ﺭﻭﺍﻳﻪ
# ﺩﻗﺎﺕ _ ﻗﻠﺐ
# ﺍﻟﺤﻠﻘﻪ _ ﺍﻟﺴﺎﺩﺳﻪ
( ﻟﻢ ﺍﻛﻦ ﺍﻋﻠﻢ ﺍﻥ ﺍﻟﺤﺐ ﺟﻤﻴﻞ ﺍﻻ ﺑﻌﺪ ﺍﻥ ﺭﺍﻳﺘﻚ ﻭﺑﻌﺪ ﺍﻥ ﺍﺣﺒﺒﺘﻚ ﻳﺎ ﻧﺼﻔﻲ ﺍﻟﺜﺎﻧﻲ )
ﻋﻨﺪ ﺭﻧﻴﻢ
ﻧﺎﺿﺖ ﺭﻧﻴﻢ ﺍﻟﺼﺒﺢ ﻣﺘﺎﺧﺮ ﺍﺷﻮﻱ ﺧﺸﺖ ﺍﻟﺤﻤﺎﻡ ( ﺍﻛﺮﻣﻜﻢ ﺍﻟﻠﻪ ) ﻭﻃﻠﻌﺖ ﺻﻠﺖ ﺍﻟﺼﺒﺢ ﺑﻌﺪ
ﺳﻠﻤﺖ ﺧﻄﺮ ﻋﻠﻴﻬﺎ ﻣﻮﻗﻒ ﺍﻣﺲ ﻭﺟﺎ ﺑﻴﻦ ﺍﻋﻴﻮﻧﻬﺎ ﻫﻴﺜﻢ ﻗﻌﺪ ﻛﺎﻧﺎ ﻗﺎﻋﺪ ﻗﺪﺍﻣﻬﺎ ﺍﻧﻔﺠﻌﺖ
ﻭﻏﻤﻀﺖ ﺍﻋﻴﻮﻧﻬﺎ ﻭﺭﺩﺕ ﻓﺘﺤﺘﻬﻦ ﻣﻠﻘﺎﺗﺶ ﻗﺪﺍﻣﻬﺎ ﺻﺒﺖ ﻣﻦ ﻋﻠﻲ ﺍﺻﻼﻳﻪ ﻭﻫﻴﺎ
ﻣﺮﺗﺒﻜﻪ ﻭﺧﺎﻳﻔﻪ ﻭﺗﻘﻮﻝ ﺭﻧﻴﻢ : ﺑﺴﻢ ﺍﻟﻠﻪ ﺍﻟﻜﺮﻳﻢ ﻛﻴﻴﻒ ﺻﺎﺭﻫﻜﻲ ﺍﺀﺀ ﻫﻮﺍ ﺍﻧﺎ ﻣﺘﺎﻛﺪﻩ
ﻭﻗﻌﺪﺕ ﺍﺷﻮﻳﻪ ﻫﻜﻲ ﻧﻴﻦ ﺍﺳﺘﻮﻋﺖ ﻭﻧﺎﺿﺖ ﻃﻠﻌﺖ ﺑﺮﺍ ﻟﻘﺖ ﺍﻣﻬﺎ ﻭﺑﺎﺗﻬﺎ ﻭﺣﻨﻬﺎ ﻳﻔﻄﺮﻭ
ﻗﻤﻌﺰﺕ ﻋﺸﺎﻥ ﺗﻔﻄﺮ ﻟﻘﺖ ﻫﻠﻬﺎ ﻳﺒﺤﺘﻮ ﻓﻴﻬﺎ ﻛﻠﻬﻢ ﻗﺎﻟﺖ
ﺭﻧﻴﻢ : ﺍﺀﺀ ﻛﻨﻜﻢ ﺗﺒﺤﺘﻮ ﻫﻜﻲ ﺷﻦ ﻓﻴﻪ
ﺑﺎﺗﻬﺎ : ﻛﻨﺎ ﻭﺟﻬﻚ ﻣﺶ ﻃﺒﻴﻌﻲ ﺍﺻﻔﺮ
ﺭﻧﻴﻢ : ﻻ ﻻ ﻣﺎ ﻓﻲ ﺷﻲ ﻳﺎ ﺑﺎﺑﺎ ﻏﻴﺮ ﺷﻔﺖ ﻛﺎﺑﻮﺱ ﺑﺲ ﻭﺯﻋﻼﻧﻪ ﻋﻠﻲ ﺍﻟﺤﺪﻳﺪﻩ ﺍﻟﻔﻀﻪ ﺍﻟﻲ
ﺭﺍﺣﺖ ﻣﻨﻲ
ﺑﺎﺗﻬﺎ : ﺗﻮ ﻧﺎﺧﺬﻟﻚ ﻭﺣﺪﺍ ﺍﺣﺴﻦ ﻣﻨﻬﺎ ﻭﻣﻦ ﻧﻔﺲ ﺍﻟﻤﺤﻞ
ﺭﻧﻴﻢ : ﺭﺑﻲ ﻳﺨﻠﻴﻚ ﻟﻴﺎ ﻳﺎ ﺑﺎﺑﺎ ﺗﺴﻤﻠﻲ ﺍﺣﻼ ﺍﺏ ﻓﻲ ﺍﻟﺪﻧﻴﺎ
ﺍﻟﺠﺪﻩ ﻋﺰﻳﺰﻩ : ﺳﻤﻠﻪ ﻋﻠﻴﺎ ﺣﺘﺎﺻﺒﺎﺡ ﺍﻟﺨﻴﺮ ﻣﺎ ﻧﺤﺼﻠﻮ ﻣﻨﻜﻢ ﻭﺑﻨﺘﻚ ﺑﺪﻳﺮﻟﻬﺎ ﺣﺪﻳﺪﻩ ﺧﺰﻱ
ﺿﻨﻮﺍ ﺳﻮﺩﻩ
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻪ
ﺑﺎﺗﻬﺎ : ﻫﻬﻪ ﻣﻌﻘﻮﻟﻪ ﻳﺎ ﺍﻣﻲ ﺍﺗﻘﻮﻟﻲ ﻫﻜﻲ ﺗﻲ ﺍﻧﺘﻲ ﻧﻮﺭ ﺍﻟﺤﻮﺵ ﻭﺑﻌﺪ ﺗﻌﺪﻱ ﻟﻲ ﺧﻮﻳﺎ ﻭﻟﻠﻪ ﻳﻀﻠﻢ ﻭﻳﻜﺴﺪ ﺑﻜﻞ
ﻛﻠﻬﻢ : ﺭﺑﻲ ﻳﺤﻔﻀﻚ ﻟﻨﺎ ﻳﺎ ﻧﻮﺭ ﺍﻟﺤﻮﺵ
ﺍﻟﺠﺪﻩ ﻋﺰﻳﺰﻩ : ﺍﺿﺤﻜﻮ ﻋﻠﻴﺎ ﺑﻜﻠﻤﺘﻴﻦ ﺍﺿﺤﻜﻮ
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻪ
~ ﺑﻌﺪ ﻣﺎ ﻓﻄﺮﻭ ﻛﻠﻬﻢ ﺻﺒﺖ ﺭﻧﻴﻢ ﺧﺬﺕ ﺍﻟﺪﻭﺍﺀﻭﺟﺖ ﻓﺘﺤﺖ ﺍﻟﺮﻭﺷﻦ ﻣﺘﺎﻉ ﺍﻟﺪﺍﺭ ﻭﻛﺎﻥ ﻳﻄﻞ
ﻋﻠﻲ ﺍﻟﺸﺎﺭﻉ ﻓﺘﺤﺖ ﻭﻛﺎﻧﺖ ﻃﺎﻟﻘﺎ ﺷﻌﺮﻫﺎ ﻭﺗﺒﻲ ﺗﻀﻢ ﺍﻟﺪﺍﺭ ﺑﺤﻜﻢ ﺍﻥ ﻋﻨﺪﻫﺎ ﺟﺎﻣﻌﻪ ﻋﺸﻴﻪ
ﻭﺑﺪﺕ ﺍﺗﺮﺗﺐ ﻓﻴﻬﺎ ﻭﻓﺘﺤﺖ ﺍﻏﻨﻲ ﻋﺮﺍﻗﻴﻪ ﺣﺰﻳﻨﻪ ﻭﺗﺴﻤﻊ ﻭﻣﻨﺴﺠﻤﻪ ﻭﺍﻭﻝ ﻣﺎ ﺟﺖ ﺍﻏﻨﻴﻪ
ﻧﻮﺭ ﺍﻟﺰﻳﻦ ( ﺭﺑﻚ ﻣﺎﻳﻄﻖ ﺑﺤﺠﺎﺭ ) ﺑﺪﺕ ﺗﺬﻛﺮﻓﻲ ﻋﻤﺎﺩ ﻭﻛﻴﻒ ﺳﻴﺒﻬﺎ ﺍﻭﻝ ﻳﻮﻡ ﺑﺪﺕ ﻓﻴﻪ
ﻋﻼﻗﺘﻬﻢ ﻟﺤﺪ ﺍﺧﺮ ﻳﻮﻡ ﺣﻜﻮﻓﻴﻪ
~~~
ﻗﺒﻞ ﺳﻨﺘﻴﻦ
ﻋﻤﺎﺩﻛﺎﻳﻦ ﻗﺪﺍﻡ ﺍﻟﺤﻮﺵ ﻭﻳﺮﺟﺎﻓﻲ ﺧﻮﺍﺗﻪ ﺑﻴﺶ ﻳﺤﻄﻬﻦ ﻓﻲ ﺍﻟﻤﺪﺭﺳﻪ ﻫﺬﻙ ﺍﻟﻔﺘﺮﻩ ﻋﻤﺎﺩ
ﻛﺎﻳﻦ ﻣﺎ ﻳﺸﺘﻐﻠﺶ ﻭﻳﺪﻭﺭ ﻋﻠﻲ ﻋﻤﻞ
ﻛﺎﻥ ﺑﺎﺕ ﻋﻤﺎﺩ ﻣﺘﻮﻓﻲ ﻟﻪ ﺷﻬﺮ ﺑﺴﺒﺐ ﺳﻜﺘﻪ ﻗﻠﺒﻴﻪ ﻭﻛﺎﻧﺖ ﺍﻟﻨﻔﺴﻴﻪ ﺗﻌﺒﺎﻧﻪ ﺯﺭﺕ ﻋﻠﻴﻪ ﺍﻣﻪ
ﺑﻴﺶ ﻳﻜﻤﻞ ﺍﻗﺮﺍﻳﺘﻪ ﻭﻳﺎﺧﺬ ﺷﻬﺎﺩﻩ ﺍﻟﺜﻨﻮﻱ ﻋﺸﺎﻥ ﺍﻟﺤﻮﺵ ﻗﻌﺪ ﻣﻦ ﻭﺍﺟﺒﺎﺗﺎ ﺍﻃﺮ ﺍﻥ ﻳﻨﺘﺴﺐ
ﺑﻴﺶ ﻳﺪﻭﺭ ﻋﻠﻲ ﺷﻐﻞ ﻭﻓﻲ ﻳﻮﻡ ﺍﻟﻲ ﺑﺪﺕ ﻓﻴﻪ ﻗﺼﻪ ﺭﻧﻴﻢ ﻣﻌﺎ ﻋﻤﺎﺩ
ﻭﻫﻮﺍ ﻃﺎﻟﻊ ﻭﺑﻴﻮﺻﻞ ﺧﻮﺍﺗﻪ ﻟﻠﻤﺪﺭﺳﻪ ﻟﻘﺎ ﺧﺎﻟﺪ ﻭﻣﻌﺎﻩ ﺭﻧﻴﻢ ﺑﻴﺤﻄﻬﺎ ﻓﻲ ﺍﻟﻤﺪﺭﺳﻪ ﻛﺎﻥ ﻋﻨﺪ
ﺭﻧﻴﻢ ﺍﻣﺘﺤﺎﻥ ﻓﻲ ﺍﻟﺤﺼﻪ ﺍﻻﻭﻟﻲ ﻛﺎﻧﺖ ﺍﻭﻟﻲ ﺛﺎﻧﻮﻱ
ﻋﻤﺎﺩ ﻫﻀﻚ ﺍﻟﻴﻮﻡ ﻛﺎﻥ ﺍﻭﻝ ﻳﻮﻡ ﻳﻼﺣﺾ ﻗﺪﻳﺶ ﻫﻴﺎ ﺣﻠﻮﻩ ﻭﻗﺪﻳﺶ ﺍﻧﻌﺠﺐ ﺑﻴﻬﺎ ﺯﻣﺎﻥ ﻛﺎﻧﻮ
ﻳﻠﻌﺒﻮ ﻣﻌﺎ ﺑﻌﻀﻬﻢ ﺑﺲ ﺍﻭﻝ ﻣﺮﻩ ﻋﻤﺎﺩ ﻗﻠﺒﻪ ﻳﺪﻕ ﻗﻌﺪ ﻳﺒﺤﺖ ﻓﻴﻬﺎ ﺯﻳﻦ ﻭﻣﺪﻗﻖ ﺑﻜﻞ ﻓﻴﻪ
ﺍﻭﻝ ﻣﺮﻩ ﻳﺸﻮﻑ ﻗﺪﻳﺶ ﻫﻴﺎ ﺣﻠﻮﻩ ﻭﻗﻌﺪ ﻳﺒﺤﺖ ﻧﻴﻦ ﺭﻛﺒﺖ ﻓﻲ ﺍﻟﺴﻴﺎﺭﻩ ﻭﻋﺪﻭ ﺍﻣﺎ
ﺭﻧﻴﻢ
ﻟﺤﻀﺘﺶ ﻭﺟﻮﺩ ﻋﻤﺎﺩ ﻳﻮﻣﻬﺎ ﻛﺎﻥ ﻋﻘﻠﻬﺎ ﻣﺸﻐﻮﻝ ﻋﻨﺪﻫﺎ ﺗﺴﻤﻴﻊ ﻭﺗﺒﻲ ﺗﻮﺻﻞ ﺑﺪﺭﻱ
ﻋﻤﺎﺩ ﺧﺬﺍ ﺧﻮﺍﺗﻪ ﻭﺣﻄﻬﻦ ﻭﻛﺎﻥ ﻓﺮﺣﺎﻥ ﺑﻜﻞ ﻫﺬﻙ ﺍﻟﻔﺘﺮﻩ ﻛﺎﻥ ﻣﻠﺶ ﻭﺍﺟﺪﻣﺴﻴﺐ ﺣﻨﻴﻦ
ﻭﻛﺎﻧﺖ ﺗﺮﻥ ﻋﻠﻴﻪ ﻭﻫﻮﺍ ﺧﻼﺹ ﻗﺮﺭ ﻳﻨﺴﺎﻫﺎ ﻭﻣﺎ ﻳﺮﺩﺵ ﻋﻠﻴﻬﺎ
ﻣﺮﻥ ﺍﻳﺎﻡ ﻭﻗﻌﺪ ﻛﻞ ﻳﻮﻡ ﺑﻼ ﺳﺒﺐ ﻳﺤﺐ ﻳﺸﻴﻞ ﺧﻮﺍﺗﻪ ﻟﻲ ﺍﻟﻤﺪﺭﺳﻪ ﺑﺲ ﻋﺸﺎﻥ ﻳﺼﺒﺢ ﻓﻲ
ﻭﺟﻪ ﺭﻧﻴﻢ ﻭﻳﺸﻮﻓﻬﺎ ﺑﻌﺪ ﺗﻜﺮﺍﺭ ﺑﺪﺕ ﺭﻧﻴﻢ ﺗﻼﺣﺾ ﻓﻲ ﻧﻀﺮﺍﺗﻪ ﻟﻬﺎ ﻭﻗﻌﺪﺕ ﺗﻤﻴﻞ ﺷﻮﻱ
ﺷﻮﻱ ﻟﻪ ﻣﺮﻩ ﻣﻦ ﺍﻟﻤﺮﺍﺕ ﺳﻴﺎﺭﻩ ﺧﺎﻟﺪ ﺧﺮﺑﺖ ﻣﻔﺶ ﻣﻦ ﻳﺸﻴﻞ ﺭﻧﻴﻢ ﻟﻲ ﺍﻟﻤﺪﺭﺳﻪ ﻭﻣﻔﺶ
ﻛﻴﻒ ﻳﻐﻴﺒﻮﻫﺎ ﻋﺸﺎﻥ ﻋﻨﺪﻫﺎ ﺍﻣﺘﺤﺎﻥ ﻣﻬﻢ
ﻫﺬﻙ ﺍﻟﻔﺘﺮﻩ ﻛﺎﻧﻦ ﺍﻟﻌﻼﻗﺎﺕ ﻋﺎﺩﻳﻪ ﺑﻴﻦ ﺧﻮﺕ ﺭﻧﻴﻢ ﻭﻋﻤﺎﺩ ﻣﻔﺶ ﻣﺸﺎﻛﻞ ﺑﺲ ﻣﻔﺶ ﺩﻭﻩ
ﻭﺍﺟﺪﻩ ﺑﻴﻨﻬﻢ ﺍﻭ ﺍﺳﺘﻠﻄﺎﻑ
ﺧﺎﻟﺪ ﻗﺎﻋﺪ ﺑﺮﺍ ﻭﻳﺼﻠﺢ ﻓﻲ ﺍﻟﺴﻴﺎﺭﻩ ﻭﺭﻧﻴﻢ ﺗﺮﺟﺎ ﻓﻴﻪ ﻭﺗﻘﻮﻻ
ﺭﻧﻴﻢ : ﻭﻗﺖ ﻋﻠﻴﺎ ﻃﻮﻟﺖ ﻳﺎ ﺧﺎﻟﺪ
ﺧﺎﻟﺪ : ﺑﺎﻫﻲ ﺑﺎﻩ ﺗﻤﺎﻡ
ﻫﻨﺎ ﻛﺎﻧﺖ ﻓﺮﺻﻪ ﻋﻤﺎﺩ ﻋﺪﺍ ﻋﻤﺎﺩ ﻋﻨﺪ ﺧﺎﻟﺪ ﻭﻗﺎﻝ
ﻋﻤﺎﺩ : ﺻﺒﺎﺡ ﺍﻟﺨﻴﺮ ﻳﺎ ﺟﺎﺭﻱ
ﺧﺎﻟﺪ : ﺻﺒﺎﺡ ﺍﻟﻨﻮﺭ
ﻋﻤﺎﺩ : ﺧﻴﺮ ﺍﻥ ﺷﺎﺀ ﺍﻟﻠﻪ ﻛﻨﻬﺎ ﺍﻟﺴﻴﺎﺭﻩ
ﺧﺎﻟﺪ ﺭﺩ ﺑﺮﻭﺩ : ﺧﺮﺑﺖ ﻭﻣﺎ ﺑﺘﺶ ﺗﻮﻟﻊ ﻭﻧﺒﻲ ﻧﻮﺻﻞ ﺍﻟﺒﻨﺖ
ﻋﻤﺎﺩ ﺣﺼﻠﻬﺎ ﻓﺮﺻﻪ ﺑﺲ ﻗﺎﻝ : ﺍﻫﺎ ﺧﻴﺮ ﺍﻥ ﺷﺎﺀ ﺍﻟﻠﻪ
ﺧﺎﻟﺪ : ﻻ ﺣﻮﻝ ﺍﻟﻠﻪ ﻭﺧﻼﺹ ﻗﺼﻘﺼﻪ ﻋﻠﻲ ﺍﻟﺼﺒﺢ
ﻋﻤﺎﺩ ﺳﻴﺒﻪ ﻭﻋﺪﺍ ﺭﻛﺐ ﻋﻨﺪ ﺍﺧﺘﺎ ﻭﻗﺎﻟﻠﻬﺎ ﺭﻧﻴﻢ ﻭﻳﻦ ﺗﻘﺮﺍ
ﻓﻲ ﺍﻳﻦ ﻣﺪﺭﺳﻪ ﺗﻘﺮﺍ ﺭﻧﻴﻢ
ﺍﺧﺘﺎ : ﻋﻠﻴﺶ ﺗﺴﺎﻝ ﺍﻫﺎ
ﻋﻤﺎﺩ : ﺳﻴﺎﺭﺗﻬﻢ ﺧﺎﺭﺑﺎ ﻭﻛﺎﻥ ﻗﺮﻳﺒﻪ ﻧﺎﺧﺬﻭﻫﺎ ﻓﻲ ﻃﺮﻳﻘﻨﺎ ﺑﺲ
ﺍﺧﺘﺎ : ﺍﻫﺎ ﻫﻴﺎ ﻣﻌﺎﻧﺎ ﻓﻲ ﻧﻔﺲ ﺍﻟﻤﺪﺭﺳﻪ ﻓﻲ ﻧﻔﺲ ﺍﻟﺴﻨﻪ
ﻋﻤﺎﺩ : ﺑﺎﻫﻲ ﺍﻃﻠﻌﻦ ﻫﻴﺎ ﻫﻀﺎ ﻛﻠﻪ ﺗﻠﺒﺴﻦ ﺑﺴﺮﻋﻪ ﺑﻨﻌﺪﻱ ﻧﺪﻭﺭ ﻋﻤﻞ ﺍﺧﺘﺎ : ﺑﺎﻫﻲ ﺑﺎﻫﻲ ﻫﻴﺎ
ﻛﻤﻠﻨﺎ ﻭﻃﻠﻌﻦ ﻭﻟﻘﻮ ﺧﺎﻟﺪ ﻣﺰﺍﻝ ﻳﺪﻳﺮ ﻓﻲ ﺍﻟﺴﻴﺎﺭﻩ ﻗﺮﺏ ﻋﻤﺎﺩ ﺑﺴﻴﺎﺭﻩ ﻭﻗﺎﻟﻪ
ﻋﻤﺎﺩ : ﻣﺰﺍﻝ ﻣﺎ ﺻﻠﺤﺘﺶ
ﺧﺎﻟﺪ : ﻻ ﻣﺰﺍﻝ
ﻋﻤﺎﺩ : ﺍﺀﺀ ﺍﻟﺒﻨﺎﺕ ﻗﺎﻟﻠﻲ ﺍﻥ ﺑﻨﺘﻜﻢ ﺗﻘﺮﺍ ﻣﻌﺎﻫﻦ ﻓﻲ ﻧﻔﺲ ﺍﻟﻤﺪﺭﺳﻪ ﻛﺎﻥ ﻋﻨﺪﻛﻤﺶ ﻣﺎﻧﻊ
ﺧﻠﻮﻧﺎ ﻧﻮﺻﻠﻮﻫﺎ ﻓﻲ ﻃﺮﻳﻘﻨﺎ ﻣﺰﺍﻝ ﻓﻲ ﻭﻗﺖ ﺭﺍﻩ ﻭﻛﺎﻥ ﺗﺒﻲ ﺍﺭﻛﺐ ﻣﻌﺎﻧﺎ
ﺧﺎﻟﺪ ﻓﻲ ﺳﺮﻩ ﻻ ﺣﻮﻝ ﺍﻟﻠﻪ ﺍﻓﻔﻒ ﻭﺑﻌﺪﻫﺎ ﺭﺩ ﻋﻠﻴﻪ : ﺗﻤﺎﻡ ﻣﺎﺷﻲ ﺷﻜﺮﺍ
ﻛﻠﻢ ﺭﻧﻴﻢ ﻭﺭﻛﺒﺖ ﻣﻌﺎ ﺍﻟﺒﻨﺎﺕ ﻋﺪﻥ ﻟﻲ ﺍﻟﻤﺪﺭﺳﻪ ﻭﻋﻤﺎﺩ ﻓﺮﺡ ﻓﺮﺣﻪ ﻛﺒﻴﺮﻩ ﻭﻗﺮﺭ ﺍﻥ ﺑﻌﺪ
ﻳﻨﺰﻟﻮ ﺧﻮﺍﺗﻪ ﻳﺤﻜﻴﻠﻬﺎ ﻭﻛﺎﻥ ﻣﻌﺪﻝ ﺍﻟﻤﺮﺍﻳﻪ ﻋﻠﻴﻬﺎ ﻭﻟﻊ ﺍﻏﺎﻧﻲ ﺭﻭﻣﻨﺴﻴﻪ ﻭﺭﻧﻴﻢ ﻓﺮﺣﺘﻬﺎ ﻛﺎﻥ
ﻛﺒﻴﺮﻩ ﺑﺸﻜﻞ ﻣﺰﺍﻝ ﻋﺎﺩﻱ
ﻭﺻﻠﻮ ﻧﺰﻟﻦ ﺧﻮﺍﺗﻪ ﻭﻗﺎﻝ
ﻋﻤﺎﺩ : ﺭﻧﻴﻢ ﻣﻤﻜﻦ ﻟﺤﻀﻪ
ﺭﻧﻴﻢ : ﻧﻌﻢ
ﻣﻤﻜﻦ ﺗﺎﺧﺬﻱ ﺍﻟﻮﺭﻗﻪ ﻫﻴﺎ ﻭﺗﻘﺮﻳﻬﺎ
ﺭﻧﻴﻢ : ***
ﻋﻤﺎﺩ : ﻟﻮ ﺳﻤﺤﺘﻲ ﺧﻮﺫﻳﻬﺎ ﻭﻛﺎﻥ ﻣﻌﺠﺒﻜﺶ ﺍﻟﻜﻼﻡ ﺍﻟﻲ ﻓﻴﻬﺎ ﺷﺮﻃﻴﻬﺎ
ﺭﻧﻴﻢ : ﺧﺬﺕ ﺍﻟﻮﺭﻗﻪ ﻭﻧﺰﻟﺖ
~~~~
ﺍﻟﻮﻗﺖ ﺍﻟﺤﺎﻟﻲ
ﺑﻌﺪ ﻭﻗﻔﺖ ﺭﻧﻴﻢ ﻋﻦ ﺍﻟﺴﺮﺣﺎﻥ ﻋﺪﺕ ﻃﻠﻌﺖ ﻣﻦ ﺩﺭﺝ ﻳﺴﻜﺮ ﺑﻲ ﻣﻔﺘﺎﺡ ﻭﻃﻠﻌﺖ ﺍﻟﻮﺭﻗﻪ
ﺍﻟﺮﺳﺎﻟﻪ ﻣﺘﺎﻉ ﻋﻤﺎﺩ ﻭﻗﻌﺪﺕ ﻣﺤﺘﻔﻀﻪ ﺑﻴﻬﺎ ﻟﻌﻨﺪ ﺍﻟﻴﻮﻡ ﻭﺑﺪﺕ ﺗﻘﺮﺍ ﻓﻴﻬﺎ ﻟﻠﻤﺮﻩ ﺍﻟﻤﻠﻴﻮﻥ
~~~
ﻓﻲ ﺍﻟﻤﺎﺿﻲ
ﺑﻌﺪ ﺍﻟﻔﻄﻮﺭ ﻃﻠﻌﺖ ﺭﻧﻴﻢ ﻟﻠﺤﻤﺎﻡ ﻭﻓﺘﺤﺖ ﺍﻟﺮﺳﺎﻟﻪ ﻭﻗﻌﺪﺕ ﺗﻘﺮﺍ
~~~
ﺍﻟﺮﺳﺎﻟﻪ
ﺭﻧﻴﻢ : ﺍﻭﻝ ﻳﻮﻡ ﺷﻔﺘﻚ ﻓﻴﻪ ﺑﺼﺮﺍﺣﻪ ﺣﺒﻴﺘﻚ ﺑﻜﻞ ﻗﻌﺪﺕ ﻧﻔﻜﺮ ﻓﻴﻚ ﻛﻞ ﻭﻗﺘﻲ ﺍﻧﺘﻲ ﻏﻴﺮﺗﻴﻲ
ﺧﻠﻴﺘﻴﻨﻲ ﺍﻧﺴﺎﻥ ﺛﺎﻧﻲ ﻛﺒﺪﺕ ﻓﻴﻚ ﺑﺸﻜﻞ ﻏﺮﻳﺐ ﺑﺠﺪ ﺣﺒﻴﺘﻚ ﻭﻟﻠﻪ ﻣﺎ ﻧﻠﻌﺐ ﻋﻠﻴﻚ ﻭﻳﺎﺭﺏ
ﺗﻜﻮﻧﻲ ﺣﺘﺎ ﺍﻧﺘﻲ ﺍﺗﺤﺒﻴﻨﻲ ﻛﻴﻒ ﻣﺎ ﺍﻧﺎ ﻧﺤﺒﻚ ﺑﺠﺪ ﺳﺤﺮﺗﻴﻨﻲ ﻭﻣﻠﻜﺘﻲ ﻗﻠﺒﻲ ﺍﻧﺘﻤﻨﺎ ﺗﻜﻮﻧﻲ
ﻟﻴﺎ ﻓﻲ ﺍﻟﻤﺴﺘﻘﺒﻞ ﺍﻧﺎ ﺣﺒﻴﺖ ﻧﻌﺒﺮ ﻋﻦ ﻣﺸﺎﻋﺮﻱ ﺑﻬﺎ ﺍﻟﻄﺮﻳﻘﻪ ﻣﻤﻜﻦ ﺗﻜﻮﻥ ﻗﺪﻳﻤﻪ ﺑﺲ ﺍﻭﻝ
ﻣﺮﻩ ﻧﺤﺐ ﻭﻣﻨﻌﺮﻓﺶ ﻧﻌﺒﺮ ﻋﻦ ﻣﺸﺎﻋﺮﻱ ﻏﻴﺮ ﺑﻜﻠﻤﻪ ﻧﺤﺒﻚ ﻭﺍﺟﺪ
ﻭﺿﺎﻑ ﻋﻠﻲ ﻛﻼﻣﻪ
ﺍﺭﺟﻮﻙ ﺗﻌﻄﻴﻨﻲ ﻓﺮﺻﻪ ﻭﺣﺪﻩ
ﻭﻟﻮ ﺍﻣﻮﺍﻓﻘﻪ ﺭﻧﻲ ﻋﻠﻴﺎ ﻭﻫﻀﺎﺭﻗﻤﻲ ﻭﻟﻮ ﻣﺶ ﺍﻣﻮﺍﻓﻘﻪ ﻭﻣﺎ ﺭﻧﻴﺘﺶ ﺑﻌﺪﻳﻦ ﺣﺎ ﻧﻔﻬﻢ ﺍﻧﻚ ﻣﺶ
ﻣﻮﺍﻓﻘﻪ
ﺳﻼﻡ
~~~~
ﻣﺮ ﺍﻟﻴﻮﻡ ﻭﻫﻴﺎ ﺗﻔﻜﺮ ﻫﻞ ﺍﺗﻮﺍﻓﻖ ﺍﻭ ﻻ ﻭﺟﺎ ﺑﻌﺪ ﻧﻬﺎﻳﻪ ﺍﻟﻴﻮﻡ ﺭﻭﺡ ﺑﻲ ﺧﻮﺍﺗﻪ ﺑﺲ ﺭﻧﻴﻢ
ﻣﻜﺎﻧﺘﺶ ﻣﻌﺎﻫﻦ ﺳﺎﻝ ﻭﻳﻨﻬﺎ ﻗﺎﻟﻦ ﺟﺎ ﺧﻮﻫﺎ ﺭﻭﺡ ﺑﻴﻬﺎ
ﻭﻣﺮ ﺍﻟﻴﻮﻡ ﻫﻮﺍ ﻳﺮﺟﺎ ﻓﻴﻬﺎ ﺗﺮﻥ ﻟﺤﺪ ﻓﻘﺪ ﺍﻻﻣﻞ ﻭﻗﺎﻝ ﺷﻜﻠﻬﺎ ﺭﻓﻀﺘﻨﻲ ﻭﺟﺎ ﻳﺒﻲ ﻳﻘﻔﻞ
ﺍﻟﺘﻠﻔﻮﻥ ﻭﻓﺠﺎﻩ ﺭﻥ ﺍﻟﺘﻠﻔﻮﻥ ﻭﻛﺎﻧﺖ ﻫﻴﺎ
ﻭﻓﺘﺢ ﻗﺎﻝ ﻋﻤﺎﺩ : ﺍﻟﻮ ﻣﻦ ﻣﻌﺎﻱ
ﺭﻧﻴﻢ : ﺭﻧﻴﻢ
ﻋﻤﺎﺩ : ﻛﻴﻒ ﺣﺎﻟﻚ
ﺭﻧﻴﻢ : ﺍﻟﺤﻤﺪ ﻟﻠﻪ ﺑﺨﻴﺮ ﺣﺒﻴﺖ ﻧﻘﻮﻟﻚ ﺷﻲ
ﻋﻤﺎﺩ : ﺗﻔﻀﻠﻲ
ﺭﻧﻴﻢ : ﺣﺘﺎ ﺍﻧﺎ ﻣﻨﻌﺮﻓﺶ ﻧﻘﻮﻝ ﻏﻴﺮ ﻛﻠﻤﻪ ﻧﺤﺒﻚ ﺭﺍﻩ
ﻋﻤﺎﺩ : ﻫﻬﻬﻪ ﻳﻌﻨﻲ ﺗﺤﺒﻴﻨﻲ
ﺭﻧﻴﻢ : ﺍﻫﺎ ﻣﻦ ﺯﻣﺎﻥ
ﻭﻗﻌﺪﻭ ﻳﺤﻜﻮ ﺑﺲ ﺑﻌﺪ ﻓﺘﺮﻩ ﺑﺪﺍ ﻳﺘﻐﻴﺮ ﻋﻤﺎﺩ ﻛﺎﻧﺖ ﺭﻧﻴﻢ ﺗﻜﺘﺸﻒ ﺻﻌﻮﺑﻪ ﺍﻟﺘﻌﺎﻣﻞ ﺗﻌﺒﺮ ﻋﻦ
ﺍﻟﻤﺸﺎﻋﺮ ﻟﻜﻦ ﻫﻮﺍ ﻣﺎ ﻳﻌﺮﻓﺶ
ﻣﻌﺎ ﻫﻀﺎ ﻛﻠﻪ ﻛﺎﻧﺖ ﻣﺘﻘﺒﻠﻪ ﺍﻟﻮﺿﻊ ﻭﺍﻟﺠﻮ ﺑﻴﻨﻬﻢ ﺗﻤﺎﻡ ﻭﺣﻠﻮ ﺑﺲ ﺟﺎ ﺍﻟﻴﻮﻡ ﺍﻟﻲ ﻫﻮﺍ ﻛﺎﻧﺖ
ﺭﻧﻴﻢ ﺑﺮﺍ ﻭﺟﺖ ﻗﻌﺪﺕ ﺍﺗﺮﻥ ﻋﻠﻴﻪ ﻭﻣﺎ ﻳﺮﺩﺵ ﺍﺗﺮﻥ ﻭﻣﺎ ﻳﺮﺩﺵ ﻭﻟﻠﻴﻮﻡ ﺭﻧﻴﻢ ﻣﺎ ﻋﺮﻓﺘﺶ ﺷﻦ
ﺻﺎﺭ ﺍﻟﻌﻼﻗﻪ ﻛﻴﻒ ﺻﺎﺭ ﻓﻴﻬﺎ ﻟﻴﺶ ﻫﻮﺍ ﻏﺎﻣﺾ ﻭﻣﺎ ﻳﺒﺶ ﻳﺤﻜﻲ ﺍﻟﺴﺒﺐ ﻫﻀﺎ ﺍﻟﻲ ﻗﺎﻫﺮ
ﺭﻧﻴﻢ ﻭﺣﺎﻭﻟﺖ ﺩﺯﺕ ﻣﺴﺠﺎﺕ ﻭﻣﺎ ﺭﺩﺵ ﺩﺍﺭﺕ ﻛﻢ ﻣﺤﺎﻭﻟﻪ ﺑﺲ ﻣﺎ ﺭﺩﺵ ﺑﺎﻱ ﻃﺮﻳﻘﻪ ﺑﺲ
ﻣﺰﺍﻟﺖ ﺗﺤﺒﻪ ﻭﻣﺎ ﺗﺴﺘﺶ ﻣﺰﺍﻝ ﻋﻨﺪﻫﺎ ﺍﻣﻞ ﺍﻧﻬﻢ ﻳﻜﻮﻧﻮ ﻟﺒﻌﻀﻬﻢ
~~~~
ﺍﻟﻮﻗﺖ ﺍﻟﺤﺎﺿﺮ
ﺭﻧﻴﻢ ﻣﺴﺤﺖ ﺩﻣﻮﻋﻬﺎ ﻭﺻﺒﺖ ﺩﺳﺖ ﺍﻟﻮﺭﻗﻪ ﻓﻲ ﻣﻜﺎﻧﻬﺎ
~ ﻛﻴﻒ ﻳﺎ ﻋﻤﺎﺩ ﺗﻐﻴﺮ ﻫﻜﻲ ﻓﺠﺎﻩ ﻣﺶ ﻣﻌﻘﻮﻝ ﺷﻦ ﺍﻟﺴﺒﺐ ﻟﻴﺶ ﻟﻴﺶ ~
ﺑﺤﺘﺖ ﻓﻲ ﺍﻟﺴﺎﻋﻪ ﻟﻘﺖ ﻭﻗﺖ ﻭﻟﺰﻡ ﺗﻠﺒﺲ ﺑﻴﺶ ﺗﻌﺪﻱ ﺍﻟﺠﺎﻣﻌﻪ ﺟﺖ ﺑﺘﺴﻜﺮ ﺍﻟﺮﻭﺷﻦ ﻭﺗﺴﺘﻚ
ﻫﻮﺍ ﻗﺪﺍﻣﻬﺎ ﻗﺎﻋﺪ ﻗﻌﺪﺕ ﺗﺒﺤﺖ ﻓﻴﻪ ﻫﻮﺍ ﻓﻲ ﺍﻻﻭﻝ ﻣﺎ ﻓﻄﻨﺶ ﺑﺲ ﻻ ﺍﺭﺍﺩﻳﺎ ﺑﺤﺖ ﻓﻮﻕ
ﻟﻘﺎﻫﺎ ﺍﺗﺒﺤﺖ ﻓﻴﻪ ﺑﺲ ﻋﻄﺎﺗﻪ ﻧﻀﺮﻩ ﻋﺘﺎﺏ ﻫﻮﺍ ﻓﺎﻫﻤﻬﺎ ﻋﺪﺍ ﻃﺒﺲ ﺭﺍﺳﻪ
ﺭﻧﻴﻢ ﺭﻗﺎﻟﻬﺎ ﻭﺳﻜﺮﺕ ﺍﻟﺮﻭﺷﻦ
~~~~
ﻋﻨﺪ ﻫﻴﺜﻢ
ﻫﻴﺜﻢ ﺧﺸﺖ ﺍﻣﻪ ﺗﻮﻋﻲ ﻓﻴﻪ ﻟﻘﺎﺗﻪ ﺭﺍﻗﺪ ﻭﻣﺎﺳﻚ ﺣﺪﻳﺪﻩ ﺟﺖ ﺧﺬﺕ ﺍﻟﺤﺪﻳﺪﻩ ﻗﻌﺪﺕ ﺍﺗﺒﺤﺖ
ﻓﻴﻬﺎ ﻟﻘﺖ ﻋﻠﻴﻬﺎﺍﺳﻢ ﺭﻧﻴﻢ ﺍﺑﺘﺴﻤﺖ ﻭﺣﻄﺖ ﺍﻟﺤﺪﻳﺪﻩ ﻭﻃﻠﻌﺖ ﻓﺮﺣﺎﻧﻪ ﺣﺴﺖ
ﺍﻥ ﻫﻴﺜﻢ ﻣﻜﺒﺪ ﻓﻲ ﻭﺣﺪﻩ ﻭﺍﺳﻤﻬﺎ ﺭﻧﻴﻢ ﻭﺍﺧﻴﺮﺍ ﻗﺪﺭ ﻫﻴﺜﻢ ﻳﻄﻠﻊ ﻣﻦ ﻋﻘﺪﻩ ﺍﻟﻲ ﻫﻮﺍ ﻓﻴﻬﺎ
ﻣﻜﺎﻧﺘﺶ ﺗﻌﺮﻑ ﻗﺼﻪ ﺍﻟﺤﺪﻳﺪﻩ ﺍﻟﻲ ﻓﻲ ﻳﺪﻩ
ﺑﻌﺪ ﺳﺎﻋﻪ ﻧﺎﺽ ﻫﻴﺜﻢ ﻭﺗﺮﻭﺵ ﻭﺻﻠﻲ ﻭﻧﺰﻝ ﻟﻘﺎ ﺍﻟﻀﺤﻚ ﻋﺎﻟﻲ ﺑﻴﻦ ﺍﻟﺼﺒﺎﻳﻪ ﻭﺣﺪﻩ ﻣﻦ
ﺧﻮﺍﺕ ﻫﻴﺜﻢ ﻛﺎﻧﺖ ﺣﺎﻣﻞ ﺑﻲ ﺑﻨﻮﺗﻪ ﺍﻭﻝ ﻣﺎ ﺍﻡ ﻫﻴﺜﻢ ﺷﺎﻓﺖ ﻫﻴﺜﻢ ﺟﺎﻱ ﺷﻮﺭﻫﻦ ﻗﺎﻟﺖ
ﺍﻡ ﻫﻴﺜﻢ : ﺗﺼﺪﻗﻲ ﻳﺎ ﺍﻧﻮﺍﺭ ﻟﻘﻴﺖ ﺍﺳﻢ ﺣﻠﻮ ﺍﺗﺴﻤﻴﻪ ﻟﺒﻨﺘﻚ
ﺍﻧﻮﺍﺭ : ﺻﺎﺡ ﻭﺷﻦ ﻫﻮﺍ ﻳﺎ ﻣﺎﻣﺎ
ﻭﻫﻨﺎ ﺧﺶ ﻫﻴﺜﻢ ﻗﺎﻝ
ﻫﻴﺜﻢ : ﺻﺒﺎﺡ ﺍﻟﺨﻴﺮ
ﺍﻡ ﻫﻴﺜﻢ : ﺻﺒﺎﺡ ﺍﻟﻨﻮﺭ ﻳﺎ ﺍﻭﻟﻴﺪﻱ ﻫﻲ ﻋﺪﻱ ﺍﻓﻄﺮ
ﻫﻴﺜﻢ : ﺭﺑﻲ ﻳﺨﻠﻴﻚ ﻟﻴﺎ ﻭﺑﺎﺱ ﺭﺍﺳﻬﺎ ﻭﻋﺪﺍ ﻋﺸﺎﻥ ﻳﺸﺮﺏ ﺍﻣﻴﻪ
ﺍﻡ ﻫﻴﺜﻢ ﻏﻤﺰﺕ ﻟﻲ ﺑﻨﺘﻬﺎ ﻭﻗﺎﻟﺖ : ﺭﻧﻴﻢ
ﻫﻴﺜﻢ : ﻛﺢ ﻛﺢ ﻛﺢ
ﺍﻡ ﻫﻴﺜﻢ : ﺳﻤﻠﻪ ﻋﻠﻲ ﻭﻟﻴﺪﻱ ﻛﻨﻚ
ﻫﻴﺜﻢ : ﺍﻩ ﻣﺎ ﻓﻴﺎ ﺷﻲ ﻛﺢ ﻛﺢ ﺍﻧﺎ ﺑﻨﻄﻠﻊ ﻫﻴﺎ ﺳﻼﻡ ﻧﺸﻮﻓﻜﻢ ﺑﻌﺪﻳﻦ
ﻭﻃﻠﻊ ﻭﺳﻴﺒﻬﻢ ﻭﺍﻣﻪ ﻗﻌﺪﺕ ﺗﻀﺤﻚ ﻓﺮﺣﺎﻧﻪ ﻫﻴﺎ ﻭﺍﺧﺖ ﻫﻴﺜﻢ
~~~~
ﻫﻴﺜﻢ ﺭﻛﺐ ﻳﺠﺮﻱ ﻓﻮﻕ ﻭﺟﺎ ﻋﻨﺪ ﺍﻟﺴﺮﻳﺮ ﻭﻗﻌﺪ ﻳﺪﻭﺭ ﻋﻠﻲ ﺍﻟﺤﺪﻳﺪﻩ ﻛﻴﻒ ﺍﻟﻤﺠﻨﻮﻥ
ﻫﻴﺜﻢ : ﻭﻳﻨﻬﺎ ﻭﻳﻨﻬﺎ ﺍﻛﻴﺪ ﺍﻣﻲ ﺷﺎﻓﺘﻬﺎ ﺍﻛﻴﺪ ﻣﺶ ﻣﻦ ﻋﻘﻠﻬﺎ ﺗﻘﻮﻝ ﺭﻧﻴﻢ ﻭﺑﻌﺪ ﺍﺷﻮﻳﻪ ﻟﻘﺎﻫﺎ ﺍﻓﻒ
ﻭﺍﺧﻴﺮﺍ ﺑﺲ ﻛﻴﻒ ﺧﻄﺮ ﻋﻠﻴﻬﺎ ﺍﻻﺳﻢ ﻫﻀﺎ ﺍﻛﻴﺪ ﺷﺎﻓﺖ ﺍﻟﺤﺪﻳﺪﻩ ﺍﻛﻴﺪ
ﺧﺬﺍ ﺍﻟﺤﺪﻳﺪﻩ ﺣﻄﻬﺎ ﻓﻲ ﺍﻟﺨﺰﻧﻪ ﻭﻟﺒﺲ ﻭﻃﻠﻊ ﻟﻲ ﺍﻟﻌﻴﺎﺩﻩ
ﻭﻫﻮﺍ ﻓﻲ ﺍﻟﻄﺮﻳﻖ ﺟﺖ ﻗﺪﺍﻣﻪ ﻟﻘﻄﻪ ﺭﻧﻴﻢ ﻭﻫﻴﺎ ﺗﺒﺤﺖ ﻓﻴﻪ ﺯﻳﻦ ﻣﻘﺮﺏ ﻣﻨﻬﺎ ﺍﺭﺗﺴﻤﺖ
ﺍﺑﺘﺴﺎﻣﻪ ﻋﻠﻲ ﻭﺟﻬﺎ ﻭﻗﻠﺒﻪ ﻗﻌﺪ ﺍﻳﺪﻕ ﺑﺲ ﺭﺩ ﻓﻄﻦ ﻟﻲ ﺭﻭﺣﺎ ﻭﻛﻤﻞ ﻃﺮﻳﻘﻪ ﻟﻌﻨﺪ ﻭﺻﻞ
ﻟﻠﻌﻴﺎﺩﻩ
~~~
ﻋﻨﺪ ﻋﻤﺎﺩ
ﻋﻤﺎﺩ ﻛﺎﻳﻦ ﺭﺍﻗﺪ ﻧﺎﺽ ﺣﺲ ﺭﻭﺣﺎ ﺍﻣﻜﺴﺪ ﻃﻠﻊ ﺑﺮﺍ ﻭﻃﻠﻊ ﺳﺒﺴﻲ ﻭﻗﻌﺪ ﺍﻳﺪﺧﻦ ﺭﻥ ﻋﻠﻴﻪ
ﺳﺎﻟﻢ ﻓﺘﺢ ﻋﻠﻴﻪ
ﻋﻤﺎﺩ : ﺍﻟﻮﻭﻭ ﺳﻠﻮﻣﺎ ﺷﻦ ﺍﻟﺠﻮﻭ
ﺳﺎﻟﻢ : ﺗﻤﺎﻡ ﻳﺎ ﻏﺎﻟﻲ ﻗﺘﻠﻚ ﺍﻣﺘﺎ ﺑﺘﺠﻮ ﺭﺟﺎﻟﻪ ﻋﺸﺎﻥ ﺍﻧﺘﻔﺎﻫﻤﻮ ﺍﻟﻤﻬﺮ ﻭﻫﻜﻲ
ﻋﻤﺎﺩ : ﺍﻟﻲ ﻳﻨﺎﺳﺒﻚ ﻳﺎ ﺳﺎﻟﻢ ﻧﺤﻨﺎ ﻋﺎﺩﻱ
ﺳﺎﻟﻢ : ﺑﻌﺪ ﺍﺳﺒﻮﻉ ﻳﻮﻡ ﺍﻟﺮﺑﻌﺎﺀ ﻳﻨﺎﺳﺒﻚ
ﻋﻤﺎﺩ : ﺗﻢ ﻫﻜﻲ ﻣﺎﺷﻲ ﺑﻴﺶ ﺣﺘﺎ ﺑﻴﺶ ﻧﻨﻬﻲ ﺍﻣﻮﺭ ﺍﻟﺪﻓﻊ ﻭﻧﺒﻠﻎ ﺍﻻﻫﻞ
ﺳﺎﻟﻢ : ﺧﻼﺹ ﻣﺎﺷﻲ ﺗﺒﻲ ﺣﺠﺎ ﻣﻨﻲ
ﻋﻤﺎﺩ ﻻﻻ ﺳﻼﻣﺘﻚ ﻣﻌﺎ ﺍﻟﺴﻼﻣﻪ
ﺳﺎﻟﻢ ﺳﻜﺮ ﻣﻦ ﻋﻤﺎﺩ ﻭﺑﻠﻎ ﺣﻨﻴﻦ ﺑﻜﻞ ﺷﻲ
ﺑﻌﺪ ﻛﻤﻞ ﻋﻤﺎﺩ ﺭﻓﻊ ﺭﺍﺳﻪ ﺑﺤﺖ ﻓﻲ ﺣﻮﺵ ﺭﻧﻴﻢ ﺑﺤﺴﺮﻩ ﻭﺑﻌﺪﻫﺎ ﺭﻓﻊ ﺭﺍﺳﻪ ﻓﻲ ﺭﻭﺷﻦ ﺭﻧﻴﻢ
ﺗﻔﺎﺟﺎﺀ ﻟﻘﺎﻫﺎ ﺍﺗﺒﺤﺖ ﻓﻴﻪ ﺑﻨﻔﺲ ﺍﻟﻨﻀﺮﻩ ﻧﻀﺮﻩ ﺍﻟﻌﺘﺎﺏ ﻧﻀﺮﻩ ﺍﻟﺤﺰﻥ ﺍﻟﻲ ﻣﻠﻴﺎﻧﻪ ﺑﻤﻔﺲ ﺍﻻﺳﺎﻟﻪ ﻣﻌﺶ ﻗﺪﺭ ﻳﺮﻓﻊ ﻋﻴﻨﺎ ﻃﺒﺲ ﻭﻗﺎﻝ
ﻋﻤﺎﺩ : ﻣﺶ ﻗﺎﺩﺭ ﻧﺤﻂ ﻋﻴﻨﻲ ﻓﻲ ﻋﻴﻨﻚ ﻳﺎ ﺭﻧﻴﻢ ﺳﺎﻣﺤﻴﻨﻲ
ﻭﺣﻂ ﺍﻳﺪﺍ ﻓﻲ ﺟﻴﺒﺎ ﻭﻃﻠﻊ ﺗﻠﻔﻮﻧﺎ ﻭﻗﻌﺪ ﻣﻄﺒﺲ ﺭﺍﺳﻪ ﻟﺤﺪ ﺳﻤﺢ ﺍﻟﺮﻭﺷﻦ ﺍﺳﻜﺮ ﺑﻌﺪﻫﺎ
ﺑﺤﺖ ﻃﻮﻝ ﻋﺮﻑ ﺍﻧﻬﺎ ﺭﻗﺎﻟﻬﺎ ﻣﻦ ﺍﻟﻘﻄﻪ ﺍﺿﺎﻳﻖ ﻭﺧﺶ ﻟﻠﺤﻮﺵ ﻣﻌﺶ ﻗﺪﺭ ﻳﺘﺤﻤﻞ
~~~
ﻋﻨﺪ ﻫﻴﺜﻢ
ﻫﻴﺜﻢ ﺍﻟﻴﻮﻡ ﻫﻀﺎ ﻣﺮ ﻃﺒﻴﻌﻲ ﻋﻠﻴﻪ ﺍﻻ ﺷﻲ ﻭﺍﺣﺪ ﺑﺲ ﺭﻧﻴﻢ ﺑﺪﺕ ﺗﺎﺧﺬ ﻓﻲ ﺟﺰﺀ ﻣﻦ ﻋﻘﻠﻪ
ﻣﺶ ﻓﺎﻫﻢ ﻟﻴﺶ ﻛﻞ ﻣﻜﺎﻥ ﻳﻤﺸﻴﻠﻪ ﻳﺬﻛﺮ ﺍﻟﻤﻮﻗﻒ ﺍﻟﻲ ﺻﺎﺭ ﻓﻲ ﺍﻟﻤﻜﺎﻥ ﻫﻀﺎ ﺍﻟﻤﺼﻌﺪ ﻋﻨﺪ
ﺍﻻﺳﺘﻘﺒﺎﻝ ﻋﻨﺪ ﺍﻟﺪﻛﺘﻮﺭ ﻭﻟﻴﺪ ﺑﺮﻡ ﻓﻲ ﻛﻞ ﻣﻜﺎﻥ ﻛﺎﻧﺖ ﻓﻴﻪ ﻫﻴﺎ ﻣﺶ ﻓﺎﻫﻢ ﻟﻴﺶ ﺑﺲ ﻓﻲ
ﺷﻲ ﺧﻼﻩ ﻳﺬﻛﺮﻫﺎ ﻭﻧﻀﺮﺗﻬﺎ ﻋﻴﻮﻧﻬﺎ ﻟﺒﺴﺘﻬﺎ ﺟﺮﺍﺗﻬﺎ ﺷﺨﺼﻴﺘﻬﺎ ﻋﻄﺮﻫﺎ ﻛﻠﻪ ﻛﺎﻥ ﻳﺪﻭﺭ ﻓﻲ
ﺑﺎﻟﻪ ﻭﻣﺶ ﻓﺎﻫﻢ ﻟﻴﺶ ﺷﻦ ﺍﻟﺴﺒﺐ ﻟﺪﺭﺟﻪ ﺍﻧﺎ ﺩﺍﺭ ﺍﻟﻌﻤﻠﻴﺎﺕ ﻭﻃﻠﻊ ﻟﻐﺎ ﺑﺎﻗﻲ ﺍﻟﻤﻮﺍﻋﻴﺪ ﺣﺲ
ﺍﻥ ﺗﻔﻜﻴﺮﻩ ﻣﺸﻮﺵ ﻭﻣﺶ ﺣﺎ ﻳﺮﻛﺰ ﻓﻲ ﺷﻲ
~~~~
ﻋﻨﺪ ﺻﻬﻴﺐ
ﺻﻬﻴﺐ ﻟﻪ ﻛﻢ ﻳﻮﻡ ﻳﺒﺎﺕ ﻋﻨﺪ ﺻﺎﺣﺒﻪ ﻓﻲ ﺍﻟﻤﺴﺘﺸﻔﻲ ﻋﺸﺎﻥ ﺩﺍﻳﺮ ﻋﻤﻠﻴﻪ ﺍﻟﺰﺍﻳﺪﻩ ﻣﺮﻩ
ﺻﻬﻴﺐ ﻛﺎﻳﻦ ﺑﺮﺍ ﻳﺠﻴﺐ ﻓﻲ ﻏﺪﺍﺀ ﻭﻫﻮﺍ ﺟﺎﻱ ﻟﻘﺎ ﺑﻨﺖ ﻓﻲ ﺍﻟﻤﻤﺮ ﻭﺗﺒﻜﻲ ﻋﻠﻲ ﺑﺎﺗﻬﺎ ﻋﻨﺪﺍ
ﺍﻟﺴﻜﺮ ﻭﺧﺶ ﻓﻲ ﻏﻴﺒﻮﺑﻪ ﻭﺗﻌﻴﻂ ﻭﺗﺒﻲ ﺗﺨﺶ ﻋﻠﻴﻪ ﻭﻳﻘﻮﻟﻮﻟﻬﺎ ﻣﻤﻨﻮﻉ ﺻﻬﻴﺐ ﻗﻌﺪ ﻳﺒﺤﺖ
ﻓﻴﻬﺎ ﻛﺎﻧﺖ ﻣﻘﻤﻌﺰﻩ ﻋﻠﻲ ﺍﻻﺭﺽ ﻭﺗﺒﻜﻲ ﻭﺗﻘﻮﻝ ﺑﺎﺑﺎ ﺑﺎﺑﺎ ﻭﺑﻌﺪﻫﺎ ﺻﺒﺖ ﻭﻗﻌﺪﺕ ﺍﺗﺮﻥ ﺑﺘﻠﻔﻮﻥ
ﻭﺗﻜﻠﻢ ﻓﻲ ﺧﻮﻫﺎ ﻭﺳﻜﺮﺕ ﻭﺻﻬﻴﺐ ﻧﺴﺎ ﺻﺎﺣﺒﻪ ﻭﻗﻌﺪ ﻏﻴﺮ ﻳﺮﺍﻗﺐ ﻓﻴﻬﺎ ﻛﺎﻧﻦ ﺗﻌﺎﺑﻴﺮﻫﺎ
ﻃﻔﻮﻟﻴﻪ ﻛﻴﻒ ﺍﻟﺒﻴﺒﻲ ﻭﻫﻴﺎ ﺗﺒﻜﻲ ﻭﻓﺠﺎﻩ ﺍﺫﻛﺮ ﺻﺎﺣﺒﻪ ﺍﻃﺮ ﺍﻳﺴﻴﺒﻬﺎ ﻭﻋﺪﺍ ﺑﺲ ﻛﺎﻧﺖ ﻋﻨﺪﺍ
ﻓﻜﺮﺍ ﻳﺒﻲ ﻳﺪﻳﺮﻫﺎ
ﻳﺘﺒﻊ
ﻫﻞ ﺣﺎ ﺗﻌﺮﻑ ﺭﻧﻴﻢ ﺍﻟﺴﺒﺐ ﺍﻟﻲ ﻗﻄﻊ ﺍﻟﻌﻼﻗﻪ ﺑﻴﻨﻬﺎ ﻭﺑﻴﻦ ﻋﻤﺎﺩ ﻭﻻ
ﻫﻴﺜﻢ ﻟﻴﺶ ﻗﻌﺪ ﻳﻔﻜﺮ ﻓﻲ ﺭﻧﻴﻢ ﻭﻣﺶ ﻗﺎﺩﺭ ﻳﻄﻠﻌﺎ ﻣﻦ ﻋﻘﻠﻪ ﻭﻫﻮﺍ ﺷﺎﻓﻬﺎ ﻣﺮﻩ ﻭﺣﺪﻩ
ﺻﻬﻴﺐ ﺷﻦ ﻓﻲ ﺭﺍﺳﻪ ﺑﻴﺪﻳﺮﺍ ﺑﺨﺼﻮﺹ ﺍﻟﺒﻨﺖ ﻭﻣﻦ ﻫﻴﺎ ﻭﻟﻴﺶ ﺍﻧﺸﺪ ﺻﻬﻴﺐ ﺍﻟﻬﺎ
ﺣﺎ ﻧﻌﺮﻓﻮ ﺍﻟﺤﻠﻘﺖ ﺍﻝ
ﺍﺳﻔﻪ ﻃﻮﻟﺖ ﻋﻠﻴﻜﻢ ﻣﻜﺎﻧﺶ ﻋﻨﺪﻱ ﻧﺖ ﺳﺎﻣﺤﻮﻧﻲ
ﺍﻥ ﺷﺎﺀﺍﻟﻠﻪ ﺗﻌﺠﺒﻜﻢ ﺍﻟﺤﻠﻘﻪ ﺯﻱ ﺑﺎﻗﻲ ﺍﻟﺤﻠﻘﺎﺕ ﺣﺎﻭﻟﺖ ﻧﻄﻮﻟﻪ ﻋﻠﻲ ﻗﺪ ﻣﺎ ﻧﻘﺪﺭ ﻗﺮﺍﻩ ﻣﻤﺘﻌﻪ
ﺍﻋﺠﺎﺏ + ﺗﻌﻠﻴﻖ ﻃﻮﻳﻞ + ﺗﺎﻕ ﻟﻼﺻﺪﻗﺎﺀ = ﻓﺮﺣﻮ ﻗﻠﺒﻲ ﺍﺣﻼ ﻣﺘﺎﺑﻌﻴﻦ
