ﺭﻭﺍﻳﻪ
# ﺩﻗﺎﺕ _ ﻗﻠﺐ
# ﺍﻟﺤﻠﻘﻪ _ ﺍﻟﺜﺎﻟﺜﻪ
( ﺑﻘﺪﺭ ﻛﺮﻫﻲ ﻟﻚ ﻓﻲ ﺍﻟﻤﺎﺿﻲ ﺑﻘﺪﺭ ﻧﺪﻣﻲ ﺍﻻﻥ ﻋﻠﻲ ﻟﺤﻀﺎﺗﻲ ﺑﺪﻭﻧﻚ )
ﻋﻨﺪ ﻋﻤﺎﺩ
ﺍﻭﻝ ﻣﺎ ﺧﺸﺖ ﺍﺧﺖ ﺳﺎﻟﻢ ﺍﺳﻤﻬﺎ ( ﺣﻨﻴﻦ ) ﻛﺎﻥ ﻣﺒﻬﻮﺭ ﻛﺎﻧﺖ ﻃﺎﻟﻌﺎ ﺗﻬﺒﻞ ﻭﻛﺎﻧﺖ ﻣﺘﻐﻴﺮﻩ ﻋﻠﻲ ﺍﺧﺮ ﻣﺮﻩ ﺷﺎﻓﻬﺎ ﻓﻴﻬﺎ ﺑﻌﺪ ﺍﺧﺮ ﻟﻘﺎﺀ ﺑﻴﻨﻬﻢ
( ﻋﻤﺎﺩ ﻭﺣﻨﻴﻦ ﻗﻌﺪﻭ ﻓﺘﺮﻩ ﻳﺤﻜﻮ ﻣﻌﺎ ﺑﻌﻀﻬﻢ ﺑﺲ ﺑﻌﺪ ﺩﺧﻠﺖ ﺭﻧﻴﻢ ﻓﻲ ﺍﻟﻤﻮﺿﻮﻉ ﻭﺣﺒﻬﺎ ﻗﺮﺭ ﻳﺴﻴﺐ ﺣﻨﻴﻦ ﺍﻟﻲ ﻛﺎﻧﺖ ﻋﻼﻗﺘﻪ ﺑﻴﻬﺎ ﻟﻤﺪﻩ 5 ﺍﺷﻬﻮﺭ ﻭﻧﺺ ﻭﻣﺮ ﻋﻠﻲ ﻗﺼﺘﻬﻢ ﺳﻨﺘﻴﻦ )
~~~~
ﺣﻨﻴﻦ : ﺍﻟﺴﻼﻡ ﻋﻠﻴﻜﻢ
ﺳﺎﻟﻢ : ﺧﺸﻲ ﻳﺎ ﺣﻨﻴﻦ ﺗﻌﺎﻟﻲ
ﻋﻤﺎﺩ : ﻭﻋﻠﻴﻜﻢ ﺍﻟﺴﻼﻡ ﻭﻧﺰﻝ ﺭﺍﺳﻪ ﻟﻮﻃﻪ
ﺳﺎﻟﻢ : ﺧﻮﺫﻭ ﺭﺍﺣﺘﻜﻢ ﻧﻌﺪﻱ ﻧﺠﻴﺐ ﻭﻻﻋﺘﻲ ﻭﻧﺠﻴﻜﻢ
ﻗﻌﺪﻭ ﺳﺎﻛﺘﻴﻦ ﻧﻴﻦ ﻋﻤﺎﺩ ﺭﻓﻊ ﺭﺍﺳﻪ ﻭﺑﺤﺖ ﻓﻴﻬﺎ ﻛﻴﻒ ﻣﺘﺤﺸﻤﻪ
ﻋﻤﺎﺩ ﻳﺪﻭﻱ
ﺗﻐﻴﺮﺗﻲ ﺑﻜﻞ ﻳﺎ ﺣﻨﻴﻦ ﻛﺒﺮﺗﻲ ﺧﺎﻳﻒ ﻧﻀﻠﻤﻚ ﻣﻌﺎﻳﺎ ﻣﺮﻩ ﺍﺧﺮﺍ ﺭﺑﻲ ﻳﻘﺪﺭﻧﻲ ﻭﻧﺴﻌﺪﻙ ﻭﻳﻘﺪﺭﻙ ﺗﻨﺴﻴﻨﻲ ﻭﺟﻊ ﻗﻠﺒﻲ
~~~~
ﻋﻤﺎﺩ : ﺣﻨﻴﻦ ﺍﺭﻓﻌﻲ ﺭﺍﺳﻚ ﻧﺒﻲ ﻧﺤﻜﻲ ﻣﻌﺎﻙ
ﺣﻨﻴﻦ ﺭﻓﻌﺖ ﺭﺍﺳﻪ ﺷﻮﻳﻪ : ﺗﻔﻀﻞ ﻗﻮﻝ ﻋﻤﺎﺩ
ﻋﻤﺎﺩ : ﺑﺼﺮﺍﺣﻪ ﺍﻧﺎ ﻋﻨﺪﻱ ﺷﻘﻪ ﻓﻮﻕ ﻫﻠﻲ ﻭﻣﺎ ﻋﻨﺪﺵ ﻣﺸﻜﻠﻪ ﻛﺎﻥ ﺑﺘﻜﻤﻠﻲ ﺍﻗﺮﺍﻳﺘﻚ ﺑﺲ ﺍﻫﻢ ﺷﻲ ﺍﻣﻲ ﻭﺧﻮﺍﺗﻲ ﻭﺍﻟﺒﺎﻗﻲ ﻣﺶ ﺣﺎ ﻧﺨﺘﻠﻔﻮ ﻓﻴﻪ ﻫﻀﺎ ﺷﺮﻃﻲ ﺑﺲ ﺍﻣﻲ ﺗﻌﺎﻣﻠﻴﻬﺎ ﻛﻮﻳﺲ ﻭﺍﻟﺒﺎﻗﻲ ﺍﻋﻴﻮﻧﻲ ﻟﻜﻲ ﻓﻴﻪ ﻭﺭﺑﻲ ﻳﻜﺘﺐ ﺍﻟﻲ ﻓﻴﻪ ﺍﻟﺨﻴﺮ
ﺣﻨﻴﻦ : ﺍﻣﻚ ﻓﻲ ﺍﻋﻴﻮﻧﻲ ﻭﺧﻮﺍﺗﻚ ﺣﺎ ﻧﻜﺴﺒﻦ ﺑﺎﺫﻥ ﺍﻟﻠﻪ
ﺑﺲ ﺳﺎﻟﻢ ﻣﺎ ﻳﻌﻠﻤﺶ ﺑﺎﻧﻲ ﻛﻨﺖ ﻧﻌﺮﻓﻚ ﺻﺢ
ﻋﻤﺎﺩ : ﻻﻻﻭﻣﺴﺘﺤﻴﻞ ﻧﻘﻮﻝ ﻣﺘﺨﺎﻓﺶ
~ ﺣﻨﻴﻦ ﺗﺮﻳﺤﺖ ﻭﻃﻤﻨﺖ ﻻﻥ ﻛﺎﻧﺖ ﺧﺎﻳﻔﻪ ~
ﻋﻤﺎﺩ ﺣﻜﺎ ﻟﻲ ﺣﻨﻴﻦ ﻋﻦ ﻃﺒﻴﻌﻪ ﺷﻐﻠﻪ ﻭﺍﻟﺮﺍﺗﺐ ﻭﺭﻭﺗﻴﻦ ﺣﻴﺎﺗﻪ ﺍﻟﺠﺪﻳﺪ ﻭﺍﻓﻘﺖ ﻋﻠﻲ ﻛﻞ ﺷﻲ ﻭﺣﻨﻴﻦ ﺗﻤﻨﺖ ﺍﻟﻴﻮﻡ ﻣﺎ ﻳﻜﻤﻠﺶ ﺑﻜﻞ ﻣﻦ ﻓﺮﺣﺘﻬﺎ
~~~~
ﻭﻫﻤﺎ ﻳﺤﻜﻮ ﻭﺳﺎﻟﻢ ﻓﻲ ﺍﻟﻤﻄﺒﺦ
ﻏﺮﻳﺒﻪ ﺍﺧﺘﻲ ﻭﺍﻓﻘﺖ ﻣﻦ ﺩﻭﻥ ﻣﺎ ﺗﻘﻮﻝ ﻧﺒﻲ ﻧﻔﻜﺮ ﻭﻻ ﺷﻲ ﻭﻋﻤﺎﺩ ﺣﺘﺎ ﻫﻮﺍ ﻏﺮﻳﺒﻪ ﻃﻠﺒﻬﺎ ﺑﻲ ﺍﻟﻄﺮﻳﻘﻪ ﻫﺬﻱ ﻟﻜﻦ ﺍﻫﻢ ﺷﻲ ﺗﻜﻮﻥ ﻣﺘﺮﻳﺤﻪ ﻭﻋﺪﺍ ﻗﻤﻌﺰ ﻣﻌﺎﻫﻢ
~~~~
ﻭﻫﻤﺎ ﻳﺤﻜﻮ ﺧﺶ ﺳﺎﻟﻢ ﻭﻋﻤﺎﺩ ﻛﻤﻞ ﻛﻼﻣﻪ
ﻋﻤﺎﺩ : ﺑﻨﺴﺒﻪ ﻟﻲ ﺍﻟﺼﺒﺎﻳﻪ ﺣﺎ ﻳﺠﻮ ﻳﻮﻡ ﺍﻻﺛﻨﻴﻦ ﻳﺘﻌﺮﻓﻮ ﻋﻠﻴﻚ ﺑﻌﺪﻫﺎ ﻳﺠﻮ ﺍﻟﺮﺟﺎﻟﻪ ﺗﻤﺎﻡ
ﺳﺎﻟﻢ : ﺗﻤﺎﻡ ﺧﻼﺹ ﺑﻴﻨﺎ ﺍﻟﻮ
ﻋﻤﺎﺩ : ﺗﻮﺍ ﻧﺴﺘﺎﺫﻥ ﻣﻨﻜﻢ
ﺳﺎﻟﻢ : ﺣﻨﻴﻦ ﺧﻮﺫﻱ ﺍﻟﻘﻬﻮﻩ ﻭﺧﺸﻲ
ﺣﻨﻴﻦ : ﺑﻔﺮﺣﻪ ﺣﺎﺿﺮ ﻭﻋﺪﺕ
ﻋﻤﺎﺩ : ﺍﻃﻤﻦ ﺍﻧﺎ ﻣﺶ ﺣﺎ ﻧﺰﻋﻠﻬﺎ ﻭﺣﺎ ﻧﺤﻄﻬﺎ ﻓﻲ ﺍﻋﻴﻮﻧﻲ
ﺳﺎﻟﻢ : ﻳﺎﺭﺏ ﻳﺎ ﻧﺴﻴﺒﻲ ﺭﺍﻫﻲ ﺿﻲ ﻋﻴﻮﻧﻲ ﺣﻨﻴﻦ
•••••
ﺣﻨﻴﻦ ﺧﺸﺖ ﺻﻠﺖ ﺭﻛﻌﺘﻴﻦ ﺷﻜﺮ ﻟﻲ ﺭﺑﻲ ﻻﻥ ﻃﻮﻝ ﻫﺎ ﺍﻟﻔﺘﺮﻩ ﻭﻫﻴﺎ ﺗﺼﻠﻲ ﻋﺸﺎﻥ ﺭﺑﻲ ﻳﺠﻤﻊ ﺑﻴﻨﻬﺎ ﺑﻴﻦ ﻋﻤﺎﺩ ﻻﻥ ﻫﻴﺎ ﻗﻌﺪﺕ ﺍﺗﺤﺒﻪ ﺣﺘﺎ ﺑﻌﺪ ﺳﻴﺒﻬﺎ ﻭﺍﺧﻴﺮﺍﻥ ﺭﺑﻲ ﻗﺒﻞ ﻭﺳﺘﺠﺎﺏ ﻟﻲ ﺩﻋﻮﺍﺗﻬﺎ •••
*******
ﻋﻤﺎﺩ : ﻛﻮﻥ ﻫﺎﻧﻲ ﻳﺎ ﺳﺎﻟﻢ ﻣﺎ ﺗﺨﺎﻓﺶ ﻫﻴﺎ ﺍﻧﺎ ﺑﻨﻌﺪﻱ ﻭﻗﺖ ﻋﻠﻴﺎ
ﺳﺎﻟﻢ : ﻃﻤﻨﺘﻨﻲ ﺑﺎﻫﻲ ﻟﻴﻠﺘﻚ ﺳﻌﻴﺪﻩ
ﻋﻤﺎﺩ ﻃﻠﻊ ﻭﺣﺲ ﺍﻥ ﺳﺎﻟﻢ ﺷﻚ ﺑﺸﻲ ﺑﺨﺼﻮﺹ ﺍﻟﺴﺮﻋﻪ ﻫﺬﻱ ﺑﺲ ﺗﺮﻳﺢ ﺍﻥ ﺍﻟﻤﻮﺿﻮﻉ ﻋﺪﺍ ﻋﻠﻲ ﺧﻴﺮ ﻭﻣﺸﺎ ﺷﻮﺭ ﺍﻟﺤﻮﺵ ﻭﻃﻮﻝ ﺍﻟﻄﺮﻳﻖ ﻭﻫﻮﺍ ﻳﻔﻜﺮ ﺷﻦ ﻳﺴﺘﻨﺎ ﻓﻴﻪ
ﺭﻭﺡ ﻋﻤﺎﺩ ﻭﻗﻤﻌﺰ ﻣﻌﺎ ﺍﻣﻪ
ﺍﻡ ﻋﻤﺎﺩ : ﻫﺎﻳﺎ ﻭﻟﻴﺪﻱ ﺷﻦ ﺻﺎﺭ
ﻋﻤﺎﺩ : ﻛﻠﻪ ﺗﻤﺎﻡ ﻳﺎ ﺍﻣﻲ ﺍﻟﺒﻨﺖ ﻣﺸﺎﺀ ﺍﻟﻠﻪ ﻋﻠﻴﺎ ﺍﺩﺏ ﻭﺍﺧﻼﻕ ﻭﺣﻠﻮﻩ ﻭﻳﻮﻡ ﺍﻻﺛﻨﻴﻦ ﺣﺎ ﺗﺎﺧﺬﻭ ﻣﻌﺎﻛﻢ ﺣﺠﺎﺕ ﻭﺗﻤﺸﻲ ﺍﻧﺘﻲ ﻭﺧﻮﺍﺗﻲ ﺍﺗﻌﺮﻓﻮ ﻋﻠﻴﻬﺎﺍﻧﺎ ﻓﻬﻤﺘﻬﺎ ﻛﻞ ﺷﻲ ﻭﻫﻴﺎ ﺭﺍﺿﻴﻪ ﻭﻋﻄﻴﺘﻬﻢ ﺍﻟﻌﻠﻢ ﻭﺑﻜﺮﺍ ﺑﻨﻌﺪﻱ ﻋﻨﺪ ﻋﻤﺎﻣﻲ ﺑﻴﺶ ﻧﺤﻜﻴﻠﻬﻢ ﻫﻜﻲ
ﺍﺧﺖ ﻋﻤﺎﺩ : ﺭﺑﻲ ﻳﻔﺮﺣﻨﺎ ﺑﻴﻚ ﺍﻗﺮﻳﺐ
ﻋﻤﺎﺩ : ﺍﻣﻴﻦ ﻫﻴﺎ ﺍﻧﺎ ﻧﺒﻲ ﻧﺼﺒﻲ ﺑﺲ ﺍﺳﻤﻌﻮ ﻭﻻ ﻭﺣﺪﻩ ﺗﻨﺰﻝ ﺗﺎ ﺍﻳﺸﻲ ﻋﻠﻲ ﺍﻟﻔﻴﺲ ﻭﻻ ﺗﻜﺘﺒﻦ ﻻ ﻓﻴﺲ ﻭﻻ ﺍﻧﺴﺘﺎ ﻧﻴﻦ ﺍﻧﺎ ﻧﻘﻮﻟﻠﻜﻢ ﺗﻨﺰﻟﻮ
ﺍﺧﺖ ﻋﻤﺎﺩ : ﺗﻲ ﻟﻴﺶ ﻗﺒﻞ ﻧﺒﻲ ﻧﺰﻝ ﻧﺎ
ﻋﻤﺎﺩ : ﺗﻮﺗﻨﺰﻟﻮ ﺧﻠﻮ ﺍﻟﻤﻮﺿﻮﻉ ﻳﺴﻴﺮ ﻣﻨﺎ ﻗﺒﻞ
ﺍﺧﺖ ﻋﻤﺎﺩ : ﻣﺎﺷﻲ ﻣﺎﺷﻲ ﺑﺎﻩ
ﻋﻤﺎﺩ ﺻﺒﺎ ﻭﺳﻴﺒﻬﻢ ﻭﻋﺪﺍ ﻟﻲ ﺍﻟﺒﻠﻜﻮﻧﻪ ﻗﻌﺪ ﻳﺪﺧﻦ ﻭﻛﺎﻧﺖ ﻋﻴﻨﻪ
~~~
ﻋﻨﺪ ﺧﺎﻟﺪ
ﺧﺎﻟﺪ ﻛﺎﻳﻦ ﺭﺍﻗﺪ ﻓﺠﺎﻩ ﺗﻠﻔﻮﻧﻪ ﺭﻥ ﻭﻃﻠﻊ ﺍﻟﻲ ﻳﺮﻥ ﻋﻠﻴﻪ ﺍﺣﻤﺪ
( ﺍﺣﻤﺪ ﺧﻮ ﻫﻴﺜﻢ ﻫﻮﺍ ﻭﺧﺎﻟﺪ ﺍﺻﺤﺎﺏ ﻭﻓﻲ ﺑﻴﻨﻬﻢ ﺷﻐﻞ ﺑﺤﻜﻢ ﺍﻥ ﺧﺎﻟﺪ ﻳﺸﺘﻐﻞ ﻓﻲ ﺍﻟﻤﺼﺮﻑ ﻭﻳﻨﻬﻴﻠﻪ ﻓﻲ ﺍﺟﺮﺍﺕ ﻭﺍﻭﺭﺍﻕ ﺧﺎﺻﻪ ﺑﺸﻐﻞ ﺍﺣﻤﺪ ﻭﺑﺤﻜﻢ ﺍﻟﻘﺮﺍﺑﻪ ﺍﻟﻲ ﺑﻴﻦ ﺍﻟﻌﻴﻠﺘﻴﻦ )
ﺧﺎﻟﺪ ﺭﺩ : ﻫﻼ ﻭﻏﻼ ﺍﺣﻤﺪ ﺍﻟﻐﺎﻟﻲ ﺷﻦ ﺟﻮﻙ ﻭﻳﻨﻚ ﻣﺶ ﺑﺎﻳﻦ ﻳﺎ ﺭﺍﺟﻞ
ﺍﺣﻤﺪ : ﻭﻟﻠﻪ ﺷﻦ ﻧﻘﻮﻟﻚ ﻋﺮﺳﻲ ﻣﺰﺍﻝ ﻋﻠﻴﻪ ﺷﻬﺮ ﻭﺣﺎﻳﺲ ﻧﻜﻤﻞ ﻓﻲ ﺑﺎﻗﻲ ﺍﻟﺤﺠﺎﺕ ﻭﺑﻴﻦ ﺍﻟﺸﻐﻞ ﻭﺣﺠﺎﺕ ﺍﻟﻌﺮﺱ
ﺧﺎﻟﺪ : ﺍﻟﻒ ﻣﺒﺮﻭﻙ ﺭﺑﻲ ﻳﺘﻤﻢ ﻋﻠﻲ ﺧﻴﺮ ﻳﺎ ﻏﺎﻟﻲ
ﺍﺣﻤﺪ : ﺗﺴﻠﻢ ﻗﺘﻠﻚ ﺭﺍﻫﻮ ﺍﻻﻭﺭﺍﻕ ﻣﺘﺎﻉ ﺍﻟﻤﻌﺎﻣﻠﻪ ﺍﻟﻲ ﺑﻨﻌﻄﻴﻬﻦ ﻟﻜﻲ ﺟﺎﻫﺰﺍﺕ ﻏﻴﺮ ﻧﺴﻴﺘﻬﻦ ﻓﻲ ﺳﻴﺎﺭﻩ ﻫﻴﺜﻢ ﺧﻮﻳﺎ ﻭﺧﻠﻴﺘﺎ ﻋﻨﺪ ﻫﻴﺜﻢ ﺑﻴﺶ ﺑﻜﺮ ﺗﺠﻲ ﻭﻧﺘﻼﻗﻮ ﻋﻨﺪﺍ ﻏﺎﺩﻱ ﺗﺎﺧﺬﻫﻦ ﻭﻣﻨﻬﺎ ﺗﺸﻮﻑ ﻫﻴﺜﻢ ﺷﻦ ﺭﺍﻳﻚ
ﺧﺎﻟﺪ : ﺗﻤﺎﻡ ﺑﻜﻞ ﺭﺍﻳﻔﺖ ﻋﻠﻴﻪ ﻫﻴﺜﻢ ﺍﻟﺤﻖ ﻟﻴﺎ ﻭﻳﻦ ﻣﺎ ﺷﻔﺘﻪ
ﺍﺣﻤﺪ : ﺧﻼﺹ ﻧﻜﻠﻤﻚ ﺑﻜﺮﺍ ﻭﻧﺸﻮﻓﻚ ﻏﺎﺩﻱ ﻣﺎﺷﻲ
ﺧﺎﻟﺪ : ﺗﻤﺎﻡ ﻣﺎﺷﻲ ﻫﻴﺎ ﺳﻼﻡ
ﺍﺣﻤﺪ : ﺳﻼﻡ ﻳﺎ ﻏﺎﻟﻲ
~~~~
ﻋﻨﺪ ﺭﻧﻴﻢ
ﺭﻧﻴﻢ ﻓﻲ ﺍﻟﺤﻮﺵ ﻣﻌﺎ ﻫﻠﻬﺎ ﻗﻌﺪﺕ ﺗﺴﺘﻨﺎ ﻓﻲ ﺍﻣﻬﺎ ﻭﺟﺪﺗﻬﺎ ﻋﺰﻳﺰﻩ ﻳﺠﻮ ﻣﻦ ﺍﻟﻌﺸﺎﺀ ﺩﺍﺭﺕ ﺩﻭﺭﺗﻬﺎ ﻋﻠﻲ ﺍﻟﺤﻮﺵ ﻭﻃﻠﻌﺖ ﻟﻲ ﺍﻟﺪﺍﺭ ﺷﻮﻳﻪ ﻭﺿﺒﺤﻠﻬﺎ ﺻﻬﻴﺐ
ﺻﻬﻴﺐ : ﺭﻧﻮﻣﻪ ﺭﻧﻴﻢ ﻧﻘﺪﺭ ﻧﺨﺶ
ﺭﻧﻴﻢ : ﺗﻔﻀﻞ ﻳﺎ ﺻﻬﻴﺐ ﺧﺶ
ﺻﻬﻴﺐ : ﺗﻌﺮﻓﻲ ﺍﻟﻴﻮﻡ ﺑﻨﺎﺕ ﺷﻜﺮﻧﻲ ﺑﻄﺮﻳﻘﻪ ﺧﺮﺍﻓﻴﻪ
ﺭﻧﻴﻢ : ﻫﻬﻬﻬﻪ ﻛﻴﻒ ﺻﺎﺭ ﻣﻦ ﻭﺭﺍﻧﺎ
ﺻﻬﻴﺐ : ﺗﻲ ﻻ ﻳﺎ ﻫﺒﻠﻪ ﺍﺳﻤﻌﻲ ﺍﻟﻘﺼﻪ
ﺭﻧﻴﻢ : ﻫﻬﻪ ﺍﺣﻜﻲ
ﻭﺑﺪﺍ ﺻﻬﻴﺐ ﻳﺤﻜﻲ ﻛﻞ ﺷﻲ ﺻﺎﺭ ﻣﻌﺎﻩ ﻫﻮﺍ ﻭﺧﻠﻴﻞ
ﺭﻧﻴﻢ : ﻫﻬﻬﻬﻬﻬﻪ ﺻﺎﺭ ﺍﻧﺘﺎ ﻃﺮﻑ ﻭﻟﺒﺴﺘﻚ ﺳﻤﺤﻪ ﻛﻴﻒ ﺣﻘﻨﻚ ﺳﻤﺢ ﻣﺶ ﻋﺎﺭﻑ
ﺻﻬﻴﺐ : ﺍﻧﺎ ﺳﻤﺢ ﺻﻘﻊ ﻋﻠﻴﻚ ﻣﺶ ﻣﻦ ﻳﻼ ﻭﺟﻬﻚ ﻭﻋﺰﻕ ﻓﻴﻬﺎ ﺍﻟﻤﺨﺪﻩ ﻭﺑﻮ ﻳﻌﺰﻗﻮ ﻓﻲ ﺑﻌﻀﻬﻢ ﺍﻻﻣﺨﺎﺩ ﻧﻴﻦ ﺳﻤﻌﻮ ﺻﻮﻁ ﺍﻟﺒﺎﺏ ﺍﻧﺤﻞ ﻧﺰﻟﺖ ﺭﻧﻴﻢ ﺗﺠﺮﻱ ﻭﻋﺮﻓﺖ ﺍﻥ ﺟﺪﺗﻬﺎ ﻛﺎﻧﺖ ﺍﺗﻌﺸﺎ ﻋﻨﺪ ﻭﻟﺪ ﻋﻤﻬﺎ ﻭﺍﻥ ﻫﻮﺍ ﻋﻨﺪﺍ ﻋﻮﻳﻠﻪ ﻭﺍﺣﻔﺎﺩ ﻭﻛﻠﻬﻢ ﻋﺎﻳﺸﻴﻦ ﺟﻨﺐ ﺑﻌﻀﻬﻢ ﻭﻣﺮ ﺍﻟﻴﻮﻡ ﻋﻨﺪ ﺭﻧﻴﻢ ﻣﻦ ﻏﻴﺮ ﺍﻱ ﺟﺪﻳﺪ ﻳﺬﻛﺮ
~~~~
ﻧﺎﺿﺖ ﺭﻧﻴﻢ ﺛﺎﻧﻲ ﻳﻮﻡ ﺳﻨﻬﺎ ﺗﻮﺝ ﻓﻴﻬﺎ ﻣﺎ ﻓﻬﻤﺘﺶ ﻟﻴﺶ ﺑﺲ ﻣﺎ ﻋﺪﻟﺘﺶ ﻭﺍﺟﺪ ﺧﺬﺕ ﻣﺴﻜﻦ ﻭﻛﺎﻧﺖ ﺗﻮﺗﻲ ﺭﻭﺟﻬﺎ ﺑﻴﺶ ﺗﻤﺸﻲ ﻟﻲ ﺍﻟﺠﺎﻣﻌﻪ ﻭﻛﺎﻥ ﻟﺰﻡ ﺗﻤﺸﻲ ﻋﺸﺎﻥ ﺣﺎ ﺗﺸﺮﺡ ﺑﺤﺚ ﻫﻴﺎ ﻭﺯﻣﻴﻼﺗﻬﺎ ﻟﺒﺴﺖ ﻭﻃﻠﻌﺖ ﺷﺎﻟﻬﺎ ﺻﻬﻴﺐ ﻭﻣﺶ ﻋﺎﺭﻓﻪ ﻛﻴﻒ ﺣﺎ ﺗﺸﺮﺡ ﻻﻥ ﺣﺎﺳﻪ ﺭﻭﺣﻬﺎ ﺗﻌﺒﺎﻧﺎ
ﻭﺻﻠﺖ ﻟﻲ ﺍﻟﺠﺎﻣﻌﻪ ﻭﺧﺸﺖ ﺍﻟﻤﺤﺎﺿﺮﻩ ﻭﻛﺎﻥ ﻋﻨﺪﻫﺎ ﺷﺮﺡ ﻋﻠﻲ ﻣﺎﺩﻩ ﻓﻲ ﻋﻠﻢ ﺍﻟﻨﺒﺎﺕ ﻛﻤﻠﺖ ﻭﻃﻠﻌﺖ ﺗﺮﺟﺎ ﻓﻲ ﻓﻲ ﺧﺎﻟﺪ ﻳﺠﻲ ﺍﻳﺮﻭﺡ ﺑﻴﻬﺎ
~~~
ﻋﻨﺪ ﻋﻤﺎﺩ
ﻧﺎﺽ ﺧﺬﺍ ﺧﻮﺍﺗﻪ ﺍﻟﺠﺎﻣﻌﻪ ﻭﺻﻠﻬﻦ ﻭﻋﺪﺍ ﺟﺎﺏ ﻓﻄﻮﺭ ﻭﺣﺠﺎﺕ ﻏﺪﺍﺀ ﻭﻫﻮﺍ ﻣﺨﻄﻢ ﻣﻦ ﺍﺣﺪﺍﺀ ﺍﻟﻜﻮﺭﻧﻴﺶ ﺧﻄﺮﻟﻪ ﻳﺪﺭﺱ ﻭﻳﻘﻤﻌﺰ ﻋﺸﺎﻥ ﻛﺎﻳﻦ ﻣﻀﺎﻳﻖ ﻭﻳﺒﻲ ﻳﻘﻌﺪ ﻣﻌﺎ ﺭﻭﺣﺎ ﺍﺷﻮﻳﺎ ﻗﻌﺪ ﺳﺎﻋﻪ ﻭﻫﻮﺍ ﻣﻘﻤﻌﺰ ﻭﻳﺤﻜﻲ ﻣﻌﺎ ﺭﻭﺣﻪ ﻛﺎﻥ ﻳﺤﻜﻲ ﻟﻲ ﺍﻟﺒﺤﺮ ﻭﺑﻌﺪ ﻫﺪﺍ ﻭﻟﻊ ﺍﻟﺴﻴﺎﺭﻩ ﻭﺭﻭﺡ ﻟﻠﺤﻮﺵ ﻭﺑﻌﺪﻫﺎ ﻋﺪﺍ ﻟﻠﻌﻤﻞ ﻭﺑﻌﺪﻫﺎ ﻋﺪﺍ ﺑﺮﻡ ﻋﻠﻲ ﻋﻤﺎﻣﻪ ﻭﺧﻮﺍﻟﻪ ﻭﺩﻭﺍﻟﻬﻢ ﺍﻥ ﺷﺎﻑ ﻭﺣﺪﻩ ﻭﺗﻘﺪﻣﻠﻬﺎ ﻭﻳﺒﻴﻬﻢ ﻳﻤﺸﻮ ﻣﻌﺎﻩ ﺑﻴﺶ ﻳﻄﻠﺒﻮﺍﻭﻳﺪﻓﻌﻮ ﻓﻴﻬﺎ ﻭﻛﻠﻪ ﻣﺸﺎ ﺗﻤﺎﻡ ﻛﻴﻒ ﻣﺎ ﻳﺒﻲ
~~~~
ﻋﻨﺪ ﻫﻴﺜﻢ
ﻫﻴﺜﻢ ﻣﻦ ﺍﻟﻮﻗﺖ ﺍﻟﻲ ﻃﻠﻊ ﻓﻴﻪ ﻣﻦ ﺍﻟﻤﺮﺑﻮﻋﻪ ﻭﻫﻮﺍ ﺣﺎﻳﺮ ﻗﻌﺪ ﻳﺬﻛﺮ ﻓﻲ ﻛﻞ ﺷﻲ ﻣﻦ ﺍﻟﺒﺪﺍﻳﻪ ﺍﻭﻝ ﻣﺮﻩ ﻗﻠﭙﻪ ﺩﻕ ﻓﻴﻬﺎ ﻭﺍﺧﺮ ﻣﺮﻩ ﺩﻕ ﻓﻴﻬﺎ ﻭﻛﻴﻒ ﺣﻴﺎﺗﻪ ﺗﺒﺪﻟﺖ ﻫﻞ ﺣﺎ ﻳﻘﺪﺭ ﻳﻌﻴﺶ ﺣﻴﺎ ﻃﺒﻴﻌﻴﻪ ﻣﻌﺎ ﺑﻨﺖ ﺍﺧﺮﺍ ﻭﺣﺎ ﻳﻘﺪﺭ ﻳﺴﻌﺪﻫﺎ ﻭﻳﺤﺐ ﻗﻠﺒﻪ ﻭﻳﻨﺒﺾ ﻣﺮﻩ ﺛﺎﻧﻴﻪ ﻫﻀﺎﺍﻟﻲ ﺷﻐﻞ ﺑﺎﻝ ﻫﻴﺜﻢ ﻭﻫﻮﺍ ﻓﻲ ﻋﺰ ﺗﻔﻜﻴﺮﻩ ﺩﻕ ﺍﻟﺒﺎﺏ
ﻫﻴﺜﻢ : ﻫﻴﺎ ﻫﻲ ﻣﻦ ﺍﻟﻲ ﺍﻳﺪﻕ
ﺍﺣﻤﺪ : ﺣﻞ ﺍﻧﺎ ﺍﺣﻤﺪ ﺧﻮﻙ
ﻫﻴﺜﻢ ﺣﻞ ﺍﻟﺒﺎﺏ : ﻫﻼ ﻭﻏﻼ ﺷﻦ ﺍﻟﺠﻮ ﺗﻔﻀﻞ ﺍﻟﺤﻮﺵ ﺣﻮﺷﻚ ﻳﺎ ﺍﺣﻤﺪ
ﺍﺣﻤﺪ : ﻻﻻ ﺟﺎﻱ ﻧﺒﻲ ﻧﻘﻮﻟﻚ ﺑﻜﺮﺍ ﻧﺒﻲ ﻧﺠﻲ ﻟﻲ ﺍﻟﻌﻴﺎﺩﻩ ﺍﻧﺎﻭﺧﺎﻟﺪ ﺍﻟﻔﻮﻻﻧﻲ ﻧﻬﺪﺭﺯﻭ ﻋﻨﺪﻙ ﻭﻧﺒﻲ ﻧﺎﺧﺬ ﺍﻻﻭﺭﺍﻕ ﻣﺘﺎﻉ ﺍﻟﻤﻌﺎﻣﻠﻪ ﺍﻟﻤﺼﺮﻓﻴﻪ
ﻫﻴﺜﻢ : ﺻﺎﺡ ﻭﻟﻠﻪ ﻣﺮﺍﻳﻒ ﻋﻠﻴﻪ ﺍﻟﺤﻖ ﻭﻧﺒﻲ ﻧﻬﺪﺭﺯ ﻋﻠﻴﻪ ﻭﺭﻗﻤﺎ ﺭﺍﻳﺢ ﻣﻦ ﻋﻨﺪﻱ ﺗﻤﺎﻡ ﺑﻜﻞ ﻧﺴﺘﻨﺎ ﻓﻴﻜﻢ ﻭﻣﻦ ﺣﻀﻜﻢ ﺑﻜﺮﺍ ﻣﻔﺶ ﻋﻤﻠﻴﺎﺕ ﻭﺍﺟﺪ ﻳﻌﻨﻲ ﺣﺎ ﻧﻠﻘﺎ ﻭﻗﺖ ﻟﻜﻢ
ﺍﺣﻤﺪ : ﻫﻜﻲ ﺗﻤﺎﻡ ﺑﻜﻞ ﺗﻮﺍ ﺗﺼﺒﺢ ﻋﻠﻲ ﺧﻴﺮ ﻭﻓﻜﺮ ﻓﻲ ﻛﻼﻡ ﺟﺪﻱ ﺭﺍﻫﻮ ﻳﺒﻲ ﻣﺼﻠﺤﺘﻚ ﻭﻫﻀﺎ ﺍﻟﺼﺢ ﻟﻜﻲ ﻭﺭﺍﻫﻮ ﺑﻨﺎﺕ ﻛﻠﻬﻦ ﻣﺶ ﻛﻴﻒ ﺑﻌﺾ ﺍﻧﺴﺎ ﺍﻟﻲ ﻓﺎﺕ ﻭﻋﻴﺶ ﻳﺎ ﻫﻴﺜﻢ
ﻫﻴﺜﻢ : ﻳﺴﻴﺮ ﺧﻴﺮ ﻳﺎ ﺍﺣﻤﺪ ﺭﺑﻲ ﺍﻟﻲ ﻛﺎﺗﺒﻪ ﻟﻴﺎ ﻫﻮﺍ ﺍﻟﻲ ﻳﺒﻲ ﺍﻳﺴﻴﺮ ﻭﻣﺶ ﺣﺎ ﻧﻌﺘﺮﺽ ﻋﻠﻴﻪ
~ ﺍﺣﻤﺪ ﺣﺲ ﺍﻥ ﺧﻮﻩ ﺑﺪﺍ ﻳﺘﻘﺒﻞ ﻓﻲ ﺍﻟﻤﻮﺿﻮﻉ ﻭﺍﻥ ﻫﻮﺍ ﺣﺎ ﻳﺮﺿﺎ ﻭﺍﻥ ﺑﺪﺍ ﻳﻘﺘﻨﻊ ﻣﺎ ﺣﺒﺶ ﻳﻜﺜﺮ ﻭﺍﺟﺪ ﻋﻠﻴﻪ ~
ﺍﺣﻤﺪ : ﺗﻤﺎﻡ ﺗﻮﺍ ﺗﺼﺒﺢ ﻋﻠﻲ ﺧﻴﺮ ﺑﻨﻌﺪﻱ ﻧﻜﻠﻢ ﺍﻟﻜﺒﻴﺪﻩ ﺻﻘﻊ ﻋﻠﻴﻚ
ﻫﻴﺜﻢ : ﻫﻬﻬﻬﻬﻬﻪ ﺍﻣﺸﻲ ﻳﺎ ﻭﺳﺦ ﺍﻣﺸﻲ ﻫﻬﻬﻬﻬﻪ
ﺍﺣﻤﺪ : ﻫﻬﻬﻬﻬﻬﻪ ﺑﺎﻱ ﻣﻌﺎ ﺍﻟﺴﻼﻣﻪ
ﺳﻜﺮ ﻫﻴﺜﻢ ﺍﻟﺒﺎﺏ ﻭﺧﺶ ﺭﻗﺪ
~~~
ﻋﻨﺪ ﺭﻧﻴﻢ
ﺭﻧﻴﻢ ﺭﻭﺣﺖ ﻣﻦ ﺍﻟﺠﺎﻣﻌﻪ ﻣﺶ ﻗﺎﺩﺭﻩ ﻣﻦ ﺳﻨﻬﺎ ﻛﻤﻠﺖ ﺍﻟﻴﻮﻡ ﻣﺎ ﻛﻠﺘﺶ ﺑﻜﻞ ﻭﻻ ﺷﺮﺑﺖ ﺷﻲ ﺧﺸﺖ ﻋﻠﻴﻬﺎ ﺍﻟﺤﺎﺟﻪ ﻋﺰﻳﺰﻩ ﻭﻫﻴﺎ ﻓﻲ ﺍﻟﺪﺍﺭ ﺭﺍﻗﺪﻩ
ﺍﻟﺤﺎﺟﻪ ﻋﺰﻳﺰﻩ : ﺳﻤﻠﻪ ﻋﻠﻴﻚ ﻳﺎ ﺑﻨﺘﻲ ﺷﻦ ﻳﻮﺟﻊ ﻓﻴﻚ
ﺭﻧﻴﻢ : ﺳﻨﻲ ﻳﺎ ﺣﻨﻲ ﻣﺘﺨﺎﻓﺶ ﻳﺎ ﺯﻭﺯﻭ ﻋﺎﺩﻳﻪ
ﺍﻟﺤﺎﺟﻪ ﻋﺰﻳﺰﻩ : ﺧﻮﺫﻱ ﺍﻟﻤﺴﻜﻦ ﻭﺍﺭﻗﺪﻱ ﻳﺎ ﺑﻨﺘﻲ ﻭﺑﻌﺪﻫﺎ ﻋﺪﻱ ﻟﻲ ﺩﻛﺘﻮﺭ ﻭﺷﻮﻓﻲ ﺳﻨﻚ ﺷﻦ ﻓﻴﻬﺎ
ﺭﻧﻴﻢ : ﺣﺎﺿﺮ ﻳﺎ ﺯﻭﺯﻭ ﻣﺘﺨﺎﻓﺶ
ﺍﻟﺤﺎﺟﻪ ﻋﺰﻳﺰﻩ ﻋﺪﺕ
~~~
ﺭﻧﻴﻢ ﻃﻠﻌﺖ ﺷﻔﺮﺗﻬﺎ ﺍﻟﺴﺮﻳﻪ ﻭﺭﻛﺒﺘﻬﺎ ﻭﻗﻌﺪﺕ ﺍﺗﺒﺤﺖ ﻓﻲ ﺍﻟﺮﺳﺎﻳﻞ ﺍﻟﻲ ﺑﻴﻨﻬﻢ ﺯﻣﺎﻥ ﻭﻛﻴﻒ ﻛﺎﻥ ﻛﻞ ﺷﻲ ﺗﻤﺎﻡ ﺟﺖ ﺗﺒﻲ ﺗﺮﻥ ﺑﺲ ﻓﻲ ﺷﻲ ﻣﻨﻌﻬﺎ ﺍﻥ ﺗﺮﻥ ﻓﻜﺖ ﺍﻟﺸﻔﺮﻩ ﻭﺩﺳﺘﻬﺎ ﺑﻌﺪ ﺭﺑﻊ ﺳﺎﻋﻪ ﺧﻼﺹ ﻣﻌﺶ ﻗﺪﺭﺕ ﻭﻗﻌﺪﺍﻻﻟﻢ ﺯﺍﻳﺪ ﻋﻠﻲ ﺣﺪﺍ ﺟﺎ ﺧﺎﻟﺪ ﻳﺒﻲ ﻳﻄﻤﻦ ﻋﻠﻴﻬﺎ ﻟﻘﺎﻫﺎ ﻓﻲ ﺣﺎﻟﻪ
ﺧﺎﻟﺪ : ﺭﻧﻴﻢ ﺧﺬﻳﺘﻲ ﺩﻭﺍﻙ
ﺭﻧﻴﻢ : ﺧﺬﻳﺘﺎ ﻟﻜﻦ ﻣﻔﺶ ﻣﻔﻌﻮﻝ ﻣﺶ ﻓﺎﻫﻤﻪ ﻣﻌﺎ ﺍﻧﻲ ﻣﻬﺘﻤﻪ ﺑﺴﻨﻮﻧﻲ ﻭﻧﻀﺎﻓﺘﻬﻦ ﺑﺲ ﺷﻜﻼ ﺑﺪﺕ ﻓﻴﺎ ﺣﺴﺎﺳﻴﻪ ﺍﻻﺳﻨﺎﻥ
ﺧﺎﻟﺪ : ﺍﺳﻤﻌﻲ ﺑﻜﺮﺍ ﻣﺎﺷﻲ ﻟﻲ ﻋﻴﺎﺩﻩ ﺟﺮﺍﺣﻴﻪ ﺍﺳﻤﻬﺎ ... ﻧﺒﻲ ﻧﺎﺧﺬ ﺍﻭﺭﺍﻕ ﻣﻦ ﻏﺎﺩﻱ ﻭﺻﺎﺣﺐ ﺍﻟﻌﻴﺎﺩﻩ ﻳﻌﺮﻓﻨﺎ ﻭﻓﺎﺗﺢ ﻓﻴﻬﺎ ﻛﻞ ﺷﻲ ﺣﺘﺎ ﺍﻻﺳﻨﺎﻥ ﻣﺨﺼﺺ ﻟﻬﺎ ﻗﺴﻢ ﺗﻮ ﺑﻜﺮﺍ ﻧﺎﺧﺬﻙ ﻭﻧﻌﺪﻭ ﻏﺎﺩﻱ ﻣﺎﺷﻲ
ﺭﻧﻴﻢ : ﺍﻫﺎ ﻫﺬﻱ ﻗﺮﻳﺖ ﻋﻠﻴﻬﺎ ﻓﻲ ﺍﻟﻔﻴﺲ ﺷﻜﻠﻬﺎ ﻣﻤﺘﺎﺯﻩ ﻛﻠﻬﻢ ﻳﺸﻜﺮﻭ ﻓﻴﻬﺎ
ﺧﺎﻟﺪ : ﺗﻤﺎﻡ ﺑﻜﻞ ﺗﻮ ﻧﻤﺸﻮ ﺑﻜﺮﺍ ﻭﻳﺴﻴﺮ ﺧﻴﺮ ﺗﻮﺍ ﺧﻮﺫﻱ ﺣﺒﻪ ﺍﺧﺮﺍ ﻭﺍﺭﻗﺪﻱ ﺍﺣﺴﻦ ﺷﻲ
ﺭﻧﻴﻢ : ﻭﻫﻴﺎ ﻗﻮﻟﺘﻚ ﺗﺼﺒﺢ ﻋﻠﻲ ﺧﻴﺮ
ﺧﺎﻟﺪ ﻃﻔﺎ ﺍﻟﻀﻲ ﻭﻃﻠﻊ : ﻭﺍﻧﺘﻲ ﻣﻦ ﺍﻫﻞ ﺍﻟﺨﻴﺮ
~~~
ﺑﺴﻨﻮﻧﻲ ﻭﻧﻀﺎﻓﺘﻬﻦ ﺑﺲ ﺷﻜﻼ ﺑﺪﺕ ﻓﻴﺎ ﺣﺴﺎﺳﻴﻪ ﺍﻻﺳﻨﺎﻥ
ﺧﺎﻟﺪ : ﺍﺳﻤﻌﻲ ﺑﻜﺮﺍ ﻣﺎﺷﻲ ﻟﻲ ﻋﻴﺎﺩﻩ ﺟﺮﺍﺣﻴﻪ ﺍﺳﻤﻬﺎ ... ﻧﺒﻲ ﻧﺎﺧﺬ ﺍﻭﺭﺍﻕ ﻣﻦ ﻏﺎﺩﻱ ﻭﺻﺎﺣﺐ ﺍﻟﻌﻴﺎﺩﻩ ﻳﻌﺮﻓﻨﺎ ﻭﻓﺎﺗﺢ ﻓﻴﻬﺎ ﻛﻞ ﺷﻲ ﺣﺘﺎ ﺍﻻﺳﻨﺎﻥ ﻣﺨﺼﺺ ﻟﻬﺎ ﻗﺴﻢ ﺗﻮ ﺑﻜﺮﺍ ﻧﺎﺧﺬﻙ ﻭﻧﻌﺪﻭ ﻏﺎﺩﻱ ﻣﺎﺷﻲ
ﺭﻧﻴﻢ : ﺍﻫﺎ ﻫﺬﻱ ﻗﺮﻳﺖ ﻋﻠﻴﻬﺎ ﻓﻲ ﺍﻟﻔﻴﺲ ﺷﻜﻠﻬﺎ ﻣﻤﺘﺎﺯﻩ ﻛﻠﻬﻢ ﻳﺸﻜﺮﻭ ﻓﻴﻬﺎ
ﺧﺎﻟﺪ : ﺗﻤﺎﻡ ﺑﻜﻞ ﺗﻮ ﻧﻤﺸﻮ ﺑﻜﺮﺍ ﻭﻳﺴﻴﺮ ﺧﻴﺮ ﺗﻮﺍ ﺧﻮﺫﻱ ﺣﺒﻪ ﺍﺧﺮﺍ ﻭﺍﺭﻗﺪﻱ ﺍﺣﺴﻦ ﺷﻲ
ﺭﻧﻴﻢ : ﻭﻫﻴﺎ ﻗﻮﻟﺘﻚ ﺗﺼﺒﺢ ﻋﻠﻲ ﺧﻴﺮ
ﺧﺎﻟﺪ ﻃﻔﺎ ﺍﻟﻀﻲ ﻭﻃﻠﻊ : ﻭﺍﻧﺘﻲ ﻣﻦ ﺍﻫﻞ ﺍﻟﺨﻴﺮ
~~~
ﻋﻤﺎﺩ ﺳﻬﺮ ﺍﻟﻴﻞ ﻭﻫﻮﺍ ﻳﺬﻛﺮ ﻓﻲ ﺍﻳﺎﻣﻪ ﻣﻌﺎ ﺭﻧﻴﻢ ﻛﻴﻒ ﻛﺎﻧﺖ ﺣﻠﻮﻩ ﻭﻗﻌﺪ ﻳﺬﻛﺮ ﻏﻲ ﻫﻚ ﺍﻟﺴﺒﺐ ﺍﻟﻲ ﺧﻼﻩ ﻳﺴﻴﺐ ﺣﺒﻪ ﻭﺍﺣﻼﻣﻪ ﺍﻟﻲ ﺑﻨﺎﻫﻦ ﻣﻌﺎ ﺭﻧﻴﻢ ﻣﺎ ﻗﺪﺭﺵ ﻳﺮﻗﺪ ﺑﻜﻞ ﺍﻋﻨﺪ ﺍﻟﺼﺒﺢ
~~~
ﻫﻴﺜﻢ ﺭﻗﺪ ﻭﻭﻫﻮﺍ ﻓﻲ ﺷﻲ ﻏﺮﻳﺐ ﻳﺤﺲ ﺑﻴﻪ ﺣﺎﺱ ﺍﻥ ﺑﺪﺍ ﺻﺢ ﻳﺘﻘﺒﻞ ﻛﻼﻡ ﻫﻠﻪ ﻭﺟﺪﻩ ﻋﻦ ﺍﻟﺠﻮﺍﺯ ﻧﻮﻋﺎﻣﺎ ﺑﺲ ﺍﻟﺜﻘﻪ ﻣﺶ ﺑﺴﻬﻮﻟﻪ ﺣﺎ ﻳﺤﻄﻬﺎ ﻓﻲ ﺑﻨﺖ ﻫﻨﺎ ﻛﺎﻧﺖ ﺍﻟﻤﺸﻜﻠﻪ
~~~
ﺭﻧﻴﻢ ﻗﺒﻞ ﻻﺗﺮﻗﺪ ﺣﺴﺖ ﺍﻥ ﻋﻤﺎﺩ ﻓﻬﻢ ﻧﻀﺮﺗﻬﺎ ﻭﻓﻬﻢ ﻫﻴﺎ ﺷﻦ ﻛﺎﻧﺖ ﺗﻘﺼﺪ ﻻﻥ ﻧﻀﺮﻟﻬﺎ ﺑﻨﻀﺮﻩ ﺧﺠﻞ ﻭﺍﺳﻒ ﺑﺲ ﻟﻴﺶ ﺩﺍﺭ ﺍﻟﻲ ﺩﺍﺭﻩ ﻣﺶ ﻓﺎﻫﻤﻪ ﻭﻟﻴﺶ ﺳﻴﺒﻬﺎ ﻓﻲ ﻧﺺ ﺍﻟﻄﺮﻳﻖ ﻣﻌﺎ ﺍﻻﻟﻢ ﻫﻀﺎ
~~~~
ﺷﻦ ﻣﺴﺘﻨﻲ ﻋﻤﺎﺩ ﺍﻻﻳﺎﻡ ﺍﻟﺠﺎﻳﻪ ﻣﻦ ﻣﻮﺍﻗﻒ
ﻫﻞ ﺍﻟﻘﺪﺭ ﺣﺎ ﻳﺠﻤﻊ ﺭﻧﻴﻢ ﻣﻌﺎ ﺷﺨﺺ ﻳﻨﺴﻴﻬﺎ ﻋﻤﺎﺩ
ﻫﻴﺜﻢ ﻫﻞ ﺣﺎ ﻳﻘﺎﺑﻞ ﺑﻨﺖ ﺗﺨﻠﻴﻪ ﻳﺮﺟﻊ ﺛﻘﺘﻪ ﻓﻲ ﺍﻥ ﻓﻲ ﺑﻨﺎﺕ ﺣﻼﻝ
ﻫﻀﺎ ﺣﺎ ﻧﻌﺮﻓﻮ ﺍﺟﺎﺑﺘﻪ ﺍﻟﺤﻠﻘﺎﺕ ﺍﻟﺠﺎﻳﻪ
