺑﻜﻞ ﻭﺍﻧﺘﺎ ﺷﻦ ﺩﺧﻠﻚ ﺑﻴﺎ ﻧﺘﺎﻟﻢ ﻭﻻ ﻧﻨﺤﺮﻕ
ﻫﻴﺜﻢ : ﺑﺎﻫﻲ ﺑﻼ ﺩﺭﺍﻩ ﻛﺒﺪ ﺯﺍﻳﺪ ﺳﻤﻄﻴﻬﺎ ﺭﺍﻩ ﻫﻴﺎ ﺗﻌﺎﻟﻲ ﻭﺭﺍﻳﺎ ﺗﻮ ﻧﺸﻮﻓﻮ ﻗﺼﻪ ﺍﻟﺴﻨﻮﻥ ﻫﺬﻳﻨﺎ
ﻋﺪﺕ ﻫﻴﺎ ﻭﻳﺎﻩ ﻓﻲ ﺍﻟﻤﺼﻌﺪ ﻭﺍﻟﺴﻜﻮﺕ ﻋﻢ ﺍﻻﺟﻮﺍﺀ ﻛﻞ ﻭﺍﺣﺪ ﺭﺍﻗﻴﻠﻪ ﻣﻦ ﺍﻻﺧﺮ
~~~~~
ﻫﻴﺜﻢ ﻳﺤﻜﻲ
ﻭﺍﻭ ﻋﻠﻴﻚ ﺍﻟﺴﺎﻥ ﻋﻨﺪﻫﺎ ﺷﻦ ﻫﻀﺎ ﺑﻜﻞ ﻣﺘﺤﺸﻤﺶ ﻭﻻ ﻭﺍﺧﺬﺍ ﺭﺍﺣﺘﻬﺎ ﻓﻲ ﺍﻟﺪﻭﻩ ﻣﻌﺎ ﺍﻻﺳﺘﺎﺩ ﺍﺧﺮﺍ ﻟﻜﻦ ﻭﻟﻴﺪ ﻣﻌﺶ ﺣﺎ ﻧﺴﻜﺖ ﻟﻪ ﺧﻼﺹ ﻋﻠﻤﺖ ﻋﻨﺪﻱ ﺗﻮ ﺗﺸﻮﻑ ﻳﺎ ﻭﻟﻴﻴﺪ ﻟﻌﻨﺪ ﻫﻨﺎ ﻭﺳﺘﻮﺏ
ﺭﻧﻴﻢ ﺗﺤﻜﻲ
ﻋﻠﻴﻚ ﺍﻟﺒﺎﺭﺩ ﻛﻴﻒ ﻣﺘﺤﻤﻠﺘﻪ ﻣﺮﺍﺗﻪ ﺩﻣﻪ ﺛﻘﻴﻞ ﺷﻦ ﻫﻀﺎ ﺍﻑ ﻋﻠﻴﻚ ﻳﻮﻡ ﺳﻤﺢ ﺷﻜﻼ ﻣﻦ ﺍﻟﺒﺪﺍﻳﻪ ﺍﻟﻄﻒ ﺷﻦ ﺩﺧﻼ ﺑﻴﻪ ﻭﺑﻴﺎ ﺍﻟﻠﻪ ﺍﻋﻠﻢ
ﻭﻫﻜﻲ ﻗﻌﻌﺪﻭ ﻧﻴﻦ ﻭﺻﻠﻮ ﻟﻴﻲ ﺍﻟﺪﻭﺭ ﺍﻟﺮﺍﺑﻊ
~~~~
ﻫﻮﺍ ﻣﺰﺍﻝ ﻣﺮﻛﺰﺵ ﺷﻦ ﺩﺍﺭ ﻭﻏﻴﺮﺗﺎ ﺍﻟﻲ ﻻ ﺍﻳﺮﺍﺩﻳﻪ ﻫﺬﻱ ﻛﻴﻒ ﺻﺎﺭ ﺑﻌﺪ ﻛﻞ ﻫﺎ ﺍﻟﻤﺸﺎﺣﻨﺎﺕ ﻭﺩﺧﻠﻬﺎ ﻟﻲ ﺍﻟﺪﻛﺘﻮﺭﻩ ﻭﺩﺍﺭﺕ ﺍﺳﻨﻮﻧﻬﺎﻃﻠﻊ ﻋﻨﺪﻫﺎ ﺍﻟﻌﺼﺐ ﺍﻟﺨﺎﺹ ﺑﺒﻲ ﺿﺮﺹ ﻳﺒﻲ ﻗﺘﻞ ﻭﺣﺴﺎﺳﻴﻪ ﺑﻲ ﺍﺳﻨﺎﻥ ﻭﺻﻔﺘﻠﻬﺎ ﻣﺴﻜﻨﺎﺕ ﻭﺍﻥ ﺗﺴﺘﺨﺪﻡ ﻣﻌﺠﻮﻥ ﺳﺎﻧﺴﻮﺩﺍﻳﻦ ﻭﺧﻼﺹ ﻭﻗﺎﻟﺘﻠﻬﺎ ﻋﻨﺪﻫﺎ ﺟﻠﺴﻪ ﺍﺧﺮﺍ ﺑﻌﺪ ﺷﻬﺮ ﻭﻃﻠﻌﻮ ﻣﻨﻬﺎ
~~~~
ﻭﻫﻤﺎ ﻧﺎﺯﻟﻴﻦ ﻓﻲ ﺍﻟﻤﺼﻌﺪ ﻣﺎ ﺣﻜﻮﺵ ﺑﻜﻞ ﻟﺤﺪ ﻫﻴﺜﻢ ﻗﺎﻝ ﻟﻲ ﺭﻧﻴﻢ
ﻫﻴﺜﻢ .....:
ﻫﻴﺜﻢ ﺷﻦ ﺑﻴﻘﻮﻝ ﻟﻲ ﺭﻧﻴﻢ ﻗﺒﻞ ﻻ ﺗﺮﻭﺡ
ﺭﻧﻴﻢ ﻛﻴﻒ ﺣﺎ ﺗﻌﺎﻣﻞ ﻣﻌﺎ ﻛﻼﻡ ﻫﻴﺜﻢ ﺍﻟﻲ ﺑﻴﻘﻮﻟﻪ ﻭﺷﻦ ﺭﺩﻩ ﻓﻌﻠﻬﺎ ﻫﻞ
ﺧﺎﻟﺪ ﺣﺎﻳﻌﺮﻑ ﺑﻲ ﺍﻟﻲ ﺻﺎﺭ ﻭﻻ ﺭﻧﻴﻢ ﻣﺶ ﺣﺎ ﺗﺤﻜﻴﻠﻪ
ﺍﻡ ﻋﻤﺎﺩ ﺣﺎ ﺗﻌﺒﻬﺎ ﺣﻨﻴﻦ ﻭﻛﻞ ﺷﻲ ﺣﺎ ﻳﻤﺸﻲ ﺗﻤﺎﻡ ﻭﻻ ﻻ
ﻫﻀﺎ ﻛﻠﻪ ﺣﺎ ﻧﻌﺮﻓﻮ ﺍﻟﺤﻮﺍﺏ ﻣﺘﺎﻋﻪ ﺍﻟﺤﻠﻘﻪ ﺍﻟﺠﺎﻳﻪ
ﻳﺎﺭﺏ ﺗﻌﺠﺒﻜﻢ ﺍﻟﺤﻠﻘﻪ ﻧﺒﻲ ﺭﺍﻳﻜﻢ
ﺍﻋﺠﺎﺏ + ﺗﻌﻠﻴﻖ + ﻣﻨﺸﻦ = ﻓﺮﺣﻮ ﻗﻠﺒﻲ ﺯﻱ ﻛﻞ ﺣﻠﻘﻪ
ﺍﺳﻔﻪ ﻋﻠﻲ التطويل
